#hoxeenArousaPontevedraDíaaDía

#de12a1430

A reforma da rúa Progreso converterá este vial nun gran bulevard no verán de 2019.

Así alomenos o avanzou o alcalde, Telmo Martín, trala sinatura do convenio rubricado co presidente da Xunta, Núñez Feijóo, que se desplazou a Sanxenxo con motivo deste acto.

Na reforma e humanización deste vial invertiranse invertiranse 2,5 millones de euros, financiados ao 70% pola Xunta e ao 30% restante polo Concello, nuns traballos que poderían sair a concurso este verán pero que non comezarán ata o outono.

A estimación do alcalde, Telmo Martín, é reducir ao máximo posible o prazo de execución para que todo quede listo no próximo verán.

E segundo o presidente da Xunta, a humanización da Rúa Progreso contribuirá a consolidar o atractivo turístico de Sanxenxo como destino de referencia nas Rías Baixas.

A elo, dixo Feijoo, súmanse as actuacións do Plan de Sendas na PO 308 dende Soutullo ata Portonovo, cun investimento de case7 millóns de euros.

#hoxeenArousaPontevedraDíaaDía

#de12a1430

O Concello de A Illa de Arousa lanza unha campaña de concienciación veciñal para evitar que as toalliñas húmedas sexan arroxadas polo inodoro, co conseguinte dano que provocan estes elementos hixiénicos no alcantarillado e nas arcas municipais.

O goberno local distribuirá polas vivendas folletos informativos que incluen fotografías sobre cómo estes productos acaban deixando os bombeos.

I e que, ainda que nos envases poña que son biodegradables, non se desfán coa suficiente rapidez para evitar que taponen o saneamento.

Como consecuencia, o Concello inviste máis de 70.000 euros o ano en solucionar os problemas ocasionados.

Os detalles nolos contan a concelleira de medio ambiente Grabrielle Frein, e o edil de seguridade, Luis Arosa, no acto de presentación da campaña.

#hoxeenArousaPontevedraDíaaDía

#de12a1430

A Asociación de Comerciantes Zona Centro, en colaboración co Concello de Cambados, pon en marcha a I Feira de oportunidades de Semana Santa, co fin de mellorar as vendas dunha tempada de inverno que non foi demasiado boa.

Un total de 11 expositores locais ofrecerán descontos en moda de muller e home, roupa infantil, calzado e complementos, os días 29, 30 e 31 de marzo no Salón Peña.

O horario será ininterrumpido de 11 da mañá a 10 da noite pero ademáis, contará tamén con actividades paralelas.

Así, o venres 30 ás 12 horas terá lugar unha cata de viños elaborados en Cambados, comentada polo sumiller José Luis Aragunde.

E mentres, os máis pequenos poderán gozar todos os días de ludoteca infantil dende ás 11 da mañá e de talleres de arte cos pés, plastilina e pintura ás 4 da tarde.

Os detalles explicáronos esta mañá o presidente de Cambados Zona Centro, Juan Rey, e o concelleiro de Promoción Económica, Xurxo Charlín.

#hoxeenArousaPontevedraDíaaDía

#de12a1430

O Parador de Cambados acolle mañá, a partir das 19 horas, as II Xornadas Técnicas do Solo e Fertilización da Vide, organizadas pola Agrupación Profesional de Viticultores Rías Baixas e o Concello de Cambados.

Van dirixidas principalmente a técnicos, adegueiros, viticultores e estudantes pero tamén a público en xeral interesado na viticultura, facendo especial fincapé en viticultores mozos que iniciaron ou teñen pensado iniciarse nesta actividade.

Abordaranse temas centrados na fertilización e problemas relacionados co solo, tal como explicaba o presidente da Agrupación de Viticultores, Fernando Crusat, na presentación das Xornadas, acompañado polo concelleiro Victor Caamaño.

#hoxeenArousaPontevedraDíaaDía

#de12a1430

A Escola de Canteiros da Deputación rehabilitará a histórica Fonte da Praza de Arriba de O Grove, construida en 1925.

Farao mediante un convenio asinado esta mañá entre a Presidenta da Deputación, Carmela Silva, e o alcalde José Antonio Cacabelos, por importe duns 10.000 euros.

Trátase dunha fonte de estilo modernista de gran porte rematada cunha copa de ferro fundido e soporte para dous farolillos que iluminaban a saída de auga.

A peza escultórica permaneceu na Praza de Arriba ata a década dos 60, cando foi retirada e substituída. Ao ser desmontada, a fonte sufriu danos materiais e posteriormente foi instalada en Porto Meloxo, lugar onde nunca chegou a funcionar.

Agora, mediante este convenio de rehabilitación recuperarase unha parte do patrimonio histórico, tal como destacaban a presidenta provincial e o alcalde de O Grove.

#hoxeenArousaPontevedraDíaaDía

#de12a1430

O Concello de Vilanova ven de asinar un convenio coa Consellería de Infraestructuras por importe de 60.000 euros para a renovación da sinalización horizontal e vertical dos viais do municipio co fin de mellorar a seguridade viaria cara a tempada de verán.

