#hoxeenArousaPontevedraDíaaDía

#de12a1430

A rúa Isabel II de Cambados quedará pechada ao tráfico rodado as fins de semana e festivos durante os meses de xullo e agosto.

Concretamente, os coches non poderán circular dende as 20 horas dos venres ata as 9 horas dos luns.

Unha nova reordenación do tráfico pensada para mellorar a seguridade viaria en entornos do casco urbano moi frecuentados por veciños e turistas, tal como explicaba esta mañá o Concelleiro de Obras e Servizos José Ramón Abal.

#hoxeenArousaPontevedraDíaaDía

#de12a1430

A Mancomunidade do Salnés ten listo un novo vídeo promocional da comarca, elaborado por Canal Rías Baixas, destinado a atraer sobre todo á xuventude e as familias ao turismo de vivencias.

Actividades náuticas, senderismo ou experiencias presenciais sobre o traballo nas bateas ou a elaboración do viño son parte das propostas que a Mancomunidade quere promocionar a través desta grabación.

O vídeo foi presentado esta mañá polo Presidente da entidade comarcal, Gonzalo Durán, o delegado de Turismo, Gonzalo Pita e o xerente Ramón Guinarte.

Durante a presentación, Gonzalo Pita tamén avanzou que os contactos co mercado chinés progresan e xa hai un compromiso por parte dun touroperador asiático para organizar viaxes ao Salnés.

Serán grupos de entre cinco e seis turistas “vip” que chegarán a Arousa a través de Oporto e realizarán un gasto medio duns 10.000 euros por persoa durante a súa estancia.

#hoxeenArousaPontevedraDíaaDía

#de12a1430

O Concello de Vilagarcía respalda ás comisións de festas do municipio que solicitaron a súa mediación ante Portos de Galicia co fin de que “o organismo flexibilice as duras normas” decretadas para a celebración dos eventos festivos en terreos portuarios.

Consideran especialmente abusivo o pago dun aval mínimo de 3.000 euros, dos que aseguran carecer dado que os seus ingresos non cubren en moitos casos todas as actividades que organizan.

Dende Portos de Galicia aseguran que os requisitos exixidos son exactamente os mismos que en anteriores anualidades, tanto no referido ao seguro como ao pago do aval.

Unha circunstancia que, sen embargo, o alcalde Alberto Varela nega, preguntándose se algunha comisión de festas tivo que pagar o ano pasado un aval de 3.000 euros.

#hoxeenArousaPontevedraDíaaDía

#de12a1430

O alcalde de Vilagarcía, Alberto Varela, amosou esta mañá a súa tranquilidade despois de coñecerse que o Sergas manterá o horario do ambulatorio de San Roque tanto na quenda de mañá como na da tarde.

O cambio de posición prodúcese despois de que o Conselleiro de Sanidade, Jesús Vázquez Almuíña, non desbotara a eliminación da apertura das tardes durante a súa recente visita ao Hospital do Salnés.

Sen embargo, o estudo elaborado polos técnicos do Sergas mantén o funcionamento continuado, o que da "certa tranquilidade" ao alcalde.

Sen embargo, Varela asegura que seguirá reivindicando outros temas pendentes que a Xunta ten con Vilagarcía no ámbito da sanidade, como o novo centro de saúde ou a ambulancia medicalizada para o Salnés.

#hoxeenArousaPontevedraDíaaDía

#de12a1430

A Concellería de Cultura de Cambados instala Caixas Libro en tres zonas axardinadas do municipio para que os veciños collan e depositen exemplares de lectura.

Concretamente, as estructuras, con porta de cristal para poder comprobar a simple vista o seu contido, estarán ubicadas no Parque Torrado, no entorno da Biblioteca e na Praza de San Roque, ao carón do colexio de San Tomé.

Un proxecto de fomento da lectura pero, sobre todo, como reciclaxe, préstamo e cesión deses libros que acumulamos na casa e non sabemos que facer con eles.

Así o explicaba o Concelleiro de Cultura de Cambados, Victor Caamaño, na presentación da iniciativa.

O Portavoz do PP de Cambados, Luis Aragunde, volve a denunciar o que considera "falta de transparencia" do equipo de goberno.

Neste caso, a reclamación está relacionada coa falta de resposta por parte do goberno local aos escritos presentadas polos populares nos que solicitan a remisión dos acordos plenarios das mocións levadas a pleno.

Aragunde explica que levan casi un ano presentando peticións e mesmo verbalmente no último pleno pero dí que o equipo de goberno fai caso omiso.

Unha circunstancia que fai pensar ao PP "que os acordos plenarios non chegaron ás administracións correspondentes".

O PP de Cambados sinala que mentras non se demostre que os acordos foron enviados, continuarán considerando que o goberno local "tómalle o pelo aos veciños".

#hoxeenArousaPontevedraDíaaDía

#de12a1430

En 8 meses estará rematada a senda peonil e ciclista que a Xunta de Galicia está a executar no marxe dereito da estrada PO 300, nos concellos de Cambados e Ribadumia.

A senda iníciase no punto da primeira intersección de acceso ao polígono industrial do Salnés ata conectar coas beirarrúas de Sameiro e Vilariño.

As obras foron adxudicadas á empresa Marconsa por un importe de 265.000 euros.

Os detalles explicábaos esta mañá o delegado territorial da Xunta en Pontevedra, Cores Tourís, durante unha visita as obras, acompañado do alcalde de Ribadumia, David Castro, e os concelleiros de Cambados, Victor Caamaño e José Ramón Abal.

#hoxeenArousaPontevedraDíaaDía

#de12a1430

Os alumnos que cursen Bacharelato a partir do vindeiro curso terán unha nova materia de libre configuración autonómica que pretende impulsar valores de igualdade.

Chámase “Coeducación para o século XXI” e foi presentada esta mañá en Vilagarcía, no Instituto Castro Alobre, por parte do Conselleiro de Educación, Román Rodríguez, e o vicepresidente da Xunta, Alfonso Rueda.

#hoxeenArousaPontevedraDíaaDía

#de12a1430

Cambados abre a segunda edición do Campus Tecnolóxico de Verán, que terá lugar durante os meses de xullo e agosto, con grupos de 8 alumnos por semana.

A iniciativa desenvolverase este ano no IES Ramón Cabanillas e a matrícula será de 55 euros para os empadroados no municipio.

Desta volta, o Campus seguirá abordando temas como o deseño e impresión 3D, robótica, e como novidade o control por voz no manexo de drons.

Así o explicaba Jorge García, da empresa Telocrea, na presentación do Campus, acompañado do Concelleiro de Cultura, Victor Caamaño.

#hoxeenArousaPontevedraDíaaDía

#de12a1430

O BNG de Sanxenxo cuestiona o procedemento de contratación da Feira Multisectorial que comezou o pasado día 15 e se prolongará ata p 15 de setembro.

O grupo nacionalista asegura que non existen as melloras técnicas e estéticas incluidas na oferta da empresa adxudicataria porque as carpas son as mesmas de edicións anteriores e ademáis a instalación dunha celosía obriga aos comerciantes a ter que abonar 1.000 euros a maiores cada un.

Asimesmo, o BNG explica que a elección da proposta máis barata supón unha merma nos ingresos para Insula (dos 245.000 euros de 2016 aos 125.000 actuais) sen ter as contraprestacións establecidas no pliego de contratación.

Así o decía o portavoz do grupo nacionalista de Sanxenxo David Otero.