OZIA!

Наадмын амралтын өдрүүд сайхан өнгөрч байна уу, манайхаан? Шинэ дугаараараа бид 4 гадаадад ажиллаж амьдрах ямар байдаг тухай ярилцлаа. Зураг дээр сайхан харагддаг ч цаанаа бас ямархуу дүр зураг бодит байдал дээр хүлээж байдаг тухай (мэдээж дандаа биш) энэ дугаараас та нар сонсох боломжтой. Таалан болгооно уу

Heeeeeey манайхаан, шинэхэн дугаар маань дөнгөж сая бэлэн болоод та нартаа уур савсуулан хүрч байна. Хүн ер нь хэдэн нас хүрээд эсвэл яг ямар үйлдэл гаргаж эхлэхээрээ том хүн болсон гэж тооцогддог тухай өөрсдийнхөө бодлыг хуваалцлаа. Одын төрсөн өдрөөр бичсэн энэхүү дугаарыг маань таалан болгооно уу!

Амьдралд тохиогоод өнгөрөх олон зөрлөгийн сайн мууг алийг нь тэр гэх вэ. Гэхдээ яг тэр хүнтэй л учраагүй байсан бол гэсэн бодолтой хамт өнгөрсөнд хадаастай үлдсэн хэн нэгэн чамд байдаг уу? Бид дөрөв өнөөдөр энэ сэдвээс гадна 2 ч шинэ зүйл туршиж үзсэн байгаа. Та нар минь сонсоод сэтгэгдлээ үлдээгээрэй.  Таалан болгооно уу

Хүн бүхэн л хүүхэд байхдаа өөрийнхөө амьдралыг гоёор төсөөлж, тийм мундаг хүн болно доо гэж мөрөөддөг байх. Бид одоогоос 20 жилийн өмнө одоогийн өөрсдийнхөө амьдралыг юу гэж төсөөлдөг байсан ба тэр төсөөллөөс одоо хэр хол зөрүүтэй байгаа тухайгаа ярилцлаа. Их сонирхолтой ярилцлага болсон шүү. Таалан болгоогоорой!

Нэг л мэдэхэд бид энэ сэдэв рүү яваад орчихсон. Бас араас нь өөр нэг аймар юмны тухай ярьсан. Тэгэхээр ер нь төсөөлөн бодох чадвар өндөртэй, зүрх судасны өвчтэй хүн бол сонсоод хэрэггүй дугаар болсон. Гэхдээ сонсоод дуусгаж чадвал та үхтлээ инээх болно. Таалан болгооно уу

Энэ удаагийн дугаарыг зөвхөн насанд хүрсэн сонсогч нартаа зориуллаа. Эрэгтэй эмэгтэй найз нөхдийн хооронд +18 сэдэвтэй яриа огт өрнөдөггүй гэвэл тэрэн шиг худлаа зүйл байхгүй. Ялангуяа насанд хүрсэн хүмүүсийн дунд. Эмэгтэй найзтайгаа дотно сэдвээр ярих, эрэгтэй эмэгтэй найзуудтайгаа бөөндөө ярихын ялгааг энэ дугаараас сонсоорой. Тэгээд дүгнэлтээ сэтгэгдлээр бичиж үлдээгээрэй. Таалан болгооно уу

Хүүхэд насны галт тэргээр хамтдаа аялцгаая. "OZIA-гийн дөрөв" гэсэн нууц үгийг хэлээд манай купенд ороод ирээрэй. Энэ удаагийн дугаар та нарын маань ч гэсэн хүүхэд насны дурсамжийг сэдрээх болноо. Таалан болгооно уу

Шинэ дугаараа нэлээн эрт оруулж туршиж үзлээ. Та хэд маань ажилдаа явах замдаа, хоолоо хийхдээ, гэрээ цэвэрлэхдээ, 00д сууж байхдаа, гүйхдээ, дасгал хийхдээ сонсоод ганцаараа биш гэсэн мэдрэмжийг аваарай. Энэ 7 хоногт бид ой гутаах зүйлс, муу зуршил, аяллын листийнхээ тухай болон хэрвээ эсрэг хүйсний хүн байсан бол ямар байх тухай төсөөллөө ярилцсан байгаа. Таалан болгооно уу

Болзоон дээрээ ямар үйлдэл гаргавал шууд газар дээрээ хаягдах боломжтой вэ? Энэ маш амархан. Тэр аргыг энэ удаагийн дугаарт "зааж өгөх" болно. Таалан болгооно уу 😜🤭😈👻