#hoxeenArousaPontevedraDíaaDía

#de12a1430

As obras de soterramento do cableado eléctrico que se están realizando na Rúa Real de Cambados deixaron ao descuberto unha construcción arqueolóxica que podería formar parte do Pazo de Fefiñáns.

Un descubrimento que desvelaban esta mañá o Concelleiro de Obras e Servizos, José Ramón Abal, e o técnico municipal de Patrimonio, Javier Montero.

#hoxeenArousaPontevedraDíaaDía

#de12a1430

Vilagarcía puxo en marcha esta mañá o Obradoiro “Labora Xove” no que un total de 16 alumnos-desempregados se formarán durante seis meses en socorrismo e atención ao cliente.

O director xeral de Orientación e Promoción Laboral da Xunta, Alfonso Marnotes, visitou esta mañá o obradoiro e animou aos alumnos a aproveitar a formación.

#hoxeenArousaPontevedraDíaaDía

#de12a1430

O concello de Vilanova interporá unha nova demanda xudicial contra a Deputación de Pontevedra.

Neste caso, será por serlle denegado o proxecto presentado ao amparo do Plan Deporemse para converter en zona peonil o entorno de Tremoedo onde están ubicados o colexio, o pabellón, o campo de futbol e a casa de Cultura.

A actuación, valorada en máis de 400.000 euros, pretendía mellorar a seguridade vial desta zona moi frecuentada por nenos e veciños.

Segundo explicaba esta mañá o alcalde, Gonzalo Durán, nesta ocasión a Deputación sí aprobou o proxecto pero foi denegada a subvención por falta de fondos.

O rexedor vilanovés fala dunha trama de corrupción dentro do goberno provincial.

#hoxeenArousaPontevedraDíaaDía

#de12a1430

A aplicación que utilizan os percebeiros para consultar as condicións do mar nas súas zonas de traballo , a denominada Percegurú, acaba de ser mellorada.

A ferramenta web existe desde o ano 2012 pero agora mellora a súa resolución e dispón de prediccións en maior amplitud de costa con 1.032 tramos, actualiza a información automaticamente sen interrupción na fin de semana e aumenta a 4 os indicativos de risco das ondas.

Así o explicaba esta mañá a directora xeral de Desenvolvemento Pesqueiro da Xunta, Susana Rodríguez, acompañada da directora do Intecmar, Covadonga Salgado, na presentación da nova aplicación.

#hoxeenArousaPontevedraDíaaDía

#de12a1430

O Concello de Cambados está a realizar a mellora do firme da Avenida de Vilagarcía, nun tramo de 2.000 metros cadrados, unha vez que a Xunta cedeu a súa titularidade.

Os traballos, financiados a través do Plan Concellos 2016 por un importe de 20.000 euros, finalizarán o vindeiro luns.

Tras esta actuación, o goberno municipal continuará coa mellora do pavimento da Avenida da Coruña, creando ademáis unha beirarrúa dende a entrada da Praza de Fefiñáns, bordeando a Igrexa de San Bieito.

Asimesmo, o executivo local aprobou xa en Xunta de goberno o proxecto de pavimentación do vial de Tragove que da acceso a unha ducia de depuradoras e que supón un gasto en mantemento anual de 10.000 euros.

A intención da Concellería de Obras é licitar o proxecto antes de que remate o ano aproveitando parte dos fondos que ían ser destinados á mellora aprazada da Praza de Abastos.

Contan para elo cun orzamento de 98.000 euros e un prazo de execución dun mes.

Así o explicaba o Concelleiro de Obras e Servizos, José Ramón Abal, durante unha visita ás obras que se están executando na Avenida de Vilagarcía.

#hoxeenArousaPontevedraDíaaDía

#de12a1430

Concello de Cambados a asociación de comerciantes Zona Centro empezan a organizar a campaña de Nadal, as actividades infantís e o alumeado das rúas.

Dende o Concello apostan por seguir realizando obradoiros e xogos no Salón Peña coa colaboración dos alumnos do obradoiro de monitores de tempo libre e mesmo aumentar o número de días.

Asimesmo, tamén estudarán a posibilidade de poñer en marcha outras actividades para fomentar o comercio local.

En canto á iluminación, tanto o goberno municipal como a Asociación de Comerciantes pretenden este ano reforzar as luminarias chegando a zonas máis esquecidas onde tamén hai establecementos comerciais.

Os concelleiros de Cultura e Promociòn Económica, Victor Caamaño e Xurxo Charlín, reuníronse esta mañá co presidente de Zona Centro, Juan Rey, para concretar os detalles.

#hoxeenArousaPontevedraDíaaDía

#de12a1430

A programación cultural de outono chega a Cambados con mumerosos espectáculos familiares na Biblioteca Luis Rey, ademáis de concertos e teatro.

