#hoxeenArousaPontevedraDíaaDía

#de12a1430

A Mancomunidade do Salnés considera cumplidos os obxetivos da viaxe promocional realizada a semana pasada a China.

O delegado de turismo, Gonzalo Pita, participou no Foro Internacional de Alcaldes, en representación da comarca e chega con compromisos acadados:

Unha visita próxima dunha delegación chinesa á comarca do Salnés e un convenio de colaboración temático.

Asi o explicaba Gonzalo Pita esta mañá nunha rolda de prensa para valorar e facer balance da viaxe.

#hoxeenArousaPontevedraDíaaDía

#de12a1430

Cambados acolle esta fin de semana e por segundo ano, o Trofeo Arribada Gaélica da Ría de Arousa, un evento no que se misturan o fútbol gaélico, embarcacións tradicionais e música.

A Arribada comezará o venres día 8, cunha ruta pola ría de Arousa que partirá as 17 horas do Porto de Tragove e na que participarán 12 embarcacións tradicionais procedentes de Cambados, A Illa, O Grove e Carril.

Xa o sábado pola mañá celebrarase o Torneo de Fútbol Gaélico no que 4 equipos de Cambados, A Illa, O Grove e Lalín disputaranse o título de campión.

Posteriormente, para rematar o evento, haberá concertos de 8 grupos musicais dende as 14 horas ata a 1 da madrugada na Praza de Alfredo Brañas e pola tarde tamén haberá actividades para nenos como globofexia e pintacaras.

O clube de fútbol galaico de Cambados prepara ademáis unha churrascada e habilitará unha barra con prezos populares co fin de recadar fondos para o clube.

Así o explicaban o concelleiro de cultura de Cambados, Víctor Caamaño e o directivo do clube de fútbol galaico de Cambados, Manuel Oubiña, durante a presentación desta segunda edición da Arribada.

#hoxeenArousaPontevedraDíaaDía

#de12a1430

A exposición itinerante “Erradiquemos a Mutilación Xenital Femenina” chega a Cambados da man de Mulleres en Igualdade.

Son 35 ilustracións de artistas españois que ofrecen diferentes visións dunha práctica que, segundo datos de Unicef, sufren 200 millóns de mulleres e nenas en todo o mundo, sobre todo as menores de cinco anos.

A mostra poderase visitar no Salón de Plenos do Concello de Cambados durante unha semana en horario de mañá e con cita pola tarde. Despois trasladarase a Vilanova.

A exposición pretende sensibilizar á sociedade e amosar a dura realidade á que se enfrontan milleiros de mulleres a diario en todo o mundo, mesmo no noso entorno máis cercano.

Así o explicaba a presidenta de Mulleres en Igualdade de Pontevedra, Beatriz Piñeiro, durante a inauguración da mostra esta mañá en Cambados, acompañada da alcaldesa, Fátima Abal e o concelleiro de Cultura, Victor Caamaño.

#hoxeenArousaPontevedraDíaaDía

#de12a1430

O Concello de Cambados continúa enchendo de contidos o programa “Cambados Emprende”.

Nesta ocasión, a Concellería de Promoción Económica organiza para o próximo 14 de xuño unha charla aberta sobre telefonía e internet destinada a emprendedores e veciños en xeral.

Será en Exposalnés ás 20.30 horas e a asistencia é gratuita previa inscripción.

A intención é asesorar aos asistentes a elexir a operadora e o contrato máis adecuados , así como defender os seus dereitos ante posibles disconformidades co servizo.

Os contidos explicábaos o concelleiro Xurxo Charlín na presentación da iniciativa.

#hoxeenArousaPontevedraDíaaDía

#de12a1430

Os hosteleiros de Vilagarcía adiantase ao inicio da tempada estival cunha nova edición do Destapa Vilagarcía que dende o 8 ata o 17 de xuño ofrece a posibilidade de degustar 16 elaboracións do máis variadas.

Salmón afumado, carrilleiras de terneira, carne de cervo ou lasaña de marisco son algunas das propostas de esta VIII edición que ademáis, incorpora unha ruta de combinados premium por 10 locais de copas.

Debido á variedade e as elaboradas receitas, este ano o prezo da tapa aumenta 0'50 céntimos, polo que a tapa sola custará 2'5€, 3'5€ si se acompaña con botellín de Mahou e 4 euros si vai con viño.

Nesta ocasión, os hosteleiros servirán as súas tapas de luns a venres só en horario de 20 a 22:30 horas, e os sábados e domingos de 13 a 15 horas e de 20 a 22:30h.

