#hoxeenArousaPontevedraDíaaDía

#de12a1430

O Enobús de Cambados comezou a rodar esta mañá permitindo a visitantes e veciños disfrutar de visitas a adegas misturadas con experiencias.

A xornada inaugural trasladou o Enobús ata a adega don Olegario e a Fundación Manolo Paz con impresións moi positivas por parte dos usuarios, segundo nos contaba o Concelleiro de Enoturismo, José Ramón Abal.

Este ano, un autobús que leva a imaxe de Gogue e que conta con máis prazas, permite combinar a visita ás adegas cunha xornada de marisqueo con Guimatur, unha cata de espumosos con visita ao Museo do Viño ou un percorrido pola Fundación Manolo Paz.

Os tickets pódense adquirir na Oficina de Turismo de Cambados a un prezo de 12 euros por persoa, con viaxe de balde para os menores de nove anos e desconto do 50% ata os 17 anos.

#hoxeenArousaPontevedraDíaaDía

#de12a1430

Os 6 alumnos do Curso de Dixitalización Documental da Mancomunidade do Salnés comezan os seus traballos formativos no Museo de Lis en Meaño e posteriormente trasladaranse a espazos municipais de O Grove e Portonovo.

Trátase dunha iniciativa enmarcada dentro do Obradoiro Emprega Salnés VI cunha duración de 25 horas.

Durante a mesma, os alumnos aprenden a dixitalizar

documentos históricos e de arquivo municipal ou parroquial, así como rexistros, fotografías, actas, prensa, retablos ou esculturas.

Para elo utilizan dous métidos: o escáner cenital, sen contacto físico para documentos delicados e o escaneo 3D para documentos en relieve de valor patrimonial, como retablos ou grabacións en pedra

Os detalles explícounos o xerente da entidade comarcal, Ramón Guinarte no acto de presentación do curso no Museo de Lis.

#hoxeenArousaPontevedraDíaaDía

#de12a1430

A alcaldesa Fátima Abal e o presidente do Consello Regulador da D.O Rías Baixas, Juan Gil de Araujo, asinaron esta maña o convenio para a celebración da Festa do Albariño deste ano.

O documento establece o horario de peche dos stands de venda segundo a norma autonómica, é dicir, ás tres e media da madrugada.

Un convenio no que, segundo ambos, demostra a boa relación entre ambas entidades.

#hoxeenArousaPontevedraDíaaDía

#de12a1430

A reforma da piscina de Cambados incluirá a creación duns novos vestiarios debido o estado de deterioro dos actuais.

A ampliación da obra supón un incremento de 490.000 euros no convenio asinado entre a Deputación de Pontevedra e o Concello de Cambados, que asumirá íntegramente a institución provincial.

En todo caso, esta nova actuación non aumentará o prazo das obras, que se agarda queden rematadas no primeiro trimestre do ano que ven.

Así o anunciaba esta mañá o deputado provincial David Regades, nunha visita ás obras, acompañado da alcaldesa, Fatima Abal.

#hoxeenArousaPontevedraDíaaDía

#de12a1430

Os meses de xullo e agosto poden chegar ao Salnés cunha ocupación hoteleira dun 78%.

Son datos que ofreceu esta mañá a presidenta da Deputación, Carmela Silva, sobre as estimacións para este verán na provincia, que se sitúan entre o 80% e o 90%, dous puntos superiores ás do pasado 2017.

Por comarcas, as estimacións que manexa a Deputación de Pontevedra serían dun 77,5% no Salnés, un 75% na comarca de Pontevedra e un 86% na comarca de Caldas.

Ainda que apelando a prudencia, Carmela Silva resaltou que “todo apunta a datos extraordinarios nas Rías Baixas que superarían o récord de 2017”.

Do que non ten dúbida e de que “somos a zona de maior éxito de Galicia con incrementos continuos, o liderado do turismo de cruceiros, o aeroporto que máis crece e co maior incremento do turismo estranxeiro”

#hoxeenArousaPontevedraDíaaDía

#de12a1430

O Concello leonés de Camponaraya xa retirou os carteis que promocionaban unha excursión ás Rías Baixas coa expresión a costa da Fariña.

