#hoxeenArousaPontevedraDíaaDía

#de12a1430

O campus de veran da Fundación Celta de Vigo regresa a Vilagarcía entre o 16 e 20 de xullo.

As actividades desenvolveránse no campo de fútbol municipal de Berdón de luns a venres en horario de 10 a 14 horas e está dirixido a 50 rapaces de entre 4 e 14 anos de edad.

A inscripción pode realizarse a través da web www.fundacioncelta.com e terá un custe de 130 euros en xeral e de 115 para rapaces que pertenzan a un club con convenio co Celta, como é o caso do Vilagarcía.

A quinta edición do Campus de Fútbol do Celta de Vigo foi presentado esta mañá polo coordinador do campus, Álex Abalde.

#hoxeenArousaPontevedraDíaaDía

#de12a1430

O Concello de Vilanova acaba de adquirir un local antiga propiedade do clan dos Charlíns, agora xestionado polo Plan Nacional Antidrogas, para incrementar o patrimonio municipal e reubicar servizos.

O inmoble, duns 700 metros cadrados, está ubicado na Avenida das Sinas e será destinado a acoller o arquivo municipal, que actualmente se encontra na planta superior da Praza de Abastos.

A compra supón unha inversión de 70.000 euros, que serán financiados a través do Plan Concellos.

Así o explicaba esta mañá o alcalde, Gonzalo Durán.

hoxeenArousaPontevedraDíaaDía

#de12a1430

O grupo provincial do PSOE fixo balance esta mañá en Vilanova das inversións da Deputación de Pontevedra no municipio nestes 3 anos de goberno.

O Secretario provincial David Regades cifrou en 4'5 millóns de euros as partidas destinadas ata o de agora a Vilanova en materia de cooperación a través do Plan Concellos, en cultura, cohesión social ou mobilidade, entre outras.

Asimesmo, Regades avanzou que a Deputación de Pontevedra rematará o seu mandato cunha inversión en Vilanova que superará os 5 millóns de euros.

O Secretario Provincial tamén reflexou que "bota en falta" a planificación do goberno local de Gonzalo Durán para solicitar as obras do Plan Concellos 2019 anticipadamente.

Pola súa parte, o Deputado provincial, o vilanovés Javier Dios, insistiu en que o alcalde, Gonzalo Durán, "minte cando di que a Diputación está roubando cartos a Vilanova", xa que nestes tres anos, a administración provincial triplicou a inversión no municipio en comparación co anterior goberno do PP de Louzán.

Sen embargo, o rexedor ratifícase nos seus argumentos asegurando que o Plan Concellos procede de fondos do Estado e non son propios da Deputación.

#hoxeenArousaPontevedraDíaaDía

#de12a1430

O refuxio de Animais de Vilagarcía ten xa a declaración de núcleo zoolóxico pero para elo foi necesaria a realización de diversas melloras sufragadas polo Concello cunha inversión duns 4.000 euros.

Un importe que se suma á ampliación do convenio entre a protectora e o Concello que pasa de 15.000 a 25.000 euros.

A reforma consistiu na separación da zona de quirófano da de almacén e na creación de novas zonas de cuarentenas.

Agora, ao ser núcleo zoolóxico, a Protectora de Vilagarcía poderá realizar adopcións internacionais.

Así nolo contaban esta mañá a responsable da protectora e o alcalde de Vilagarcía.

#hoxeenArousaPontevedraDíaaDía

#de12a1430

A Illa de Arousa poderá contar co reformado centro de saúde a partir do vindeiro outubro.

A empresa Copcisa, adxudicataria do proxecto por un importe de 342.000 euros, comezou as obras que permitirán aumentar a superficie do centrode saúde en máis de 500 metros cadrados.

Ademáis, habilítanse novas consultas e instálase un ascensor para rematar cos problemas de accesibilidade das instalacións.

O Conselleiro de Sanidade, Jesús Vázquez Almuiña realizou unha visita as obras resaltando os beneficios que a actuación suporá para os veciños de A Illa.

#hoxeenArousaPontevedraDíaaDía

#de12a1430

A corporación municipal de a Illa de Arousa celebrará este vindeiro luns, ás 13 horas, un pleno extraordinario no que se aprobará a licitación das obras de rehabilitación das casas modernistas, despóis de que o Concello tivera que modificar o proxecto por exixencias de Patrimonio.

