#hoxeenArousaPontevedraDíaaDía

#de12a1430

En Arousa foron sucedéndose esta mañá as primeiras reaccións ante o triunfo da moción de censura presentada polo PSOE contra Rajoy que converte a Pedro Sánchez no novo presidente do goberno de España.

En Vilanova, o alcalde popular Gonzalo Durán exprésase partidario dun proceso de renovación profunda do partido.

E dende as filas socialistas, tamén se pronunciaban o alcalde de A Illa, Carlos Iglesias, e a alcaldesa de Cambados, Fátima Abal.

Pola súa banda, a presidenta da deputación, Carmela Silva, expresaba a súa satisfacción pola nova etapa que se abre agora.

#hoxeenArousaPontevedraDíaaDía

#de12a1430

O Concello de Cambados amplía o seu legado sobre o escritor Ramón Cabanillas a través dunha doazón da familia Pillado Silvoso.

O salón de plenos de Cambados acolleu está mañá o acto de cesión por tempo ilimitado de numerosas cartas, fotografías e libros do autor que conservaban os irmáns Pillado.

Trátase de numerosas cartas e postais manuscritas que Ramón Cabanillas enviou dende Cuba e Madrid ao seu íntimo amigo, Antonio Pillado, avó dos irmáns.

Ademáis, o legado cedido ao concello tamén conta con once libros de Cabanillas, fotografías e tres cadros de Joaquín Sánchez Peña, cuñado do escritor.

Con esta doazón, o Concello de Cambados quere recuperar a memoria de Cabanillas, polo que xa ten en marcha o proxecto de musealización da casa natal do autor e unha sala de exposicións coa súa obra na casa da Calzada, en Exposalnés.

Esta actuación levaráse a cabo a través da financiación do Plan Concellos 2018 da Deputación, e dende a Consellería de Cultura, que dirixe Víctor Caamaño, agardase que poidan comezas as obras a finais de este ano.

Detalles que contaban esta mañá o Concelleiro de Cultura, Víctor Caamaño, e Xoan Antonio Pillado Silvoso.

#hoxeenArousaPontevedraDíaaDía

#de12a1430

O Concello de Cambados continúa promovendo cursos para a formación de emprendedores dentro do programa “Cambados Emprende”.

A seguinte acción formativa aborda o novo regulamento europeo de Protección de Datos mediante un curso que terá lugar do 11 ao 22 de xuño no Viveiro de Empresas de Cambados, de luns a venres e de 20 a 22 horas.

Os asistentes poderán coñecer polo miudo a nova normativa que entrou en vigor o pasado 25 de maio e as obrigas e dereitos que suporá para empresas e negocios.

Unha iniciativa á que poden optar un máximo de 20 persoas, con caracter gratuito, previa inscripción no Concello, e que é pioneira na provincia, tal como explicaban esta mañá o Concelleiro de Promoción Económica Xurxo Charlìn, e a directora do curso, Beatriz Regueira.

#hoxeenArousaPontevedraDíaaDía

#de12a1430

Cambados acolle este sábado 2 de xuño o I Torneo Vila de Cambados de Ximnasia Rítmica organizado polo club Grand Jeté e o Concello.

Será no pavillon de O Pombal de 10 a 20 horas, con descanso para xantar, e coa presencia duns 500 participantes de 33 clubes de Galicia e 1 de Asturias.

Unha disciplina que vai crecendo en adeptos cos anos, tal como decía o concelleiro de Deportes, Victor Caamaño, na presentación do torneo, acompañado do portavoz do club Gran Jeté, Fani Dios.

#hoxeenArousaPontevedraDíaaDía

#de12a1430

A Asociación O Castro de Baión ten xa todo preparado para a celebración da Mostra de Oficios, Costumes e Fotos Populares.

Será os días 9 e 10 de xuño no campo da Igrexa de Baion coa participación no evento dunhas 200 persoas.

Recuperar as tradicións cara os máis novos e que os maiores rememoren a vida pasada dos anos 60 son os obxectivos desta Mostra na que se poderán visitar stands de oficios tradicionais, recreación de actividades como a malla, debullar o millo, amasar o pan ou ferrar a un cabalo.

Nolo contaba o presidente da Asociación, José Sabarís, na presentación do evento, acompañado do alcalde de Vilanova, Gonzalo Durán.

#hoxeenArousaPontevedraDíaaDía

#de12a1430

Os Emigrantes Retornados do Salnés trasladaron hoxe a Cambados as súas mobilizacións nunha nova manifestación en defensa das súas demandas.

Siguen pedíndolle ao goberno do Estado que poña fin ao que consideran “discriminación fiscal” do seu colectivo.

