PAULINES

PAULINES

By Daughters of St. Paul | Phil-Malaysia- PNG-Thai ProvinceReligion & SpiritualityReligion
Download on the App Store

PAULINES episodes

  • Mabuting Balita l Setyembre 4, 2023 – Lunes ng Ika-22 Linggo sa Karaniwang Panahon

    Mabuting Balita l Setyembre 4, 2023 – Lunes ng Ika-22 Linggo sa Karaniwang Panahon

    #MabutingBalita #DaughtersOfStPaulPhilippines #PaulinesPH

     Ebanghelyo: Lucas 4:16-30

    Pagdating ni Hesus sa Nazaret, kung saan siya lumaki, pumasok siya sa sinagoga sa Araw ng pahinga ayon sa kanyang kinaugalian. Tumindig siya para bumasa ng Kasulatan, at iniabot sa kanya ang aklat ni Propeta

    Isaias. Sa paglaladlad niya sa rolyo, natagpuan niya ang lugar kung saan
    nasusulat: “Sumasaakin ang Espiritu ng Panginoon kayat pinahiran niya ako upang ihatid ang Mabuting Balita sa mga dukha. Sinugo niya ako upang ipahayag ang paglaya sa mga bilanggo, sa mga bulag ang pagkabawi ng paningin, upang bigyang-ginhawa ang mga api, at ipahayag ang taon ng kabutihang-loob ng Panginoon.” Binilot ni Hesus
    ang aklat, ibinigay ito sa tagapaglingkod at naupo. At nakatuon sa kanya ang mga mata ng lahat ng nasa sinagoga. Sinimulan niyang magsalita sa kanila: “Isinakatuparan ang Kasulatang ito ngayon habang nakikinig kayo.” At sumang-ayon silang lahat sa kanya habang nagtataka sa gayong pagpapahayag ng kabutihang-loob ng Diyos na nanggaling sa kanyang bibig. At sinabi nila: “Hindi ba’t ito ang anak ni Jose?” Sinabi ni Hesus sa kanila: “Tiyak na babanggitin ninyo sa akin ang kasabihang: ‘Manggagamot, pagalingin mo ang iyong sarili! Gawin mo rin dito sa iyong bayan ang mga bagay na narinig naming ginawa mo sa Capernaum’.  Talagang sinasabi ko: walang propetang katanggap-tanggap sa sarili niyang bayan. Tinitiyak ko sa inyo na maraming
    babaeng balo noon sa kapanahunan ni Elias nang sarhan ang Langit sa loob ng tatlo’t kalahating taon at nagkaroon ng matinding tag-gutom sa buong lupain. Gayon pa ma’y hindi ipinadala si Elias sa isa man sa kanila kundi sa babeng balo ng Sarepta sa may Sidon. Marami ring may ketong sa Israel sa kapanahunan ni propeta Eliseo pero wala sa kanilang pinagaling kundi ang Siriong si Naaman.” Napuno ng galit ang lahat sa sinagoga pagkarinig dito, tumindig sila at ipinagtulakan siya sa labas ng bayan. Dinala nila siya sa gilid ng burol na kinatatayuan ng kanilang bayan upang ihulog. Ngunit dumaan siya sa gitna nila at umalis.  

    Pagninilay:

    Nakakapanlumo ang pa-welcome kay Hesus ng kanyang mga kababayan sa Nazaret. Opo, pinuri nila siya, humanga sila sa napakahusay niyang pananalita.  Pero hindi naman talaga nila naisapuso ang mensahe, at pagpapalang dala ng presensiya ni Hesus.   Nakatuon lamang sila kay Hesus bilang anak ni Jose, ang karpintero. Sa dulo ng Mabuting Balita, nagalit pa sila!  Itinaboy si Hesus palabas, papunta sa gilid ng bundok upang ihulog sa bangin. Mga kapanalig, hindi ba may mga pagkakataon din, na inilalagay natin sa kahon ng kanyang nakaraan ang ating kapwa, na para bagang walang kapangyarihan ang Panginoong baguhin ang kanyang buhay? Alalahanin natin, na inakay tayo ng Panginoon sa ating pinagpalang kinalalagyan ngayon, dahil hindi

    nakabase sa ating nakaraan ang Kanyang plano sa bawat isa sa atin.

