OZIA!

Ганц бие ээж, аав, өмнө нь амьдрал зохиож байсан хүн гэхээрээ ахиж харилцаа зохиохдоо заавал нэг алхмын ардаас үзэх ёстой мэт хандлага манайд түгээмэл. Хэдийгээр сүүлийн үеийн залуус энэ тал дээр нээлттэй, хамаагүй мэт хандах боловч бодит байдал дээрээ юу гэж боддог нь сонин. Тэгвэл энэ удаагийн дугаартаа бид эрэгтэй болон эмэгтэй хүмүүс ганц бие хүүхэдтэй хүнтэй болзохдоо юуг анхаардаг тухай ярилцлаа. Таалан болгооно уу.

Одоогоос хэдхэн арван жилийн өмнө олон хүнтэй зэрэг болзох нь битгий хэл оронд нэг л орсон бол амьдралаа үүрд холбох ёстой гэсэн ойлголт түгээмэл байсан. Хоёр хүнтэй зэрэг уулздаг бол завхай, үнэнч бол сайн хүн гэж ойлгогддог үзэл өнөөдрийн өнцгөөс залуусын үзэл бодолд хэвээр байгаа эсэхийг хамтдаа ярилцаж мэдэцгээе. Шинэ дугаараа таалан болгооно уу

Хүний хамгийн гоё үе "гучин хэд" гэдэг нас юм шиг. Хорин хэдтэй залуутай ч болзсон болно, дөч гарсан эртэй ч болзсон бүх зүйл ок, хүн юм хэлэхгүй. Гэхдээ энэ насны зөрүү хамгийн ихдээ хэд байвал аятайхан байх бол? Үе мултарсан хүмүүс үнэхээр хоорондоо зохицох хэцүү байдаг гэж үү гэх мэт насны зөрүүг тойрсон маш олон асуултад бид өөрсдийнхөө өнцгөөс хариулсан шинэхэн дугаар маань бэлэн боллоо. Таалан сонсоорой 🤗🤗🤗🤗

Энэ сэдэв бид дөрвийг нэлээн талцуулж чадсан сэдэв байлаа. Дээрээс нь ядаж байхад өмнөх дугаарт 48 цаг сошл сувгуудаа ашиглахгүй байх challenge зарлаад, тэрнийхээ араас сошл медиагийн тухай ярьсан болоод ч тэр үү, бараг л гал гарах дутуу байв. За олон зүйл нуршаад юу гэх вэ, шинэ дугаартаа тавтай морил!

OZIA!-ын эрины 2-р хорин эхэллээ! 🎉🎉🎉🎉 хэн хэр удаан хүлээсэн бэ гэдгийг мэдсэн шүү бид 4 🤗🤗🤗🤗 Цоо шинэ улирлын, цоо шинэ дугаартаа тавтай морил! Намаржингаа хамт бут авцгаая 😘😘😘😘

OZIA!-тай хамт байсан сонсогч та нартаа маш их баярлалаа ❤️❤️❤️❤️ Анхны дугаараа бичээд сууж байсан тэр мөч саяхан л юм шиг хэрнээ аль хэдийнээ 20 дураарын ард гарчээ бид дөрөв. Анх OZIA!-гаа хийх санаа гарсанаас хойш өдийг хүртэлх хугацаанд болж өрнөсөн бүхий л хором мөчүүдээ энэ дугаар дээрээ бид дүгнэлт маягаар ярилцлаа. Сонсогч та бүхэн маань ч гэсэн өөрсдийн OZIA!-тай хамт байсан дурсамжаасаа бас хуваалцана гэж найдаж байна! Таалан болгооно уу!

Хүн ер нь өөртөө хайртай хүнийг сонговол жаргалтай амьдарна гэж ярьдаг. Яг үүний нөгөө талд хайргүй хүнтэйгээ хамт байснаас өөрөө хайрлаад амьдрах нь илүү дээр гэж үзэх нэгэн ч бий. Өнөөдөр бид дөрөв яг энэ асуудалд эрэгтэй, эмэгтэй хүмүүс ямар байр суурьтай байдаг тухай ярилцлаа. Шинэ дугаараа таалан болгооно уу!

Зуны амралт нь сайхан өнгөрч байна уу? Аялал зугаалгынхаа үеэр, ажил төрлийнхөө дундуур ч OZIA-тайгаа үргэлж хамт байдаг та нартаа зориулан шинэ дугаараа хүргэж байна. Энэ удаад бид 4 хэрвээ бид супер баатар байсан бол ямар хүч чадалтай байх байсан, бас тэр чадвараараа юу хийх байсан тухайгаа ярилцлаа. Чи ч гэсэн өөртөө "зохих" хүч чадлаа бидэнтэй сэтгэгдлээр хуваалцаарай! Таалан болгооно уу

Жаааахан оройтоод орчилоо шинэ дугаар маань. Хүлээсэн үү, бид дөрвийг? Энэ удаагийн дугаарт маань хосуудын харилцаа гүнзгийрээд ирэхийн цагт хамгийн эхэнд тулгардаг санхүүгээ хэн барих гэдэг асуудлын тухай хөндөгдсөн байгаа. Дөрвөн өөр өнцөг энд гарч ирсэн шүү. Та нар маань бас өөрсдийнхөө туршлагаас хуваалцаарай. Таалан болгооно уу

Лхагва гарагийн мэнд, guys! Одын шийтгэл дээр гарсан секси бүжгээс эхлээд хорвоогийн хамгийн сүүлийн хүн болж үлдвэл яах вэ, хань ижил чинь нууц хүүхэдтэй бол ямар шийд гаргах вэ гэсэн асуулт хүртэл есөн шидийн юм ярьж хөөрөлдсөн хөгжилтэй нэгэн дугаараа та нартаа хүргэж байна. Game show-ын шийтгэл улам бүр хүндэрсээр байгаа нь та нарт таалагдаж байгаа гэж найдъя. Таалан болгооно уу