#hoxeenArousaPontevedraDíaaDía

#de12a1430

A rede de saneamento da Mancomunidade do Salnés, que deriva na Edar de Ribadumia, terá a a partir de outubro unha nova ferramenta que permitirá un seguimento sobre os verquidos de procedencia industrial que non cumpran cos criterios mínimos exixidos.

Trátase dun maletín que controla a calidade da agua, detecta cuando os niveis non son adecuados e toma mostras no momento.

Deste xeito, sábese qué é o que se está vertendo e a súa procedencia.

Así o explicaba esta mañá na sede da Mancomunidade do Salnés o técnico de Augas de Galicia, Gonzalo Mosquera, na presentación desta nova ferramenta, acompañado do presidente e o xerente da entidade comarcal, Gonzalo Durán e Ramón Guinarte, respectivamente.

#hoxeenArousaPontevedraDíaaDía

#de12a1430

Afortunadamente, o incendio que a pasada tarde se rexistraba en Xiabre, nunha zona de difícil acceso, puido extinguirse con rapidez gracias ao rápido despliegue dos servizos contraincendios.

Os helicópteros recolleron a auga do embalse de Castroagudín pero tamén dun pequeno alxibe do entorno de Berdón.

O Concelleiro de Medio Ambiente de Vilagarcía, Lino Mouriño, agradecía esta mañá o esforzo dos equipos de emerxencias e das comunidades de montes por contribuir a que todo quedara nun susto e animaba á poboación a alerta ante calquera incendio.

#hoxeenArousaPontevedraDíaaDía

#de12a1430

O Plan Integrado de Emprego, promovido pola Mancomunidade do Salnés, está a xerar un alto índice de inserción laboral.

Proba delo é o Curso de Impresión 3D e Realidade Virtual que se está a desenvolver no Centro de Desenvolvemento Local, coa participación de 15 alumnos, que ten unha ampla saída ao mercado laboral.

Así nolo explicaban o xerente da Mancomunidade, Ramón Guinarte, e o presidente da entidade, Gonzalo Durán, que esta mañá realizaron unha visita ao centro.

#hoxeenArousaPontevedraDíaaDía

#de12a1430

Uns 300 ciclistas participarán na IV edición da Marcha Ciclista do Marisco que se vai celebrar este domingo dentro do programa da Festa de O Grove.

A proba, que conta coa colaboración do Concello, terá un percorrido de 104 kms.

Sairá de O Grove, da Praza do Corgo ás 9 horas e pasará polos Concellos de Sanxenxo, Meaño, Ribadumia, Meis e Poio, para rematar de novo en O Grove, no alto da Siradella.

Haberá premios para os tres primeiros clasificados en categorías masculina e femenina e tras finalizar o percorrido todos os participantes poderán degustar un arroz con marisco ofrecido pola organización.

O prazo de inscripción remata mañá ás 00 horas.

Os detalles contábaos esta mañá o presidente do Club de Ciclismo de O Grove, organizador da proba, na presentación da Marcha, acompañado polo alcalde José Antonio Cacabelos.

#hoxeenArousaPontevedraDíaaDía

#de12a1430

Cambados seré sede este ano da VI Reunión Anual do Grupo Galego de Investigación de Tumores Dixestivos na que participarán máis dun cento de especialistas de toda Galicia implicados no tratamento deste tipo de cancro.

O Congreso terá lugar no Salón Peña de Cambados o 5 e 6 de outubro, contando coa colaboración da Concellería de Servizos Sociais, Terceira Idade e Sanidade que dirixe o edil de Somos Cambados, Tino Cordal.

O evento debaterá o tratamento do Cancro de Páncreas localmente avanzado, que é o terceiro tumor en mortandade en Galicia e cuxa incidencia está incrementándose nos últimos anos.

O Congreso foi presentado esta mañá no Salón Peña polo concelleiro de Servizos Sociais, Tino Cordal, e a Presidenta do Grupo Galego de Investigación, a oncóloga Mónica Jorge.

#hoxeenArousaPontevedraDíaaDía

#de12a1430

A Asociación de Comerciantes Zona Centro cambia de sede e traslada as súas oficinas dende a Rúa Ourense ao inmoble da Rúa Nova onde antes se ubicaba a Mancomunidade do Salnés.

Alí agardan estar antes de que remate o ano con maior espazo para reunións e cursos.

O edificio, que está a ser obxecto de reparación da fachada, acollerá tamén a sede do Consorcio do Comercio do Salnés e da Fundación Plácido Castro, na planta segunda e terceira respectivamente.

