#hoxeenArousaPontevedraDíaaDía

#de12a1430

Xornalistas especializados no sector turístico, de seis medios de comunicación nacionais, remataron hoxe a súa viaxe de catro días polo Salnés para descubrir os recursos que ofrece a comarca como destino.

Trátase dunha acción de promoción e difusión a nivel nacional que se enmarca no Convenio entre a Mancomunidade de O Salnés, a Xunta de Galicia e o Concello de Pontevedra.

Ademáis da Comarca de O Salnés tamén coñeceron Santiago de Compostela e Pontevedra.

Segundo explica a Mancomunidade, entre eles “espertou especia interés a realización da Translatio e o feito de poder contemplar durante o transcurso da ruta o único Vía Crucis marítimo fluvial do mundo”.

Asimesmo, participaron en actividades náuticas, gastronómicas e culturais e nas experiencias reais que ofrece o Salnés.

Aspectos que, xunto a coordinación e a cooperación lograda entre concellos e territorios son impresións positivas que se levan da viaxe.

Así o explicaba esta mañá un dos xornalistas, nun encontro celebrado con representantes da Mancomunidade comarcal para facer análise do resultado da viaxe.

#hoxeenArousaPontevedraDíaaDía

#de12a1430

Vilanova reserva para conmemorar o Día das Letras Galegas a proxección da película Sicixia de Ignacio Villar, premiada internacionalmente en Houston e Tolousse.

Será o 17 de maio a partir das 19.30 horas na recén instalada pantalla do Pabillón Multiusos, onde o aforo pode chegar ás 1.800 persoas e con entrada de balde.

Sicixia é unha longametraxe rodada na Costa da Morte e no fondo mariño da Illa de Arousa e na que se retrata a cultura, tradicións, patrimonio e singularidade do noso país.

Os detalles nolos explica o director do filme, Ignacio Villar, acompañado do alcalde de Vilanova, Gonzalo Durán, que aproveita a ocasión para convidar ás familias de toda a comarca.

#hoxeenArousaPontevedraDíaaDía

#de12a1430

Vilagarcía acollerá os días 26 e 27 de maio a I Expo Fitness para o campionato de culturismo norte de España, coa asistencia duns 300 deportistas e público de todo o norte de España.

Entre eles estará o culturista vilagarcián Carlos González.

Sera en Fexdega e ademáis da competición propia de culturismo absoluto tamén se desenvolverán actividades paralelas como powerlifting e defensa persoal.

A entrada será de 15 euros, agás para os menores de 14 anos que será de balde.

O evento pretende ademáis promocionar e achegar á xente este deporte, que require moito sacrificio, e tamén repercutirá na economía local.

Os detalles explicábaos o organizador do evento, Santiago Fernández, acompañado do alcalde, Alberto Varela e o competidor local Carlos García.

#hoxeenArousaPontevedraDíaaDía

#de12a1430

O Concello de Cambados acondicionará o vial de 1,5 kms entre Tragove e Corvillón cun pavimento que solucione definitivamente os problemas que veñen sufrindo as depuradoras ubicadas neste tramo, a consecuencia do mal estado do firme de zahorra.

Tras chegar a un acordo con Costas do Estado, o goberno local está a redactar o proxecto que será financiado a través do Plan Concellos 2019 cun orzamento que o Concelleiro de Obras e Servizos estima entre 80.000 e 90.000 euros.

Con esta actuación o executivo municipal pretende solucionar unha demanda histórica do sector da industria alimentaria do entorno e, ademáis, evitar un gasto duns 20.000 euros que administración local viña destinando anualmente para o mantemento do vial.

Así o explicaba o edil José Ramón Abal nunha comprobación da zona, acompañado do representante das depuradoras, Fernando Oubiña, de Mariscos Laureano.

#hoxeenArousaPontevedraDíaaDía

#de12a1430

O Concello de Cambados e os libreiros da vila concederán este ano o premio Cabanillas a Aurora Vidal Cabanillas, neta do poeta cambadés, por ser unha persoa activa na divulgación da súa obra e por manter o seu legado en Cambados.

O recoñecemento seralle outorgado nun acto que se celebrará o sábado 2 de xuño no Auditorio da Xuventude.