    Manalig tayo sa kapangyarihan ng Panginoong baguhin at puspusin

    ng Kanyang pagpapala ang ating buhay, ano pa man ang ating nakaraan. Nais ng Panginoong pagpalain ang Kanyang mga anak, nawa’y matuto tayong ituon ang ating mga mata sa mga dakilang bagay na ginawa Niya sa ating buhay, at sa buhay ng ating kapwa. Amen.  - Sr. Deedee Alarcon, fsp l Daughters of St. Paul


    5 min
  • Mabuting Balita l Setyembre 3, 2023 – Linggo ng Ika-22 Linggo sa Karaniwang Panahon

    Mabuting Balita l Setyembre 3, 2023 – Linggo ng Ika-22 Linggo sa Karaniwang Panahon

    #MabutingBalita #DaughtersOfStPaulPhilippines #PaulinesPH

     Ebanghelyo:  Mateo 16:21-27

    Ipinaalam ni Hesukristo sa kanyang mga alagad na kailangan siyang pumunta sa Jerusalem: pahihirapan siya ng mga Matatanda ng mga Judio, ng mga Punong-pari at ng mga guro ng Batas. Papatayin siya at muling babangon sa ikatlong araw. Dinala naman siya ni Pedro sa isang tabi at sinimulang pagsabihan: “Huwag sana, Panginoon! Hindi ito pupuwede.” Ngunit hinarap ni Hesus si Pedro at sinabi sa kanya: “Sa likod ko Satanas! At baka mo pa ako tisurin. Hindi sa Diyos galing ang iyong iniisip kundi mula sa tao.” At sinabi ni Hesus sa kanyang mga alagad: “Kung may ibig sumunod sa akin, itakwil ang kanyang sarili

    at kunin ang kanyang krus upang sumunod sa akin. Sapagkat ang naghahangad na magligtas ng kanyang sarili ang mawawalan nito ngunit ang naghahangad na mawalan nito ang makakatagpo nito. Ano ang pakinabang ng tao tubuin man niya ang buong daigdig kung sarili naman niya ang mawala? Sa ano maipagpapalit ng tao ang kanyang sarili? Darating nga ang Anak ng Tao taglay ang kaluwalhatian ng kanyang Ama at kasama rin ang kanyang mga banal na Anghel, at doon niya gagantimpalaan ang bawat isa ayon sa kanyang mga gawa.

     

    Pagninilay:

    Sa ating Mabuting Balita ngayon, ipinahayag ni Hesus ang kanyang paghihirap, kamatayan, at muling pagkabuhay sa kanyang mga alagad. Makikita natin dito ang dalawang mahahalagang aral na maaari nating gamitin sa ating buhay bilang mga Kristiyano.  Una, tungkol sa pagsunod sa kalooban ng Diyos. Nang marinig ni Pedro ang sinabi ni Hesus hindi niya matanggap na ang kanyang Panginoon ay magdurusa at mamamatay. Pero sinabi ni Hesus kay Pedro na siya ay nag-iisip ayon sa mga bagay ng tao, at hindi sa mga bagay ng Diyos. Bilang mga alagad ni Hesus, tinatawag tayo na sumunod sa kanyang halimbawa at tanggapin ang kanyang kalooban para sa atin. Hindi natin dapat ipaglaban ang ating sariling gusto o interes, kundi magtiwala sa kanya, na may mas mainam na layunin siya para sa atin. Ikalawa, tungkol sa pagpapasan ng ating krus. Sinabi ni Hesus sa kanyang mga alagad na kung sino man ang nagnanais na sumunod sa kanya, dapat itakwil niya ang kanyang sarili, pasanin ang kanyang krus, at sumunod sa kanya. Ang pagpapasan ng krus ay hindi lamang tungkol sa pagtitiis ng mga hirap o problema, kundi pati na rin sa pag-ibig at paglilingkod. Ang bawat isa sa atin ay may iba’t ibang uri ng krus na dapat dalhin: maaaring ito ay isang sakit, isang pagsubok, isang responsibilidad, o isang hamon. Ang mahalaga ay hindi natin ito dalhin nang mag-isa, kundi kasama si Hesus na siyang nagbigay ng halimbawa at lakas para sa atin. Mga kapanalig, nawa’y maging inspirasyon natin ang salita ng Diyos upang sumunod kay Hesus nang may pananampalataya at pag-asa. Amen.

