#hoxeenArousaPontevedraDíaaDía

#de12a1430

O alcalde do concello leonés de Camponaraya, Eduardo Morán, ordenou a retirada dos carteis onde unha empresa privada anunciaba unha excursión ás Rías Baixas, promocionada como “ a costa da Fariña”.

A polémica en Cambados coñeceuse a través do portavoz do PP, Luis Aragunde, que anunciaba unha moción no pleno da vindeira semana para que a corporación envie ao Concello do Bierzo unha carta de repulsa.

A alcaldesa de Cambados, Fátima Abal, ao ter coñecemento da situación, trasladou de inmediato nunha conversa telefónica o seu malestar ao rexedor de Camponaraya, ao igual que fixo a Deputación de Pontevedra.

Os carteis da polémica foran elaborados e ubicados a nivel local por parte da empresa organizadora ao marxe do cartaz institucional no que non figuraba a controvertida frase.

Todo o acontecido nolo explicaba para AROUSA PONTEVEDRA DIA A DIA o alcalde de Camponaraya, Eduardo Morán.

A Deputación de Pontevedra provincial amosouse satisfeita polo entendemento co goberno local de Camponaraya, tras as conversas mantidas entre ambas administracións.

Para o goberno provincial este lema era unha publicidade inxusta e inapropiada que, aínda que se refería ao éxito dunha serie televisiva, podía vencellar a marca Rías Baixas, que promove a institución provincial a nivel nacional e internacional, coa tristemente época pasada do narcotráfico na comarca do Salnés.

Tamén dende Cambados a alcaldesa Fátima Abal, reiteraba as disculpas ofrecidas ao Concello por parte do rexedor leonés e indicaba que a vila que se refrexa na serie non non ten nada que ver coa realidade actual.

#hoxeenArousaPontevedraDíaaDía

#de12a1430

O Emprega Salnés VI, promovido pola Mancomunidade e financiado pola Xunta, creará a primeira promoción de vixiantes aéreos de parques marisqueiros, a través de dróns, que se forman en toda España, polo que as súas expectativas laborais son moi altas.

Uns 14 alumnos reciben formación dende mediados deste mes no Curso de “Vixiancia Nocturna con Dróns” no que xa conseguiron sobrevoar a costa de Vilanova en tan só catro minutos.

A Empresa Telocrea Drones, que imparte o curso, mantén xa conversacións con distintas entidades e confrarías, entre elas a de Vilanova, para implantar este sistema que sería eficaz contra o furtivismo.

Así o explicaba o profesor do curso, Jorge García, durante o acto de presentación celebrado esta mañá no Multiusos de Vilanova, coa presencia do presidente da Mancomunidade do Salnés, Gonzalo Durán.

Esta nova actividade profesional tamén permite vixiancias nocturnas noutros sectores empresariais, como polígonos industriais.

Ademáis, dentro do mesmo curso impártense materias relacionadas cos dróns destinados a outros fins.

Un exemplo novidoso son os que recogen mostras de auga por control remoto para o seguimento das mareas bermellas, que aumentan a súa eficacia ao reducir custes e mellorar os tempos de captura de mostras.

#hoxeenArousaPontevedraDíaaDía

#de12a1430

O alcalde de Sanxenxo, Telmo Martín, non está disposto a consentir que os seus rivais decidan as responsabilidades políticas que ten que asumir polo caso dos sobreprezos de Construcuatro na venta de pisos en Navia.

O rexedor respondía así aos grupos da oposición municipal e no Parlamento Galego que pediron a súa demisión trala sentencia do Tribunal Supremo que condena á firma da que era socio a unha sanción económica de 2,4 millóns de euros.

Telmo Martín asegura que non ten responsabilidades penais xa que nunca foi imputado.

#hoxeenArousaPontevedraDíaaDía

#de12a1430

Ás noites dos xoves e venres da rúa Méndez Núñez en Vilagarcía volven soar de xeito diferente.

Dende este xoves comeza o programa de concertos Varietés, que se alogará ata o 3 de agosto e que por oitavo ano consecutivo organizan os hosteleiros da rúa Mendez Núñez co fin de animar ás terrazas da céntrica rúa con actuacións musicais de diferentes xéneros.

As actuacións están pensadas para dinamizar ás noites de verán mentres se cea ou toman unhas copas, polo que os concertos comezarán os xoves as 21:30 horas e os venres ás 22:00 horas.

Así o contaban o representante dos organizadores, Richard Santamaría, e a concelleira de Cultura de Vilagarcía, Sonia Outón.

#hoxeenArousaPontevedraDíaaDía

#de12a1430

O sindicato CIG denuncia o incumplimento xeralizado do convenio provincial do sector da hostelería.

O acordo establece que cociñeiros e camareiros deben deben cobrar entre 1400 y 1685 brutos dependiendo de se trabajan en hotel, restaurante o bar, a una media de 8 euros a hora e 14 euros si é extra.

