#hoxeenArousaPontevedraDíaaDía

#de12a1430

Cambados acollerá este venres 13 de abril unha xornada informativa sobre o Trastorno de Déficit de Atención e Hiperactividade, organizada pola Asociación TDAH Salnés.

A charla terá lugar no Salón de Actos de Exposalnés a partir das 20 horas e nela abordaranse aspectos como o diagnóstico a nivel cerebral e as intervencións necesarias dende a familia e a escola.

Así o comentaban esta mañá unha na presentación da Xornada, a ponente da charla Mariña Costa, acompañada dunha das nais socia do colectivo Elisabeth Doza, xunto co Concelleiro de Servizos Sociais de Cambados, Tino Cordal e a presidenta da Asociación TDAH, Lourdes Sanz

#hoxeenArousaPontevedraDíaaDía

#de12a1430

O Pazo Quinteiro da Cruz, ubicado en Ribadumia, é dende agora Xardín de Excelencia Internacional.

A distinción foille concedida pola Sociedade Internacional da Camelia no transcurso dun Congreso celebrado en Nantes (Francia)

O pazo ribadumiense incorpórase así ao selecto club dos 4 mellores xardíns que hai en España, xunto cos de Rubiáns, en Vilagarcía, A Saleta en Meis, e o Castelo de Soutomaior.

Un galardón de Excelencia que é froito dun traballo que os donos do Pazo veñen realizando dende hai tres anos e que agora se completa coa incorporación da realidade aumentada.

Así o decía Beatriz Piñeiro, unha das propietarias no acto celebrado esta mañá, coa presencia da Presidenta Provincial, Carmela Silva, e o alcalde de Ribadumia, David Castro.

#hoxeenArousaPontevedraDíaaDía

#de12a1430

O Auditorio de Cambados acollerá o sábado 14 de abril o IV Festival dos Demos da Petaca, a prol da Asociación Galiciame.

O espectáculo comezará as 19 horas, a entrada será de 6 euros e estará presentado polo humorista Pepo Suevos.

Na parte musical, o evento contará coas actuacións dos Demos da Petaca, Añoranza, Son do Sil e Bruno Canario e Matías Leiro.

As entradas poden adquirirse en venta anticipada en Exposalnés ou na taberna Mans de Gaiteiro de Barrantes.

A recadación destinarase íntegramente para a Asociación Galiciame.

Os detalles explicounos esta mañá unha das organizadoras, Charo Charlin, no acto de presentación do Festival acompañada do Concelleiro de Servizos Sociais de Cambados, Tino Cordal, e o humorista Pepo Suevos

#hoxeenArousaPontevedraDíaaDía

#de12a1430

A CIG desenvolverá unha xornada nacional de mobilizacións o domingo 15 de abril, en defensa do sistema público de pensións, pola recuperación dos dereitos e en reivindicación de emprego e salarios dignos.

A central nacionalista convoca mobilizacións simultáneas nas sete grandes cidades de Galicia e en diferentes vilas.

En Vilagarcía a manifestación sairá ás 12 do mediodía dende a Casa do Mar.

Con estas protestas o sindicato pretende visibilizar o rexeitamento social ás políticas do goberno do estado.

Así o explicaba esta mañá o secretario comarcal da CIG Xoan Xosé Bouzas Aboi.

Mulleres Empresarias do Salnés constituíronse nunha asociación sen ánimo de lucro que vai a desenvolver principalmente as súas actividades en todos os municipios da comarca.

O colectivo, que ten xa 30 asociadas, formouse dende a iniciativa de seis empresarias adicadas a sectores tan diversos como hostelería, coworking, agro e educación.

As mulleres interesadas en integrarse nesta nova Asociación de Empresarias poden facelo a través dun formulario da páxina empresariassalnes.com cunha cuota anual de 20 euros.

A directiva xa organizou as primeiras actividades.

O día 19 de abril terá lugar un “After Work”, un encontro que servirá como primeira toma de contacto e o 10 de maio será unha xornada sobre axudas ao emprendemento femenino.

A nova organización presentouse esta mañá en Cambados destacando como obxetivo atraer e intercambiar coñecementos profesionais para mellorar a situación empresarial da muller emprendedora da comarca do Salnés.

Tamén pretenden formar unha plataforma de enlaces entre emprendedoras e membros para axudar a mellorar a súa situación económica, así como crear formación que axude a mellorar o nivel profesional de cada membro da asociación.

Outras das iniciativas que porán en marcha dende esta nova asociación é promover actividades que axuden a conciliación persoal, familiar e laboral das mulleres empresarias do Salnés e o fomento da igualdade de xénero.

Os detalles explicáronnos esta mañá a presidenta e a vogal da Asociación, Mónica Novas e Raquel Argibay, na presentación celebrada no Salón Peña de Cambados.

#hoxeenArousaPontevedraDíaaDía

#de12a1430

Cambados abre un renovado programa de ocio alternativo nocturno para mozos e mozas entre 16 e 35 anos, que se desenvolverá as noites de todos os venres e sábados dende o 13 de abril ao 26 de maio.

