#hoxeenArousaPontevedraDíaaDía

#de12a1430

Vilagarcía recupera o chill out "As 9 na Praia", unha cita pensada para disfrutar do atardecer cun ambiente de ocio e relaxación na Praia de A Concha.

Tras un ano de parón, o evento "As 9 na Praia", organizado pola asociación de hosteleiros en colaboración con concello, regresa, dende o 25 ata o 29 de xullo en horario de 21 horas ata pasada a media noite.

Unha vez máis, decorarase o entorno con xaimas e sillóns de mimbre para tomar un refrixerio e escoitar música a cargo de dj's. Ademáis tamén haberá clases de ioga, pilates ou masaxes.

Como novidade, o último día de esta edición, que coincide co inicio da semana do cine, organizada polo Cine Clube Ádega, proxectaránse videoclips musicais.

Nolo contaban está mañá o presidente de Ahituvi, Richard Santamaría, e o representante do cine clube, Fernando López, acompañados da Concelleira de Cultura, Sonia Outón.

#hoxeenArousaPontevedraDíaaDía

#de12a1430

A Mancomunidade do Salnés continúa os traballos de retirada de niños de vespa velutina nos concellos da comarca.

Na última semana, os operarios da entidade comarcal retiraron 60 enxames, tal como nos decía esta mañá o presidente da Mancomunidade, Gonzalo Durán, que tamén ofrecía orientación sobre como tratar unha picadura de vespa asiática.

#hoxeenArousaPontevedraDíaaDía

#de12a1430

O novo colexio de O Revel, en Sanxenxo, estará en funcionamento para o curso 2020-21.

É a data anunciada esta mañá polo Conselleiro de Educación da Xunta, Román Rodriguez, durante unha visita á zona de Vilalonga onde se vai construir o centro educativo.

A nova infraestructura, que dará servizo ao alumnado escolarizado no actual CEIP Plurilingüe Cruceiro, suporá un investimento de arredor de 4,1 millóns de euros.

O edificio ocupará unha superficie total de preto de 15.000 metros cadrados e será liña 2 (isto é, dúas unidades por curso), cunha capacidade para un total 450 alumnos.

Ademais das aulas para uso estritamente educativo, o novo centro contará cun ximnasio e dúas pistas cubertas.

Todos os detalles de carácter construtivo quedarán recollidos de xeito pormenorizado no proxecto técnico que se comezará a redactar en breve, logo de que se formalicen os trámites administrativos pertinentes para a cesión dos terreos por parte do Concello.

Segundo explicou o conselleiro de Educación, a previsión coa que traballa a Consellería é licitar e comezala obra no segundo trimestre de 2019 co fin de que este novo CEIP estea a disposición da comunidade educativa ao longo do curso 2020-21.

Ademais da construción desta nova infraestrutura escolar, Román Rodríguez lembrou que este mesmo ano se levará acabo a reparación da cuberta do CEIP de Noalla-Telleiro, á que se destinan 60.500 euros, e a reforma da instalación eléctrica do CEIP A Florida, cun orzamento de preto de 43.000 euros.

#hoxeenArousaPontevedraDíaaDía

#de12a1430

O Concello de Cambados repite a fórmula de habilitar aparcamentos públicos destinados ao estacionamento de durante a Festa do Albariño, xestionados, un ano máis, por asociacións do municipio.

Estarán ubicados nas entradas da vila en cinco parcelas na Avenida Vilagarcía, na Avenida Castrelo e na Avenida Vilariño, con prazas para 1.300 vehículos.

O custe será de 3 euros ao día durante o sábado como donativo para o Refuxio de Animais, o Club Juventud e o Xuven de Baloncesto.

O resto dos días os aparcamentos serán de uso gratuito.

A maiores, este ano o Concello habilita tamén unha parcela na Rúa Pacheca, que estará destinada a tendas de campaña e caravanas.

Así nolo contaban esta mañá o Concelleiro de Obras e Servizos, José Ramón Abal, e os representantes da Protectora de Animais, Olga Costa, e do Club Juventud, Jorge Orro.

