#hoxeenArousaPontevedraDíaaDía

#de12a1430

Finalizaron as obras de mellora realizadas en A Modia a través do Plan Concellos 2016 cun investimento de máis de 43.000 euros.

Son 550 metros de viais, de acceso a viñedos principalmente, que estaban moi deteriorados e cuxo arranxo demandaron os veciños da zona.

Os detalles nolos contou concelleiro de Obras e Servizos José Ramón Abal.

#hoxeenArousaPontevedraDíaaDía

#de12a1430

O Concello de A Illa de Arousa pon en marcha un programa de emprendemento feminino a través da súa Universidade Popular.

A formación, destinada a mulleres que teñan en mente unha idea de negocio, desenvolverase durante o último trimestre do ano.

Entre 16 e 20 mulleres poderán desenrolar os seus proyectos coa axuda de titores e mentores especializados.

As interesadas xa poden inscribirse no segundo andar do concello ata o 5 de outubro.

O programa A Illa Emprende en Feminino está financiado por fondos do Ministerio de Sanidade, Consumo e Benestar Social a través das Universidades Populares como a de A Illa de Arousa.

Así o explicaban a concelleira de cultura, Rosi Viana e o coordinador do proyecto Ramón Tubío, acompañados do alcalde Carlos Iglesias, durante a presentación do proxecto.

#hoxeenArousaPontevedraDíaaDía

#de12a1430

A Fundación GaliciAme crea a primeira beca para a investigación desta enfermidade cun importe de 50.000 euros financiados coas doazóns benéficas recadadas durante este ano.

Unha boa nova que presentaba esta mañá en Cambados a presidenta da Fundación, a cambadesa Merchi Alvarez, acompañada da alcaldesa, Fátima Abal, e o Concelleiro de Servizos Sociais, Tino Cordal.

#hoxeenArousaPontevedraDíaaDía

#de12a1430

A Festa do Marisco do Grove terá tamén un Punto Morado de asesoramento para calquera caso de violencia machista.

A maiores, 18 patrullas dos corpos e seguridade do Estado velarán pola orde e o control do tráfico durante o evento.

Así se acordou na xunta local de seguridade celebrada esta mañá no Grove, presidida pola subdelegada do Goberno, Maica Larriba, xunto co alcalde, José Antonio Cacabelso, para establecer os protocolos de actuación.

#hoxeenArousaPontevedraDíaaDía

#de12a1430

O parque empresarial de Nantes está xa listo para ser recepcionado polo Consello Rector da Xunta de Propietarios e as empresas poden empezar a presentar os seus proxectos para instalarse no mesmo.

Así o desvelaba esta mañá o alcalde, Telmo Martín, que afirmaba ademáis que, finalmente, os donos das parcelas non terán que pagar nin un euro a maiores.

#hoxeenArousaPontevedraDíaaDía

#de12a1430

O Concello de Vilagarcía innova o seu sistema tecnolóxico de xestión tributaria para a recadación e inspección dos impostos.

Unha nova Aplicación Informática de Administración Electrónica de Facenda permitirá aos cidadans crear o seu propio calendario de pago das taxas municipais e adaptalo a súa económia familiar.

Tamén poderán realizar consultas e trámites sobre os recibos.

Ademáis mellorará a xestión interna municipal, posibilitando a conexión de servizos e con outras administracions.

Esta nova aplicación de xestión tributaria sacarase a licitación a vindeira semana por importe de 462.000€ euros, financiados cos fondos feder do programa Vilagarcía Avanza.

Será, segundo o Concello, unha “revolución” tecnolóxica para adaptarse ao século XXI.

Así o explicaban hoxe o alcalde, Alberto Varela, e a concelleira de Facenda, Luz Abalo.

#hoxeenArousaPontevedraDíaaDía

#de12a1430

Cincuenta “bloggers” gastronómicos de Galicia estarán esta fin de semana no Salnés, concretamente en Sanxenxo, Vilanova e O Grove, para coñecer polo miudo os productos da comarca e promocionalos nas súas redes sociais.

É a primeira vez que este grupo denominado “Galicia Gastro” escolle o Salnés para manter a súa xuntanza anual, que este ano inclue como novidade catas e charlas.

Así o explicaban esta mañá o delegado de Turismo da Mancomunidade, Gonzalo Pita, e un dos organizadores da iniciativa, Faustino Batallán.

#hoxeenArousaPontevedraDíaaDía

#de12a1430

O Concello de Vilanova destina 2.000 euros a colaborar coas actividades que promove a Fundación Galega Contra o Narcotráfico.

O alcalde, Gonzalo Durán, e o Presidente da entidade, Manuel Couceiro, asinaron esta mañá o convenio de colaboración co obxectivo de darlle maior visibilidade á localidade na realización das iniciativas que a Fundación ven desenvolvendo: Actividades Saudables, os Panos Brancos contra a Droga, Torneos Deportivos, ou Exposicións.

Durante o acto de sinatura do convenio ambos valoraban o traballo feito dende os corpos de seguridade na erradicación do narcotráfico na comarca.

#hoxeenArousaPontevedraDíaaDía

#de12a1430

Vilagarcía volve a poñer en marcha a iniciativa “Achégate aos Locais”, un programa formativo de profesionalización musical destinado aos músicos da localidade, de xeito gratuito.

Esta segunda edición terá lugar do 26 ao 30 de setembro e de novo incluirá cursos de formación no que se abordarán temas como a facturación e contratos, a gravacion de maquetas, a fotografía musical ou a promoción.

Na parte máis musical, incluirá masterclass, jam sessións e como novidade sesión golfa de concertos na explanada do Auditorio.

Os detalles nolos contaban esta mañá o xestor musical Diego Basadre e a concelleira de Xuventude, Sonia Outón, na presentación da iniciativa.

#hoxeenArousaPontevedraDíaaDía

#de12a1430

Os maiores de 60 anos de Cambados poderán participar nun Curso de Técnicas de Estimulación da Memoria que, organizado pola Concellería de Servizos Sociais, impartirase dende 4 de outubro ao 30 de Maio.

A actividade, destinada á prevención de enfermidades como demencia ou alzheimer, terá lugar os xoves de 16:30 a 18:30 no Salón Peña, cun prezo de 6 euros ao mes.

Os Servizos Sociais estudarán os casos de destinatarios que non poidan abonar a cuota e disporanse de 15 prazas ampliables en función da demanda.

Nolo contan o Concelleiro de Servizos Sociais, Tino Cordal, e a monitora do curso, Julia Martínez, na presentación da actividade, acompañados de representantes das Asociacións de Xubilados e pensionistas da Casa do Mar e da Merced de Cambados.