Unha vez máis, haberá día do tapeador, que será o martes 12 e o mércores 13, reducindo o prezo a 2'20€.

Tampouco faltará o concurso de tiraxe de caña, o martes 12 ao mediodía na Praza de Galicia e unha demostración de coctelería o xoves 14 as 19:30h no Mezclum.

Polo demáis, o funcionamento do concurso é como en anteriores edicións, e os clientes que desexen participar nos sorteos deberán selar o seu libro de ruta en 6 dos locais de tapas, e en tres locais de copas para poder optar ao premio especial de 300€.

Así o explicaban a teniente de alcalde, Tania García e un reprentante de Ahituvi, Manuel Gómez do bar A Baldosa.

#hoxeenArousaPontevedraDíaaDía

#de12a1430

O Concello de Cambados acaba de realizar diversas actuacións de melloras de camiños en puntos de Castrelo e Corvillón mediante fondos do Agader.

Concretamente, foron actuacións que supuseron un orzamento de de 43.995,62 € e cunha baixa de 6.825,25 € sobre o prezo de licitación (50.820,87 €).

Así o explicaba o Concelleiro de Obras de Cambados, José Ramón Abal, durante unha visita de supervisión aos traballos realizados en Castrelo.

#hoxeenArousaPontevedraDíaaDía

#de12a1430

O goberno local de Sanxenxo fixo esta mañá valoración do primeiro ano de mandato bipartito entre o PP e Sal, despóis de que Gonzalo Pita cedera a alcaldía ao popular Telmo Martín.

Un tempo de goberno compartido que ambas formacións consideran moi positivo e tanto o alcade Telmo Martín como o líder de Sal, Gonzalo Pita, resaltaron a estabilidade e armonía do executivo bipartito e os proxectos realizados.

O parking da Praza do Mar ou o semáforo en Salinas xa se concretaron e a posta en marcha do parque empresarial de Nantes será unha realidade antes do 22 de outubro, explicou o rexedor.

Ademáis, avanzou que o proxecto estrela será a reordenación de Portonovo, para o que, eso sí, o goberno municipal necesita acordos con todas as adminsitracións e o consenso veciñal.

Outras actuacións que agardan ter en marcha antes de que remate a lexislatura é a rexeneración de Carabuxeira ou o Centro Sociocultural de Vilalonga.

En todo caso, nin Telmo Martín nin Gonzalo Pita quixeron comprometerse de momento nunha posible alianza cara as vindeiras eleccións municipais.

#hoxeenArousaPontevedraDíaaDía

#de12a1430

A Xunta destaca en Ribadumia o potencial do sector da conserva en Galicia, que supón o 3% do produto interior bruto e representa o 6,5% do emprego industrial.

O conselleiro de Economía, Emprego e Industria, Francisco Conde, e a conselleira do Mar, Rosa Quintana, visitaron hoxe as instalacións de Conservas La Brújula.

Ambos incidiron en que “o traballo de empresas como esta axuda a que Galicia sexa por terceiro mes consecutivo a Comunidade na que máis baixa o paro”.

Segundo os datos publicados hoxe, Galicia rexistra un descenso do -11,49%: 22.942 parados menos con respecto a maio de 2017.

Neste sentido resaltaron “a unión de tradición e innovación desta empresa para achegar valor engadido aos seus produtos, facendo unha constante aposta pola internacionalización das súas vendas, que hoxe chegan xa a máis de 26 países, entre eles, Austria, Alemaña, EEUU, Francia, Hong Kong, Inglaterra, Irlanda, Italia, México e Portugal”.

#hoxeenArousaPontevedraDíaaDía

#de12a1430

O Parque Natural de O Carreirón de A Illa de Arousa foi o lugar escollido polo grupo parlamentario socialista para presentar diversas iniciativas sobre sostenibilidade medioambiental e aproveitamento da Ría de Arousa que levará ante a Cámara galega.

Os detalles explicábaos o portavoz do grupo socialista, Xaquín Fernández Leiceaga, acompañado da deputada Patricia Vilán e alcaldes da comarca.

#hoxeenArousaPontevedraDíaaDía

#de12a1430

Vilanova súmase á Plataforma en Defensa da Ría de Arousa no seu rexeitamento á reactivación da mina de Touro.

O goberno local colocou esta mañá unha pancarta en contra do proxecto nun acto no que tamén estiveron presentes o presidente do Consello Regulador do Mexillón de Galicia, Francisco Alcalde, e a patrona maior da confraría de Vilanova, Mª José Vales.

Un acto no que, ademáis, todos eles convidaron aos veciños á participar na manifestación que terá lugar o día 10 de xuño en Santiago.