Ons en die onderwys 15 Februarie 2015

Johan van Lill gesels met dr. Elize Morkel en Nelis Janse van Rensburg oor hoe skole geslagsgelykheid kan, en moet bevorder.

Ons en die onderwys 8 Februarie 2015

Johan van Lill gesels met dr. Andre Vermeulen, onderwyskundige en opvoedkundige, oor geheelbreinleer. Wat is die drywers in jou brein wat jou breinkrag beïnvloed, en wat moet onderwysers weet van neurowetenskap? Daar is verskillende leerstyle wat verbind kan word met die bedrading van jou brein.

Ons en die onderwys 1 Februarie 2015

Johan van Lill gesels met dr. Izanette van Schalkwyk oor die optimale funksionering van hoërskoolleerders in uitdagende hoë-risiko omgewings. Vind uit watter rol doelbereiking, verhoudings, positiewe en negatiewe rolmodelle en selfbeeld in die ontwikkeling van hoërskoolleerders speel.

Ons en die onderwys 25 Januarie 2015

Die ATKV se Onderwysafdeling het onlangs met 'n projek “Dissipline begin by die Huis” begin, waar ouers en gemeenskappe aangemoedig word om dissipline terug te bring in huise en skole. Johan van Lill praat met Quinton Adams, opvoedkundige sielkundige en aanbieder van die program, en Melvina Mason Hearne, projekorganiseerder van die ATKV, oor die suksesse van hierdie projek.

Ons en die onderwys 18 Januarie 2015

Johan van Lill praat met dr. Louis Dey van die Laerskool Constantiapark, en Nellie Standton van die Curro privaatskolegroep, oor die uitdagings wat onderwysleiers en skoolfhoofde elke dag mee gekonfronteer word. Hoe funksioneer skole waar die onderwysleierskap werk?