#hoxeenArousaPontevedraDíaaDía

#de12a1430

O concello de Vilagarcía presentou esta mañá a programación especial do Día das Letras Galegas, adicado este ano a María Victoria Moreno, e que se alongará durante todo o mes de maio.

As actividades comezarán este sábado 27 de abril coa representación teatral "Señora que pasea pola rúa con dous cans preciosos" de Matrioska Teatro.

O día 17 de maio Carril será o epicentro da celebración, con pasarrúas, rondalla, actuación de baile, un concerto de Davide Salvado e a tradicional ofrenda floral ante o busto de Rosalía de Castro.

Ademáis, durante todo o mes de maio haberá cine, música, exposicións e espectaculos para toda a familia.

Así o explicaban esta mañá a concelleira de Cultura, Sonia Outón, o cantor, Davide Salvado e as representantes da compañía teatral Matrioska.

#hoxeenArousaPontevedraDíaaDía

#de12a1430

Non desaparece a controversia xerada polos horarios do peche das casetas da Festa do Albariño deste ano.

O portavoz de Cambados Pode, José Ramón Abal, considera que o convenio acordado entre a alcaldesa Fátima Abal e o Presidente do do Consello Regulador da D.O Rías Baixas, Juan Gil de Araujo, non é a solución á polémica xurdida.

Abal insiste en que se debe celebrar un pleno, se non extraordinario sí o ordinario do mes de abril, para debater a moción presentada polo seu grupo.

Se non é así, avanza que Cambados Pode non participará na sinatura pública do documento consensuado entre a alcaldesa e o Presidente do Consello Regulador.

Asimesmo, o portavoz de Pode insta aos grupos de esquerda da corporación a que decidan se van a apoiar “ao marqués” ou a unha plataforma de veciños.

#hoxeenArousaPontevedraDíaaDía

#de12a1430

O Concello e o Consello Regulador da D.O Rías Baixas asinarán nos próximos días o Convenio da Festa do Albariño consensuado entre a alcaldesa, Fátima Abal, e o presidente da D.O Gil de Araujo, e así poñer fin á polémica xurdida entorno aos horarios de peche das casetas.

O documento establece os horarios de peche máximos ás 4 da madrugada e está a ser estudado polos servizos xurídicos do Consello Regulador.

No Concello, a intención da alcaldesa é que poda ser debatido pola xunta de goberno local na reunión de mañá mércores.

En todo caso, o que sí desbota Fátima Abal é a celebración do pleno extraordinario solicitado polo portavoz de Cambados Pode, José Ramón Abal.

#hoxeenArousaPontevedraDíaaDía

#de12a1430

Portos de Galicia completa en Cambados a reordenación dos peiraos de San Tomé e As Goritas coa instalación de fingers e brazos de amarre para reforzar a seguridade das embarcacións amarradas no último porto.

En concreto estanse a colocar no pantalán de As Goritas 23 brazos de amarre de catro metros de lonxitude e 20 centímetros de ancho, así como cornamusas e placas de numeración das prazas.

Esta actuación atópase en execución e ten prevista a súa finalización nas vindeiras semanas. Os traballos contan cun investimento por parte de Portos de Galicia de preto de 25.000 euros.

Así o explicaba o presidente de Portos de Galicia, José Juan Durán, nunha visita de supervisión das obras, acompañado polo patrón maior de Cambados, Ruperto Costa.

#hoxeenArousaPontevedraDíaaDía

#de12a1430

Vilanova celebrará unhas Xornadas de Recuperación de Oficios Tradicionais, Costumes e Xogos Populares, organizada pola Asociación Cultural O Castro de Baión.

As actividades terán lugar o 9 e 10 de xuño en Baión e incluirán demostración de oficios como cesteiros e canteiros, xogos como a chave e recreación de costumes como a malla.

Co fin de conseguir a colaboración económica da Xunta de Galicia, o alcalde, Gonzalo Durán, e o Presidente da Asociación, José Sabarís, reuníronse esta mañá co secretario xeral de Cultura, Anxo Lorenzo, e co secretaria xeral de Comercio, Sol Vázquez.

#hoxeenArousaPontevedraDíaaDía

#de12a1430

A ANPA do Colexio de Carril non quere que a Consellería de Educación se esqueza de completar as obras de reforma comprometidas.

Unha vez que están xa rematados os traballos de sustitución das tuberías para poñer fin á insalubridade da auga, os proxenitores lembran que todavía queda pendente a reforma dos obsoletos baños.

Para eso contan co apoio do alcalde, Alberto Varela, que esta mañá visitou o centro educativo co fin de comprobar o resultado das obras realizadas no cambio das tuberías.

O rexedor anunciou ademáis que o Concello recibirá nos vindeiros días o resultado das analíticas realizadas en todos os centros educativos públicos do municipio pola concesionaria Espina e Delfín para comprobar o estado da auga.

#hoxeenArousaPontevedraDíaaDía

#de12a1430

O Concello de Vilagarcía fixo entrega esta mañá a Asociación Bata un total de 12 tarxetas do VaiBike para que os seus usuarios poidan disfrutar deste servizo de xeito grautito.

Trátase dun xesto para agradecer os traballos de colaboración que Bata realiza no mantemento das zonas verdes do municipio.

Así o explicaban o alcalde, Alberto Varela e a responsable de Bata, Mónica Santos.

#hoxeenArousaPontevedraDíaaDía

#de12a1430

O Concello de Vilagarcía rescindirá por cuestións técnicas o contrato coa concesionaria do servizo VaiBike “La Bici” para suscribir un novo acordo que permita a creación de dez novas estacións, xa que o actual documento non o posibilita.

En todo caso, o VaiBike seguirá funcionando con total normalidade, tal como explicaba a concelleira de Urbanismo, Paola María.

#hoxeenArousaPontevedraDíaaDía

#de12a1430

Continúan as diferencias políticas pola decisión do Consello Regulador de establecer ás 12.30 da noite o peche dos horarios das casetas da Festa do Albariño.

O portavoz de Cambados Pode, José Ramón Abal, solicita a convocatoria dun pleno extraordinario para o debate da moción “para salvar o Albariño” presentada polo seu grupo.

Abal pide públicamente o apoio dos seus socios de goberno para a celebración da sesión plenaria e a aprobación da súa inciativa.

Asimesmo, ainda que é probable que mañá se celebre a reunión entre o Concello e o Consello Regulador, o concelleiro de Pode xa avanza que o seu grupo non asistirá, xa que considera que a moción debe ser debatida previamente en pleno.

Abal tamén insiste na necesidade de que o pleno se celebre coa maior celeridade posible xa que doutro xeito o Concello non tería tempo suficiente para asumir a organización e instalación das casetas do Albariño, no caso de que non se chegue a un acordo de horarios co Consello Regulador.

#hoxeenArousaPontevedraDíaaDía

#de12a1430

O Concello de Vilanova inicia a creación de parques biosaudables nas parroquias cunha inversión de 4.458 euros, que serán financiados a través do Plan Concellos da Deputación.

O primeiro deles xa está instalado na parroquia de San Miguel, tal como nos conta a concelleira Nuria Morgade.