#hoxeenArousaPontevedraDíaaDía

#de12a1430

Sanxenxo acolle este sabado 23 de xuño a VI Mini BTT e o Campionato de Galicia de Mountain Bike XC adultos organizado polo Club Ciclista Corbelo.

A organización agarda a participación de 300 ciclistas infantis pola mañá e máis de 175 adultos na quenda de tarde, así como a visita dunhas 2000 persoas a Sanxenxo.

O percorrido sairá de Punta Cabicastro e será de entre 5 e 25 minutos para os pequenos e entre 4 e 5 voltas por unha distancia de 5,5 km para os maiores.

Os detalles ofrecéronos o Concelleiro de Deportes, Suso Sueiro e o presidente do Club Ciclista Corbelo, Iván Pérez, na presentación da proba acompañados polo Presidente da Federación Galega de Ciclismo, Juan Carlos Muñiz.

O Hospital do Salnés dispón durante estes días da nova resonancia magnética móbil que o Sergas habilita para dar cobertura aos hospitais comarcais.

O Conselleiro de Sanidade, Jesús Vázquez Almuiña, visitou esta mañá o centro de Rubiáns para comprobar o funcionamento desta unidade que a vindeira semana se trasladará ao hospital de Burela.

#hoxeenArousaPontevedraDíaaDía

#de12a1430

Vilanova ten preparado un amplo programa das Sonatas de Verán, que comezan o 8 de xullo coa actuación do grupo Milladoiro.

A Gala do Folclore Internacional “ O Mundo a Dançar”, o 10 de agosto, Noite de Monólogos con David Perdomo e Oswaldo Digón o 12 de agosto e Treixadura o 18 de agosto son parte dos múltiples eventos do programa.

Ademáis, os máis pequenos poderán gozar das súas propias Sonatas de Cine durante as fins de semana.

Os detalles nolos conta o concelleiro de Cultura, Javier Tourís.

#hoxeenArousaPontevedraDíaaDía

#de12a1430

A Festa da Paella de Vilanova converteuse xa nunha cita habitual do inicio do verán, promovida pola comisión de festas de San Pedro para recadar fondos.

O evento gastronómico será este domingo 17 de xuño no Pazo de Vista Real onde se servirán máis de 600 racións a un prezo de 10 euros, con bebida e postre incluidos.

Nolo contaba Iago González, un dos organizadores da Festa da Paella, na presentación do evento, acompañado do alcalde de Vilanova, Gonzalo Durán.

#hoxeenArousaPontevedraDíaaDía

#de12a1430

Satisfacción no goberno local de Ribadumia porque a Consellería do Medio Rural abre a posibilidade de legalizar o viño tinto de Barrantes, que actualmente non se pode comercializar por elaborarse coa variedade híbrida de Folla Redonda.

O alcalde, David Castro, acompañado do presidente da Mancomunidade do Salnés reuníuse en San Caetano coa Conselleira do Medio Rural, Angeles Vázquez, que ofreceu a colaboración do seu departamento e do Grupo de Desenvolvemento Rural.

Eso sí, emplazou ao Concello e á Mancomunidade do Salnés a que realicen "os estudos e análises técnicos pertinentes para buscar o amparo do producto cunha marca de calidade.

Por eso, agora crearase unha mesa de traballo entre os Concellos e a entidade comarcal para avanzar na tramitación.

Así o explicaban o alcalde de Ribadumia, David Castro, e o presidente da Mancomunidade do Salnés, Gonzalo Durán, ao remate do encontro.

#hoxeenArousaPontevedraDíaaDía

#de12a1430

O salón de plenos de Cambados acolleu esta mañá unha recepción institucional ao equipo infantil de futbol de Angola "AFA Luanda", que pola tarde xogará un torneo triangular no Pombal contra o equipo do Juventud de Cambados e o equipo xaponés do Kashiwa.

É a terceira ocasión na que os xogadores angoleños visitan Cambados para participar en diferentes actividades lúdicas e deportivas como o Arosa Futbol Cup.

O equipo infantil forma parte da Escola de Fútbol que o cambadés Blas Charlín dirixe en Luanda.

#hoxeenArousaPontevedraDíaaDía

#de12a1430

O Concello de Cambados continúa a campaña de protesta contra a decisión do Sergas de pechar o centro de saude do municipio durante as tardes dende xullo a setembro.

