#hoxeenArousaPontevedraDíaaDía

#de12a1430

Vilagarcía e Barro serán sede de novos cursos de formación do programa Depoemprende nunha nova edición que pon en marcha a Deputación por importe de algo máis de 100.000 euros.

Así o acordou esta mañá a institución provincial en Xunta de Goberno, tal como explicaba a presidenta provincial Carmela Silva.

#hoxeenArousaPontevedraDíaaDía

#de12a1430

O concello de A Illa de Arousa acolle este ano as Xornadas Técnicas Nacionais de Universidades Populares e a Asamblea Xeral.

Con motivo da celebración do 20 aniversario da Universidade Popular de A Illa, a única de Galicia, o concello elaborou unha programación na que se abordarán temas de Igualdade, Cultura, Innovación e Empredemento.

As Xornadas terán lugar os días 20 e 21 de abril no auditorio municipal.

Nolo contaba o alcalde de A Illa, Carlos Iglesias.

#hoxeenArousaPontevedraDíaaDía

#de12a1430

O Concello de Cambados implantará a longo deste ano unha liña de axudas para novos empresarios e autónomos destinada tanto empadroados no municipio como que realicen a actividade no mesmo.

Trátase dunha bonificación para cubrir os gastos de inicio da actividade e estará implementada nunha partida presupostaria, tal como explicaba hoxe o Concelleiro de Economía Xurxo Charlín.

#hoxeenArousaPontevedraDíaaDía

#de12a1430

A Asociación Zona Centro de Cambados inicia a Campaña do Día da Nai con 600 euros en vales compra que se distribuirán entre os clientes que merquen nos establecementos asociados.

Asi o explicaba esta mañá o presidente de Zona Centro, Juan Rey, que tamén avanzaba que solicitaron unha entrevista coa directora xeral de Comercio da Xunta, Sol Vázquez, para abordar o período das rebaixas, que, entende, está a ser anárquico.

#hoxeenArousaPontevedraDíaaDía

#de12a1430

Sanxenxo xa ten todo preparado para a celebración da Festa da Raia que terá lugar a última fin de semana deste mes de abril na lonxa de Portonovo.

O evento incluirá, ademáis das degustacións, showcookins, obradoiros, ambientación musical de agrupacións locais e un circuito de mountain bikes.

A carpa de degustación estará aberta dende o sábado 28 e nela poderán probarse diferentes variedades de raia: á prancha con pataca ao vapor, en croquetas, empanada, salpicón e en pastel.

Os prezos oscilan entre os 4 e os 6 euros por ración.

Paralelamente á festa gastronómica, tamén terá lugar a entrega da Raia de Ouro á Asociación de Xubilados, no seu vintecinco aniversario.

Como preludio da Festa, xa esta fin de semana abrése a ruta gastronómica Pincho e Raia en doce locais de hostelería do municipio, con propostas de dous euros.

Así o explicaba esta mañá o concelleiro de Festas, Jesús Sueiro, no acto de presentación celebrado na lonxa de Portonovo.

#hoxeenArousaPontevedraDíaaDía

#de12a1430

A Asociación Afasal de familiares de enfermos de Alzheimer celebra este sábado 14 de abril a súa Gala Anual a partir das 21 horas no Auditorio de Vilagarcía.

O evento, que se inclue dentro da programación cultural do Concello de Vilagarcía, pretende, un ano máis, recadar fondos para continuar coas actividades que realiza este colectivo de apoio aos enfermos de alzheimer e as súas familias.

A Gala deste ano, que será conducida por Diego Alcaine, leva por título “Os Sons da Música” e reunirá sobre o escenario a músicos de estilos moi diversos; o pianista Alfonso Galbán, trios e cuartetos da Escola de Música de Vilagarcía, o duo femenino de Ana Jarque e Montse Gomez e o Orfeón de Voces Graves de Arousa, acompañado pola guitarra de José Luis Sanz e o acordeón da cambadesa Mª José Couceiro.

As entradas teñen un prezo único de cinco euros e poderanse adquirir na taquilla do Auditorio o venres de 10 a 13 horas e de 19 a 18 horas e o mesmo día da actuación dende ás 18 horas.

Así o explicaba esta mañá o coordinador da Gala, José Alvarez, na presentación do espectáculo, acompañado polas concelleiras de Benestar, Tania García, e de Cultura, Sonia Outón, xunto cos directivos de Afasal

#hoxeenArousaPontevedraDíaaDía

#de12a1430

O Enobús que o Concello de Cambados porá en marcha a partir do mes de xuño estará vinculado este ano ao Camiño de Santiago.

Trátase dunha colaboración entre o Concello e a Asociación Amigos do Camiño que se concretará en charlas sobre as rutas de peregrinaxe que atravesan os municipios nos que estan ubicadas as adegas correspondentes.

Desta volta integran o Enobus máis de 20 adegas do Salnés, ademáis de O Rosal e Condado, case o doble do ano pasado cando uns 800 enoturistas participaron nunha iniciativa que o Concello quere consolidar.

Así o explicaba esta mañá o Concelleiro de Enoturismo, José Ramón Abal, nun almorzo de presentación acompañado do presidente da Asociación de Amigos do Camiño Tino Lores

#hoxeenArousaPontevedraDíaaDía

#de12a1430

O Consello Regulador da D.O Rías Baixas está aberto a negociar co Concello de Cambados os horarios de peche dos stands das adegas da Festa do Albariño, que o pleno da entidade estableceu nas 12.30 da noite.

O presidente do Consello, Juan Gil de Araujo, avanzaba esta mañá a posibilidade de ampliar as horas de peche pero limitando a “deriva” que ao seu entender está collendo a Festa do Albariñó “co fin de manter a imaxe de calidade da D.O”.

#hoxeenArousaPontevedraDíaaDía

#de12a1430

O anuncio do Consello Regulador da D.O Rías Baixas sobre a súa intención de pechar os stands da Festa do Albariño ás 12.30 da noite está a xerar preocupación entre algunhas adegas e tamén incerteza no Concello.

Sen embargo, o goberno local confía en que poderá consensuar os horarios nunha reunión fixada para o 30 de maio cos responsables do Consello Regulador.

De principio, ao executivo municipal non lles parece boa idea que a hora de peche sexa tan cedo pero tampouco acudirán á reunión cunha proposta definida.

É cuestión de consensuar e coordinarse entre ambas partes, sobre todo nun ano no que se quere conseguir a Declaración de Interese Internacional, aseguran tanto a alcaldesa Fátima Abal, como o tenente de alcalde Victor Caamaño e o Concelleiro de Enoturismo José Ramón Abal.

Mentres tanto o goberno local insiste en que non debe contribuir a espallar a polémica, xa que a medida tampouco foi comunicada oficialmente ao Concello.

O executivo municipal reitera que un dos obxetivos primordiais que se plantexaron é mellorar a xestión da festa e para elo, conclue que o Concello debe ir da man do Consello Regulador para chegar a acordos entre todos.

O Plan Revitaliza de compostaxe posto en marcha pola Deputación de Pontevedra en 36 concellos da provincia chega aos centros educativos da man de educadores medioambientais que amosan aos máis cativos as vantaxas deste sistema integrado nas tres “Rs” e que favorece unha nova oportunidade para os residuos orgánicos ao tempo que mellora a situación medioambiental do planeta.

Falamos con Manuel Domínguez, un dos educadores medioambientais que están facendo este labor polos centros educativos da provincia quen nos falou do interese e a implicación dos máis cativos na defensa medioambiental do noso planeta.