    - Fr. Rolly Garcia Jr. | Director, Biblical Apostolate - Archdiocese of Manila

    5 min
  • Mabuting Balita l Setyembre 2, 2023 – Sabado ng Ika-21 Linggo sa Karaniwang Panahon

    Mabuting Balita l Setyembre 2, 2023 – Sabado ng Ika-21 Linggo sa Karaniwang Panahon

    #MabutingBalita #DaughtersOfStPaulPhilippines #PaulinesPH

     

    Ebanghelyo: Mateo 25:14-30

    Sinabi ni Hesus sa kanyang mga alagad: “Ipagpalagay natin na may isang tao, na bago mangibambayan ay tinawag ang kanyang mga katulong at ipinagkatiwala sa kanila ang kanyang mga ari-arian. Limang talentong pilak ang ibinigay niya sa una, dalawa naman sa isa pa, at isa sa pangatlo, batay sa kaya ng bawat isa. At saka umalis. Pagkaraan ng matagal na panahon, bumalik ang amo ng mga katulong na ito at hiningan sila ng pagsusulit. Kaya lumapit ang nakatanggap ng limang talento dala ang tinubong lima pang bareta at sinabi: ‘Panginoon ipinagkatiwala mong limang bareta sa akin at tingnan mo, tumubo pa ako ng limang talento.’ Sumagot ang amo: ‘Mabuti, mabait at matapat na katulong; dahil naging tapat ka sa kaunting bagay, pagkakatiwalaan kita ng higit pa rito. Halika at makibahagi sa kaligayahan ng iyong panginoon.’ Sa bandang huli, dumating ang nakatanggap ng isang talento at nagsabi: ‘Panginoon, alam kong mahigpit kang tao, inaani mo ang di mo itinanim at nililikom ang hindi mo ipinagnenegosyo, natakot ako kaya itinago ko yong talento sa lupa. Heto ang sa iyo.’ Ngunit sinagot siya ng kanyang amo: ‘Masama at walang kuwentang katulong. Kaya kunin ang talento sa kanya at ibigay ito sa may sampu pa. Sapagkat sa sinumang meron, bibigyan pa s’ya at magkakaroon ng sagana, ngunit ang wala, maging ang sa kanya ay aagawin sa kanya. Para sa walang silbing katulong, itapon siya sa dilim kung saan may iyakan at pagngangalit ng ngipin.’”

     

    Pagninilay:

    Kapanalig, may isang kanta na ang sabi: “It’s not what you got, it’s how you use it.” May katotohanan, di ba? “Hindi sa kung ano ang meron ka, kundi kung paano mo’ng ginagamit ang nasa iyo na.” Sa pinagkatiwalang mga talento sa tatlong alipin, maaari natin itong tingnan sa perspektibo ng pagsusulit ng kalooban. May tatlong bagay na dapat isaalang-alang at doon ka makakapasa. Una, Utang na Loob. Sa halagang ibinigay sa iyo, matuto kang tumanaw ng utang na loob. Ikalawa, Kagandahang-loob. Sa nagbigay ng talento, iwasang maging judgmental. Kung mahigpit siya, baka may dahilan siya. Ang mahalaga, nagmamagandang-loob kang tumalima sa niloloob niya.  Ikatlo, Lakas-loob. Isantabi ang takot at mga ligalig. Maging masigasig. I-push mo ang pagiging mapanlikha.  Kapanalig, kung tutuusin, araw-araw mayroon tayong pagsusulit ng kalooban.  Matatawag natin itong examination of

    conscience. Tinatawag din natin itong pagsusulit ng budhi. Para tayong
    gumagamit ng flashlight. Halimbawa, sa paano’ng paraan mo ipinahayag ang iyong utang na loob sa Diyos at sa kapwa? Ano’ng kagandahang-loob ang inalay mo ngayon sa iyong pamilya, o sa isang nangangailangan? Sa moment of truth ngayon, sa paano’ng paraan mo ginagamit ang iyong lakas-loob? Kay laking halaga ng kalooban na inihandog sa atin ng ating mapagkaloob na Diyos, Kaya’t pakaingatan
    natin para sa oras na siyasatin ng Diyos ang ating kalooban, busilak na
    kalooban ang kanyang matutunghayan.

