#hoxeenArousaPontevedraDíaaDía

#de12a1430

Vilagarcía prepara unha nova edición do Clás-Clás ante o éxito obtido na súa estrea durante o 29 de xuño e o 8 de xullo.

O Festival de Música Clásica Internacional, organizado polo Concello, o Conservatorio de Música e a Sociedad Filarmónica, reuniu na vila a 37 profesionais de nivel nacional e internacional que fixeron de Vilagarcía a capital da música clásica.

Un evento que contou con concertos no Auditorio, no Salón García, e en diferentes espazos como o Pazo da Golpilleira, o Pazo de Rubiáns, o conxunto histórico de Vista Alegre, a Residencia Divina Pastora ou o Hospital de O Salnés.

Ademáis do éxito dos concertos, que completaron os aforos, o festival tamén conseguiu unha importante promoción da cidade.

Por eso, a segunda edición do Clás-Clás xa está en marcha e será presentada en octubre, ampliando os workshops destinados aos alumnos e a duración dos concertos.

Así o explicaron no balance do evento o alcalde de Vilagarcía, Alberto Varela, xunto coa directora técnica do Clás-Clás, Rosina Sobrido.

#hoxeenArousaPontevedraDíaaDía

#de12a1430

O concello de Vilagarcía intensifica os traballos de limpeza e desbroce das zonas do rural e poderá acelerar as actuacións no verán mediante o uso dunha minipala desbrozadora, adquirida a través do Plan Concellos da Deputación.

Así o explicaba esta mañá o Concelleiro de Obras, Lino Mouriño, nunha visita a unha das zonas de actuación en Berdón, acompañado do alcalde Alberto Varela.

Por certo que o Concello e a comunidade de montes de Berdón chegaron a un acordo verbal para habilitar unha zona de aparcamento no entorno do campo de fúbol.

Asimesmo, o goberno local avanza nas conversas co poboado chabolista e vai conseguindo que os seus residentes manteñan unha maior limpeza da zona.

#hoxeenArousaPontevedraDíaaDía

#de12a1430

Os concellos de A Illa e Vilanova tentan poñer solucións aos continuos atascos de fin de semana cara á comarcal 549 debido á saida das praias.

Os alcaldes de ambos municipios, Carlos Iglesias e Gonzalo Durán, acordaron esta mañá a sinalización de cinco traxectos alternativos para minimizar os problemas de tráfico tras cruzar a ponte.

#hoxeenArousaPontevedraDíaaDía

#de12a1430

Vilagarcía pon en marcha un ano máis o ciclo de cine familiar “Fantasio na Rúa”, que este ano inclue como novidade a deslocalización da actividade por todas as parroquias.

Serán 19 citas cinematográficas que se proxectarán do 14 de xullo ao 30 de setembro no entorno dos centros socioculturais de cada parroquia e en barrios do centro urbano ás 22.30 en xullo, 22.00 en agosto e 21.30 en setembro.

Así nolo contaba a concelleira de Cultura, Sonia Outón, na presentación de “Fantasio na Rúa”.

#hoxeenArousaPontevedraDíaaDía

#de12a1430

As noites de Jazz volven ao entorno do Mosteiro de Armenteira na III edición do Festival Internacional de Jazz, que se celebrará dende este xoves 12 de xullo e ata o domingo.

Serán catro noites, a partir das 22 horas, nas que actuarán nomes como Quest Three, Mr. River ou a pontevedresa Andrea Taverso.

Os detalles nolos explicaba o organizador do Festival, Paco Charlín, durante a presentación do evento, acompañado do alcalde de Meis, José Luis Pérez.

#hoxeenArousaPontevedraDíaaDía

#de12a1430

O Campo de Golf de Meis acolle dende o 23 ao 27 de xullo a II Semana de Ouro do Albariño.

Un torneo que pretende fomentar a práctica deste deporte tanto entre veciños e turistas ao tempo que se coñecen as adegas patrocinadoras de cada xornada.