Na sinalización horizontal reporanse as marcas lonxitudinais nunha superficie de 1.329 m2.

Como reforzo a sinalización horizontal incrementarase a sinalización vertical onde sexa necesario, incidindo especialmente nos pasos de cebra.

Como actuación complementaria tamén darase continuidade á senda peonil que decorre pola marxe da P0-306, e que se atopa interrompida na Avenida do Recheo.

Para esta actuación, desmontarase un tramo da barreira de seguridade e farase un cruce que comunique coa senda de formigón existente na outra marxe.

O obxectivo é mellorar a seguridade viaria nos viais do municipio, tal como explicaba o alcalde, Gonzalo Durán, trala sinatura do convenio coa Conselleira de Infraestructuras, Ethel Vázquez.

#hoxeenArousaPontevedraDíaaDía

#de12a1430

O Concello de Cambados realizará unha reforma de mantemento integral do Centro de Saúde, “ante a falta de resposta ás demandas municipais por parte do Sergas”, segundo explicaron esta mañá os concelleiros de Sanidade e Economía, Tino Cordal e Xurxo Charlín, respectivamente.

A actuación conlevará un investimento de 50.000 euros, que serán financiados a través do Plan Concellos da Deputación 2018 e terán unha duración de dous meses.

As melloras consistirán no sustitución da porta de urxencias, pintado da fachada e do interior do inmoble, o cambio de pavimento e tuberías de alcantarillado e selado da carpintería exterior, ademáis da reparación das rexas.

Asimesmo, realizarase unha sectorización no prendido da caldeira e do alumeado para que se activen por zonas.

Con esta actuación, o Concello estima que conseguirá un aforro enerxético e económico para as arcas municipais, que veñen destinado anualmente un importe de 60.000 no mantemento do Centro de Saúde.

O proxecto xa foi enviado á Deputación para a súa aprobación na institución provincial e o Concello prevé que as obras comecen despois do verán.

En todo caso, o goberno municipal tramita a súa adhesión ao convenio asinado entre a Xunta e a FEGAMP para que a administración autonómica asuma definitivamente o mantemento do centro de saúde.

Así o explicaban o Concelleiro de sanidade, Tino Cordal, e o de Economía, Xurxo Charlín, na presentación do proxecto de mellora.

#hoxeenArousaPontevedraDíaaDía

#de12a1430

Nova polémica na confraría de Carril.

Os sete mariscadores que recentemente obtiveron os Permex da Consellería presentaron denuncia contra o patrón maior, José Luis Villanueva por impedirlles vender en lonxa os 20 kilos de capturas realizadas durante os dous días que levan de traballo.

Segundo o patrón maior do pósito, non poden realizar a venda do marisco porque non son socios da confraría nin da Agrupación a Pé, circunstancia que, sen embargo os afectados desminten.

Así o explicaban esta mañá varios dos mariscadores denunciantes.

#hoxeenArousaPontevedraDíaaDía

#de12a1430

Tras coñecer que as analíticas realizadas na auga do colexio de Carril demostran contidos de ferro que superan o dobre do legalmente permitido, a ANPA do centro educativo exixe medidas que impidan que os alumnos consuman das billas.

Ademáis, os proxenitores reclaman unha desculpa por parte das autoridades educativas, tal como decía esta mañá a presidenta da ANPA Verónica Maneiro.

Sen embargo, dende o Concello de Vilagarcía consideran que pechar a auga non é viable e anuncian a realización de analíticas no resto dos colexios de primaria do municipio como medida preventiva, segundo explicaba o concelleiro de Obras e Medio Ambiente, Lino Mouriño.

O delegado da Xunta na provincia, Xosé Manuel Cores Tourís, xa lle avanzou por teléfono ao alcalde de Vilagarcía, Alberto Varela, que as obras de mellora do colexio carrilexo terán carácter "prioritario e urxente".

#hoxeenArousaPontevedraDíaaDía

#de12a1430

Os traballos do xeorradar realizados no entorno de Cálago indican exactamente o punto onde comezar as novas excavacións que deixen á vista o asentamento romano datado entre os séculos I e III d.C.

Segundo as hipóteses dos estudos realizados, o castro de Cálago podería ter vinculación cos xacementos de A Lanzada e Adro Vello no Grove en vista da súa situación estratéxica de defensa na desembocadura do río Ulla.

Neste contexto, o campanario que se conserva en pé sería realmente unha torre de vixiancia.

A segunda fase das prospeccións, que serán financiadas pola Consellería de Cultura nun plan bianual 2018-2019, comezarán no mes de xuño na zona denominada como “terraza” do castro, que é onde apareceu un maior número de elementos arqueolóxicos.

Así o explicaba esta mañá o arqueólogo da empresa de prospeccións, Francisco Alonso, nunha rolda de prensa acompañado polo alcalde, Gonzalo Durán.