Baixo a denominación de “Alternatívate” intégranse un total de 14 actividades que incluen un ciclo de cine de terror, obradoiros de fotografía, repostería creativa e coctelería e deportes como judo, capoeira ou bailes latinos.

Todas as actividades, organizadas por Laranxo Animación Sociocultural, son gratuitas ainda que é necesario inscripción previa nalgunhas delas.

Así o explicaban esta mañá a alcaldesa Fátima Abal e o Concelleiro de Xuventude, Miguel Osorio, na presentación do programa.

#hoxeenArousaPontevedraDíaaDía

#de12a1430

A Fundación Galega contra o Narcotráfico celebra este venres 6 de abril a súa Gala Anual.

Será ás 20.30 horas no Salón García de Vilagarcía con entrada gratuita a través de invitación ata completar aforo e as actuacións de Alan Prol (ex-Duendes) e Alfonso Galbán e seus Músicos. O presentador será o locutor da TVG Manuel Torrente.

As invitacións poden recollerse en Musical Duende e no Costureiro.

Os galardoados este ano cos Premios Nécora daranse a coñecer mañá pero a Fundación xa avanza que entregaranse recoñecementos especiais a dúas entidades pola súa colaboracion: a Obra Social La Caixa e a Consellería de Presidencia, Administracións Públicas e Xustiza da Xunta de Galicia.

O presidente da Fundación, Manuel Couceiro, explicaba esta mañá os detalles da Gala, resaltando que o narcotráfico todavía está en activo tal como demostran os contínuos golpes policiais.

#hoxeenArousaPontevedraDíaaDía

#de12a1430

A sociedade “Suelo Empresarial del Atlántico”, participada polo Ministerio de Fomento e a Consellería de Medio Ambiente, Territorio e Infraestruturas, rebaixa os prezos na compra de parcelas mediante a apertura dun procedemento de licitación á alza.

Esta segunda rebaixa afecta ás parcelas destinadas a uso industrial, que pasarían a ter un coste de 100€/m2; e ás parcelas de uso industrial, cun prezo final de 78,90 €/m2.

Os interesados na adquisición deberán ofertar antes do 15 de Maio un prezo que non sexa inferior ao fixado agora. Posteriormente, a sociedade propietaria do Parque Empresarial adxudicará a parcela á mellor das ofertas presentadas.

Quedan excluidas deste procedemento as parcelas afectadas pola promoción de aluguer con dereito a compra. As nove parcelas acollidas a este procedemento, que remata o 27 de Abril, terían un prezo de 180 €/m2 no caso das destinadas a uso terciario, e de 110 €/m2 para uso industrial.

O alcalde de Vilanova, Gonzalo Durán, agarda que esta nova rebaixa axude ao despegue do polígono vilanovés.

#hoxeenArousaPontevedraDíaaDía

#de12a1430

O Centro de Día de Cambados estará operativo. previsiblemente, durante o outono.

Un total de seis empresas do sector asistencial presentáronse ao concurso único aberto por segunda vez pola Xunta para a xestión do centro cambadés, xunto co de Cuntis e Redondela, ademáis da residencia desta última localidade.

Despóis de quedar deserto o primer concurso, o Concelleiro de Servizos Sociais de Cambados, Tino Cordal pediu á Xunta que flexibilizase as bases do procedimiento, para facilitar ás firmas do sector a súa participación.

Neste sentido, foi clave o feito de que o concurso deixase de estar limitado aos chamados centros especiais de emprego, que deben ter en plantilla a un número determinado de persoas con discapacidade.

O Concello de Cambados confía en que o centro de día poida estar operativo no outono, pois antes os prazos serían moi apurados.

Nolo contaba o Concelleiro de Servizos Sociais, Tino Cordal, que confesaba que a apertura do centro de día foi un dos temas que máis lle preocuparon dende a entrada no goberno municipal.

#hoxeenArousaPontevedraDíaaDía

#de12a1430

O Concello de Vilanova ten preparadas para esta Semana Santa numerosas actividades culturais que se extenderán durante o mes de maio coas Sonatas de Primavera.

O programa está publicado nos diferentes carteis que foron elaborados polos alumnos do Obradoiro de Deseño Gráfico de Vista Real e comeza mañá sábado co Ciclo de Cine Infantil de Semana Santa.

En canto ás Sonatas de Primavera, as actividades darán comezo o 23 de abril, Día do Libro, cun contacontos na Biblioteca Municipal ás 17 horas.

Ademáis inclue o pasarúas da Devesa dos Pícaros o 29 de abril ás 12 horas, e o mesmo día un Festival de Música e Exhibición de Baile no Pavillón Multiusos a partir das 13 horas.

Asimesmo, o 1 de Maio terá lugar unha Ruta Internacional de Motos Antigas, dende Padrón ata Vilanova, e o 17 de Maio Vilanova celebrará o Día das Letras Galegas con Contacontos na Biblioteca Municipal dende ás 17 horas e a proxección da película galega “Sicixia” no Pavillón Multiusos ás 21 horas.

Así nolo contaba esta mañá o tenente de alcalde, Javier Tourís.