#hoxeenArousaPontevedraDíaaDía

#de12a1430

O vicepresidente da Xunta, Alfonso Rueda, e a conselleira do Mar, Rosa Quintana, visitaron esta mañá o grupo Linamar, situado no porto de Tragove, en Cambados, e que resultou beneficiario dunha achega da Xunta para mellorar os seus procesos de produción e venda.

Concretamente, a empresa recibiu unha subvención por importe de máis de 3,3 millóns de euros dirixida a lanzar novos produtos innovadores e introducir novos sistemas de xestión, organización e medidas de aforro enerxético.

Linamar está dedicado á transformación e comercialización de moluscos frescos e elaborados de Galicia, especialmente ao mexillón, e emprega a 150 persoas directa e indirectamente.

A empresa conta cun centro de depuración, salas de elaboración, peiraos de carga refrixerados e maquinaria de última tecnoloxía para o envasado dos produtos.

Ademais, foi pioneira en desenvolver o envasado en atmosfera protectora para o mexillón, cun sistema novidoso que amplía a vida útil do produto e garante unha maior caducidade mantendo a súa calidade e frescura. Actualmente a empresa centra a súa estratexia no lanzamento de produtos elaborados de mexillón de V Gama.

A conselleira do Mar, Rosa Quintana, trasladou ao grupo a satisfacción da Xunta polo traballo realizado.

#hoxeenArousaPontevedraDíaaDía

#de12a1430

O Concello de Sanxenxo xa é o titular da avenida Luis Rocafort.

O alcalde Telmo Martín e o Deputado provincial de Mobilidade, Uxío Benítez, asinaron oficialmente o acta para transferir esta vía cuxas obras de reforma finalizaron hai nove meses e que foi o detonante que acabou co anterior goberno cuatripartito.

Telmo Martín agradeceu á Deputación o investimento realizado en Luis Rocafort e descartou o que era unha demanda inicial dos comerciantes: a posibilidade de crear novas prazas de aparcamentos.

Ademáis, o rexedor anticipou un posible cambio no nome da avenida debido ás polémicas xudiciais con parte da familia Rocafort pola expropiación da finca de As Cunchas.

#hoxeenArousaPontevedraDíaaDía

#de12a1430

Vilanova reune este domingo a 525 deportistas con motivo da Regata da Liga Provincial de Piragüismo más categorías Alevín e Benxamín.

A regata na que participarán 21 equipos celébrase no Esteiro de Vilanova, a partir das 16:00 horas, e a saída será dende a pasarela peonil de O Terrón.

Así o explicaba o presidente da Federación Galega de Piragüismo, Alfredo Bea, na presentación da Regata, acompañado do alcalde de Vilanova, Gonzalo Durán, e do representante do Club Náutico "O Muiño" de Ribadumia.

#hoxeenArousaPontevedraDíaaDía

#de12a1430

Os hosteleiros de Vilagarcía recuperan a “Feira de Tapas” despóis dun parón de tres anos.

O parque de Miguel Hernández volverá a acoller, do 14 ao 16 de setembro, os stands nos que se poderán degustar as tapas elaboradas por oito cociñeiros a un prezo de 2,50 euros.

Pero ademáis, o evento incluirá, nesta ocasión, unha proposta musical paralela con concertos, djs, e shwocookings para nenos.

Así o avanzaba o presidente de Ahituvi, Richard Santamaría, na presentación desta nova edición da Feira de Tapas, acompañado pola Concelleira de Cultura, Sonia Outón, e o edil de Promoción Económica, Juan Antonio Pérez Callón.

#hoxeenArousaPontevedraDíaaDía

#de12a1430

O PP de Ribadumia volve a denunciar recibos desproporcionados do consumo de auga. Desta volta corresponden á anualidade 2017 que está en período de cobro.

Así o detallaba esta mañá o edil da formación conservadora, Luis Serantes, nunha rolda de prensa acompañado da portavoz Salomé Peña.

#hoxeenArousaPontevedraDíaaDía

#de12a1430

Unha importante tv rusa está estes días no Salnés rodando un programa sobre a comarca que se emitirá para varios países do leste e tamén para toda Europa.

O programa dividirase en dous paquetes de 25 minutos cada un con 17 emisións.

Trátase dunha iniciativa que terá unha repercusión mediática incuantificable, segundo explicaba esta mañá o delegado de Turismo da Mancomunidade do Salnés, Gonzalo Pita, na recepción ao equipo de grabación celebrada no Concello de O Grove.

#hoxeenArousaPontevedraDíaaDía

#de12a1430

A Conselleira de Infraestructuras da Xunta, Ethel Vázquez, supervisou esta mañá o remate das obras de mellora do firme do tramo da Vía Rápida entre Ribadumia e Vilagarcía, practicamente finalizadas.

A actuación supuso un investimento de máis de 700.000 euros.

Nestes momentos estase acabando de realizar o pintado horizontal e só queda pendente a instalación de novo das balizas nas liñas contínuas.

#hoxeenArousaPontevedraDíaaDía

#de12a1430

A Mancomunidade do Salnés pretende asumir a xestión o transporte comarcal a través dunha UTE cunha empresa privada co fin de mellorar as liñas e horarios.

É a proposta que a entidade comarcal plantexou á Conselleira de Infraestructuras, Ethel Vázquez, nunha reunión que se celebrou na sede da Mancomunidade e que agora deberá ser trasladada ao resto dos Concellos que a integran.

Un encontro no que, sen embargo, houbo outra proposta unilateral por parte de Vilagarcía para a creación dunha área metropolitana, dependente de Vilagarcía, coa que o presidente comarcal e alcalde de Vilanova, Gonzalo Durán, xa avanzou non estar de acordo.

#hoxeenArousaPontevedraDíaaDía

#de12a1430

O grupo parlamentario de En Marea advirte da “burbulla” inmobiliaria que se está a rexistrar en municipios turísticos como Sanxenxo.

Os datos aportábaos esta mañá o portavoz do partido, Luis Villares, tras un encontro celebrado esta mañá coa agrupación da vila e doutros concellos da comarca.

Neste sentido, En Marea solicita a intervención da Xunta para promover un parque público de vivendas que non estea suxeito á especulación e que se elimine a precariedade das condicións laborais das mulleres no sector da hostelería de Sanxenxo para que poidan facer fronte ao custe das vivendas no municipio

#hoxeenArousaPontevedraDíaaDía

#de12a1430

O Concello de Vilanova leva destinado uns 60.000 euros a actuacións de mellora para a posta a punto dos colexios municipais cara este curso próximo a comezar.

Os últimos traballos estanse realizando no colexio San Roque de Corón, onde se botou un piso de formigón no patio para evitar anegamentos, fíxose o pintado de varias aulas e a reparación de persianas entre outras melloras.

Alí estiveron esta mañá supervisando as obras o concelleiro Manuel Sineiro e o tenente de alcalde, Javier Tourís, acompañados do director do centro Manuel Alonso.