Trala manifestación do pasado 1 de xuño, agora o grupo de goberno de Somos Cambados estará presente todos os mércores diante do centro de saúde para informar á cidadanía mediante o reparto de dípticos, ao tempo que estudan novas formas de mobilizacións.

Así nolo contaba esta mañá o Concelleiro de Sanidade e Servizos Sociais, Tino Cordal.

#hoxeenArousaPontevedraDíaaDía

#de12a1430

O Videa Fest de Cambados regresa este ano cun programa centrado en catro días con novas adegas que se foron sumando ao proxecto, recuperando novos espazos e engadindo novos productos de calidade.

Serán catro experiencias en espazos ou entornos vitivinícolas nas que se misturan cine, paisaxe, gastronomía, arte, música e viño.

Nesta segunda edición as actividades seran os días 28, 29, 30 xuño e 1 de xullo.

As entradas, que terán un prezo de 8 euros, pódense mercar dende xa a través da web videafest.com ou na Oficina de Turismo de Cambados.

O Festival comeza o xoves 28 ás 20h en Pazo Baion, coa actuación de Gonzalo Arca, a proxección da película “Un paseo polas nubes” e as catas de Condes de Albarei e queixos de Galicia.

O venres 29, tamén ás 20 horas, o espazo elexido será Terras de Lantaño, onde actuarán Nacho Pérez Trio, exhibirase o film “Bon Appetit” e degustaranse productos de embutidos Montiño

O sábado 30, igual ás 20 horas, as actividades serán na adega Lagar de Costa, a actuación correrá a cargo do dúo Fado Violado, proxectarase a pelícúla “ O Secreto de Santa Victoria” e poderán probarse Conservas Mariscadora

Por último, o 1 de xullo pecharase o Videa Fest ás 12 horas na Fundación Manolo Paz, co concerto de clausura do dúo Cómplices, os viños de Paco e Lola e os productos de novo de Conservas Mariscadora.

Os detalles nolos contaron o Concelleiro de Cultura de Cambados, Victor Caamaño, e o organizador do Videa Fest, Xoan Mariño, na presentación do evento.

#hoxeenArousaPontevedraDíaaDía

#de12a1430

Vilalonga terá este ano un reforzado programa de actividades para celebrar as súas festas patronais, que se prolongarán dende 27 de xuño ata o 5 de agosto con numerosas verbenas e actividades lúdicas e relixiosas.

Pero sobre todo, a gran novidade será a I Festa do Mexilón, que se celebrará os días 7 e 8 de xullo.

O obxectivo é promocionar este produto gastronómico e, ao mesmo tempo, render unha homenaxe a todos os veciños que viven do mar e das bateas.

Ademais de mexillón, serviranse outros produtos galegos como polbo, empanada de millo, navallas, tortilla, pementos de padrón e churrasco. Toda a festa estará amenizada con música en vivo e inchables para nenos.

Nolo conta Juan José Portela, un dos membros da comisión de Festas de Vilalonga, na presentación do evento, acompañado dos concelleiros de Turismo e Cultura, Jesús Sueiro e Paz Lago.

#hoxeenArousaPontevedraDíaaDía

#de12a1430

A Praza de Fefiñáns e a Rúa Príncipe de Cambados quedarán pechadas ao tráfico rodado durante os meses de xullo e agosto.

O goberno municipal adoptou a decisión como medida de seguridade viaria en base a un informe da policia local e tras os dous accidentes rexistrados nesta zona o pasado mes de xaneiro.

A actuación non conta co respaldo unánime dos hosteleiros e comerciantes do entorno pero sí cun apoio que o Concelleiro do departamento, José Ramón Abal, considera suficiente para levala a cabo.

Paralelamente, o Concello habilita moi preto, na variante do Salnés, unha zona de aparcamento público gratuito durante todo o ano que dará cabida a 100 prazas de estacionamento.

Para tal fin, o goberno local e o propietario da parcela, de 3.000 metros cadrados, asinaron un contrato de aluguer por catro anos por importe de 4.000 euros ao ano.

Os detalles explicábaos esta mañá o Concelleiro de Seguridade Cidadá, José Ramón Abal, acompañado do do Policía Local, Alejandro Falcón.