Personal Identity and Immorality الهوية الشخصية والخلود

من حلقة الحياة بعد الموت

EP46: Life After Death

"ماهو المطلوب للنجاة من الموت؟ او التغير بشكل عام؟ .. الاجابة على السؤال ده قائمة بشكل اساسى على تعريف هويتنا. لو جوهريا كنا مجرد كائنات روحية غير مادية، اذن الاجابة مباشرة، من الممكن ان ننجو من الموت فقط ان امكن لأروحنا النجاة من الموت! .. وبالتاكيد السؤال التالى هيكون ماهو المطلوب لاروحنا كى تنجو من الموت؟ .. لكن الاجابة على السؤال ده اسهل، فى تقريبا شبة اجماع بين الفلاسفة عبر التاريخ، ان كان هناك وجود بالفعل لروح غير مادية، اذن حسب تعريف هذا الكائن، الروح تنجو التغير فقط ان لم يفنيها الله اوكائن واجب الوجود كامل الكمال. الفلاسفة الغير مؤمنين والمؤمنين لسبب ما او اخر فضلوا فكرة ان الله لن يدمر او يفنى تلك الارواح، وبالتالى استنتجوا ان الارواح غير قابلة للفناء اما عامة المؤمنين من الناس عادة ما بيتركوا مساحة لامكانية ان الله يدمر او يفنى بعض الارواح فى نهاية الزمان. لكن من الممكن ان نقول ان الروح غير كافية لتعريف الهوية الفردية للأنسان، لو نجت الروح من الموت وفقد الفرد مثلا كل حالاتة النفسية والسيكولوجية، هيكون من الصعب الاقرار بان الفرد نجى من الموت. وبالتالى يبدو ان الفكرة دى بتشير الا ان بعد المادة بالاضافة الى الروح قد تكون مطلوبة للنجاة! .. من الممكن اننا نجادل ان بما اننا كائنات مادية لها وعى، اى كان تعريف الوعى ده .. نجاتة كافية لنجاتنا! .. او من الجائز ان نجاتنا معتمدة بشكل اساسي على نجاة اجسادنا ، ووقتها هنضطر ننتعامل مع مجموعة من الاشكاليات المتعلقة بالاستمرارية خلال التغير! .. خلينا نتصور مثال علشان نقدر نفكر فى مجموعة الحلول المطروحة دى، تخيل اننا فى المستقبل دلوقتى، حيث اصبح من الممكن للكمبيوتر انها تتصل بالمخ البشرى بشكل مباشر، والمعلومات تنتقل بسلاسة بين الطرفين، الذكريات، المهارت، الحالات النفسية والسيكولوجية، المعتقدات، الرغبات، العواطف، الخ .. كلها من الممكن نقلها كاملة للكمبيوتر وتفعيلها فى برنامج محاكاة، بصورة اخرى هوية الفرد الشخصية من الممكن نقلها بالكامل من المخ الى الكمبيوتر وارجاعها مرة اخرى للمخ! .. دلوقتى تصور انى بعرض عليك الخلود الى الابد بشكل افتراضى مقابل مبلغ كبير، هنقل هويتك الشخصية بالكامل على جهاز كمبيوتر مركزى، تقدر تتصل بية من البيت عبر الانترنت وترفع اى تعديلات جديدة فى هويتك علية، وعقلك هيفضل محفوظ على الكمبيوتر المركزى من الممكن تحملية فى اى وقت فى مخ اخر فى حالة موتك الجسدى. طالما كان من الممكن تحميل هويتك فى مخ اخر بيولوجى كان او اصطناعي او مهجن، سيستمر وجودك، مش المعنى الابدى بالضبط لفكرة الخلود لكنة قريب جدا منه. السؤال .. هل هتدفع تكلفة نقل هويتك؟ وتعتبر ده نجاة من الموت؟ ...." Continue reading →