#hoxeenArousaPontevedraDíaaDía

#de12a1430

A cuarta edición de Motor Okasión abre hoxe as súas portas en Vilagarcía cunha exposición de 600 vehículos procedentes de 19 concesionarios e prezos dende 1.000 a 128.000 euros.

Éste último é o que costa o coche estrela deste ano: un Porche GT3.

Os organizadores agardan venda de máis de 100 vehículos, tal como nos contaba o seu portavoz, Juan Lijó.

#hoxeenArousaPontevedraDíaaDía

#de12a1430

O alcalde de Vilanova non quere seguir pronunciándose sobre as súas controvertidas declaracións sobre a presidenta da Deputación, Carmela Silva, e agardará ao que diga o xuiz trala denuncia presentada polo goberno provincial contra el.

Sen embargo, Gonzalo Durán afirma que “non se arrepinte de nada porque está defendendo aos seus veciños" e asegura que ninguén do partido o reprobou nin lle pediu a súa demisión.

En canto ao plante anunciado polo grupo socialista na Mancomunidade, o alcalde vilanovés dí que a entidade comarcal vai seguir funcionando sen problema.

En todo caso, dende o PP provincial insisten en seguir denunciando o trato discriminatorio que entenden está realizando o goberno da Deputación en concellos populares.

Así o visibilizan en diversos carteis e pancartas onde se alude aos 30 millóns de euros que, segundo afirman, o goberno provincial deixa de invertir en concellos da provincia para realizar obras en Vigo, como a reforma de Balaidos ou a iluminación navideña da cidade olívica.

Todo elo o decía Gonzalo Durán que comparecía esta mañá acompañado de deputados do Partido Popular

#hoxeenArousaPontevedraDíaaDía

#de12a1430

Vilanova abre hoxe os actos das Sonatas de Outono, en homenaxe a Valle Inclán, que se prolongarán durante todo este mes de outubro con actividades en todos os colexios do municipio.

Ademáis, este ano recupérase o “Certame de Tunas” o sábado 27 de outubro ás 19 horas.

Así nolo contaban o Concelleiro de Cultura, Javier Tourís e o alcalde Gonzalo Durán.

#hoxeenArousaPontevedraDíaaDía

#de12a1430

Cambados organiza o II Simposio Internacional LGTBI para visibilizar e normalizar, por segundo ano consecutivo, a diversidade sexual.

O evento será o sábado 27 de outubro en Exposalnés, con entrada libre, dende as 10 horas.

Alí estarán ponentes de Brasil, Galicia Arxentina e Portugal para dar coñecer cómo se vive a transexualidade nos diferentes países

Este ano, o Simposio estará enfocado ao matrimonio entre persoas de igual sexo.

Ademáis, nesta edición, a través do facebook de LgtbiGalicia sortearanse abanos e paraugas como xeito de difundir o evento.

Así nolo contaban a alcaldesa, Fátima Abal, e a técnica do CIM, Mónica Novas, na presentación do evento, acompañadas da técnica de igualdade de Cambados, Ana Pérez.

#hoxeenArousaPontevedraDíaaDía

#de12a1430

O Concello de Vilanova está realizando diversas actuacións na parroquia de San Miguel.

Concretamente, instalaranse catorce novos puntos de luz en diferentes zonas e ampliaranse algúns viais para mellorar a seguridade viaria.

Neste último punto, a primeira actuación correspondeu ao lugar de Viñagrande, nun tramo moi frecuentado polo transporte escolar, cunha inversión duns 9.000 euros.

Así nolo explica a Concelleira Nuria Morgade.

#hoxeenArousaPontevedraDíaaDía

#de12a1430

O anunciado cambio da circulación rodada no centro urbano de Vilagarcía entrará en vigor este xoves ás 11 da mañá, un día recomendado pola Policía Local para facer as modificacións debido a que ao ser véspera de festivo será unha xornada de pouco tráfico.

Lembramos que Arcebispo Lago e Conde Vallellano somente serán de saída a través da Praza de Galicia e Alejandro Cerecedo terá dobre sentido.

O que todavía tardará un mes máis é a instalación na rúa Castelao dos semáforos da antiga praza de Galicia, que se activarán a demanda para protexer a seguridade dos peóns.

O alcalde, Alberto Varela, prevé que a cidadanía se acostumbrará de seguida a uns cambios que serán permanentes, ao contrario do que sucederá cos semáforos da Rúa Victor Pita en Vilaxoán, que se instalarán como proba a vindeira semana.

