#hoxeenArousaPontevedraDíaaDía

#de12a1430

Ribadumia ten xa preparado o programa da décimo sétima edición da Festa do Pan, que se celebrará o 11 de agosto e na que se homenaxea aos panadeiros do municipio e á tradicional moenda do millo e elaboración do pan.

O evento foi presentado esta mañá coa presencia do alcalde de Ribadumia, David Castro que avanzaba a intención do Concello de solicitar a Declaración de Interese Turístico de Galicia para esta festividade.

A maior parte das actividades desenvolveranse na Carballeira a partir das 17 horas con Concursos de Postres Caseiros e Empanadas de millo, Obradoiro infantil de elaboración do pan e Representación da moenda nos Muiños do Batán.

A programación inclue este ano a exposición “Con Pan e Viño ándase o Camiño”, en colaboración cos Amigos do Camiño Portugués, que se inaugurará ás 20 horas.

Xa pola noite, ás 22 horas comezará a Degustación de distintas variedades de pan e a Cea de confraternidade, amenizada con música tradicional e verbena do Dúo Marema.

Dentro da parte gastronómica, haberá venda de ovos fritidos con pan a 1 euro, postos de polbo, pan, empanadas e postres a prezos populares e viño Tinto do Salnés a 1,50.

O Concello anima aos asistentes a acudir caracterizados con prendas da Ribadumia dos anos 50.

#hoxeenArousaPontevedraDíaaDía

#de12a1430

O Festival Rockin’ Vila consolídase en Vilanova representando o mellor do panorama rockeiro galego.

O evento, que xa vai pola súa quinta edición, celebrarase os días 10 e 11 de agosto e ademáis dos concertos tamén haberá actividades para todos os públicos.

Como novidade, realizarase un gran mural de grafitis na fachada dun edificio municipal que reflexerá a cultura da vila.

O cartel ten como principal reclamo musical a mítica banda "Siniestro Total" e a cantautora "Sés".

A entrada anticipada ten un custe de 15 euros no bono de dous días e 10 euros por día. Se se merca durante o festival será de 20 euros o abono e 14 euros por día.

Os detalles da programación nolos contaba un dos promotores do evento, David Piñeiro, da asociación cultural PIB Crew, durante o acto de presentación.

#hoxeenArousaPontevedraDíaaDía

#de12a1430

O concello de Vilanova está a realizar melloras en todos os centros educativos do municipio para que queden listos cara ao inicio do curso escolar.

Estes días estase a actuar no Colexio de San Roque de Corón en Caleiro, onde se está acondicionar o chan do patio, aformigonando unha superficie próxima os 200 m2.

As obras foron vistadas polo concelleiro de educación Manuel Sineiro e o concelleiro da parroquia Javier Touris.

#hoxeenArousaPontevedraDíaaDía

#de12a1430

A proposta cultural do Albariño contempla una oferta pensada para todo tipo de públicos.

Dentro dos concertos de Fefiñáns, serán Kepa Junquera & Sorginak os que actuen esta noite, a partir das 22 horas.

Pero ademáis, haberá outras propostas distribuidas por diversas zonas do municipio nunha iniciativa patrocinada polas adegas Martin Codax, Condes de Albarei e Paco e Lola.

Trátase dun convenio de colaboración con Concello que foi suscrito esta mañá no Pazo Torrado e que inclue diferentes ofertas culturais ao longo destes días de festa.

Concretamente, circo, teatro e humor no Xardín da Biblioteca Municipal, monólogos en Santa Mariña e actuacións musicais na Praza do Con, Ruinas de Santa Mariña e na Biblioteca Luis Rei, tal como explicaba o Concelleiro de Cultura de Cambados, Victor Camaño, tralo acto de sinatura.

.

#hoxeenArousaPontevedraDíaaDía

#de12a1430

Cambados está xa inmerso na Festa do Albariño, que comezou co pregón que dende o balcón do Concello pronunciou este ano a cambadesa Merchi Alvarez, presidenta da Fundación GaliciAme.

Tralo pregon, pronunciado nunha Praza do Concello ateigada de veciñ@s e visitantes, todo se trasladou ao Paseo da Calzada, onde están instaladas as 42 casetas da D.O Rías baixas.

A comitiva institucional, coa presencia da alcaldesa, Fátima Abal, a presidenta da Deputación, Carmela Silva, e a Conselleira do Mar, Rosa Quintana, inauguraron o entorno vitivinícola co tradicional corte da cinta, acompañadas do Presidente do Consello Regulador Rías Baixas.

Todos eles coincidiron en sinalar a importancia da Festa do Albariño para a promoción turística e para o sector vitivinícola.

Asimesmo, foi inaugurado o Punto Morado ao que as mulleres poderán acudir durante os cinco días de festa ante posibles agresións machistas.