Así nolo explicaba o Concelleiro de Cultura de Cambados, Victor Caamaño, na presentación do premio, acompañado por representantes das librería Cabanillas e Contos.

#hoxeenArousaPontevedraDíaaDía

#de12a1430

A Plataforma pola Defensa da Ría de Arousa e os colectivos do sector marisqueiro contrarios á reactivación da Mina de Touro están dispostos a chegar á vía xudicial se a Dirección Xeral de Minas da Xunta non lles entrega toda a documentación requerida sobre este proxecto.

Os colectivos síntense avalados pola Defensora Do Pobo, en cumplimento da Lei de Transparencia, nun asunto que, remarcan, non é político e causaría un grave perxuizo a toda a economía da Ría de Arousa, afectando a milleiros de familias que viven do mar pero tamén do agro e da hostelería.

Así o explicaban representantes da Plataforma nunha rolda de prensa celebrada esta mañá en Vilagarcía, que se preguntan “a quén defende o goberno galego: aos intereses da súa poboación ou a intereses empresariais?”

Para coñecer un pouco máis da nova Facultade de Compostaxe impulsada a raíz da posta en marcha do Plan Revitaliza da Deputación de Pontevedra falamos con Carlos Pérez, asesor de residuos do ente provincial quen nos comentou os aspectos formativos que reciben os mestres composteiros, a importancia de tratar axeitadamente os residuos sólidos urbáns, as vantaxes da compostaxe e os pasos que se van dando desde a Deputación para implantar o Plan Revitaliza na gran maioría dos concellos da provincia de Pontevedra.

#hoxeenArousaPontevedraDíaaDía

#de12a1430

O Festival da Francofonía regresa a vindeira semana a Vilanova, organizado polo Concello e polo Instituto A Basella.

Trátase dun encontro de alumnos de francés de institutos de toda Galicia coa finalidade de practicar o idioma e difundir a cultura francesa.

Nesta ocasión, uns 1.300 alumnos de 14 institutos participan nas numerosas actividades que comezan o vindeiro luns, tendo como base o pabillón multiusos de Vilanova.

Así nolo contaba a profesora do Instituto A Basella, coordinadora do programa, acompañada do alcalde Gonzalo Durán.

#hoxeenArousaPontevedraDíaaDía

#de12a1430

Ribadumia xa ten preparado o programa da Festa do Tinto do Salnés que comezará o 31 de maio, e que se presentará oficialmente o 25 de maio na adega de Manuel Núñez Señoráns, en Leiro, gañadora das catas do ano pasado.

Unha programación pensada para o disfrute de veciños e turistas, na que se quere potenciar a música dos grupos locais e que contará con maior número de stands de degustación dos viños.

Hoxe comeza a recollida dos viños que participarán nas catas selectivas para optar aos premios desta edición do tinto do Salnés e variedades autóctonas.

O ano pasado presentáronse un total de 144 elaboracións e o Concello agarda que na presente edición o número sexa maior debido aos bos resultados da colleita.

Así o decía o alcalde David Castro no acto de presentación, acompañado da concelleira Mar Moimenta-

#hoxeenArousaPontevedraDíaaDía

#de12a1430

A Mancomunidade do Salnés fixo esta mañá balance do Plan Estratéxico de Turismo 2016-2020 que marca os retos da entidade comarcal no ámbito turístico durante este período.

Partindo dun orzamento de 400.000 euros, a meirande parte a través de convenios coa Axencia Galega de Turismo, os obxectivos cumplidos están por riba das expectativas.

Concretamente, están realizadas o 61% das accións previstas e a intención é rematar o período duplicando a inversión inicial, renovando os tres convenios suscritos este ano coa Axencia Galega de Turismo.

O primeiro de sinalización por importe de 40.000 euros coa participación municipal de 10.000, o segundo de promoción turística con 100.000 euros procedentes da administración autonómica e a aportación de 50.000 euros por parte dos concellos e o último de internacionalización que ascende a 70.000 euros, financiados íntegramente pola Axencia Galega de Turismo.

Así o explicaba esta mañá o delegado de Turismo da Mancomunidade do Salnés, Gonzalo Pita.