O albergue de peregrinos de Carril abrIU hoxe as súas portas tres anos despóis de que finalizase a súa construcción e un mes despóis do anunciado pola Xunta cando o pasado marzo asinara co Concello de Vilagarcía a cesión das instalacións á administración autonómica durante un período de 30 anos.

O alcalde de Vilagarcía, Alberto Varela, e o director xeral de Turismo de Galicia, Xosé Manuel Merelles, oficializaron a apertura deste novo albergue que levará o nome de Andrés Fernández García, alcalde e filántropo vilagarcián do século XIX.

As praias da Compostela e Campanario, en Bamio, lucen dende este mediodía a bandeira azul concedida un ano máis por Adeac.

O parking de Nauta, en Sanxenxo, cumple hoxe 20 anos dende a súa entrada en funcionamento o 1 de xullo de 2005, sen ter pechado ningún día dende a súa apertura.

En Catoira ultiman os detalles da 65ª edición da Romaría Vikinga que se celebrará o 3 de agosto cunha programación diversa, participativa e con novas apostas culturais e sociais

A adega Martín Codax volve este verán cunha nova edición do ciclo de concertos Os Seráns con Alma Atlántica: cinco bandas e un prezo de 10 euros con consumición incluida.

O Concello de Pontevedra desvelou hoxe a programación íntegra dos concertos das Festas da Peregrina de Pontevedra: Paloma San Basilio, Rosario Flores, The Rapants, Lendakaris Muertos, Ortiga, Marina Reche, Khea e tamén a banda de Jordi Évole Los Niños Jesús.

Catro persoas resultaron feridas nun novo accidente dunha embarcación tras impactar contra unha batea en Boiro.

Catro persoas foron detidas esta mañá en Ribadumia como presuntos autores de diversos roubos en toda a provincia nun dispositivo desplegado pola Policía Nacional e a Garda Civil sobre as 10 da mañá nas rúas céntricas de Ribadumia.

Un home quedou atrapado no seu vehículo tras sufrir un accidente de tráfico cando circulaba esta mañá pola autovía do Salnés á altura de Barrantes.

En Vilagarcía comezan hoxe as obras do proxecto de recuperación da fachada marítima do Ramal por importe de 1,1 millóns de euros, financiados a través de fondos europeos.

A Plataforma en Defensa da Ría de Arousa posiciónase en contra de que se manteña o punto de verquido da illa de Salvora onde a Xunta de Galicia estuda depositar as 330.000 toneladas que se extraerán no dragado do río Lérez.

Ribadumia inicia esta semana os traballos de limpeza e mantemento dos contedores verdes situados ao longo de todo o municipio.

A Azucareira de Portas acolleu esta mañá a presentación da XIII edición do festival PortAmérica, un dos seis eventos musicais englobados na marca Rias Baixas Fest e que subirá o telón este xoves 3 de xullo con Mikel Izal, Emilia e Melendi como cabezas de cartel.

A soprano Ainhoa Arteta é o terceiro concerto confirmado das Festas de San Roque. A cantante lírica actuará no parque da Xunqueira o día 18 de agosto ás 22:00 horas, con entrada de balde.

Chegan a Vilagarcía as 30 embarcacións que percorreron o Camiño a Vela. Os peregrinos navegantes foron recibidos pola Mancomunidade do Salnés e o Concello de Vilagarcía.

Tres persoas foron identificadas pola Policía Local de Vilanova pola súa posible relación con cinco incendios rexistrados no municipio nos últimos días.

Sanxenxo abre á circulación un novo vial que comunica a rúa Progreso coa rúa Sanxenxo e que, dende hoxe, ofrece a veciñanza e visitantes unha alternativa ao tráfico e ao aparcamento.

A Illa de Arousa, ao igual que Sanxenxo, disporá este verán de servizo de bus urbano durante a tempada de verán, tralo convenio de colaboración asinado coa empresa Abalo e a Xunta de Galicia.

Vilagarcía insta á Xunta de Galicia a reparar o parque infantil da Xunqueira, que se encontra en mal estado a consecuencia das obras do tanque de tormentas da avenida Valle Inclán.

A asociación Guimatur será este ano o colectivo que recibirá o premio Mulleres Salgadas 2025, un galardón que recoñece a traxectoria e o esforzo das mulleres no ámbito marítimo e marisqueo.

Ribadumia abre hoxe a tempada de verán na piscina municipal. As persoas interesadas en utilizar este servizo poden acudir á Casa Consistorial para renovar ou solicitar o seu carné de acceso.

A Mancomunidade do Salnés aproveita a celebración do Triatlon mundial que se está a celebrar en Pontevedra para promocionar a comarca como destino turístico.

O Festival PortAmérica ultima a súa XIII edición con Mikel Izal, Emilia e Melendi como cabezas de cartel e incorpora un espazo adicado á literatura.