#hoxeenArousaPontevedraDíaaDía

#de12a1430

A Deputación de Pontevedra leva investidos durante os tres anos de lexislatura 59 millóns de euros nos concellos da comarca do Salnés, xunto con Catoira, Pontecesures e Valga, entre os diferentes Plans Provinciais.

É o balance que facía esta mañá a presidenta da Deputación, Carmela Silva, nun almorzo informativo cos medios no que dixo sentirse orgullosa do seu goberno e rexeitou a falta de equidade nas inversións.

Preto de 29 millóns corresponderon ao Plan Concellos e outros preto de 16 millóns ás distintas áreas do Goberno provincial.

“Datos obxectivos, de números que se poden comprobar un a un”, dixo a presidenta provincial.

Segundo Carmela Silva, “é o maior investimento da historia da Deputación nesta comarca, e moito máis importante que a que fixo calquera outra administración”.

“Non hai actividade ou servizo nos concellos de menos de 20.000 habitantes que non leven o nome e o apelido desta Deputación”, engadiu.

Concretamente, no Plan Concellos foron 3.461.054,56 € para Cambados, 1.517.758,93 € para Catoira, 2.867.134,43 € para O Grove, 1.514.684,04 € para A Illa, 1.810.723,13 € para Meaño, 1.730.707,84 € para Meis, 1.317.238,59 € para Pontecesures, 1.686.789,19 € para Ribadumia, 3.250.534,37 € para Sanxenxo, 1.823.018,26 € para Valga, 5.256.368,58 € para Vilagarcía e 2.694.154,41 € para Vilanova.

“Ao abeiro do Plan Concellos xa se levan realizadas preto de 300 obras nestes doce concellos, 117 en 2016, 104 en 2017 e 77 en 2018”.

#hoxeenArousaPontevedraDíaaDía

#de12a1430

O vicepresidente da Xunta, Alfonso Rueda, rompeu esta mañá o silencio do PP sobre as declaracións do alcalde de Vilanova nas que chamaba “chacha para todo” á presidenta da Deputación.

Nunha intervención en TVG, Alfonso Rueda recoñeceu que as declaracións do rexedor vilanovés son “desafortunadas” e dixo non compartilas.

Ademáis, Rueda responde ao acontecido asegurando que “se por algo se caracterizou Carmela Silva é por dirixir insultos non só cara miña persoa, se non cara homes e mulleres do PP con descalificacións moi graves no que era unha práctica habitual de Carmela Silva. Me alegro de que tamén ela se decida a cambiar esa tónica e que se de conta de que os insultos non son bos en ningún caso”.

#hoxeenArousaPontevedraDíaaDía

#de12a1430

Cinco alumnos do IES Castro Alobre de Vilagarcía elaboraron diseños de servilletas con pasatempos en galego para a hostelería do municipio.

A actividade "Pasa tempo co galego", promovida polo equipo de Normalización Lingüística do instituto vilagarcián en colaboración coa conselleria de cultura que dirixe Sonia Outón, ten como finalidade achegar á ciudadanía o uso do galego, e neste caso, mediante pasatempos en servilletas.

Nestes últimos dous anos, os alumnos de cursos anteriores tamén participaron nesta iniciativa con salvamanteis e posavasos con mensaxes en galego.

As servilletas foron presentadas está mañá no IES Castro Alobre polo director, Carlos Diz, o responsable do equipo de Normalización Lingüística do centro, José Torres, a concelleira de Cultura, Sonia Outón, e os alumnos que elaboraron os pasatempos.

#hoxeenArousaPontevedraDíaaDía

#de12a1430

O Festival Revenidas de Vilaxoán xerou un impacto económico na comarca de Arousa de 711.000 euros, segundo

un informe de avaliación impulsado pola Agadic, en colaboración coa Universidade de Santiago, como parte das accións desenvolvidas baixo a nova marca da Xunta FEST Galicia, para promover Galicia como destino musical .

Ademáis a décimo quinta edición do evento tivo unha valoración xeral de 8,2 sobre 10 por parte do público asistente.

Os resultados foron obtidos a partir de 1.230 enquisas directas a asistentes e das cifras facilitadas pola organización do Revenidas.

Uns datos que para Xoan Quintáns, da asociación organizadora do Festival son excelentes ainda que o estudo reflexa cousas que todavía se deben mellorar.

Así o explicaba na presentación do informe, acompañado do director da Agadic, Jacobo Sutil, e a concelleira de Cultura de Vilagarcía, Sonia Outón e Fran Núñez, codirector deste traballo.