Os mellores clasificados de cada día chegarán á final que terá lugar o 29 de xullo na que o Concello de Cambados entregará as follas de ouro, plata e bronce.

As inscripcións están xa abertas na web www.campodegolfmeis.com a un prezo de 70 euros, unha cantidade máis baixa do habitual neste tipo de probas.

Así nolo explicaban o xerente do Campo de Golf e o representante do Club Chan do Fento, organizadores do Torneo, na presentación do evento deportivo acompañados da alcaldesa de Cambados, Fátima Abal e do concelleiro de deportes Victor Caamaño.

#hoxeenArousaPontevedraDíaaDía

#de12a1430

Os traballos de instalación da fibra óptica que están a realizar os alumnos do Obradoiro Tecnolóxico da Mancomunidade do Salnés, chegan tamén ata Baión.

A actuación estaba prevista para o curso formativo do vindeiro ano pero a ampliación do obradoiro fixo posible o seu adianto.

Nolo contaba o alcalde de Vilanova, Gonzalo Durán durante unha visita á zona.

#hoxeenArousaPontevedraDíaaDía

#de12a1430

Vilagarcía será esta fin de semana o epicentro das competicións de Vela.

O Centro Galego de Vela acollerá a Semana Galega da Vela que se celebra entre o 13 e o 15 de xullo.

Nesta segunda edición, máis de 125 regatistas de clubes náuticos de toda Galicia e de España, disputarán cinco títulos oficiais de Copa Galicia máis un Campionato Ibérico.

Con esta competición de vela olímpica e lixeira, o Centro Galego de Vela conmemora tamén os 10 anos da súa posta en marcha.

Ademáis haberá a Medal Race, unha regata final, que se celebrará o domingo na parte posterior do centro de Vela e que estará aberta a todo o público que quera achegarse.

O evento foi presentado esta mañá polo presidente da Real Federación Galega de Vela, Manuel Villaverde, acompañado do representante da Fundación de Deportes de Vilagarcía, Juanmi Doval.

#hoxeenArousaPontevedraDíaaDía

#de12a1430

O Concello e a Xunta acaban de asinar o Convenio para a Festa do Albariño 2018, que comezará o 2 de agosto.

A alcaldesa Fátima Abal e a Directora de Turismo da Xunta de Galicia, Nava Castro, rubricaron o acordo de colaboración para esta LXVI edición do evento por un importe de 25.000 euros, 3.000 euros menos que o convenio do ano pasado.

Unha rebaixa que a alcaldesa non entende dado que Cambados foi Cidade Europea do Viño e está a piques de conseguir a Declaración de Interés Turístico Internacional.

Así nolo decía Fátima Abal nunha conversa nos nosos estudios.

Coa alcaldesa tamén falamos da Viaxe de Intercambio a Venecia dirixida á mocidade, promovida pola Mancomunidade do Salnés, e na que ao Concello de Sanxenxo lle corresponde unha praza.

O tempo de inscripción está aberto ata mañá ao mediodía, momento no que se realizará o sorteo público no Salón de Plenos do Concello.

#hoxeenArousaPontevedraDíaaDía

#de12a1430

O BNG presentou unha proposición non de lei no parlamento instando á Portos de Galicia a que retire as “taxas abusivas” que aplica aos concellos pola utilización de espazos públicos.

Trátase dunha modificación puntual á Lei de Portos de Galicia na que, ademáis, requírese a autoridade portuaria que se acepten as desafectacións, que se cree un órgano de coordinación e que se retire a prohibición do baño e a pesca nos portos galegos.

Unha iniciativa que a formación nacionalista tamén trasladará ás corporacións municipais con mocións para a súa aprobación en pleno.

Así o explicaba esta mañá a deputada Montse Prado, acompañada dos edís de dous dos concellos afectados, Victor Caamaño de Cambados e Lucía Veloso Vilagarcía.