#hoxeenArousaPontevedraDíaaDía

#de12a1430

As catas clandestinas que dende hai varias semanas se veñen celebrando en Cambados, no establecemento de Catorce Electrodomésticos, están a acadar un gran éxito e acollida.

Sobre esta novidosa iniciativa conversamos con Carlos Piñeiro, Propietario de Catorce Electrodomésticos.

#hoxeenArousaPontevedraDíaaDía

#de12a1430

A CIG escenificou hoxe ante as oficinas do INEM en Vilagarcía e noutras localidades de Galicia a súa denuncia ante o recorte nas prestacións asistenciais e por desemprego que, ao seu entender, supón a última medida impulsada polo goberno de España coa unificación do Plan Prepara e a Renda de Reinserción.

Os motivos explicábaos esta mañá o secretario comarcal do sindicato nacionalista, Xoan Xosé Bouzas Aboi.

#hoxeenArousaPontevedraDíaaDía

#de12a1430

Os sindicatos UXT e CCOO celebraron concentracións este mediodía diante dos concellos de Vilagarcía e O Grove e ante a Subdelegación do Goberno en Pontevedra en defensa do sistema público de pensións e a recuperación do Pacto de Toledo.

En resposta o acordo acadado entre o PP e PNV cara os Orzamentos do Estado para este ano, as centrais consideran que “garantir o poder adquisitivo das pensións nos anos 2018 e 2019, e positivo, pero si non se corrixe a reforma do 2013, a partir do ano que ven regresarase ao incremento do 0,25%.

Así o explicaba José Vázquez, delegado de UXT.

#hoxeenArousaPontevedraDíaaDía

#de12a1430

A Feira Celta abre este venres 18 as Festas de Santa Rita de Vilagarcía, chea de novidades coas que o Concello pretende dinamizar o evento e implicar á cidadanía na ambientación castrexa.

A celebración de casamentos polo rito castrexo e sorteos para os asistentes que vaian ataviados con vestimentas celtas son parte delas.

A información de todo elo pódese achegar a través do facebook Feira Celta Vilagarcía.

Nolo contaba a concelleira de Cultura, Sonia Outón, no acto de presentación, acompañado do organizador do evento, Anxo Fernández.

#hoxeenArousaPontevedraDíaaDía

#de12a1430

O Concelleiro de Servizos Sociais, Tino Cordal, e o representante da empresa Viaqua asinaron esta mañá o protocolo de colaboración que crea un fondo social para garantir o suministro de agua a personas en situación de vulnerabilidade económica.

A medida, pioneira na provincia de Pontevedra e segunda en Galicia, pretende evitar cortes no suministro por impago en casos de problemas económicos.

A concesionaria do servicio municipal prevé que arredor duns 2.000 abonados soliciten inicialmente a factura electrónica, permitindo a Viaqua aportar, ao fondo social creado, un euro por cada cliente que deixe de recibir a factura en papel.

Despóis será o departamento de Servizos Sociais do Concello quen determine qué beneficiarios poden acollerse a este fondo, seguindo uns requisitos establecidos.

Así o explicaban o Director Xeral de Viaqua, Julio Masid, e o Concelleiro de Servizos Sociais de Cambados, Tino Cordal, durante a sinatura do protocolo de colaboración.

#hoxeenArousaPontevedraDíaaDía

#de12a1430

Ábrese a II edición do Premio Ría de Arousa creado para fomentar o emprendemento marítimo-portuario, poñendo en valor á ría con ideas innovadoras e viables.

O certame está convocado pola Asociación de Xóvenes Empresarios de Pontevedra, cofinanciado polo Igape e conta coa colaboración do Porto de Vilagarcía de Arousa, a Consellería do Mar, o Banco Santander, Galicia Business School, FECA, e J Rey Asesores.

O prazo de inscrición abrese hoxe, e pecharase o día 10 xuño. Será o vindeiro 14 de xuño cando se celebre o acto de entrega de premios.

O gañador obterá 2.000 euros para cubrir os gastos de constitución da empresa, un Diploma en Business Administration valorado en 3.600 euros e 1 ano gratis nun dos despachos do Espazo Emprendedor de AJE.

Ademais haberá 3 accésit para o Programa Superior en Liderado e Dirección de Equipos, valorado en 1.800 euros, e 6 meses gratis na zona coworking do Espazo Emprendedor.

Como novidade nesta segunda edición e por iniciativa de FECA, Federación de Empresarios de Arousa, entregarase un Premio Honorífico a un empresario do sector como recoñecemento ao seu traballo.