A xornada debe ser de 8 horas de luns a domingo con descanso de dous días seguidos, o de 7'15 horas e descanso de día e medio... Ademáis, deben pasar 12 horas entre quendas de traballo.

En todo caso, o salario nunca debe baixar dos 1.000 1000 euros, ainda que dependerá da categoría do establecemento, (bar, restaurante ou hotel) e do emprego (cociñeiros, camareiros, axudantes de cociña, camareiros de piso ou limpeza)

A central nacionalista considera que é un convenio tipo para o sector pero denuncia que se incumple na meirande parte dos casos, sobre todo en pequenos establecementos.

Así o explicaba esta mañá o secretario comarcal da CIG, Xoan Xosé Bouzas Aboi.

#hoxeenArousaPontevedraDíaaDía

#de12a1430

O Pazo de Vista Real, de Vilanova, acollerá do 16 ao 19 de Xullo un novo curso de Verán da Universidade de Compostela, sobre arte, historia, xeografia e cultura na comarca de O Salnés.

Nesta V edición, o programa abordará sobre todo a arquitectura civil, como o Xacemento de Besomaño, os Pazos, os Piornos e Torres de Defensa, así como os Louceiros de Bamio, recuperados pola Asociación de Mulleres.

A matrícula do curso, de 28 horas lectivas e recoñecido con 2 créditos, xa está aberta na web da USC a un prezo 120€ e reducido de 70€.

Así o explicaba a directora do programa, a historiadora Alicia Padín, no acto de presentación, acompañada do alcalde de Vilanova, Gonzalo Durán.

#hoxeenArousaPontevedraDía

#de12a1430

A Illa de Arousa volve a fusionar música, arte e natureza no programa "O Mar nunha flor" que comeza o 31 de xullo e se prolongará ata o 4 de agosto, organizado, un ano máis polos artistas Uxía e Carlos Blanco.

O festival cultural comezará o 31 de xullo, cun obradoiro de fotografía escénica e o concerto dos profesores da escolar de música municipal.

O mércores 1 de agosto, proxectaráse o exitoso filme "Doghs" e "A Caixiña de Mistos".

O xoves 2, habera títeres e teatro e o venres máxia e o concerto de Milladoiro.

Para rematar esta edición, o sábado 4 de agosto faráse unha homenaxe ao compositor e cantante galego Narf, falecido hai dous anos e unha exposición de Xurxo Romero, autor do cartaz de este ano.

Detalles que explicaba esta mañá a cantante Uxía na presentación do programa, acompañada de Carlos Blanco, do alcalde Carlos Iglesias e o deputado provincial de cultura Xosé Leal.

#hoxeenArousaPontevedraDía

#de12a1430

A campaña Panos Brancos contra a droga, que cada ano celebra a Fundación Galega contra o Narcotráfico por diferentes puntos de Galicia, será esta vez en Vilanova.

Os actos desenvolveranse o vindeiro martes 26 de xuño, coincidindo co Día Internacional contra a Droga.

Comezarán ás 12 horas na Praza do Concello, coa habitual lectura do manifesto e solta de globos, ademáis da sinatura da bandeira blanca.

Tamén haberá actuacións artísticas e musicais.

Todo elo como xeito de visibilizar un ano máis o rexeitamento ao narcotráfico e ás drogas e a aposta pola prevención dende as primeiras edades.

Así o explicaba o representante da Platorma Galega contra o Narcotráfico, no acto de presentación, acompañado do alcalde de Vilanova.

#hoxeenArousaPontevedraDía

#de12a1430

O Concello de Cambados comeza estes días a velar polo cumplimento da ordenanza de terrazas consensuada o ano pasado co sector hosteleiro do municipio.

O obxectivo é que se permita o paso de cadeiras de rodas e de bebés, ante as queixas e denuncias recibidas o ano pasado pola falta de paso para estes usuarios.

Axentes da policía local e técnicos municipais revisarán que durante os meses de verán cada establecemento cumple as medidas e número de cadeiras establecidas no regulamento.

Así o explicaban esta mañá os Concelleiros de Promoción Económica e Servizos Sociais, Xurxo Charlín e Tino Cordal.

#hoxeenArousaPontevedraDíaaDía

#de12a1430

O Auditorio da Xuventude de Cambados contará en breve cunha taquilla onde a Escola de Música poida atender ao público.

Foi unha dos acordos da reunión da comisión técnica de Patrimonio Histórico Municipal, celebrada esta mañá, coa presencia de técnicos da Xunta de Galicia, técnicos municipais, un representante do colexio de arquitectos e presidida polo concelleiro de Urbanismo, José Ramón Abal.

No encontro tamén se acordou a creación de beirarrúas nunha marxe da Rúa Sevilla, cuxo proxecto se está redactando e irá financiado a cargo do Plan Concellos.

Os detalles nolos conta o concelleiro José Ramón Abal.