Así o decia o seu portavoz, Xosé Lois Leirós, durante a protesta que partiu dende a Escalinata de San Tomé en Cambados.

#hoxeenArousaPontevedraDíaaDía

#de12a1430

O Parque Miguel Hernández de Vilagarcía será o sábado 16 de xuño, dende ás 11.30 horas, o escenario do Festival de Estío co que os máis pequenos da vila poden dar a benvida ao verán.

Este ano, o Festival únese ao programa de dinamización lingüística Apego, nunha gran xornada de encontro para as familias, chea de música, de xogos educativos e de espazos para microesceas, con contos, teatro, títeres ou máxia, dos que gozarán tanto grandes coma pequenos.

Serán tres espazos onde se desenvolverán doce microescenas de proximidade, de 10 minutos cada unha, por parte de creadores de referencia nas programacións familiares, como Charo Pita, Ignacio Vilariño, Anxo Moure, Trinke Trinke ou Bea Campos.

O obxectivo é que o público poida ir rotando dun a outro espectáculo dunha maneira dinámica.

Ademáis, haberá tamén un escenario polo que pasará un dos proxectos musicais máis recoñecidos de Galicia, como é a banda musical de Pablo Díaz que pechará a xornada cun concerto presentando o seu último traballo.

Durante toda a xornada tamén haberá un amplo espazo para o xogo que potenciará a socialización das familias e o desfrute libre da cativada.

Así nolo contaban a Concelleira de Cultura, Sonia Outón e Emi Candal de Urdime, a organizadora das propostas.

#hoxeenArousaPontevedraDíaaDía

#de12a1430

A alcaldesa de Cambados, Fátima Abal, e representantes do Consello Regulador Rías Baixas ultimaron o acordo sobre os controvertidos horarios de peche das casetas da Festa do Albariño.

Finalmente, o acordo acadado axústase ao cumprimento da lei autonómica e prevé que os stands deixen de servir entre as tres e as catro da madrugada.

Agora, o documento deberá ser aprobado pola xunta local de goberno de Cambados, que se celebra mañá, e tamén polo Consello Regulador, antes da sinatura do acordo.

Ademáis, o convenio recolle alguns aspectos novidosos como a celebración dunha recepción oficial ás tres adegas que resulten gañadoras do Concurso do Albariño, copas de talo corto para evitar roturas e a elección dunha pregoeira, todavía sen desvelar, para esta edición da Festa.

En canto ao lugar que ocuparán as casetas, o Concello agarda un informe técnico da Deputación (os municipais teñen sobrecarga de traballo) para avaliar a viabilidade de ampliar o espazo ata un dos carrís do Paseo da Calzada.

Con todo, a controversia continúa agora en torno a moción presentada no seu día por Cambados Pode, na que plantexa que os horarios sexan fixados polo Pleno da Corporación.

A moción está incluida na orde do día do pleno deste xoves, ainda que a alcaldesa solicitou un informe á secretaria municipal para cerciorarse de se se pode debater unha iniciativa contraria á lei autonómica en cuestión de horarios de peche.

Sen embargo, o portavoz de Pode está convencido de que o debate non contravén ningún precepto legal e insiste en que o convenio entre a alcaldía e o Consello Regulador non é a solución porque é o Concello quen organiza a Festa.

Todo elo nolo explicaban a alcaldesa, Fátima Abal, e o portavoz de Pode, José Ramón Abal.

#hoxeenArousaPontevedraDíaaDía

#de12a1430

O grupo provincial do Partido Popular denuncia que a Deputación pechou o pasado exercicio coa metade do orzamento sen executar.

En total cifra en 163 millóns de euros a cantidade que quedou na caixa debido o que califica como paralización do goberno bipartito.

Concretamente no Salnés, os populares aseguran que non se está a executar ningunha obra nova xa que as actuacións realizadas durante os últimos tres anos foron tramitadas no anterior mandato do PP.

Así o explicaba o deputado provincial, Luis Aragunde, acompañado dos tamén deputados Angel Moldes e Salomé Peña, poñendo como exemplo as obras da piscina municipal de Cambados.

#hoxeenArousaPontevedraDíaaDía

#de12a1430

A Mancomunidade do Salnés non perde de vista o mercado do Turismo Ruso.

Por tal motivo, aproveitando unha visita que unha delegación institucional e comercial de Rusia realiza a Galicia, a entidade comarcal mantivo esta mañá un encontro de traballo co embaixador e os representantes do país en España.

Durante un almorzo no Parador de Cambados, analizaron as sinerxias entre ambos países e o que buscan os máis de 1,2 millóns de visitantes rusos ao ano na comarca e en Galicia.

Así o explicaba o embaixador de Rusia en España, Yuri Korchagin.