#hoxeenArousaPontevedraDíaaDía

#de12a1430

O Centro de Día de Cambados está a piques de abrir as súas portas para os usuarios.

A empresa adxudicataria está a realizar a selección de persoal para os postos de psicóloga, cuidadora e xerocultora e a previsión é que a vindeira semana poida xa acoller os primeiros usuarios.

Así o explicaba o concelleiro de Servizos Sociais de Cambados, Tino Cordal.

#hoxeenArousaPontevedraDíaaDía

#de12a1430

O Concello de Vilagarcía defende a súa proposta sobre o Plan de Transporte Metropolitano que tanta polémica xerou durante os últimos días, co posicionamento en contra do PP da Mancomunidade do Salnés, agás da formación conservadora local.

O alcalde Alberto Varela non entende a controversia xerada en canto a proposta de convertir a Vilagarcía na cabeceira da Área Metropolitana de Transporte da Comarca.

O goberno local insiste en que o obxetivo é mellorar un servizo que "leva moito tempo mal" e que precisa un plan de transporte conxunto a nivel comarcal no que tamén se poderían incluir outros concellos como Caldas, Catoira ou o sur do Barbanza.

O Concello de Vilagarcía considera que “se está vetando a sua proposta dende a Mancomunidade do Salnés de xeito electoralista”.

Pese a todo, o rexedor reitera que se seguirá traballando no proxecto que, asegura, “conlevaría importantes beneficios para os usuarios como a redución no custe das viaxes e a vinculación dos horarios de autobús da comarca cos da estación do tren para facilitar os desprazamentos”.

#hoxeenArousaPontevedraDíaaDía

#de12a1430

Hoxe comezou o curso escolar nos centros de Educación Infantil y Primaria con menos alumnos matriculados que o pasado ano: case 300 escolares menos en toda a provincia.

Concretamente, son 52.107 escolares, dos cales 35.745 o fan en centro públicos, 15.161 en centros privados concertados e 1.207 en centros privados non concertados.

Abrindo o ano académico estivo esta mañá en Meis, no colexio do Mosteiro, o delegado Territorial da Xunta en Pontevedra, Cores Tourís, acompañado polo xefe territorial de Educación, César Pérez Ares, así como polo alcalde da localidade, José Luis Pérez.

Tourís destacou a normalidade xeral desta xornada nos centros da área da Delegación Territorial de Pontevedra, na que tamén comezaron a funcionar os servizos de transporte e os de comedor xestionados pola Consellería de Educación.

En canto ao colexio do Mosteiro, Tourís destacou que foi obxecto o pasado ano dunha reforma enerxética integral que roldou os 500.000 euros, e que permitiu entre outras melloras, a substitución de carpinterías, de tabiques, de falsos teitos, de luminarias, do cambio de caldeira de gasoleo por biomasa e a aplicación de melloras en accesibilidade.

Tamén neste centro executáronse obras de reforma da cuberta do pavillón e do peche perimetral que sufriu danos a causa dun temporal.

#hoxeenArousaPontevedraDíaaDía

#de12a1430

A Mancomunidade do Salnés quere abrir novas liñas de colaboración con Turespaña para intensificar a promoción da comarca tanto a nivel nacional como internacional.

Ese é o obxectivo da visita que estes días realizan no Salnés dous altos cargos do organismo estatal: concretamente Carlos Espinosa, alto comisionado da Marca España e Francisco Rivero, asesor de Turismo de Turespaña.

No marco desta iniciativa, celebrouse esta mañá unha mesa de traballo con representantes do sector público e privado da comarca e na que tamén estivo presente a Directora da Axencia Galega de Turismo, Nava Castro.

Dende Turespaña, a primeira proposta é traer á comarca xornalistas especializados e influencers para que promocionen o destino, así como intermediar con touroperadores para que o vendan a nivel nacional.

Por parte da Mancomunidade, o delegado de Turismo, Gonzalo Pita reclamaba unha maior precisión na información meteorolóxica das Rías Baixas nos medios de comunicación nacionais.

#hoxeenArousaPontevedraDíaaDía

#de12a1430

Cambados ten dende agora unha Oficina de Deportes Municipal, ubicada no Pombal, para atender aos usuarios das instalacións deportivas, xestionar os trámites e levar un rexistro e control de acceso.

A nova oficina estará aberta en horario de 10.30 a 12 horas e de 16 a 00 horas.

Estas dependencias forman parte dunha serie de melloras que dende hai dous anos ven realizando a Concellería de Deportes cun investimento de 75.000 euros en diferentes espazos.

Así nolo decía o Concelleiro de Deportes de Cambados, Victor Caamaño.

#hoxeenArousaPontevedraDíaaDía

#de12a1430

A Festa do Albariño ten xa, por fin, o recoñecemento de Interese Turístico Internacional.

Tras moitos anos de xestións e trámites municipais, o Goberno de España comunicou esta mañá ao Concello de Cambados a declaración tan agardada.

Trátase da máis alta distinción para un evento destas características e suporá, ademáis, maiores aportacións e axudas económicas das distintas administracións.

Asimesmo, implicará que a Festa do Albariño esta presente mediante información promocional nas principais feiras turísticas a nivel nacional e internacional.

