ཉེ་ཆར་ཨ་རིའི་ནུབ་ཕྱོགས་གྲོང་ཁྱེར་སན་ཧྥུ་རན་སེ་སི་ཀོའི་ནང་སཱི་ཤེས་ཡོན་སྐོར་ལ་ཟབ་སྦྱོང་ཞིག་གནང་ཡོད་པར། དེའི་ནང་བཞུགས་མཁན་བྱང་ཨ་རིའི་གཟའ་མཇུག་སློབ་གྲྭའི་བོད་པའི་དྭངས་བླངས་དགེ་རྒན་རྣམས་ལ་ཟབ་སྦྱོང་དེ་བརྒྱུད་ནས་དམིགས་བསལ་ཉམས་མྱོང་གསར་པ་དང་ལེགས་ཆ་ག་རེ་བླངས་ཐུབ་ཡོད་མེད་བསམ་ཚུལ་བསྡུ་རུབ་བྱས་པ་ཞིག་འདིར་གསལ།

༄༅།། རྒྱ་དཀར་ནག་གཉིས་ཀྱིས་རི་བོ་ཧི་མ་ལ་ཡ་མངའ་ཁུལ་དུ་རྨང་གཞིའི་འཛུགས་སྐྲུན་ལ་འགྲན་རྩོད་ཆེན་པོ་བྱེད་ཀྱི་ཡོད་པ་དེས་ཧི་མ་ལ་ཡའི་རང་བྱུང་ཁོར་ཡུག་ལ་གནོད་སྐྱོན་བཟོ་ཉེན་ཁ་ཡོད་པའི་སྐོར་ལ་གླེང་མོལ་ཞུ་ཡི་ཡིན།

ཐེངས་འདིའི་རྩོམ་སྒྲིག་པའི་གཏམ་ཚོགས་ཀྱི་ལེ་ཚན་ནང་ཨ་རིའི་སྲིད་འཛིན་ཟུར་པ་ཊམ་ལ་ནེའུ་ཡོག་གྲོང་ཁྱེར་གྱི་བཤེར་དཔང་ཚོགས་པ་ཞིག་གིས་ཉེས་འཇུགས་བྱས་སྐོར་འབྲེལ་ཡོད་གནས་ཚུལ་གྱི་རྒྱབ་ལྗོངས་དང་དེའི་རྗེས་འབྲས་སོགས་ཀྱི་ཐད་བློ་བཟང་ཡེ་ཤེས་ལགས་ཀྱིས་སྙན་སྒྲོན་ཞུས་གནང་བ་གཤམ་གསལ།

ཐེངས་འདིའི་ཁྲིམས་དང་རང་དབང་གི་བོད་དོན་དག་ཐེར་གྱི་ལས་རིམ་ནང་རྒྱ་ནག་གིས་བོད་ནང་རྡུལ་ཕྲན་མཚོན་ཆ་འགྲེམས་འཇོག་དང་སྙིགས་རོ་གཡུག་པའི་་ཐད་རྒྱ་ནག་གིས་བརྗོད་བབས་དང་། བོད་དོན་དཔྱད་ཞིབ་པ་ཚོས་དེར་འགྲེལ་བརྗོད་གནང་བའི་སྐོར་ལ་ནམ་མཁའ་བསྟན་འཛིན་ལགས་དང་བདེ་ཆེན་རྒྱ་མཚོ་ལགས་གཉིས་ཀྱིས་གླེང་མོལ་གནང་བ་ཞིག་གསན་གྱི་རེད།

ལོ་གཅིག་ལྷག་ཙམ་རིང་ཕྱི་རྒྱལ་དུ་གཡོལ་ནས་བསྡད་པའི་རྗེས་སུ་རྒྱ་ནག་གི་འབྱོར་ལྡན་པ་མ་ཡུན་རང་ཡུལ་དུ་ཕྱིར་ལོག་བྱས་པའི་གནས་ཚུལ་ཐོན་ཡོད་ཅིང་། ཞིས་ཅིན་ཕིང་གི་དབང་བསྒྱུར་འོག་དུ་མ་ཡུན་གྱི་ལས་དབང་དང་རྒྱ་ནག་གི་སྒེར་གྱི་ཚོང་ལས་ཁག་གི་མདུན་ལམ་དེ་ངེས་གཏན་མེད་པ་ཞིག་ཏུ་གྱུར་འདུག