Continúa aberta a operación Ninja 2 contra o narcotráfico desplegada este mércores en Vilanova, con tres persoas detidas nos dous rexistros realizados e intervencións de cocaína, marihuana e haxís.

A Garda Civil dá por finalizada unha investigación de case un ano que concluíu coa desarticulación dunha rede criminal, integrada por unha parella, que cometeu 51 roubos en comercios de nove municipios de toda Galicia, entre eles dous nos concellos de Barro e Valga.

Rematada a primeira fase da mellora da mobilidade peonil entre Bamio e Carril coa creación dunha senda nas estradas PO-548 e PO-192 e unha pasarela de acceso ao cemiterio. A Xunta executará entre este ano e o vindeiro a segunda fase ata o centro urbano carrilexo.

O Concello de Vilagarcía saca a licitación o lote 1 do Plan de Asfaltados, que afecta á rúa Fontecarmoa e ás travesías de Rosalía de Castro, por un importe de 60.000 euros.

Cambados disporá de dunha ducia de cámaras de vixiancia apoiadas por drons para previr accións delictivas na Festa do Albariño, segundo se acordou na Xunta Local de Seguridade celebrada hoxe.

Escolares do I.E.S. Catro Alobre distribuiron hoxe os imáns da campaña "Implicados co galego" entre medio centenar de locais de hostalaría e comercio de Vilagarcía.

O Paseo da Calzada de Cambados acollerá do 4 ao 6 de xullo a terceira edición de Productoras en Feminino, con trinta expositoras e a incorporación dun desfile de moda.

Cinco xóvenes resultaron feridos esta pasada noite nun accidente en Vilagarcía tras sairse da vía cando circulaban pola estrada de Xiabre.

Avanza a tramitación das obras de humanización da rúa Bouza de Abaixo en Vilaxoán. O Concello sacará a licitación en agosto o proxecto por importe de 776.000 euros, financiados cos fondos provinciais do Plan +Provincia e que serán aprobados este venres na Xunta de Goberno da Deputación.

O Ministerio de Transportes adxudicou por 2,2 millóns de euros e 10 meses de execución o acondicionamento de 8,6 quilómetros da N-640 ao seu paso por Caldas coa aplicación dun novo pavimento ecolóxico.

Cambados volverá a ser esta fin de semana a capital da batucada co V Festival Xacobeo Percute que se celebrará no parque do Pazo Torrado o sábado 28 e o domingo 29.

O Festival Son do Mar porá a disposición da Asociación de Comerciantes Zona Centro entradas para os concertos que se celebrarán entre os días 24 e 26 de xullo no Pombal tralo acordo entre a organización do Festival e a Concellería de Comercio de Cambados.

O programa Sanxenxo Concilia comeza o próximo 1 de xullo con 145 usuarios nos colexios de A Florida e O Telleiro.

O Parque da Xunqueira, en Vilagarcía, acollerá o sábado 5 de xullo dende as 6 da tarde a V edición do Alén Metal Fest con entrada gratuita con actuacións de grupos nacionais e internacionais de renome.

A noite de San Xoan transcurriu sen incidencias destacables nas nosas comarcas. Máis de 1.000 fogueiras iluminaron a noite máxica do ano en Arousa.

O Concello de Vilagarcía vén de convocar o proceso de selección de 12 socorristas acuáticos para as tres praias do municipio durante a temporada de verán: a Concha-Compostela, O Campanario (Bamio) e O Preguntoiro

(Vilaxoán).

Baixo o lema Vilagarcía diversa e orgullosa o goberno local volve a reunir as actividades que se celebrarán esta semana para reivindicar os dereitos do colectivo LGTBIQ.

O Concello de Sanxenxo quere aumentar os oito sendeiros azuis cos que este ano volveu ser o municipio de España con máis roteiros galardoados por Adeac.

O Concello de Vilanova proxecta unha nova fase do plan de asfaltados por importe de 165.000 euros financiados a través do Plan +Provincia da Deputación.

Segue a medrar o turismo estranxeiro na provincia, cun 18% máis de visitantes internacionais en maio deste ano fronte ao pasado, segundo os datos de Turismo Rías Baixas.

O bus urbano volve este verán a Sanxenxo con dúas liñas circulares entre o 1 de xullo e o 31 de agosto

Ultimos preparativos para a noite máxica de San Xoan con centos de fogueiras e sardiñadas que se celebrarán en case cada parroquia das nosas comarcas.

Somente en Vilagarcía prenderanse 329 cacharelas repartidas por toda a localidade. Para garantir a seguridade, a Policía Local ten deseñado un operativo especial de vixilancia

O grupo municipal do BNG de Vilagarcía solicita que o Concello pinte a bandeira LGTBIQ+ en bancos de diferentes espazos do municipio para ampliar o compromiso coa diversidade.