    - Sr. Gemmaria dela Cruz, fsp l Daughters of St. Paul

     

    5 min
  • Mabuting Balita l Setyembre 1, 2023 – Biyernes ng Ika-21 Linggo sa Karaniwang Panahon

    Mabuting Balita l Setyembre 1, 2023 – Biyernes ng Ika-21 Linggo sa Karaniwang Panahon

    #MabutingBalita

    #DaughtersOfStPaulPhilippines #PaulinesPH

     

    Ebanghelyo: Mateo 25:1-13

    Sinabi ni Hesus sa kanyang mga alagad: “Tinutukoy ng kuwentong ito ang mangyayari sa Kaharian ng Langit. Sampung abay na dalaga ang lumabas na may dalang lampara para sumalubong sa nobyo. Hangal

    ang lima sa kanila, at matalino naman ang lima pa. Dinala ng mga hangal na abay ang kanilang mga lampara nang walang reserbang langis. Ngunit dinala naman ng matatalino ang kanilang mga lampara na may reserbang langis. Natagalan ang nobyo kaya inantok silang lahat at nakatulog. Ngunit nang hatinggabi na, may tumawag: ‘Dumarating na ang nobyo; lumabas kayo at salubungin siya!’ Nagising silang lahat noon at inihanda ang kanilang lampara. Sinabi ng mga hangal sa matatalino: ‘Bigyan naman ninyo kami ng inyong langis dahil mahina na ang ningas ng aming lampara.’ Sumagot ang matatalino: ‘Baka kulangin ang langis
    para sa amin at para sa inyo. Mabuti pang pumunta kayo sa mga nagtitinda at bumili para sa inyo.’ Nakaalis na sila para bumili nang dumating ang nobyo; ang mga handa na ay sumama sa nobyo sa kasalan, at isinara ang pinto. Pagkatapos ay saka dumating ang iba pang mga dalaga at tumawag: ‘Panginoon, Panginoon, pagbuksan mo kami!’ Ngunit sumagot siya: ‘Talagang sinasabi ko sa inyo: hindi ko kayo kilala.’ Kaya magbantay kayo sapagkat hindi ninyo alam ang araw o ang oras.”

     Pagninilay:

    Paano mo gustong maalala pagkatapos ng maikling buhay mo sa mundo?  Gusto mo bang maalala sa dami ng ari-arian, yaman, kasikatan at tagumpay na iyong tinamo?  O gusto mong maalala sa dami ng kabutihang iyong nagawa habang nabubuhay ka sa mundo?

    Para sa maraming kabataan, marahil wala pang masyadong dating ang babala ng Mabuting Balita ngayon. Dahil feeling nila, napakabata pa nila para paghandaan ang buhay sa kabila.  Kaya marami sa kanila ang namumuhay na parang walang Diyos, na parang walang katapusan ang buhay.  Pero ang babala na maging laging handa sa pagdating ng Panginoon ay nauukol sa ating lahat – bata man o matanda, mahirap

    o mayaman, nakapag-aral o hindi, banal o makasalanan.  Lahat, inaanyayahan ng Panginoon na maging laging handa sa Kanyang pagdating, dahil tunay na hindi natin nalalaman ang araw, ni oras, kung kelan tayo makikipagharap sa Diyos sa sandali ng kamatayan.  Ngayon, suriin mo ang iyong buhay. Saan mo ginugugol ang iyong lakas, time, talent at treasure?  Ano ang mga gawaing pinaglalaanan mo ng maraming panahon?  May pakinabang kaya ang mga ito sa magiging buhay mo sa kabila? Magsisilbi kaya itong passport para makapasok ka sa Kaharian ng Langit?  Alam natin na lahat ng pinaghirapan natin dito
    sa mundo, lahat ng nakamit na yaman, ari-arian, tagumpay, maging ang ating kasikatan – hindi natin madadala sa sandali ng kamatayan, ni hindi na nga maaalala sa paglipas ng panahon.  Pero kung gagamitin natin ang mga blessings na tinanggap natin sa Diyos, sa mga gawaing paglilingkod; kung hahayaan natin ang Diyos na gamitin tayo ayon sa Kanyang layunin; kung magiging daluyan tayo ng pagpapala ng Diyos sa mga maralita, dukha, at walang-wala – pumanaw man tayo dito sa mundo, mananatiling buhay ang ating alaala, sa puso ng mga taong ating natulungan… dahil naiparanas natin sa kanila na tunay na buhay ang Diyos at kumikilos Siya sa pamamagitan natin. Mga kapanalig, samantalahin natin ang bawat araw na pinapahiram ng Diyos upang mag-ipon na makalangit na yaman na maghahatid sa atin sa buhay na walang hanggan.  At katulad ng limang matatalinong abay, punuin nawa natin ng langis ng pagmamahal sa Diyos at sa kapwa ang lampara ng ating buhay – nang maging laging handa tayong salubungin ang Panginoon anumang oras Siya dumating sa ating buhay.  Amen.