#hoxeenArousaPontevedraDíaaDía

#de12a1430

Que a Festa en Cambados continúe despóis do Albariño é o propósito de dúas emprendedoras da vila, Cristina Padín e Julia González, a través da súa proposta “Serán de Troula”.

Trátase de concertos de blues, pop e rock que se celebrarán os xoves 9, 16 e 23 de agosto a partir das 21 horas en diferentes prazas do casco urbano.

No evento colaboran os hosteleiros deses entornos e o Concello de Cambados.

Así o explicaban unha das organizadoras, Cristina Padín, na presentación da iniciativa, e a alcaldesa de Cambados, Fátima Abal, acompañadas do Concelleiro de Xuventude, Miguel Pérez Osorio.

#hoxeenArousaPontevedraDíaaDía

#de12a1430

Vilagarcía xa ten todo listo para a celebración mañá sábado dunha nova edición da Carreira Nocturna que sairá dende o entorno do Parque Miguel Hernández.

Os participantes distribuiranse en varias categorías de pequenos e absolutos, tal como explicaba esta mañá o representante da Fundación Municipal de Deportes, Juanmi Doval na presentación da proba.

#hoxeenArousaPontevedraDíaaDía

#de12a1430

Cambados presentou esta mañá o Concerto Grande do Albariño, que será o venres día 3 de agosto.

A Orquestra de Jazz de Galicia con Uxia, Pedro Guerra e Martirio estarán en Fefiñáns ás 22.30 horas nun espectáculo presentado por Xurxo Souto.

Será o primeiro concerto do Albariño deste ano onde se porá a proba o sistema de control de aforo de máximo 5.000 persoas e de videovixiancia para impedir a entrada con envases de vidro.

Así o decía o Concelleiro de Cultura, Victor Caamaño, na presentación do concerto acompañado da cantante Uxía e do director da Orquesta de Jazz de Galicia.

#hoxeenArousaPontevedraDíaaDía

#de12a1430

O Concello de Cambados e a Asociación Zona Centro queren seguir dinamizando as rúas do entorno urbano recén peonalizadas.

Por eso, tralo exitoso concerto de Manso e Amigos en Fefiñáns, agorá será a Rúa Isabel II a que acolla un concerto de balde.

Neste caso, a música de Silva e Blas, xunto con Anxo Xesteira e José María Trigo soará o vindeiro martes, 24de xullo, ás 21.30 horas.

Así o explicaban o concelleiro de Promoción Económica, Xurxo Charlín e o presidente de Zona Centro, Juan Rey, na presentación do concerto, acompañados dos músicos.

#hoxeenArousaPontevedraDíaaDía

#de12a1430

Portos de Galicia rematou en Tragove a elevación da rampa que permitirá a descarga de mexillón no porto cambadés sen ter que acudir a outras zonas, xa que antes a escasa altura impedía o seu uso con todas as mareas.

A actuación supuso un investimento de preto de 55.000 euros.

As obras realizadas consistiron na elevación desta superficie de descarga a través construción dun muro perimetral de formigón dun metro de espesor e dun metro e medio de altura e o seu posterior pavimentado de 25 centímetros.

A altura da rampla, unha vez elevada, é de case 10 metros e permitirá o atraque de dúas embarcacións por cada lado para as tareas de descarga.

Asimesmo, instaláronse oito argolas de aceiro inoxidable para o amarre das embarcacións mexilloeiras e dúas escaleiras para embarque e desembarque dos barcos.

Así o explicaba o presidente de Portos de Galicia, José Juan Durán, durante unha visita de supervisión das obras no porto de Tragove, onde tamén avanzou outras actuacións nos portos de Arousa.

#hoxeenArousaPontevedraDíaaDía

#de12a1430

A Mancomunidade do Salnés e Augas de Galicia avanzan en dous dos proxectos máis urxentes para a comarca: a renovación do sistema de abastecemento de auga ao Grove e a depuradora de Treviscoso.

O presidente da entidade comarcal, Gonzalo Durán, agarda que ambas actuacións se poidan iniciar antes de que remate o ano.