#hoxeenArousaPontevedraDíaaDía

#de12a1430

O Concello de Cambados ten preparado xa o dispositivo de seguridade para a Festa do Albariño deste ano, que quedou consensuado na Xunta Local de Seguridade celebrada esta mañá coa presencia da subdelegada do goberno, Maica Larriba.

Nesta edición, o Concello establecerá un control de aforo para os concertos de venres e sábado da Praza de Fefiñáns cun máximo 5.000 persoas que, ademáis, non poderán entrar con envases de vidro.

Asimesmo, somente haberá un acceso de entrada, pola Rúa Real, e outro de saída, pola Rúa Novidades. O resto permacerán pechados.

Así o explicaban esta mañá a alcaldesa Fátima Abal, o concelleiro de Cultura, Victor Caamaño, e a subdelegada do Goberno, Maica Larriba, trala Xunta Local de Seguridade.

#hoxeenArousaPontevedraDíaaDía

#de12a1430

O delegado territorial da Xunta en Pontevedra, José Manuel Cores Tourís, e o alcalde de Meis, José Luis Pérez, comprobaron esta mañá en Meis as obras executadas dentro do Plan Marco 2017-2018.

Foi inha inversión de 68.000 euros que permitiu actuacións na mellora de camiños en Penente, O Pazo, Paiendes e Zacande.

A obra consistiu na mellora dos firmes dos catro camiños incluídos no proxecto.

No caso dos traballos en Paiendes, Zacande e O Pazo-Nogueiró de Abaixo, foi necesaria a revocación do firme anterior e a aplicación dunha capa de firme a base de aglomerado en quente de cinco centímetros de espesor.

No lugar de Penente, ademais da mesma obra, tamén foi necesario reformar os laterais que se atopaban en terra, abrindo caixas para posteriormente dotar ao camiño dunha base de zahorra artificial para a aplicación posterior de aglomerado en quente.

Por outra banda, no presente ano, o concello de Meis está a executar melloras nos camiños de Arosa, Guimeráns e Talide, onde se investirá unha cantidade similar á adxudicada para 2017 e que permitirá levar a cabo unha intervención global ao longo de 1.120 metros.

O obxectivo de todo elo é fixar a poboación no rural, tal como explicaban o delegado territorial, Cores Tourís, e o alcalde, José Luis Pérez.

#hoxeenArousaPontevedraDíaaDía

#de12a1430

Galicia dispón xa dun catálogo das especies que habitan nas nosas rías.

O Centro de Investigacións Mariñas, ubicado en Corón, en Vilanova, acolleu esta mañá a presentación do

"Inventario da biodiversidade mariña de Galicia", elaborado pola Xunta, no que se documentan 6.381 especies, das que moitas delas están na Ría de Arousa.

No seu conxunto, ademáis, supoñen máis da metade das 11.000 identificadas a nivel nacional.

O Proxecto LEMGAL é unha guía editada pola Consellería do Mar coa participación de 85 investigadores do Centro de Corón, das tres universidades galegas, doutras nacionais e internacionais, así como do Instituto de Investigacións Mariñas (CSIC) e do Instituto Español de Oceanografía.

A publicación recolle todas as especies coñecidas desde a desembocadura do río Miño ata a do Eo e desde a zona intermareal ata a abisal, engadindo tamén a montaña submariña do banco de Galicia.

Un minucioso traballo no que se detalla “a riqueza e complexidade dos ecosistemas mariños galegos e a necesidade de conservarlos para as xeracións futuras”, baixo o lema de que “para protexer hai que coñecer”.

Así o decían o coordinador da publicación, Rafa Bañón, e a Conselleira do Mar, Rosa Quintana, no acto de presentación celebrado esta mañá no Centro de Investigacións de Corón.

#hoxeenArousaPontevedraDíaaDía

#de12a1430

O Concello de Cambados clausurou esta mañá o Obradoiro de Emprego de Rexeneración Urbana e Medioambiental no que 20 alumnos desempregados recibiron formación en carpintería e xardinería á vez que realizaron diferentes actuacións en espazos públicos do municipio.

Entre elas a limpeza e prevención de incendios no Monte da Pastora, a sinalización das rutas do Camiño de Santiago, a dotación de mobiliario urbano no casco urbano ou a restauración das fiestras da Sala Peña e da Casa Consistorial.

Así o explicaba esta mañá a alcaldesa, Fátima Abal, salientando, ademáis, a inserción laboral do 70% acadada en anteriores obradoiros.

#hoxeenArousaPontevedraDíaaDía

#de12a1430

A Festa do Albariño de Cambados será este ano un Espazo Libre de Violencias Machistas a través dunha novidosa iniciativa que porá en marcha o Concello en colaboración con diversas asociacións de mulleres do municipio.

Baixo o lema “Busca mulleres co brazalete morado”, grupos de voluntarias, previamente formadas, estarán distribuidas por distintas zonas do entorno da Festa á disposición de calquera muller que se poida sentir agredida, sexa física ou verbalmente.

Ademáis, tamén se instalará unha carpa na entrada do Paseo da Calzada como Punto Morado coa presencia dunha psicóloga para a atención da víctima.