Así o explicaba o Presidente de Xóvenes Empresarios, Pablo Fernández, na presentación da iniciativa, acompañado por José Luis Vilanova de Feca, e da Presidenta da Autoridade Portuaria de Vilagarcía, Sagrario Franco.

O Concello de Cambados aprobou no pleno extraordinario da pasada noite, cos votos a favor do cuatripartito e o voto en contra do PP, o orzamento para este ano, que asciende a 9.4 millóns de euros, o máis alto da última década, segundo os datos do goberno local.

A maior parte do gasto estará destinado a persoal e gastos correntes, mentres que as inversións reais serán de 655.000 euros, cuxa maior parte, máis de 200.000 euros, irá destinada á remodelación da Praza de Abastos.

Tamén se incluen as actuacións de reforma do Centro de Saúde, a mellora das pistas de tenis de O Pombal e tamén de diferentes camiños municipais.

Entre as prioridades do orzamento están os Servizos Sociais, cunha partida que se incrementa ata os 400.000 euros, a máis alta dos últimos seis anos.

Dende a oposición, o portavoz do PP Luis Aragunde argumentou o seu voto en contra censurando que as contas chegaban tarde, son excesivamente continuístas e as únicas inversións que contemplan son as que se aportan a través do Plan Concellos da Deputación.

Ademáis, cuestiona que determinadas partidas de Servizos Sociais e Festas non se axustan ás necesidades reais do Concello.

Neste sentido, Aragunde recrimina o que considera escasa colaboración con Esperanza Salnés ou o retraso no pago das axudas escolares.

Sen embargo, o Concelleiro de Economía e Facenda, Xurxo Charlín, valora positivamente a aprobación dos orzamentos municipais para este ano e defende o contido do documento.

#hoxeenArousaPontevedraDíaaDía

#de12a1430

O Concello de Vilagarcía e o Coworking Dalle que Dalle abren a cuarta edición do programa “Emprende VGA” do que hoxe se inicia o período de inscripción

A aceleradora de negocios, financiada polo Concello, desenvolverá dende mañá ata o 31 de xullo 15 actividades formativas, de carácter gratuíto, enfocadas en Marketing e plans de negocios, Mentorización e Networking.

Asimesmo, ao igual que o ano pasado, os tres mellores proxectos recibirán premios económicos por un importe de 3.000 euros cada un.

As inscripcións poden realizarse a través da web de Dalle que Dalle e nesta edición, ainda que está aberta ao público xeral, darase prioridade aos que cheguen cunha idea de negocio ou xa teñan unha empresa creada e queiran darlle unha nova liña.

Os detalles explicaronnos esta mañá as responsables do Coworking, Susana Loroño e Raquel Argibay, acompañadas do Concelleiro de Promoción Económica, José Antonio Pérez Callón.

#hoxeenArousaPontevedraDíaaDía

#de12a1430

A Mancomunidade do Salnés inicia un Plan para a eliminación da vespa velutina mediante a instalación de 1.800 trampas nos concellos que integran a entidade, 300 por cada municipio, agás en O Grove, a Illa e Cambados que xa o están realizando con medios propios.

A actuación está a ser efectuada pola empresa Haltura de Prevención, de Vigo, por un importe duns 600 euros por concello, que xa comezou a colocación das primeiras trampas en Vilanova.

Así o explicaban o xerente da Mancomunidade, Ramón Guinarte, e o responsable da empresa, Satur Ferreira, acompañados do alcalde de Vilanova, Gonzalo Durán, na presentación do Plan esta mañá no entorno de O Terrón.

#hoxeenArousaPontevedraDíaaDía

#de12a1430

Vilagarcía presentou esta mañá unha nova edición do programa “Goza do Ulla”, unha iniciativa de roteiros na que participan os 20 concellos de Galicia polos que decorre o río Ulla, ao longo dos 130 kms do seu percorrido: dende Antas de Ulla ata a súa desembocadura en Vilagarcía.

As rutas de sendeirismo comezan o próximo 26 de maio en Monterroso e rematan o 28 de outubro en Vila de Cruces.

O alcalde de Vilagarcía, Alberto Varela, que foi o encargado de presentar o programa deste ano, avanzou ademáis a posta en marcha dun proxecto ambicioso, que xa conta co beneplácito da Xunta, para crear unha gran ruta continuada que integre a todos os concellos situados a ambas beiras do río, aproveitando as sinerxias entre eles.