#hoxeenArousaPontevedraDíaaDía

#de12a1430

A antiga igrexa da Pastoriza, que fora a Igrexa parroquial de Vilanova ata hai 60 anos e na que foi bautizado Valle Inclán, será a partir de agora utilizada como local cultural por parte do Concello.

Máis de medio século despois de deixar de ser lugar de culto, o novo uso é posible grazas a un convenio entre o Concello e o párroco no que o goberno local se compromete a finalizar as obras de rehabilitación necesarias.

Concretamente, a impermeabilización das paredes, un novo solo e a mellora da iluminación, actuacións para as que pretende conseguir a axuda da Consellería de Cultura da Xunta.

A igrexa xa foi obxecto de diversas actuacións de mellora do tellado, promovidas por unha comisión de veciños, que evitaron que o templo quedase en ruinas tras un investimento de máis de 60.000 euros.

Agora, o Concello agarda que estea lista para a celebración de actos das Xornadas de Valle Inclán o vindeiro ano.

Así o explicaba o alcalde, Gonzalo Durán, durante unha visita á Igrexa, acompañado de integrantes da comisión de veciños da Pastoriza.

#hoxeenArousaPontevedraDíaaDía

#de12a1430

O Concello de Cambados redeseña a programación enoturística para os vindeiros meses e converte a Cata de Escumosos nunha Festa do Albariño de Inverno.

A cita terá lugar o 15 de decembro no Salón Peña e estará centrada nos viños escumosos, coa presencia de media ducia de adegas.

Ademáis, o Concello quere ter presencia propia en Fitur, se así llo concede a Mancomunidade do Salnés, para dar a coñecer, a través dun vídeo promocional, os recoñecementos conseguidos nesta lexislatura: Cidade Europea do Viño, a declaración Internacional da Festa do Albariño Internacional e o recén galardón de Mellor Mellor Municipio Enoturistico 2018.

Nomeamentos que, asimesmo, o goberno municipal quere celebrar con todos os cambadeses e veciños da comarca nun brinde colectivo que terá lugar a principios do ano que ven na Praza de Fefiñáns.

Así o avanzaba esta mañá o Concelleiro de Enoturismo, José Ramón Abal, nunha rolda de prensa na que recibiu o total apoio da Mancomunidade do Salnés para seguir promovendo actividades neste ámbito.

#hoxeenArousaPontevedraDíaaDía

#de12a1430

O Concello de Vilagarcía e a Fundación Once traballarán conxuntamente para conseguir a inserción laboral de persoas discapacitadas do municipio.

Será a través dos programas de Inserta Emprego que a Once financia a través de fondos europeos.

Así quedou recollido no convenio asinado esta mañá entre o alcalde de Vilagarcía, Alberto Varela, e a directora xeral de Inserta Emprego Virginia Carcedo.

#hoxeenArousaPontevedraDíaaDía

#de12a1430

O Salón Peña de Cambados acollerá o próximo sábado 3 de novembro as Vl Xornadas de Degustación e Maridaxe dos Augardentes e Licores Tradicionais de Galicia.

Nesta edición, o Consello Regulador pretende dar á iniciativa un toque de maxia contando coa

colaboración de Dani Polo, o xoven mago finalista do concurso de TVE 'Pura Maxia', que incorporará ilusionismo ao taller de cata.

Corno en anteriores ocasións, a asistencia ás actividades propostas para esta xornada é de carácter gratuíto. previa inscripcion.

Todas as persoas interesadas en participar deberán reservar a súa praza a través do teléfono 986 520 786 ou enviando un correo electronico a [email protected]

A outra novidade do programa deste ano é a colaboración do presidente da Asociación de Repostería Tradicional de Melide Melide Terra Doce, Alberto Rodríguez, que preparará en directo dúas elaboracións que armonizarán os Augardentes e Licores Tradicionais de Galicia coa reposteria melidense

O concelleiro de Enoturismo de Cambados, José Ramón Abal, e á vogal do Consello Regulador insistiron esta mañá na importancia de consumir augardentes e licores debidamente etiquetados con selo de calidade e orixe.

Unha labor de concienciación que vai dando os seus frotios.

Segundo o Consello Regulador as vendas incrementáronse nun 80% con respecto a 2012.

As Vl Xornadas de Degustación e Maridaxe darán comezo o sábado pola mañá coa apertura do Túnel dos Augardentes e Licores Tradicionais de Galicia.

O horario de visita será de 12.00 a 14 00 e de 15.30 a 20 30 horas.

As actividades comezarán ás 16.00 horas co Taller de Cata A Maxia do Augardente.

A continuación, ás 18.00 horas, terá lugar as proposta Augardentes e Licores Tradicionais na cociña e na coctelería.

O chef do Casino da Toxa, Mark Wernink, e o cociñeiro do Hotel Eurostars lsla da Toja, Fran Castro, prepararán en directo tres pratos entre cuxos ingredientes se atopan os destilados galegos con selo de calidade e orixe.

Tamén os utilizará o barman Anxo Camiña para elaborar tres cócteles creados especialmente para a ocasión.

#hoxeenArousaPontevedraDíaaDía

#de12a1430

A Consellería de Infraestructuras comezou hoxe as obras de reforzo do firme nun tramo da estrada de Bamio, en Vilagarcía.

A actuación, que conta cun orzamento de case 48.500 euros, ten por obxectivo incrementar a resistencia do firme e evitar deslizamentos ao longo de 3,4 kms, dado que se teñen detectados na zona accidentes en forma de saída de vía.