དེ་རིང་གི་མཐོང་ཐོས་བྱུང་བའི་བོད་ཀྱི་གནས་ཚུལ་ལ་དྲན་གསོའི་ལས་རིམ་ནང་༡༩༥༩ལོའི་རྗེས་ཕ་མེད་པར་འགྱུར་བའི་ལྷ་སའི་ཤར་ཕྱོགས་སྦྲ་ནག་ཞོལ་གྱི་ཕྲུ་གུ་ཚོའི་ཁྱིམ་ཚང་གི་དྲོ་སྐྱིད་ཤོར་བའི་འཚར་ལོངས་བྱུང་སྟངས་ཀྱི་ལོ་རྒྱུས་དུམ་བུ་གཉིས་པ་དེར་གསན་རོགས་གནང་།

བདུན་ཕྲག་སྔོན་མར་རྒྱ་ནག་གི་འགོ་ཁྲིད་ཞིས་ཅིན་ཕིང་ཨུ་རུ་སུར་འཚམས་འདྲིར་ཕྱིན་ཡོད་པ་དང་། དེ་དང་དུས་མཚུངས་སུ། ཉི་ཧོང་གི་སྲིད་བློན་ཧྥུ་མིའོ་ཀ་ཤི་ཌ་མཆོག་ཡུག་ཀེ་རན་ལ་གཟིགས་སྐོར་ཕེབས་ཡོད་པས། ད་ལན་རྩོམ་སྒྲིག་པའི་གཏམ་ཚོགས་སུ་གཟིགས་སྐོར་དེ་གཉིས་ཀྱི་གྲུབ་དོན་སྐོར་རྣམ་རྒྱལ་ཤསྟྲི་ལགས་ཀྱིས་དཔྱད་གླེང་ཞུས་ཡོད།

༄༅། །ཟླ་བ་འདིའི་ནང་རྒྱ་ནག་གི་གལ་གནད་ཆེ་བའི་ལོ་རེའི་ཚོགས་འདུ་ཁག་གཉིས་མཇུག་བསྒྲིལ་བྱས་པའི་གནད་དོན་སྐོར་ལ་པདྨ་བདེ་ཆེན་ལགས་དང་ ཀུན་བཟང་སྒྲོལ་མ་ལགས་གཉིས་ཀྱིས་རྒྱ་ནག་དབྱེ་ཞིབ་པ་ཀུན་དགའ་བཀྲིས་ལགས་ཀྱི་ལྷན་དུ་གླེང་མོལ་ཞུས་པ་ཞིག་གསན་གྱི་རེད།

ཐེངས་འདིའི་བགྲོ་གླེང་མདུན་ལྕོག་ནང་གསར་འགོད་པ་བསྟན་འཛིན་ནོར་བཟང་ལགས་ནས་ཨོ་སི་ཊོ་ལེ་ཤི་ཡའི་སྤྱི་འཐུས་རྡོ་རིང་བསྟན་འཛིན་ཕུན་ཚོགས་ལགས་དང་དཔལ་འབྱོར་དྲུང་ཚབ་བསྟན་འཛིན་ལེགས་གྲུབ་ལགས་ལྷན་དུ་དྭང་བླང་དཔྱ་དེབ་གསར་བཟོ་དང་འབུལ་ཆད་ཐད་ཆག་ཡང་སྐོར་ལ་གླེང་མོལ་ཞུས་པ་ཞིག་གསན་རོགས་གནང་།

༄༅། །ཁྲིམས་དང་རང་དབང་བོད་དོན་དག་ཐེར་གྱི་ལས་རིམ་ནང་བོད་ནང་ཡུལ་སྐོར་སྤྲོ་འཆམ་གྱི་ཁོར་ཡུག་དང་ཕྱི་རྒྱལ་བ་བོད་ནང་འགྲིམ་འགྲུལ་ཇི་ལྟར་བྱས་པའི་སྐོར་ལ་རྒྱ་ནག་གིས་བརྗོད་བབས་ལ་བོད་ཀྱི་གནད་དོན་དཔྱད་ཞིབ་པའི་འགྲེལ་བརྗོད་གནང་བའི་ཐད་ནམ་མཁའ་བསྟན་འཛིན་ལགས་དང་བདེ་ཆེན་རྒྱ་མཚོ་ལགས་གཉིས་གླེང་མོལ་གནང་བ་ཞིག་གསན་གྱི་རེད།