#hoxeenArousaPontevedraDíaaDía

#de12a1430

Os trámites para solicitar o bono social da Tarifa Eléctrica están a xerar dúbidas entre a cidadanía, sobre todo ás persoas de maior idade.

Por tal motivo, a Asociación Amas de Casa O Noso Lar pon a disposición de todos os veciños da comarca que o desexen o seu asesoramento técnico na súa oficina ubicada no edificio do Auditorio de Vilagarcía.

Delo falamos con Ana Cores, técnico de Consumo de O Noso Lar.

#hoxeenArousaPontevedraDíaaDía

#de12a1430

Os pequenos alumnos da escola municipal de ciclismo de montaña que o Concello de Ribadumia puso en marcha hai menos dun ano teñen agora a oportunidade de competir na primeira Mini-BTT do municipio.

A proba terá lugar o 27 de maio no campo de futbol de Leiro, organizada polo Club Armenteira e Punto, en colaboración co Concello de Ribadumia.

De momento xa contan con 350 inscritos de entre 4 e 15 anos de toda Galicia que competirán nun circuito deseñado polo clube organizador con características técnicas e de potencia adecuadas.

Os detalles nolos contaban o alcalde de Ribadumia, David Castro, o técnico do Club Armenteira e Punto, Javier Pombo, e o Presidente da Federación Galega de BTT, Carlos Muñíz.

#hoxeenArousaPontevedraDíaaDía

#de12a1430

O portavoz de Cambados Pode, José Ramón Abal, atribue á preocupación social existente o seu cambio de postura sobre os horarios das casetas do Albariño decididas polo Consello Regulador.

Abal explicou esta mañá que “moitos veciños e hosteleiros de Cambados lle trasladaron a súa preocupación” por uns horarios que aseguran non entender.

Por tal motivo, o portavoz da formación municipal asegura que “unha decisión tan trascendental que pode ter consecuencias catastróficas para Cambados e a comarca hai que debatela no pleno que é onde reside a soberanía cidadá”.

Asegura ademáis que a prevista negociación entre o Concello e a D.O Rías Baixas “empezou mal cando o Consello Regulador “chantaxea” aprobando os horarios de forma unilateral” e afirma que “non confía” no presidente da D.O que xa o ano pasado negou a súa participación na Comisión de Seguimento da Cidade Europea do Viño.

Asimesmo dí que “a decisión do pleno será innegociable” e mesmo avanza a posibilidade de celebrar a Festa do Albariño sen a contribución da D.O Rías Baixas.

#hoxeenArousaPontevedraDíaaDía

#de12a1430

O Museo do Viño de Cambados acolleu esta mañá unhas Xornadas do Programa Re-acciona, promovido polo IGAPE, destinadas ao enoturismo: “Descubrir o mundo a través do viño. Unha nova forma de facer turismo”.

O programa Re-acciona axuda aos empresarios a conocer cál é a posición competitiva actual da empresa, orientando o seu futuro nun novo contexto económico marcado polas novas tecnoloxías.

Así llo trasladaba o Conselleiro de Industria, Francisco Conde, aos participantes nestas Xornadas.

#hoxeenArousaPontevedraDíaaDía

#de12a1430

A Deputación de Pontevedra asinará en breve cos Concellos de Vilagarcía, Portas e Caldas o convenio para a financiación da primeira Vía Verde de Galicia que decorrerá polos tres municipios, aproveitando as vías do ferrocarril en desuso.

O goberno provincial ten xa comprometidos 200.000 euros de fondos propios destinados a este proxecto, que os alcaldes pretenden poñer en marcha este mesmo ano.

Así o explicaba a presidenta da Deputación, Carmela Silva, que acompañada polos alcaldes de Vilagarcía, Caldas e Portas, Alberto Varela, Juan Manuel Rey e Víctor Estévez, realizou un percorrido polo trazado da futura vía verde do Salnés, pioneira en Galicia.

A aportación do goberno provincial súmase a unha cantidade semellante comprometida tamén pola Xunta de Galicia a través de Fondos Europeos.

Do que todavía os alcaldes non teñen resposta é da participación do Ministerio de Fomento, de tal xeito que xa pensan en que o resto da inversión necesaria será asumida polos propios concellos.

O coste total do proxecto ascende a 565.533 euros.

#hoxeenArousaPontevedraDíaaDía

#de12a1430

A Asociación Esperanza Salnés acaba de recibir unha nova subvención da Xunta que lle permite seguir realizando as accións de axuda ás persoas con discapacidade da comarca que a integran.

O presidente do colectivo, Augusto Chaves, e o vicepresidente da Xunta, Alfonso Rueda, asinaron esta mañá un novo convenio por importe de 15.000 euros que irán destinados aos programas de intervención terapéutica: de logopedia, pedagoxía, fisioterapia e psicoloxía.

Así o explicaban Augusto Chaves e Alfonso Rueda trala sinatura do convenio.

#hoxeenArousaPontevedraDíaaDía

#de12a1430

O Concello de Sanxenxo estrea nova web municipal que o goberno local pretende que sexa un lugar de contacto directo e inmediato cos veciños.

Un obxectivo que se canaliza a través da aplicación “O meu Concello”, na que se inclue unha actualización das ofertas e demandas de emprego, así como un apartado de incidencias no que calquera veciño pde alertar sobre calquera problema.

Unha nova web "intuitiva, fresca e fácil de usar" coa que o goberno local agarda alcanzar as 100.000 visitas, tal como explicaba o concelleiro de Innovación, Rafael Domínguez, no acto de presentación da nova páxina.

Como era previsible, a Mancomunidade do Salnés aprobou en pleno e por unanimidade a moción presentada polo Concelleiro de Somos cambados, Tino Cordal, para que a sede do Consello Regulador da D.O Rías baixas se traslade da súa actual ubicación en Pontevedra a Cambados.

O concelleiro cambadés recoñeceu que é un objetivo a conseguir “a longo prazo”, pero que suporía “reparar unha inxustiza histórica” coa capital do albariño e coa propia comarca.

Na mesma liña pronunciabase esta mañá o Presidente da Mancomunidade do Salnés, Gonzalo Durán.

#hoxeenArousaPontevedraDíaaDía

#de12a1430

O Concello de Ribadumia e a Deputación de Pontevedra realizarán conxuntamente unha actuación de mellora da seguridade viaria no tramo entre a rotonda de Os Castaños e o inicio da zona urbanizada de Barrantes.

O proxecto, modificado do que redactara o anterior goberno provincial, ascende a 225.000 euros e prevé a construcción de beirarrúas de 2,5 metros.

As obras comezarán nos próximos meses.

Detalles que explicaban esta mañá o alcalde, David Castro, e o deputado provincial de mobilidade, Uxío Benítez, nunha visita á zona de actuación.

#hoxeenArousaPontevedraDíaaDía

#de12a1430

Os usuarios das sendas peonís de Vilanova teñen dende hoxe unha sinalización informativa das rutas urbanas e peri-urbanas que lles indican a lonxitude e a dirección de cada unha delas.

O panel está ubicado na pasarela do Terrón e está pensado, sobre todo, para os numerosos turistas que visitan a vila cada tempada.

A mesma información será recollida en dípticos que estarán a disposición dos usuarios na oficina de turismo.

Todo elo nolo contou esta mañá o alcalde, Gonzalo Durán, que avanzaba, ademáis, a creación de novas sendas peonís rodeando O Esteiro.