A alcaldesa, Fátima Abal, expresaba esta mañá a súa satisfacción polo recoñecemento, polo que se empezou a traballar dende hai oito anos.

#hoxeenArousaPontevedraDíaaDía

#de12a1430

Mensaxe de tranquilidade é a que quere transmitir a Xunta de Galicia pola presenza de microalga de cianobacteria no río Umia e no encoro de A Baxe.

Segundo o delegado Territorial da Xunta en Pontevedra, Cores Tourís, “non existe problema algún para o consumo da auga nos concellos de Caldas, Portas, Vilagarcía de Arousa e no resto de concellos da Mancomunidade do Salnés e hai que ter cuidado con alarmar a sociedade sen necesidade”

Foi un dos puntos abordados esta mañá na reunión celebrada na delegación territorial co comité de emerxencia de Caldas de Reis creado con motivo da situación do rio.

“No río Umia, Sanidade non detectou toxina microcistina, producida por algunhas cianobacterias, tamén coñecidas como microalgas verdes-azuladas”, matizou o deletado territorial, quen sí confirmou que “existe esa alga no río e no encoro aínda que por debaixo dos niveis preventivos da OMS”.

Asimesmo, durante a reunión, falouse especialmente dos traballos de limpeza do río.

Cores Tourís recordou que xa nos últimos anos estivéronse levando a cabo traballos deste tipo, retirando troncos do río, plantando especies de ribeira que suxeitan a terra.

En todo caso, o delegado trasladoulle ao alcalde de Caldas que “non hai problema en volver a levar a cabo traballos de limpeza”.

Aínda así, insistiu en que Augas de Galicia xa lle dixo ao Concello que ten que actuar no tramo urbano do río. Neste senso, Cores Tourís explicou que a Xunta está disposta a chegar a acordos de colaboración con este fin, pero sempre acorde aos informes técnicos e sempre aplicando métodos manuais.

En relación ao baño no río Umia, o delegado territorial lembrou que ata chegar á cifra de 20.000 células non é preciso avisar da prohibición para o baño, xa que esta dase cando se superan os 100.000.

“Aínda así, recomendámoslle ao concello de Caldas que a puxera un cartel que recomendase non bañarse no río. O alcalde puxo un cartel dicindo que estaba prohibido o baño, cando non era necesario prohibilo; só era necesario non recomendar o baño, porque os niveis non chegaban ao que marca a lei sanitaria”.

Mañá haberá outra reunión na Delegación Territorial da Xunta cos concellos de Cuntis e Moraña para analizar a situación.

Ademais, José Manuel Cores Tourís tamén confirmou que celebrará unha reunión proximamente entre Augas de Galicia e o comité de emerxencia de Caldas de Reis para ir avanzando nas solucións á presenza desta alga.

#hoxeenArousaPontevedraDíaaDía

#de12a1430

O ciclo de teatro do Agadic achega cinco representacions galegas ao auditorio de Vilagarcía no ciclo de outono que comezará o 29 de setembro.

O convenio entre a Concellería de Cultura e a Axencia Galega das Industrias Culturais permitirá que neste segundo semestre do ano se poidan ver na cidade importantes obras como "Cabeza de Dragón" adaptación dun libro de Valle Inclán, ou "Invisibles" de Montse Fajardo que aborda a violencia de xénero.

As pezas que completan este ciclo son "A Leituga", "Cinco mulleres comen tortilla" e para rematar, "Os Fabulosos Cleaners" cun espectáculo de burbullas para os máis pequenos.

O custe das entradas será de 5 euros máis gastos de xestión e como novidade, será de balde para as persoas que acrediten ser desempregados, mozos co carné xoven e maiores de 65 anos.

Así o explicaba a concelleira de cultura, Sonia Outón, na presentación do ciclo de teatro, acompañada do director do AGADIC, Jacobo Sutil.

#hoxeenArousaPontevedraDíaaDía

#de12a1430

Vilanova celebrará, finalmente, as Festas da Pastoriza os días 8, 10, 11 e 16 de setembro.

O programa, elaborado a última hora polo Concello ante a falta de comisión de festas, inclue actividades para nenos, o luns 10, como cine, festa da escuma e monicreques, e verbenas coa Orquesta Aché, o domingo 9, e a Década Prodigiosa, o domingo 16.

Asimesmo, formará parte do programa a Regata Liga de Piraguismo Alevín e Benxamín que terá lugar o domingo 16.

Nolo explicaba o tenente de alcalde de Vilanova, Javier Tourís.

#hoxeenArousaPontevedraDíaaDía

#de12a1430

A polémica creada arredor da proposta de Vilagarcía sobre o transporte comarcal será levada ao pleno da Mancomunidade do Salnés para que os concellos que a integran definan a súa posición.

Así o confirmou esta mañá o Presidente da entidade comarcal, Gonzalo Durán, asegurando que “a falta de concretar a moción co representante popular de Cambados, Luis Aragunde” os concellos votarán “se se queren integrar nunha área metropolitana con cabeza en Vilagarcía”.

Ademáis, Durán calificou a proposta de Vilagarcía como de “manobra política”.