O grupo municipal do PP do Grove fai balance da primeira metade do mandato e percibe ao alcalde, José Antonio Cacabelos, e ao goberno local “totalmente fundidos e afundidos”, síntomas "dun fin de ciclo".

As adegas Lagar da Cachada, de Cambados, e Attis, de Meaño, alzáronse con primeiro premio da Fiesta do Albariño de Vitoria celebrada esta fin de semana coa participación de 25 adegas da D.O Rías Baixas.

Un traballo educativo que implicou a todo o alumnado da ESO do IES Sanxenxo permitiu traducir os menús ou cartas de cinco establecementos de hostalaría do municipio ao galego, inglés e francés.

Hoxe coñecemeos unha nova actuación do programa das Festas da Preregrina. Rosario Flores ofrecerá o seu concerto o 12 de agosto na Praza de España de Pontevedra.

Dúas persoas resultaron feridas esta mañá nun accidente de tráfico ocorrido a primeiras horas da mañá en pleno centro de Cambados, concretamente na rotonda da Praza do Concello.

Un bo susto levouse este domingo un pescador que quedó atrapado no lodo cando se encontraba na contorna do illote de Insuíña, en Castrelo.

O IV Congreso Foromar márcase como reto conseguir a compatibilidade do marisqueo con outra actividade complementaria para poder sobrevivir.

Sanxenxo exixe a Costas a sustitución urxente da pasarela de Baltar, que se encontra nun avanzado estado de deterioro co conseguinte risco para as persoas

Vilagarcía lanza 120 abonos gratuitos para os festivais Revenidas e Atlantic Fest dirixidos á veciñanza menor de 30 anos que se encontro en situación de desemprego e sen cobro de prestación.

Vilanova estrea a marca ‘Vilanova Turismo’ para poñer en valor o municipio como destino de referencia baixo o slogan "Un mar de vida", que conecta co Mar de Santiago e cos Camiños pola costa.

Meis presentou esta mañá o programa das festas de San Bieito que se prolongarán dende o 28 de xuño ata o 13 de xullo e que este ano recupera a Feira Labrega, ausente dende a pandemia.

Pontevedraq inaugura oficialmente esta tarde o mundial de atletismo ITU Multisport, que se celebrará en Pontevedra ata o proximo dia 29 de xuño.

O grupo de goberno de Vilagarcía levará ao pleno municipal deste mes unha modificación de crédito por importe de 135.000 euros para o Parking Xoan XXIII e o proxecto do Ramal.

A empresa madrileña ‘Obras y Pavimentos Especiales’ acometerá as obras de reforma da pista de atletismo de Vilagarcía e a mellora da súa iluminación por un importe de 149.500 euros.

O sindicato Unións Agrarias, en colaboración co Concello, celebrará esta tarde en Cambados unha sesión informativa sobre a declaración da comarca do Salnés como Zona Vulnerable a Nitratos.

Vilanova agarda poder estrear o Punto Limpo que se está a construir no Polígono de Tremoedo despóis do verán.

O grupo municipal de Somos Ribadumia denuncia o “lamentable estado” do ximnasio municipal e insta ao Concello a que actúe "antes de ter un problema ou unha inspección peche as instalacións"

O Concello de Meis fai un chamamento entre a veciñanza a que faga un consumo responsable de auga tras confirmar escasez de abastecemento no depósito de San Tomé de Nogueira.

O BNG de Meis súmase ás peticións do Concello para que o Sergas cubra de forma inmediata as baixas e vacacións dos médicos e persoal sanitario do centro de saúde da localidade.

O festival Revenidas ven de desvelar o cartel dos catro días da programación ao tempo que saca á venda as entradas soltas para cada unha das xornadas do festival.

Un home foi detido en Pontevedra como presunto autor dun delito de violencia de xénero.

Cinco persoas foron detidas esta mañá en Pontevedra nunha operación conxunta entre a Policía Nacional e a Policía Local para desartellar unha rede de distribución de cocaína a pequena escala que operaba principalmente en zonas de lecer nocturno.

De moi bo agrado acolleu o Concello de Vilagarcía, e tamén o de Caldas, o anuncio da Xunta asegurando que no mes de xullo iniciará a tramitación para ampliar o polígono do Pousadoiro.

Vilagarcía lanza a marca "VGA 365" para aglutinar todos os eventos culturais que se desenvolven na cidade, tanto os organizados por colectivos como os deseñados polo goberno local.

O sindicato CIG denunciaba esta mañá a situación da Escola Infantil Municipal de Vilagarcía, xestionada dende hai mais de 25 anos por unha empresa privada denominada Bonecos Vilagarcía S.L. e da que non consta a súa licitación nos últimos anos.

Casi 200 personas de distintos puntos de Galicia participarán na IX Xuntanza de Labores na rúa, que se celebrará este sábado durante toda a xornada na Praza de Pascual Veiga e a súa contorna.