As obras son executadas pola empresa Microasfalt, e inclúen a mellora da capa de rodadura e o pintado do eixe da calzada da estrada, así como a reposición da sinalización horizontal afectada pola intervención, completándose a mesma co fresado e reposición do pavimento nos lugares necesarios.

O prazo de execución é de dous meses, polo que os traballos estarán rematados, se o tempo o permite, antes de finais deste ano, tal como decía esta mañá o delegado territorial da Xunta en Pontevedra, Cores Tourís, no punto de inicio dos traballos.

#hoxeenArousaPontevedraDíaaDía

#de12a1430

A Fundación Galega Contra o Narcotráfico e a Xunta de Galicia renovaron esta mañá o convenio de colaboración para o funcionamento do Servizo de Xestión de Bens Incautados ao Narcotráfico.

O acordo, por importe de 15.000 euros, permitirá manter a disposición dos xulgados un servizo especializado na xestión, depósito e venda anticipada dos bens decomisados.

Son, principalmente, vehículos, embarcacións e equipos informáticos e de telecomunicacións, caracterizados polo seu rápido deterioro e perda de valor que a través deste mecanismo son vendidos ou asignados, en determinados supostos, a causas sociais, ofrecendo unha indubidable achega de valor e servizo á sociedade galega.

Dende a posta en marcha deste servizo en 2016, o importe total recadado coas ventas de bens mobles, foi de preto de 150.000 euros, sobre todo vehículos. A subasta máis alta foi un coche da marca Porsche por importe de 35.000 euros.

O presidente da Fundación Galega Contra o Narcotráfico, considera que, este servizo ten, ademáis, unha vertente exemplarizante para os xóvenes.

Así o explicaban Manuel Couceiro e o director xeral de Xustiza da Xunta, Juan José Martín, no acto de sinatura do convenio, acompañados do representante do Colexio de Procuradores da Coruña.

#hoxeenArousaPontevedraDíaaDía

#de12a1430

As excavacións de Cálago deixaron un importante achádego a posteriori.

Trala visita guiada do pasado domingo á zona arqueolóxica, e cando xa os traballos se deran por finalizados, foron atopados restos humanos dun varón de pequena estatura na zona sur do Mosteiro, onde non se centraran as excavacións.

O aviso da presenza destes restos deuna un veciño que participaba na visita guiada.

Agora ábrese unha nova vía de estudo para centrar a cronoloxía dos restos atopados.

Así o explicaban os arqueólogos Mario cesar Vilas e Francisco Alonso na presentación do novo achádego, acompañados do alcalde, Gonzalo Durán.

#hoxeenArousaPontevedraDíaaDía

#de12a1430

O goberno de Vilagarcía asegura que a Xunta ningunea á cidade nos orzamentos de 2019.

O alcalde, Alberto Varela, fixo esta mañá valoración das partidas autonómicas lamentando que a Xunta non contemple inversións para a ambulancia medicalizada, a creación do novo centro de saúde, a autovía a Pontevedra ou o saneamento da Ría de Arousa.

Para Varela, a Xunta tampouco aposta polo transporte público e a conexión de Bamio con Carril, e considera que o goberno galego "non compromete investimentos para Vilagarcía pero despois utilizarán partidas xenéricas en campaña electoral para agradar aos veciños".

Afirma ademáis que o Concello non tería capacidade de investimento se non fora polas inversións da Deputación e os fondos europeos.

O rexedor acusa ao PP de "doble moral" e manter un "silencio cómplice para quedar ben coa Xunta" ante uns orzamentos autonómicos que según o rexedor "perxudican a cidade".

#hoxeenArousaPontevedraDíaaDía

#de12a1430

A Feira Independente do Viño "Castes" trae a Vilagarcia o primeiro Campionato de España de Cata por Equipos.

O que comezou como unha micro feria que se levou a cabo o pasado ano no bar Derby, creceu considerablemente ata esta segunda edición na que 48 adegas de España, Portugal, Francia e Italia presentarán os seus viños.

O evento celebrarase o 25 de novembro na Praza de Abastos de Vilagarcía.

Pola mañá disputarase o Campionato de España de Catas por Equipos , clasificatorio para o mundial, coa presencia de preto de 100 catadores.

As inscripcións poden realizarse a través da páxina web de Castes ou de Ticketea a partir das 17 horas de esta tarde.

Xa pola tarde terá lugar o túnel do viño, de 17 a 22 horas coas explicacións dos elaboradores dos viños das adegas participantes.

José Dieste, organizador de Castes, agarda que se acheguen a Vilagarcía máis de 500 persoas para disfrutar del túnel do viño.

Para o alcalde de Vilagarcía, Alberto Varela, este tipo de eventos son o elemento diferenciador da vila e un bo exemplo para a promoción da economía local.

#hoxeenArousaPontevedraDíaaDía

#de12a1430

O polígono de Nantes ponse en marcha hoxe tras anos de paralización.

O Concello e os membros do Consello Rector da Xunta de Compensación celebraron esta mañá o acto de recepción do parque con gran satisfacción por ambas partes.

Para o Presidente do Consello Rector, Manuel Barbeito, esta data marca un antes e un despóis no desenvolvemento de Sanxenxo e da comarca en xeral.

E segundo o alcalde, Telmo Martín, suporá unha nova oportunidade para que o futuro de Sanxenxo non estea únicamente ligado ao turismo.