#hoxeenArousaPontevedraDíaaDía

#de12a1430

Cambados conmemorará, por terceiro ano, o “Día Internacional da Nena”, en colaboración co CIM do Salnés.

Será este xoves 11 de outubro na Praza do Concello nun acto no que se leerá un manifesto e se procederá á solta de globos en reivindicación dos dereitos das nenas que en todo o mundo son vexadas, maltratadas e humilladas polo feito de nacer muller.

Cambados volve a sumarse, deste xeito, a outros concellos españois que conmemoran este día instaurado pola Asemblea das Nacións Unidas no ano 2011.

O obxectivo explicábao esta mañá a alcaldesa, Fátima Abal, na presentación do acto.

#hoxeenArousaPontevedraDíaaDía

#de12a1430

As declaracións do alcalde de Vilanova, Gonzalo Durán, nas que chamaba á presidenta da Deputación “chacha para todo” do “ancián” alcalde de Vigo, Abel Caballero, recibiron esta mañá a resposta por parte da institución provincial.

Carlos López Font, como voceiro do goberno provincial, anunciou que a Deputación “presentará unha demanda contra o rexedor vilanovés ante os ataques, violencias machistas e pola posibilidade de incitación ao odio”.

“Non imos consentir este ataque machista, clasista e fascista, e menos dunha persoa que se reitera nos ataques á Presidenta polo feito de ser muller. Agradecemos os milleiros de mensaxes de apoio que estamos a recibir", dixo López Font.

“Debemos desterrar este tipo de insultos porque non son algo normal. Non entendemos como o presidente e vicepresidente da Xunta aínda non saíron a condenar nin dar explicacións destas declaracións, nin o da Secretaria da Xunta”, engadiu.

Ademáis, o voceiro do goberno provincial afirmou que “se a Secretaria de Igualdade non sae condenar estas palabras quedará inhabilitada das súas funcións. Esiximos condena, explicacións, que expliquen se tomarán decisións ou serán cómplices do aínda alcalde e a súa dimisión".

Asimesmo, volveu pedir a demisión de Gonzalo Durán asegurando que “non pode continuar un minuto máis como representante da cidadanía unha persoa que fai este ataque contra as mulleres”

Igualmente, López Font dixo que a Presidenta Carmela Silva non se volverá pronunciar publicamente sobre este asunto.

#hoxeenArousaPontevedraDíaaDía

#de12a1430

O Diario Oficial de Galicia (DOG publica hoxe a urxente ocupación dos bens e dereitos dos terreos sobre os que se vai a executar a nova rotonda da PO-531 no lugar de A Devesa, en Pontevedra.

O anuncio da Consellería de Infraestructuras permite declarar a utilidade pública destes terreos co obxectivo de continuar a mellora da seguridade viaria da estrada, nunha segunda fase do proxecto iniciado coas obras xa rematadas no acceso ao polígono de Sequeiros, en Barro.

O proxecto define a execución dunha glorieta no Pq. 7+150 da PO-531, á saída do núcleo de A Devesa, coa que se reducirá de xeito significativo a velocidade da circulación na contorna e se facilitarán os xiros en condicións seguras.

Na glorieta entroncarase un ramal de novo trazado, que se conectará co vial principal deste núcleo e que permitirá eliminar o carril central para realizar o xiro á esquerda da intersección do Pq. 6+620.

O orzamento desta actuación é de case 580.000 euros, sumando a obra e as expropiacións (52 parcelas), que roldarán os 47.000 euros.

A obra executarase, trala súa licitación, nun prazo de seis meses, de xeito que se estima que a nova rotonda estea lista antes do verán do próximo ano, tal como avanzaba esta mañá o delegado Territorial da Xunta en Pontevedra, Cores Tourís, durante unha visita á zona, acompañado polos veciños.

#hoxeenArousaPontevedraDíaaDía

#de12a1430

Técnicos do Concello de Vilanova e da Deputación declararán o luns no xulgado do contencioso de Pontevedra á raiz dunha segunda demanda interposta pola administración municipal contra a provincial.

Despóis da polémica xerada pola estrada de Baión, o proceso xudicial ábrese agora tralo rexeitamento por parte da Deputación da proposta presentada polo Concello para a construcción dunha piscina dentro do Plan de Proxectos Singulares.

A Deputación argumenta que o proxecto foi presentado fora de prazo e o Concello négao.

En todo caso, o Concello non ten intención de xudicializar o asunto, tal como decía esta mañá o alcalde, Gonzalo Durán, que tamén explicou a situación actual da obra do Auditorio do Esteiro.

#hoxeenArousaPontevedraDíaaDía

#de12a1430

O Concello de Cambados reedita a “Festa da Vendima” que se creou o ano pasado con motivo da Cidade Europea do Viño.

A iniciativa é un recoñecemento a cinco mulleres e cinco homes, un e unha de cada parroquia, que levan toda unha vida adicados ao cultivo da uva e á elaboración do viño..

O evento será o sábado 13 de outubro no Auditorio da Xuventude ás 20.30 horas e incluirá unha representación teatral da compañía cambadesa Teatro no Garaxe, o monólogo de Serxio Pazos e a músíca de Manso e Amigos.

Todo elo presentado por Iolanda Vázquez.