Alí estará persoal especializado e integrantes do grupo de voluntarias que, ademáis, patrullarán a vila cun brazalete morado, repartindo folletos informativos e vixiando que non haxa incidencias.

#hoxeenArousaPontevedraDíaaDía

#de12a1430

As instalacións do Centro de Desenvolvemento Local de Vilanova de Arousa acollen ata o 21 de agosto a parte teórica dun curso de limpezas de superficies destinado a persoas discapacitadas. As prácticas realizaranas en diferentes centros de traballo desde o 22 de agosto ao 12 de setembro.

Este curso, cunha duración de 169 horas, é unha das accións que realiza COGAMI dentro do programa de inclusión sociolaboral “Máis Empleo”, financiado polo Fondo Social Europeo e ”La Caixa”, e incluído no marco do Programa Operativo de Inclusión Social.

Así nolo explica a directora do curso.

#hoxeenArousaPontevedraDíaaDía

#de12a1430

A Fundación Plácido Castro e a adega Terra de Asorei inician un proxecto en común para ensalzar a figura do que foi un dos máis recoñecidos escritores na internacionalización de Galicia.

A través dun convenio que terá vigor ata o ano 2022 a adega estará presente en todos os actos organizados pola Fundación.

Así o explicaban o Presidente de Terra de Asorei, Roque Durán, e o secretario da Fundación Xulio Ríos, na sinatura do convenio realizada esta mañá no Pazo Torrado de Cambados.

#hoxeenArousaPontevedraDíaaDía

#de12a1430

Xa coñecemos os persoeiros que este ano serán damas e Cabaleiros da Festa do Albariño, que comeza mañá en Cambados.

Serán o presentador da TVG Roberto Vilar, a escritora premio Príncipe de Asturias Nelida Piñón, o presidente da adega Paco & Lola, Carlos Carrión, o presidente de Freixenet, José Luis Bonet e José Faro Rúa empresario de Brasil.

O Capítulo Serenísimo tamén fixo públicos os nomes dos Albariñenses de Honra que serán a agrupación de Baile Tradicional Con de Xido de Cambados ,a Cámara de Comercio de Vilagarcía Pontevedra e Vigo e o municipio de Cigales en Valladolid, a proposta do Concello.

Todos eles foron elexidos baixo uns criterios que explicaba o Secretario do Capítulo Serenísimo, Pedro Piñeiro durante o acto de presentación dos persoeiros distinguidos.

#hoxeenArousaPontevedraDíaaDía

#de12a1430

A Festa do Albariño de Cambados, que se inicia mañá, volve a fomentar a reciclaxe de vidro nunha campaña de colaboración entre o Concello, a Xunta e Ecovidro.

O obxectivo é que todo o material que se xere durante os cinco días de Festa, o ano pasado foron 13 toneladas. se poida reutilizar e ademáis evitar, ao tempo, as incidencias por cortes con cristais nos pes.

A iniciativa inclúe a dotación adicional de 15 novos contedores especiais, a entrega ás adegas dun cubo adaptado para almacenar o vidro que se vaia xerando e que será retirado a diario por un equipo de ecopatrullas, e a colocación dun posto informativo atendido por monitores especializados para concienciar aos asistentes.

Con esta campaña, a Consellería de Medio Ambiente e Ecovidrio aspiran a recuperar para o seu reciclado unhas 90.000 botellas, o que representa máis de 30 toneladas de vidro, e co que se contribúe á loita contra o cambio climático ao evitar as emisións de GEI na súa fabricación, aforrando tamén enerxía, evitando a extracción de materias primas da natureza e minimizando a erosión e a deforestación da nosa contorna.

A campaña foi presentada esta mañá polo concelleiro de Enoturismo, José Ramón Abal, o xerente de Ecovidro en Galicia, Germán Fernández e a directora xeral de Calidade Ambiental da Xunta, Mari Cruz Ferreira.

#hoxeenArousaPontevedraDíaaDía

#de12a1430

Avanzan os traballos da concentración parcelaria de Oubiña, en Cambados, no segundo sector, coa apertura da rede principal de camiños ao longo de 3 kms.

A actuación, na que se investiron máis de 800.00 euros, comunicará Oubiña e Tremoedo e tamén os polígonos de Sete Pías e Tremoedo.

Son en total 700 parcelas de 172 propietarios que, tralo asfaltado que se acometerá en breve, suporá unha importante transformación da zona debido á boa capacidade productiva do entorno.

Así o explicaban o delegado territorial da Xunta en Pontevedra, José Manuel Cores Tourís, e o técnico territorial da Consellería de Medio Rural, Julián Alvira, durante unha visita á zona de actuación, acompañados de varios propietarios das parcelas.