Binnelandse vlugte is veel duurder as om oor die landsgrense te vlieg. Terwyl retoerkaartjies van Windhoek na Katima Mulilo of Walvisbaai byna 10 000 Namibiese dollar kos, kan passasiers vir byna die helfte van daardie prys retoer na Johannesburg vlieg. In 'n onderhoud met Kosmos 94.1 Nuus sê lugvaartkenner dr. Guy Leitch dat die probleem lê in 'n gebrek aan mededinging en waarsku dat as Namibia Air gestig word, soos die regering beplan, 'n enkel-lugredery binnelandse tariewe hoog sal hou en groei in toerisme en die breër ekonomie beperk.

Die Nasionale Vergadering se Parlementêre Staande Komitee oor Ekonomie en Nywerheid, Openbare Administrasie en Beplanning is tans besig met besoeke van kapitaalprojekte in die Karas- en Omaheke-streke vir die 2023/24- en 2025/2026-boekjare, wat duur tot 31 Januarie. Die voorsitter van die komitee, oud-finansminister Ipumbu Shiimi, het gepraat oor die doel van die inspeksies, belangrike bevindinge en wat hierdie projekte vir plaaslike gemeenskappe beteken.

Rugby: Springbok-afrigter Rassie Erasmus sê noukeurige beplanning en skeppende denke is nodig in die uitdagende 18 maande in aanloop tot volgende jaar se Wêreldbekertoernooi. Suid-Afrika se seisoen skop in Julie af met die eerste Nasies-kampioenskap. In Augustus begin ’n geskiedkundige reeks van vier toetse tussen die Bokke en die All Blacks. Erasmus sê dis belangrik om spelers te bestuur wat oor verskillende kompetisies versprei is:

In November 2025 het die land se handelsbalans, die verskil tussen die land se uitvoere en invoere, 'n tekort van 4,4 miljard Namibiese dollar aangeteken. Die ontleding van die top handelsvennote toon dat Suid-Afrika steeds die land se grootste mark vir beide uitvoere en invoere is. Mirjam Shihepo, kommunikasie-beampte van die Namibië Statistieke-agentskap het meer.

Navo se sekretaris-generaal, Mark Rutte, sê Europa kan homself nie sonder Amerika se ondersteuning verdedig nie. Dit volg nadat sommige Europese politici 'n afsonderlike Europese Weermag voorgestel het weens twyfel oor die Amerikaanse president, Donald Trump, se verbintenis tot die vasteland se sekerheid. Spanning oor Groenland het die kwessie vererger. Rutte waarsku Europese nasies dat hulle verdedigingsbegrotings tot tien-persent verhoog moet word indien hulle dit regtig alleen wil doen:

Die Direkteur van die Voeding- en Voedselsekuriteitsalliansie van Namibië, Ben Schernick, het aan Kosmos 94.1 Nuus hulle planne vir 2026 uiteengesit. Die nuwe administrasie sal fokus op voedselsekerheid en armoede-uitwissing, onder ander kwessies. Schernick verduidelik ook dat hulle baie nou met die regering wil saamwerk.

Die vakverbond Cosatu maan die regering om nie voort te gaan met sy beplande Weermagdag-parade met 'n begroting van 372 miljoen Suid-Afrikaanse rand nie. Die geleentheid word vir 21 Februarie in Thohoyandou, Limpopo, beplan. Cosatu-woordvoerder Matthew Parks sê die vermorsing van skaars hulpbronne is ʼn belediging vir die duisende weermaglede wat onder uiters moeilike toestande sukkel weens begrotingsbesnoeiings en wanbestuur:

Die Stad Windhoek waarsku inwoners van 'n voortdurende bedrogspul wat gemeenskappe teiken. Bedrieërs bel inwoners en dreig hulle met opskorting of ontkoppeling van munisipale dienste tensy onmiddellike betalings via e-beursies of ander mobiele geldbeursies gemaak word. Sommige bedrieërs is selfs aangemeld na hulle huise besoek het en probeer het om geld persoonlik in te vorder. Kosmos 94.1 Nuus het met die woordvoerder van Stad Windhoek, Lydia Amutenya gepraat.

Trustco Namibia is tans steeds gedompel in 'n sogenaamde "Hostile Takeover". Die maatskappy se grootste aandeelhouer Riskowitz Value Fund het stappe begin om die hoof uitvoerende beampte en stigter, Quinton van Rooyen van Trustco Namibië af te dank. Die Trustco-raad het verlede die vyandige oorname blokkeer en het aangevoer die aansoek is onwettig. Die raad het besluit om 16 Februarie 'n vergadering te hou om 'n nuwe raad aan te stel. Kosmos 94.1 Nuus het met Van Rooyen gepraat.

Dit gaan baie jare neem vir Gaza se 1 miljoen kinders om te oorkom wat hulle deurgemaak het. Dit is die standpunt van Unicef-woordvoerder Tess Ingram. Sy sê ondersteuning vir geestesgesondheid is tans kritiek.