A presentación da iniciativa tivo lugar esta mañá por parte da alcaldesa, Fátima Abal, acompañada de representantes das asociacións colaboradoras e de Nuria Carro, veciña de Cambados da que xurdiu a proposta.

#hoxeenArousaPontevedraDíaaDía

#de12a1430

Vilagarcía acolle dende mañá o III Curso Instrumental Cidade de Vilagarcía no que músicos de renome do país impartirán clases maxistrais.

A formación terá lugar no Auditorio de Vilagarcía de Arousa do 18 ao 21 de xullo e nela participarán 70 alumnos da Escola de música e do Conservatorio de Vilagarcía e de outros lugares de Galicia.

Contará con docentes como Fernando Raña Barreiro á flauta, Gustavo Castro á trompa, Oscar Gonzalez Estevez ao clarinete, Santiago Blanco ao trombón, Alex Cimadevila ao saxofón, Roberto Bodí á trompeta e Diego Ventoso á percusión.

Como clausura, os alumnos darán un concerto o sábado 21 de xullo, na esquina entre as rúas Valentín Viqueira e Rey Daviña, no que demostrarán todos os coñecementos adquiridos.

Ademáis, a Banda de Música de Vilagarcía ofrecerá un concierto na rúa o domingo 22 de xullo ás 13 horas nos xardíns de Ravella.

Así o explicaban a concelleira de cultura, Sonia Outón e a presidenta do Patronato da Banda de Música de Vilagarcía, Ana Belén Nieto.

#hoxeenArousaPontevedraDíaaDía

#de12a1430

O Concello de Cambados e as Asociacións de Vela do municipio organizan a terceira edición da Escola de Vela Tradicional de Verán na que 40 alumnos maiores de 13 anos poderanse iniciar nesta modalidade de navegación.

Pensando nos máis pequenos, para o vindeiro ano os organizadores barallan a posibilidade de habilitar unha zona preto de terra que sirva para a súa aprendizaxe a modo de “gardería de vela”.

Este ano, o curso ofertaráse en dúas quendas: a primeira do 17 ao 28 e xullo, e unha segunda do 31 de xullo ao 11 de agosto.

As inscripcións poden facerse no Concello de Cambados e teñen un custe de 70 euros.

Así o explicaba esta mañá o representante dun dos colectivos organizadores, Fernando Pombo, acompañado do Concelleiro de Deportes, Victor Caamaño, na presentación da III Escola de Vela.

#hoxeenArousaPontevedraDíaaDía

#de12a1430

O Salnés recibe a primeira delegación china tralas xestións realizadas pola Mancomunidade o pasado mes de xuño no Forum Internacional de Alcaldes celebrado no pais asiático.

É unha viaxe de tres días nos que xa participaron na procesión do Carme de Cambados e puideron coñecer in situ o cultivo do mexillón nunha batea.

Na axenda tamén se inclue visita a adegas e a outras zonas da comarca como a Illa de A Toxa.

O obxectivo é conseguir os mesmos resultados que os obtidos co turismo ruso, creando formulas para poñer en mans dos touroperadores chineses os productos turísticos da comarca e iniciar, ao tempo, vínculos comerciais entre Galicia e China.

A Mancomunidade quere aproveitar que o turismo chinés crece o doble que no resto do mundo, segundo os datos do propio goberno de China, para converter a comarca no seu destino preferente na segunda visita a España.

Así o explicaban o delegado de turismo da Mancomunidade, Gonzalo Pita, e a presidenta da Nova Ruta da Seda, Victoria Jing Xiang na recepción celebrada esta mañá en Exposalnés, en Cambados.

#hoxeenArousaPontevedraDíaaDía

#de12a1430

As obras da nova gardería de Vilaxoan avanzan a bo ritmo e poden estar rematadas no mes de setembro ainda que o prazo de execución é a finais de ano.

Son as estimacións do alcalde, Alberto Varela, durante a visita realizada para supervisar o desenvolvemento dos traballos tralo lixeiro retraso sufrido pola necesidade de cambiar a maraña de tuberías de saneamento descubertas na parcela.

Unha vez rematada, pasará a integrarse na rede galega de escolas infantís xestionada pola Xunta de Galicia e o Concello agarda que sexa a administración autonómica quen asuma a financiación íntegra da compra de mobilizario e persoal docente.

A nova gardería, financiada a través do Plan Concellos da Deputación, terá capacidade para 82 prazas e incluirá seis aulas orientadas ao sur, con comedor, cociña dous patios de xogos exterior e outro cuberto.

Así nolo contaban o arquitecto da obra, Iago Fernández, e o alcalde Alberto Varela durante a visita as obras.

#hoxeenArousaPontevedraDíaaDía

#de12a1430

O concello de Cambados quere dinamizar o entorno recén peonalizado de Fefiñáns e por eso, en colaboración con Zona Centro, organizou un Concerto de Manso e Amigos que terá lugar o mércores 18 de xullo, festivo local, ás 21.30 horas.

Ademáis, a Asociación de Comerciantes ten xa aberto o prazo ata o 3 de agosto para participar no tradicional Concurso de Camisetas do Albariño.

Nolo contaban o concelleiro de Promocion Económica, Xurxo e o representante de Zona Centro, Bruno Somoza.