#hoxeenArousaPontevedraDíaaDía

#de12a1430

O concello de Meis e a Comunidade de Montes de San Vicente de Nogueira insisten nos beneficios para o municipio e a comarca que traería consigo o futuro parque acuático.

Así o explicaron esta mañá o alcalde de Meis, José Luis Pérez Estevez e o Presidente da Mancomunidade de Montes, José Manuel Ruibal nunha rolda de prensa para resolver ás dubidas xeradas entre os veciños pola creación do novo parque acuático.

Segundo informaron, o concello será quen leve o control do proxecto que presente a empresa, para asegurarse de que cumpre cos obxetivos marcados e preserve o entorno natural.

O rexedor meisino asegurou que a infraestructura incluirase no entorno natural, e que non haberá que instalar ningunha torre de soporte para os tobogáns xa que se colocarán aproveitando a inclinación do terreo da antiga canteira.

Ademáis, contará con espazos verdes para potenciar a natureza do municipio e previsiblemente terá máis actividades multiaventura para que o parque poida estar aberto durante todo o ano.

A superficie total do parque será de 70.000 metros cadrados e a empresa deberá pagar á comunidade de montes unha cota de 20.000 euros anuais cunha cesión de 29 anos.

A contrucción do futuro parque acuático de Meis podería comezar antes do verán de 2019 para que xa se poda inaugurar de cara a tempada estival.

Asimesmo, o parque acuático daría emprego a uns 80 veciños da zona e tal como dixo o presidente da mancomunidade de montes, axudaría a aforrar moitos gastos de mantenento da zona que debido ao seu estado precisa o desbroce a man e podería chegar a uns 6.000 euros anuais.

Do mesmo xeito, o alcalde de Meis, Jose Luís Pérez, considera que o futuro parque acuático vai xerar riqueza na zona xa que hai xente interesada en montar negocios no seu entorno.

#hoxeenArousaPontevedraDíaaDía

#de12a1430

O BNG de Cambados empeza o proceso de elección de candidatos para as vindeiras municipais.

Somente hai unha candidatura presentada: a de Victor Caamaño, que opta a reelección nunha asamblea aberta que se celebrará esta tarde e na que non se auguran sorpresa.

Así o avanzaba Victor Caamaño esta mañá na presentación da súa candidatura.

#hoxeenArousaPontevedraDíaaDía

#de12a1430

O Centro de Día de Cambados comezará o seu funcionamento no mes de setembro.

Así o confirmou esta mañá o Xerente do Consorcio Galego de Benestar, Perfecto Rodríguez, durante unha visita ás instalacións, acompañado do concelleiro de Sanidade de Cambados.

Na visita estivo presente tamén un representante da empresa adxudicataria da xestión do centro, a UTE conformada polas empresas Servizos Asistenciais Riazor S.L. e Atendo Calidade S.L.

O novo Centro de Día dará servizo a toda a comarca e ainda que as instalacións teñen capacidade máxima de 40 usuarios, empezará con 20 e irán aumentando en función da demanda existente.

A Xunta investiu na construcción do centro para maiores de Cambados un total de 800.000 euros, contía á que se sumou posteriormente un montante de algo máis de 70.000 euros para o equipamento do centro. Eses 70.000 euros foron sufragados nun 75% polo Consorcio e, no 25% restante, polo Concello, de acordo co convenio asinado entre ambas administracións para tal fin.

#hoxeenArousaPontevedraDíaaDía

#de12a1430

O salón de plenos de Vilagarcía está presidido dende hoxe por un gran mural do artista Rivas Briones titulado “Alegoría da pesca, a industria e a agricultura”.

O Concello recuperou hoxe este cadro, que mide 5,4 por 1,9, e que durante moitos anos estivo nas paredes da oficina de Banesto.

Tralas fusións bancarias, o cadro foi trasladado as dependencias do Banco Santander en Vigo e agora a entidade bancaria dona a obra ao Concello.

O seu regreso a Vilagarcía plasmouse esta mañá coa instalación da obra no salón de plenos coa presencia do alcalde, Alberto Varela, e o representante do Banco Santander.

Ambos manifestaban a súa ledicia

#hoxeenArousaPontevedraDíaaDía

#de12a1430

A Mancomunidade do Salnés clausurou esta mañá o unha nova edición do Obradoiro de Hosteleria coa entrega oficial dos diplomas aos alumnos.