Ademáis, o pleno tamén acordará unha modificación de crédito para a contratación dunha empresa externa destinada a limpeza das praias.

Contábanolo esta mañá o alcalde, Carlos Iglesias.

#hoxeenArousaPontevedraDíaaDía

#de12a1430

A IX edición da Concentración moteira organizada polo motoclube Trasnos do Salnés, en colaboración co Concello de Ribadumia, xa está en marcha dende hoxe e ata o domingo.

Uns 1.200 moteiros chegados dende diferentes puntos de España participarán nunha ruta que percorrera os municipios de Ribadumia, Meis, Vilanova e Sanxenxo

Ademáis este ano, o evento inclue a I Festa da Xuventude Trasnos do Salnés con música de djs, xogos populares e unha degustación de xamon na Carballeira de Ribadumia.

Así o explicaban os representantes do Motoclube Trasnos do Salnés, Santiago Barreiro fillo e pai, na presentación do evento, acompañados do alcalde de Ribadumia David Castro.

O PP de Vilagarcía amosase preocupado pola "falta de seguridade" da renovada Praza de Galicia tralas cinco caídas rexistradas nos últimos días.

Os populares non entenden como o goberno local investiu preto de 200.000 euros para "deshumanizar unha zona que estaba humanizada" e convertir a Praza "nunha zona chea de obstáculos e nunha trampa para persoas con discapacidade visual".

Neste sentido, a formación propon que se instalen unhas barandillas e que se cambie a textura do formigón.

En canto ao proxecto, o partido popular de Vilagarcía considera que "faltan cousas" xa que so hai un chorro na fonte, en lugar dos 8 anunciados, hai menos cespede, e faltan bocas de rego.

Entende a formación, que estás carencias son debido á desproporcionada rebaixa dun 46% do prezo de licitación do proxecto.

Ademáis, también critican o "caos circulatorio" e a mala planificacion do entorno e a reordenación do tráfico por parte do gobierno local.

#hoxeenArousaPontevedraDíaaDía

#de12a1430

O sindicato CIG converte o martes 19 de xuño, día da folga aplazada, nunha xornada nacional de mobilizacións, con manifestacións en todas as comarcas, para exixir a recuperación dos dereitos perdidos.

En Arousa, a mobilización partirá ás 20 horas da Casa do Mar de Vilagarcía.

Deste xeito, a central nacionalista quere dar uns meses ao novo goberno socialista de España para que materialice a derogación das reformas laborais.

Así o explicaba Xoan Xosé Bouzas Aboi, secretario comarcal da CIG.

#hoxeenArousaPontevedraDíaaDía

#de12a1430

A illa de Cortegada acolleu esta mañá o simulacro de incendio solicitado polo Concello de Vilagarcía dende hai tres anos, coa participación de medios da Xunta de Galicia, do Parque Nacional das Illas Atlánticas e da administración municipal.

A actuación simulou un conato de incendio que se iniciou na parte alta do poboado que se atopa nesta illa, e que afectou a 4.500 metros cadrados.

Para elo foron mobilizados un helicóptero de extinción con cuadrilla, un posto de mando avanzado, 4 brigadas, un camión motobomba, outro de Protección Civil de Vilagarcía, 4 axentes forestais e un vixilante patrón.

Tamén participou un director de extinción, dúas motobombas transportables, dúas lanchas, unha patrulla da policía local e un responsable de análise do operativo.

O obxectivo foi comprobar o correcto funcionamento e coordinación dos medios de persoal, mecánicos ou técnicos nun posible incendio real.

Así o explicaba o delegado territorial da Xunta en Pontevedra, Xosé Manuel Cores Tourís, que realizou o seguimento das operacións, acompañado do alcalde de Vilagarcía, Alberto Varela,

Cores Tourís tamén lembrou que onte constituíuse o Comité Integrado de Prevención de Incendios de Galicia (CIPIG) para a campaña 2018.

O operativo de loita contra o lume estará integrado, na tempada de alto risco, por máis de 7.000 efectivos, contando os propios da Xunta, os do Ministerio de Agricultura, do Exército e dos Corpos e Forzas de Seguridade do Estado.

Disporase, ademais, duns trinta medios aéreos e de 360 motobombas, ás que se engaden cisternas, pas e outros vehículos.