    - Sr. Lines Salazar, fsp | Daughters of St. Paul

    5 min
  • A Thought A Day | September 3 2023

    A Thought A Day | September 3 2023

    You are listening to the daily gospel reflections with Sr. Cloth, fsp
    This podcast is brought to you by the Paulines Multimedia. It is our
    mission to Bring the WORD of GOD to all peoples, through sounds and
    images, voices and music. Come and join us as we share “A THOUGHT A
    DAY”.
    #pray #withme #gospel #reflection
    #Paulines #DaughtersOfStPaul #GospelPower #aThoughtaDay
    For more spiritual nourishment please visit: https://store.paulines.ph/
    HELP US MAINTAIN THIS PROGRAM
    Send your donations and love offerings to:
    G-CASH: 09686313280
    METROBANK (Dollar Account)
    BRANCH: Skyland Plaza, Makati
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 514-2-51400590-1
    SWIFT CODE: MBTCPHMM
    METROBANK (Peso Account)
    BRANCH: Skyland Plaza, Makati
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 514-3-51430769-6
    SWIFT CODE: MBTCPHMM
    BDO (BRANCH: Leveriza-Libertad)
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 002620011465


    7 min
  • A Thought A Day | September 2 2023

    A Thought A Day | September 2 2023

    You are listening to the daily gospel reflections with Sr. Cloth, fsp
    This podcast is brought to you by the Paulines Multimedia. It is our
    mission to Bring the WORD of GOD to all peoples, through sounds and
    images, voices and music. Come and join us as we share “A THOUGHT A
    DAY”.
    #pray #withme #gospel #reflection
    #Paulines #DaughtersOfStPaul #GospelPower #aThoughtaDay
    For more spiritual nourishment please visit: https://store.paulines.ph/
    HELP US MAINTAIN THIS PROGRAM
    Send your donations and love offerings to:
    G-CASH: 09686313280
    METROBANK (Dollar Account)
    BRANCH: Skyland Plaza, Makati
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 514-2-51400590-1
    SWIFT CODE: MBTCPHMM
    METROBANK (Peso Account)
    BRANCH: Skyland Plaza, Makati
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 514-3-51430769-6
    SWIFT CODE: MBTCPHMM
    BDO (BRANCH: Leveriza-Libertad)
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 002620011465


    7 min
  • A Thought A Day | September 1 2023

    A Thought A Day | September 1 2023
    You are listening to the daily gospel reflections with Sr. Cloth, fsp
    This

    podcast is brought to you by the Paulines Multimedia. It is our mission
    to Bring the WORD of GOD to all peoples, through sounds and images,
    voices and music. Come and join us as we share “A THOUGHT A DAY”.
    #pray #withme #gospel #reflection
    #Paulines #DaughtersOfStPaul #GospelPower #aThoughtaDay
    For more spiritual nourishment please visit: https://store.paulines.ph/
    HELP US MAINTAIN THIS PROGRAM
    Send your donations and love offerings to:
    G-CASH: 09686313280
    METROBANK (Dollar Account)
    BRANCH: Skyland Plaza, Makati
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 514-2-51400590-1
    SWIFT CODE: MBTCPHMM
    METROBANK (Peso Account)
    BRANCH: Skyland Plaza, Makati
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 514-3-51430769-6
    SWIFT CODE: MBTCPHMM
    BDO (BRANCH: Leveriza-Libertad)
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 002620011465