Un novo período de formación que remata cun 90% de inserción laboral.

Por elo, dende a Mancomunidade estase barallando a posibilidade de aumentar o número de alumnos nos próximos obradoiros.

No acto de entrega de diplomas estivo presente o vicepresidente da Xunta, Alfonso Rueda, ademáis de alcaldes da comarca, xunto co presidente da Mancomunidade do Salnés, Gonzalo Durán, e o delegado de Turismo da entidade comarcal, Gonzalo Pita.

Todos eles destacaron a importancia da profesionalidade neste sector cara o turismo.

#hoxeenArousaPontevedraDíaaDía

#de12a1430

Laureano Oubiña e Carme Avendaño encontráronse esta mañá nos Xulgados de Vilagarcía a consecuencia da demanda presentada polo cambadés contra a presidenta de Érguete por insinuar nunha entrevista de televisión que traficaba con otras drogas ademáis do haxís.

A Fiscal solicitou que se desestime a demanda argumentando que a "libertade de expresión debe primar nun país libre sobre o derecho á honra dun persoaxe público e condenado polos seus actos".

Pola súa banda, o avogado de Oubiña insistiu en que se vulnerou o dereito á honra do cambadés e e Avendaño volveu negar que o acusara de traficar con outro tipo de drogas aparte de haxís e tabaco, insinuando ademáis que se trata dun intento de promocionar o seu libro.

Ao tempo, decenas de familias afectadas polas drogas acompañaron a Avendaño na cita nos xulgados lanzando berros contra o narcotraficante cambadés.

#hoxeenArousaPontevedraDíaaDía

#de12a1430

O alcalde de Vilanova será nomeado Cabaleiro de Honra da Irmandade de Veteranos Lexionarios de Galicia.

O recoñecemento seralle outorgado durante a V Concentración que o colectivo celebra dende este venres ata o domingo na vila, con diferentes actividades que explicaba esta mañá o portavoz da Irmandade lexionaria.

#hoxeenArousaPontevedraDíaaDía

#de12a1430

O Concello de Vilagarcía e a Axencia Galega de Doazón de Sangue e Órganos, (ADOS), impulsan de novo a campaña de verán de doazón de sangue para garantir o labor dos hospitais galegos, que precisan preto de 500 doazóns cada día.

A unidade móbil de ADOS estará na cidade a finais desta semana ubicada na zona peonil da rúa Castelao.

O xoves e o venres de 10 a 14 horas e de 16 a 21 e o sábado dende 10.15 a 15 horas.

Poden doar sangue as persoas entre 18 e 65 anos, cun peso de máis de 50 kilos.

Persoal sanitario revisará a saúde das persoas que se acheguen ata a unidade móbil antes de cada transfusión.

O ano pasado, Vilagarcia acadou unha taxa de 41 doazóns por cada 1 000 habitantes, é dicir que 4 de cada 100 veciños realizaron este xesto solidario.

Datos que están dentro dos parámetros recomendados pola Organización Mundial da Saúde, pero todavía se poden mellorar.

Así o explicaba esta mañá a directora da Axencia Galega de Doazóns, Marisa López, na presentación da campaña de verán, acompañada polo Concelleiro Lino Mouriño.

Grazas a este xesto solidario. os hospitais atenden aos enfermos de cancro e leucemia e levan a cabo, cada dia, unha media de 2.700 urxencias, 500 intervencións cirúrxicas e 3 transplantes de órganos e tecidos

#hoxeenArousaPontevedraDíaaDía

#de12a1430

O Concello de Vilanova empezou esta mañá o acondicionamento do aparcadoiro e do campo de festas de András.

A previsión é que os traballos estean listos para a segunda quincena de agosto, cando se celebren as festas parroquiais, tal como nos explica o alcalde, Gonzalo Durán.

#hoxeenArousaPontevedraDíaaDía

#de12a1430

O Concello de Vilanova agarda acometer a primeira fase da rexeneración da praia de A Braña no mes de setembro.

Para elo, o goberno local pediu á Consellería do Mar que axilice o máximo posible a tramitación do permiso necesario para levar a cabo unha actuación moi reclamada pola veciñanza.

A aportación de area tamén necesita o permiso da confraría de pescadores e o de Costas do Estado.

Nolo explicaba o alcalde, Gonzalo Durán, trala entrevista coa conselleira do Mar, Rosa Quintana.