As obras de acondicionamento exterior, financiadas a través do Plan Concellos, supoñen un investimento de 18.000 euros, trala baixa conseguida na licitación do proxecto de 4.000 euros, que agora se destinarán a amoblamentos interiores.

Previamente, o Concello de Cambados realizara o pintado interior e a consolidación do tellado por importe duns 20.000 euros.

Queda pendente agora a mellora da accesibilidade do edificio, que carece de ascensor, ao non recibir a axuda solicitada á Xunta.

En canto ás oficinas actuais de Zona Centro na Rúa Ourense, serán habilitadas para acoller as dependencias do Oral, que ocuparán a maiores o espazo onde se ubica Espina e Delfín.

A concesionaria do servizo da auga mudarase ao despacho da oficina de recadación provincial.

Cambios, que, en todo caso, para o Presidente de Zona Centro e do Consorcio do Salnés, Juan Rey, serán un revulsivo para o comercio da comarca xa que ambas entidades contarán con sede oficial.

Así o decía durante unha visita ás obras de reforma, acompañado polo Concelleiro de Promoción Económica, Xurxo Charlín, e o Tenente de Alcalde Victor Caamaño.

#hoxeenArousaPontevedraDíaaDía

#de12a1430

O Concello de Cambados renova a súa colaboración coa Asociación Esperanza Salnés.

O goberno municipal asinou esta mañá o novo convenio coa entidade por importe de 16.000 euros para financiar os programas e actividades de atención socioterapéutica a persoas discapacitadas.

O concelleiro de Servizos Sociais de Cambados, Tino Cordal, destacaba o compromiso do executivo local con Esperanza Salnés, mediante unha aportación que permitirá á Asociación seguir adiante, tal como decía o representante da entidade, Augusto Chaves.

#hoxeenArousaPontevedraDíaaDía

#de12a1430

Unha treintena de veciños de O Salnés están en Cuxhaven, Alemaña, participando no reencontro de emigrantes organizado pola Mancomunidade do Salnés con motivo da Primeira Festa do Albariño na cidade xermana.

Vai ser este sábado día 22, no Centro Galego de Cuxhaven, pero xa antes os veciños da comarca puideron reencontrarse con familiares e amigos que deixaron no seu regreso a Galicia.

Así nos contan algúns deles as súas impresións

Xunto con esa trintena de veciños, na cidade alemana está presente unha delegación da Mancomunidade do Salnés, ademáis de alcaldes de Cambados, Vilanova, a Illa, e Ribadumia.

A primera Festa do Albariño terá lugar este sábado, día 22, no Centro Galego de Cuxhaven cun formato semellante ao que se ven celebrando en Mallorca e a presencia de 70 adegas da D.O Rías Baixas.

#hoxeenArousaPontevedraDíaaDía

#de12a1430

A maior parte das adegas da D.O Rías Baixas están xa inmersas na vendima, que este ano se foi facendo de forma máis escalonada debido á boa climatoloxía, coa intención de rematar a mediados de outubro.

Segundo os datos da D.O, un 75% das adegas xa iniciaron os traballos e de momento hai xa 8 millóns de kilos de uva recollidos.

A previsión é alcanzar unha producción total de 36 millóns de kilos, algo inferior que a do ano pasado, pero con excelente calidade e menor graduación alcohólica.

Así o confirmaba esta mañá o Presidente do Consello Regulador, Juan Gil de Araujo no inicio da vendima na adega Paco&Lola en Meaño

#hoxeenArousaPontevedraDíaaDía

#de12a1430

Os grupos parlamentarios de En Marea e PSOE exixirán na Cámara Galega explicacións polo informe favorable emitido por Augas de Galicia sobre a EDAR de Meaño que permitirá a próxima recepción do polígono de Nantes.

Os deputados de En Marea preguntarán polos “motivos polos que en igualdade de condicións o ano pasado o informe foi desfavorable e este ano parece ser idóneo”.

Unha situación que preocupa tamén en Cambados ante a posibilidade de que a saturación cause desbordamentos que afecten aos bancos marisqueiros.

Así o explicaba o portavoz de Somos Cambados, Tino Cordal, que acompañou aos deputados de En Marea nunha visita ao Polígono de Nantes.

Tamén dende o PSOE amosan preocupación ante o anuncio realizado a pasada semana polo alcalde de Sanxenxo, Telmo Martín, sobre o informe favorable de Augas de Galicia para a recepción do parque empresarial.

Por eso, o grupo socialista no Parlamento reclamará os expedientes da autorización da conexión do polígono coa EDAR de Meaño.

Asimesmo, reclamarán á Xunta que se dirixa ao Concello de Meaño para iniciar as obras de desdoblamento das canalizacións de augas pluviais e residuais que chegan á depuradora.