Namib Mills se werkers, wat lede van Naretu is, staak tans. Werkers is ontevrede oor verskeie kwessies en volgens berigte wil Namib Mills se bestuur nie daaraan toegee nie. Mills sê op sy beurt eise is buitensporig en nie markverwant nie en het die werkers uitgesluit. Die betoging volg nadat 683 werkers uit 710 gestem het vir daarvoor. Kosmos 94.1 Nuus het met die Naretu sekretaris-generaal, Petersen Kambinda gepraat.

Federale aanklaers het 'n kriminele ondersoek na die voorsitter van die Federale Reserweraad, Jerome Powell, geopen. Powell sê dat die Amerikaanse departement van justisie die agentskap met dagvaardings bedien het en met 'n kriminele aanklag gedreig het oor getuienis wat hy aan 'n Senaatskomitee gelewer het oor opknappings aan die geboue van die Federale Reserweraad. Hy het die ondersoek "ongekend" genoem en gesê hy glo dit is geopen omdat hy Donald Trump se woede uitgelok het omdat hy geweier het om rentekoerse te verlaag ten spyte van herhaalde openbare druk van die president.

Reaksie word ontvang op berigte dat Namibië in Oktober 2025 slegs 37,8 persent van sy totale vraag na energie kon opwek en moes 62,2 persent, of amper 261 000 megawatt-ure, van die totale krag wat gedurende die maand aan die plaaslike ekonomie verskaf is, invoer. Harald Schütt, plaaslike energie kenner sê die produsente moet alledaagse Namibiërs wees.

Die polisie en sy misdaadbestrydingsvennote het tydens landswye operasies gesamentlik beslag gelê op nagemaakte en onwettige goedere ter waarde van meer as 350 miljoen Suid-Afrikaanse rand. Polisiewoordvoerder Amanda van Wyk sê multidissiplinêre operasies tydens Desember 2025 is onderskeidelik in Gauteng, KwaZulu-Natal en die Wes-Kaap uitgevoer. Sy sê nagemaakte en onwettige goedere ter waarde van byna 600 000 rand is gekonfiskeer, insluitend ontwerpershandelsmerkklere, sportklere, skoene, juweliersware, skoonheidsmiddels en selfoonbykomstighede:

Graad 12-matriekuitslae word vandag aangekondig en in die lig daarvan vra die Vereniging van Staatsamptenare die 2025-matrikulante, voornemende studente en hul ouers om uiters waaksaam te bly wanneer hulle vir tersiêre onderwys aansoek doen en registreer. Die vereniging se woordvoerder, Claude Naicker, is bekommerd oor die historiese toename in ongeregistreerde vals kolleges wat spesifiek op jongmense in landelike en stedelike sentra fokus en ongeldige kwalifikasies aanbied in ruil vir swaarverdiende familiespaargeld:

President Donald Trump sê hy is vol vertroue dat Amerika Groenland sal bekom. Denemarke en Groenland sê die gebied is nie te koop nie, en Denemarke waarsku militêre optrede sal die einde beteken van die NAVO militêre bondgenootskap. Volgens ʼn Deense meningspeiling glo 38-persent Dene dat Amerika onder die Trump-administrasie Groenland sal binneval. Trump het op Air Force One aan joernaliste gesê Amerika moet Groenland besit om te keer dat Rusland en China dit doen:

Reaksie word steeds ontvang op Grok, die X-kletsbot wat deur Elon Musk besit word, foto’s kan omskep in naakfoto’s in. Internasionale kenners meen 'n regering wat die veiligheid en welstand van vroue en kinders ernstig opneem, moet vinnig reageer op sulke gebeure en Indonesië het reeds Grok verbied. Kosmos 94.1 Nuus het met Tanya Hopker van Meinert Cyber Securities gepraat, wat wenke gee oor hoe om jouself te beskerm.

Die vermeende stroper en sindikaat-leier Derrick Brockerhoff sal op 23 en 26 Januarie in Windhoekse howe in twee verskillende sake verskyn. Brockerhoff het in baie streke hofsake aan die gang, waar hy op borgtog vrygelaat is. Kosmos 94.1 Nuus het met Hennie Brisley van die Windhoek Streekslandbou-unie gepraat.

Die debat oor alkoholregulering is weer in die nuus. Die lobbygroep Gatekeepers South Africa doen 'n beroep in die buurland op die verhoging van die wettige drinkouderdom van 18 tot so hoog as 21 of 23, tesame met 'n verbod op alkoholadvertensies in openbare ruimtes en strenger strawwe vir drankwinkels wat minderjariges toelaat om te drink. Die plaaslike gemeenskapsaktivis Alex Uapingene het egter aan Kosmos 94.1 Nuus gesê dat hoewel die verhoging van die ouderdom jongmense kan help beskerm, dit gerugsteun moet word deur breër maatskaplike ondersteuning, insluitend werkskepping, geestesgesondheidsdienste en 'n universele basiese inkomstetoelaag.

Die Ohungu Conservancy in die Erongo-streek het 'n beroep op beleggers gedoen vir 'n unieke gesamentlike ondernemingsgeleentheid om die Ohungu Community Lodge langs die oewers van die Ozondati-rivier te herontwikkel. Beleggers word genooi om te help om die terrein te omskep in 'n vooraanstaande ekotoerisme-bestemming wat wildlewe, kultuur en natuurskoon kombineer, met planne wat nuwe bungalows aan die rivieroewer en opgegradeerde infrastruktuur insluit. Kosmos 94.1 Nuus het met die woordvoerder van die toerismeministerie, Vilho Hangula, gepraat.