D'Gromper als Iesswuer, Exportschlager an Zännseef...

Se ass eent vun eise wichtegste Liewensmëttel! D’Gold aus dem Buedem! Am Pisa haut wéi di éischt Gromperen ausgesinn hunn an op d’Kéngen gëfteg sinn. Mir gesi wéi s’an der Wüst Tonne Grompere produzéieren obwuel et hei ni reent. Froen no firwat Grompere-Chips eis süchteg maachen. An de Mister Science test op ee wierklech ëmmer muss eng ganz Gromper planzen.

Wéi mir eis beweegen, oder eben net...

Dausende Fliger fléien all Dag iwwert eis Käpp. Honnerte Kilometer Schinnen verstoppen sech ënnert eise Stied. An ëmmer méi Autoe blockéieren all Dag de Wee op d’Schaff. Wéi mir eis beweegen oder net huet sech an engem Jorhonnert vill verännert. Mir weisen d’Stad wéi se nach en Tram hat a firwat mer lo en neie brauchen. Fuerscher erklären wéi e Stau entsteet a wat si maachen fir dee Problem ze léisen. De Mister Science test a wéi engem Land se bei gréng am séierste fort kommen an den Olivier mecht eng Course géint e Vëlos-Kurréier.

Esou huet een Europa nach ni gesinn!

Zuchvullen mussen net seelen e puer dausend Kilometer fléien! Mir begleeden si bei hirer Rees a weisen Europa wéi een et nach ni gesinn huet...

Verschidden Déieren si vill méi intelligent wéi ee mengt!

En Hond fiert Skateboard! E Reiher benotzt Brout fir e Fësch ze fänken! Keaën léisen eng Aufgab un där kleng Kanner sech d’Zänn ausbäissen. An e Schimpans kann eppes dat fir eis onméiglech ass. Déieren sinn ebe méi intelligent wéi ee mengt. Am Pisa de Beweis datt der vill vun hinnen net just hirem Instinkt noginn, mee iwwerleeën ier se eppes maachen. An dobäi gi mir méi wéi eng Kéier vun den Déieren iwwerrascht.

Wéi d’Justiz zu Lëtzebuerg funktionéiert.

Bei wéi enger Affaire kënnt een op wéi ee Geriicht. Wéi kënnt et zum Prozess. Schléit de Riichter och bei eis mam Hummer op den Dësch. Wee schafft soss um Geriicht. A wéi kann een erausfannen op een d’Wourecht seet oder litt.

Um Daach vu Lëtzebuerg an der Welt.

Am Pisa kucke mer vun uewen op d’Welt! Mam heechste Gebai dat jee gebaut gouf. D'Fënsterbotzer suergen dobäi fir eng schéi Vue! Den Hotel Room One huet just een Zëmmer. Op 40 Meter. A soll op d‘Musel kommen. Fir d’Sammy sinn héich Gebaier den absolutten Horror. Wat kann ee géint Héichtenangscht maachen. De Mister Science wëll e Weltrekord briechen an den Olivier klëmmt op den RTL Mast zu Housen. Deen heechste Mast hei am Land.

Wéi mir léieren, verhalen, vergiessen.

An dësem Pisa fanne mer raus wéi mir u Wëssen kommen. Wéi eist Gehir sech am Laf vun der Zäit entwéckelt. Mir léieren e jonkt Meedchen kennen dat 11 Sprooche schwätzt. De Mister Science beduckst Wikipedia. An den Olivier geet nach eemol an d’Schoul.

Caféine-Doping, Bounen-Weltrees, Déca selwer gemaach!

Vill Leit kënnen net ouni Kaffi! Firwat hält de Caféine eis op Trapp? Firwat ass de perfekten Espresso eng Wëssenschaft fir sech? Wou kënnt de Kaffi hir, wéi gëtt en zu Lëtzebuerg verschafft. A wéi gëtt decaféinéierte Kaffi gemaach?

E ganze Pisa iwwert den Apel.

Firwat ass den Apel sou gesond ? Wéi kann een se iwwer puer Méint halen a wéi ginn Äppel-Chips gemaach ? A wosst Dir datt den Apel mam Bam schwätzt wann en zeideg ass?

Op Expeditioun bei de wëllen Déieren!

Eng déitlech Hai-Attack. E riskant Spill tëscht Léif a Geier. An eng geféierlech Iwwerraschung aus dem Waasser. Mir weisen wéi di wëll Déieren an der rauer Natur iwwerliewen. Oder eben net.