Ademáis, farase un recoñecemento ás tres adegas gañadoras na Festa do Albariño de Cuxhaven, celebrada na cidade xermana o pasado mes de setembro.

Os detalles explicábaos esta mañá o Concelleiro de Enoturismo, José Ramón Abal, na presentación do evento, acompañado dos artistas convidados.

#hoxeenArousaPontevedraDíaaDía

#de12a1430

O Concello de Vilagarcía abre o prazo de presentación de proxectos á II edición dos “Premios a Iniciativas Emprendedoras”, que, este ano, contan cun aumento da partida destinada aos gañadores ata os 12.080 euros, un 34% máis que o pasado ano.

O prazo estará aberto ata o 11 de outubro.

Os premios están dirixidos a emprendedores, startups, micropemes, autónomos de diversos campos, estudantes universitarios ou de ciclos que teñan un proxecto de negocio viable en fase de desenvolvemento.

Tamén poderán participar as empresas en fase de lanzamento, desenvolvemento do proxecto ou de recente creación que non superen os 24 meses de antigüidade e que desenvolvan a súa actividade no Concello de Vilagarcía.

O primeiro clasificado recibirá como axuda económica para a posta en marcha do seu negocio un total de 5.950 euros; o segundo 3.570 e o terceiro 2.380.

Ademais, e como xa se fixo na edición anterior, os gañadores contará coa promoción das súas iniciativas empresariais e beneficiaranse dunha etapa formativa de tres meses de duración na que mentores especializados ofreceranlles asesoramento individualizado para a posta en marcha do seu negocio e para unha xestión exitosa do mesmo.

As iniciativas que desexen concursar deben ser proxectos innovadores que incorporen a innovación de ideas, procesos ou tecnoloxías, para desenvolver, aproveitar ou reciclar os recursos propios da nosa zona.

Ademais, deben promover a economía azul, orientada a responder as necesidades básicas de todos os recursos locais dispoñibles, e valorarase a creación de emprego e o coidado do medio ambiente.

Detalles que contaba o director da empresa de mentoring Suma Importancia, Roberto Pérez, na presentación dos premios deste ano, acompañado do Concelleiro de Promoción Económica Juan Antonio Pérez Callón.

#hoxeenArousaPontevedraDíaaDía

#de12a1430

O concello de Cambados pon en marcha unha nova edición do Proxecto Emprendemar, destinado ao emprendemento e a formación no sector marítimo pesqueiro, e que o ano pasado conseguiu o primeiro premio Economía Azul.

Tralo éxito da pasada edición, na que houbo unha inserción laboral do 60% dos participantes, o concello de Cambados ten preparados 4 novos cursos que se desenvolverán durante os meses de outubro e novembro, financiados con fondos municipais.

O periodo de inscripción para esta actividade formativa abrese o vindeiro luns, e poderan participar un total de 25 alumnos por curso de forma gratuita.

Esta iniciativa, promovida polas Concellerias de Promoción Económica e do Mar, ten como obxetivo incentivar o emprendemento e o uso das novas tecnoloxías nas actividades tradicionais do sector marítimo pesqueiro.

Ademáis, axuda a mellorar os méritos no baremo para opter permisos de explotación marisqueira.

O tenente de alcalde, Víctor Caamaño, e o Concelleiro de Economía e Facenda, Xurxo Charlín, explicaban esta mañá os detalles na presentación do programa, acompañados da docente dos cursos, Leticia García de Nordelaina.

#hoxeenArousaPontevedraDíaaDía

#de12a1430

Un total de 27 floristerías, unha máis que o ano pasado, participarán este ano no Mercado das Flores de Cambados que se ven realizando tradicionalmente en vésperas de Defuntos.

A ubicación continuará no Salón Peña e desta volta abrirán tres días: o 30 e o 31 de outubro en horario de 8 a 22 horas e o propio día de Defuntos de 8 a 15 horas.

Os postos contarán con seguridade privada, financiada polo Concello, que tamén reforzará o servizo de limpeza.

Así se acordaba na reunión mantida esta mañá entre as representantes das floristerías e o Concelleiro de Economía e Facenda de Cambados, Xurxo Charlín, para preparar a organización do Mercado.

#hoxeenArousaPontevedraDíaaDía

#de12a1430

O Concello de Vilagarcía asinou esta mañá convenios de colaboración no financiamento dos centros socio culturais non municipais: o Gato Negro de Carril; A Laxe e Solobeira-O Sixto.

A cada un deles irán destinados 1.800 euros para sufragar a realización de actividades ou compra de material.

No acto de sinatura dos convenios, o alcalde, Alberto Varela, consideraba “de xustiza” a colaboración con estes colectivos nos que a administración municipal non tivo que realizar investimentos para a construcción dos seus centros culturais.

#hoxeenArousaPontevedraDíaaDía

#de12a1430

O grupo de En Marea no Parlamento de Galicia pedirá á Xunta que requira a Costas do Estado que ceda a titularidade municipal sobre os máis de 21.000 metros cadrados nos que se ubican a praza, o colexio novo e o pabillón.

A concesión actual rematou o pasado mes de xuño.

Así o explicaban esta mañá a Concelleira de Gañemos Vilanova Elena Cores e a deputada de En Marea no Parlamento de Galicia Julia Torregrosa.