Foi o portavoz do PP de Cambados, Luis Aragunde, o primeiro en denunciar a situación e agora, solventado o problema, adianta que retirará a moción que ía a presentar no pleno da vindeira semana con respecto a este asunto.

Con el falamos en Arousa Pontevedra Día a Día.

#hoxeenArousaPontevedraDíaaDía

#de12a1430

Hoxe celébrase o Día do Orgullo LGTBI con numerosos actos nos concellos das nosas comarcas que incluen a lectura de manifestos a favor da diversidade sexual e a colocación da bandeira arcoiris que luce xa nos balcóns da meirande parte das casas consistoriais.

En Cambados, a alcaldesa Fátima Abal presentou a película “Nove de Novembro”, que se proxectará o sábado 7 de xullo ás 20.30 horas no Auditorio da Xuventude, con entrada libre previa inscripción.

Trátase do primeiro film en galego de temática LGTBI , nela actúa o actor cambadés Ademar Silvoso e foi financiada a través de crowdfunding.

A longametraxe conta a historia de Miguel e Roberto e os últimos días na súa relación en parella durante Novembro de 1989, coincidindo coa caída do muro de Berlín.

Os detalles explicáronos a alcaldesa, Fátima Abal, e a técnica do CIM de Cambados, Mónica Novas, durante o acto celebrado esta mañá.

#hoxeenArousaPontevedraDíaaDía

#de12a1430

O Concello de Vilanova e a Xunta asinaron esta mañá un convenio para a segunda fase de reforma do club de xubilados.

O acordo supón un investimento de 150.000 euros e o goberno municipal pretende empezar as obras despóis do verán.

Así nolo explicaba o alcalde, Gonzalo Durán, trala sinatura do convenio co Conselleiro de Servizos Sociais.

#hoxeenArousaPontevedraDíaaDía

#de12a1430

O Concello de Meis xa está preparado para dar comezo esta fin de semana ás Festas de San Bieito e dos Callos que se extenderán ata o 11 de xullo.

A concelleria de Cultura conta con amplo programa de actividades para a celebración dos festexos que este ano se iniciarán, como novidade, cun torneo de fútbol burbuxa este sábado dende as 10 horas.

Despois, o domingo,como xa é tradicional, terá lugar a XI edición da Feira Labrega, coa recreación dos oficios e o gando como protagonista.

Xa o venres 6 de xullo será o momento do pregón a cargo de Cándido Pazó e o sábado 7 de xullo realizaráse a procesión de San Cristobo polos lugares de costume do municipio.

O Domingo 8 de xullo chegará a XXVIII Festa dos Callos na que se prevé a venda de 6.000 racións a un prezo de 6 euros e reserva de mesa para 14 comensais por 120 euros.

O mesmo día celebraráse a V Ruta BTT e a II Andaina, que este ano amplia o seu percorrido polas rutas de sendeirismo de Meis.

Non faltarán as actuacións musicais coas verbenas, charangas e grupos folclóricos, ademáis do concerto de Oscar Ibáñez e Tribu o 10 de xullo ás 22 horas.

Rematan o programa as Festas patronais de San Bieito o 11 de xullo.

Unha ampla programación que desvelaban esta mañá o alcalde, José Luis Perez, a concelleira de Cultura, Ofelia Barral, e a cociñeira dos callos Carmen Cochón.

#hoxeenArousaPontevedraDíaaDía

#de12a1430

Vilanova pon en marcha a terceira edición do Campus Tecnolóxico de Verán.

Durante os meses de xullo e agosto un máximo de 16 nenos e nenas por semana poderán aprender robótica, impresión 3D, e como novidade este ano, realidade virtual.

Ademáis, debido ao interés dos rapaces por participar neste Campus, esta edición crea dous grupos de aprendizaxe: nivel medio e nivel avanzado.

O prezo da matrícula é de 54 euros e as inscripcións xa poden facerse no Centro de Desenvolvemento Local de Vista Real.

Os detalles explicábaos o organizador do Campus, Manuel Fraga, da empresa Telocrea, durante a presentación da iniciativa, acompañado polo alcalde, Gonzalo Durán.