Dentro das activides principais, o Concelleiro de Cultura Victor Caamaño, destaca o Día das Bibliotecas o 24 de outubro, o Samaín, o 31 de outubro, e o Cabodano de Cabanillas o 9 de novembro, data na que, ademáis se presentará o proxecto de musealización.

#hoxeenArousaPontevedraDíaaDía

#de12a1430

Caldas de Reis xa ten novo Plan Xeral de Ordenamento Municipal para os próximos 16 anos.

A conselleira de Medio Ambiente, Territorio e Vivenda, Ángeles Vázquez, asinou esta mañá a orde de Aprobación Definitiva do documento urbanístico e mantivo unha reunión co rexedor municipal, José Manuel Rey.

O novo Plan Xeral de Caldas reserva máis de 560.000 metros cadrados para espazos libres e zonas verdes e 132.339 metros cadrados para equipamentos comunitarios.

Deste xeito posibilitarase a execución de proxectos como a ampliación da casa do Concello e do Instituto Aquis Celenis, e a construción dun novo centro de saúde ou aproveitar os espazos naturais que ten Caldas de Reis ao carón dos ríos Bermaña e Umia, permitindo a creación de parques fluviais na súa contorna.

Un 8,77% do concello queda clasificado como solo de núcleo rural, representando o solo urbanizable un 3,50% e o solo urbano un 2,03%. O restante 85,70% do territorio queda clasificado como solo rústico.

A Conselleira do Territorio destacou o papel de Caldas de Reis, como cabeceira comarcal na actividade industrial e o seu potencial de desenvolvemento económico, “polo que o PXOM aprobado hoxe responde e atende ás necesidades existentes en canto a actividades produtivas e empresariais, xeradoras de emprego e riqueza”.

Asimesmo resaltou os asentamentos e a grande actividade industrial en diversas zonas como As Veigas de Almorzar, a recta de Arcos da Condesa, en Godos e noutros ámbitos localizados de forma dispersa polo territorio.

Non obstante, o novo PXOM delimita un total de 10 sectores de uso industrial nestas zonas, regularizando ademais os asentamentos industriais xurdidos á marxe do planeamento.

En todo caso, segundo Angeles Vázquez trátase dun Plan Xeral “ambicioso que ordena as actividades existentes e prevé posibles actuacións; e por outra banda reserva solos para atender a novas demandas empresariais”.

#hoxeenArousaPontevedraDíaaDía

#de12a1430

O Concello do Grove está satisfeito cos resultado da edición da Festa do Marisco que se clausurou este domingo.

Tras dez días de eventos e gastronomía foron máis de 160.000 as racións vendidas, superándose os 700.000 euros de recadación.

Ademáis, ainda que os datos rozan as cifras históricas do ano pasado, o venres foi o mellor día de todas as celebracións, con moitos visitantes de Madrid, Portugal, Barcelona, Asturias e mesmo das Illas Canarias.

O arroz de mariscos foi o plato máis demandado, seguido polo polbo, as zamburiñas á plancha, as navallas, os mexillóns ao vapor e as vieiras ao forno.

Nolo contaba o alcalde José Antonio Cacabelos ao facer balance do evento.

#hoxeenArousaPontevedraDíaaDía

#de12a1430

A Xunta de Galicia comeza hoxe a sustitución dunha das xuntas de dilatación da ponte da Illa de Arousa que deu problemas durante o pasado 25 de xullo, mesmo provocando retencións e accidentes entre os condutores que usaban a vía.

Tal como se anunciara, a actuación realízase despois do verán, para evitar así a afección ao tráfico.

CCOs traballos, que suporán un investimento de máis de 18.500 euros, consistirán na substitución dos fol da xunta, incluíndo todos os elementos necesarios, cun sistema de adaptación coa xunta existente e rebaixe do formigón da lousa.

As obras terán unha duración de entre dez días e dúas semanas, cortándose o tráfico nun sentido de circulación e regulándose a través dun semáforo.

A actuación forma parte dun conxunto de sete intervencións de substitución e mellora de xuntas en estradas da provincia, cinco delas no Salnés e dúas no alto do Candán en Lalín. En total, a obra conxunta rolda os 48.400 euros.

No caso do Salnés, a Consellería de Infraestructuras tamén levará a cabo a reparación doutras catro xuntas de dilatación noutras zonas de Vilagarcía.

Concretamente, na variante VG 47, na PO-548, chegando á ponte do ferrocarril en Carril, e na PO-305 no entorno do Polígono do Pousadoiro.

Así nolo explicaban esta mañá o delegado territorial da Xunta, Cores Tourís, e o director do proxecto, Antonio Pulido, durante unha visita ao inicio dos traballos na Ponte de A Illa, acompañados polos concelleiros de A Illa de Arousa, Alfonso Salgado e Luis Arosa.