    7 min
  • Mabuting Balita l Agosto 31, 2023 – Huwebes

    Mabuting Balita l Agosto 31, 2023

    Huwebes sa Ika-21 Linggo ng Karaniwang Panahon

    San Raymundo Nonato

    Ebanghelyo: Mt 24:42-51

    Sinabi ni Hesus sa kanyang mga alagad: “Magbantay kayo sapagkat hindi n’yo alam ang araw ng pagdating ng inyong Panginoon. Isipin n’yo ito: Kung alam ng may-ari ng bahay kung anong oras ng gabi darating ang magnanakaw, magbabantay s’ya at hindi pababayaang pasukin ang

    bahay. Kaya maging handa kayo sapagkat sa oras na hindi n’yo inaasahan darating ang Anak ng Tao. Isipin n’yo ito: may tapat at matalinong katulong at sa kanya ipinagkatiwala ng kanyang amo ang sambahayan nito para bigyan sila ng pagkain sa tamang oras. Kung sa pagdating ng kanyang amo ay matagpuan s’ya nitong tumutupad sa kanyang tungkulin, mapalad ang katulong na ito. Talagang sinasabi
    ko sa inyo na ipinagkakatiwala sa kanya ng amo ang lahat nitong pag-aari. Sa halip ay nag-iisip naman ang masamang katulong: ‘Magtatagal ang aking Panginoon.’ Kaya sinimulan n’yang pagmalupitan ang mga katulong na kasama n’ya samantalang nakikipagkainan at nakikipag-inumang kasama ng mga lasing. Ngunit darating ang panginoon ng katulong na iyon sa oras na di n’ya inaasahan at sa panahong di n’ya alam. Palalayasin n’ya ang katulong na ito at pakikitunguhang
    gaya ng mga mapagkunwari. Doon nga may iyakan at pagngangalit ng ngipin.”

     

    Pagninilay:

    Noong Disyembre 21, 2012, halos buong gabi akong gising. Takot at nangangamba dahil magugunaw na daw ang mundo. Ito’y mula sa prediksyon ng tribong Maya. Sinasabi ng mga iskolar na ang maraming mga pekeng palatandaan na ito ay nakaugat sa kagustuhan ng tao na mamuhay pa ng may saysay dito sa mundo. Gayunpaman, anuman ang gawing prediksyon—iisa ang sigurado—ikaw at ako ay may katapusan, mayroong kamatayan. Sa ating Mabuting Balita, sinasabi sa atin ni Hesus na “Stay awake!” sapagkat hindi Ninyo nalalaman ang oras ng kanyang muling pagdating. Sa tuwing iniisip ko ang wakas, kamatayan man o muling pagdating ng Diyos, lagi kong tinatanong: Paano mo gusto maalala? Maalala ba ako sa mga maling paniniwala, mararangyang kagamitan, kayamanan, at puspos ng kapangyarihan? Mga kapanalig, magsikap nawa tayong ipalaganap ang katotohanan, maging inspirasyon at pag-asa sa kapwa, maging mukha ng pag-ibig ni Hesus sa mga nahihirapan at lubos na nangangailangan. Magwakas man ang ating buhay, ang maaalala nawa sa atin ay si Kristo. Magwakas man ang panahon, matibay ang ating paniniwala na tayo’y nakaugat kay Kristo. Amen.

    - Bro. Vinz Aurellano, SSP l Society of St. Paul

     

    5 min
  • A Thought A Day | August 31 2023

    A Thought A Day | August 31 2023

    You are listening to the daily gospel reflections with Sr. Cloth, fsp
    This podcast is brought to you by the Paulines Multimedia. It is our
    mission to Bring the WORD of GOD to all peoples, through sounds and
    images, voices and music. Come and join us as we share “A THOUGHT A
    DAY”.
    #pray #withme #gospel #reflection
    #Paulines #DaughtersOfStPaul #GospelPower #aThoughtaDay
    For more spiritual nourishment please visit: https://store.paulines.ph/
    HELP US MAINTAIN THIS PROGRAM
    Send your donations and love offerings to:
    G-CASH: 09686313280
    METROBANK (Dollar Account)
    BRANCH: Skyland Plaza, Makati
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 514-2-51400590-1
    SWIFT CODE: MBTCPHMM
    METROBANK (Peso Account)
    BRANCH: Skyland Plaza, Makati
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 514-3-51430769-6
    SWIFT CODE: MBTCPHMM
    BDO (BRANCH: Leveriza-Libertad)
    ACCOUNT NAME: The Provincial Superior of the Pious Society of the Daughters of St. Paul, Inc.
    ACCOUNT NUMBER: 002620011465


    7 min

About PAULINES

From the publisher's feed

On the occasion of the 60th anniversary of the birth to heaven of its co-foundress, Venerable Thecla Merlo and on the 30th anniversary of the Pauline trademark, the Daughters of St. Paul announces a restyling of the PAULINES PUBLISHING TRADEMARK and its new INSTITUTIONAL LOGO.