#hoxeenArousaPontevedraDíaaDía

#de12a1430

A plataforma pola Sanidade Pública do Salnés realiza hoxe en Cambados o penúltimo peche nos concellos en contra a reforma da Lei de Saúde de Galicia.

Tal como viñeron facendo nas últimas semanas, os membros da plataforma permanecen no interior da casa consistorial dende ás 9 ás 3 da tarde, informando aos veciños das consecuencias que, ao seu entender, terá a modificación da norma coa conversión da área sanitaria do Salnés en distrito.

Asimesmo, ás 12 do mediodía realizaron unha concentración ás portas do Concello.

Os peches rematarán mañá en Vilagarcía, coincidindo co debate parlamentario da nova lei.

Dende a Plataforma lamentan que a Xunta gaste cartos na elaboración de panfletos sobre a reforma da Lei cando ainda non está aprobada e critican que se destinen 600.000 euros para pagar os servizos dos sacerdotes na sanidade pública.

Así o explicaban a portavoz da plataforma, Rosa Casal, a alcaldesa de Cambados, Fátima Abal, e o concelleiro de Sanidade, Tino Cordal.

#hoxeenArousaPontevedraDíaaDía

#de12a1430

A Mancomunidade do Salnés inicia en Sanxenxo a creación de albergues na Ruta do Padre Sarmiento.

O primeiro deles estará ubicado en Dorrón na Residencia Relixiosa Calasancias Santa María do Mar.

Para tal fin, foi asinado esta mañá o convenio entre ambas partes para o uso das instalacións, no que a entidade comarcal comprométese e promoción da hospedaxe de peregrinos a través de diferentes medios como a sinalización e indicación da hospedaxe, proporcionar o selo oficial da Ruta do Pai Sarmiento e material promocional da Ruta, promoción en feira e folletos, difusión en redes sociais, medios de comunicación e en calquera outra acción na que se promocione a Ruta do Pai Sarmiento.

Á súa vez, a Residencia Santa María do Mar, Relixiosas Calasancias, establece unhas tarifas especiais a primeira pernoita a cada peregrino por un importe reducido que será vixente todo o ano.

Outra das accións que realizarán será facilitar información aos peregrinos da Ruta e selarán a credencial dos peregrinos se así o soliciten.

Tras este primeiro albergue, a Mancomunidade traballa xa na busca doutras dependencias entre Sanxenxo e Vilanova onde ubicar un segundo punto de atención de peregrinos, de tal xeito que os camiñantes da Ruta Sarmiento teñan lugar de onde pernoctar cada 20 kilómetros.

O delegado de Turismo da Mancomunidade, Gonzalo Pita, explicaba esta mañá os motivos polos que elexiron a Residencia Relixiosa como o primeiro albergue.

#hoxeenArousaPontevedraDíaaDía

#de12a1430

O grupo de goberno de Vilagarcía presentou esta mañá o proxecto de orzamentos para este ano, que se levará a pleno extraordinario do vindeiro día venres, día 23, contando xa co apoio dos dous concelleiros do BNG e do edil non adscrito Miguel Alves.

As contas ascenden a 27,4 millóns de euros, o que supón un 1'37% máis que o ano pasado, con incremento no gasto de persoal, fomento do emprego, e axudas de emerxencia social.

Segundo o alcalde, Alberto Varela, o documento inclue o 80% das propostas de EU e Somos Maioría, polo que o rexedor, agarda contar co seu apoio no debate plenario.

Non se incluen sen embargo as propostas do PP, ao que o alcalde acusa de pretender que o actual goberno execute proxectos que os populares non foron capaces de realizar en catro anos.

Así o explicaban o alcalde, Alberto Varela e a concelleira de Facenda, Luz Abalo.

#hoxeenArousaPontevedraDíaaDía

#de12a1430

NNXX de Vilagarcía comeza mañá sábado unha campaña informativa e de recollida de sinaturas a favor da prisión permanente revisable.

O colectivo xuvenil instalará unha carpa na Praza de Galicia de 10.30 a 13.30 horas.

O PP de Vilagarcía cree que o resultado do debate no Congreso celebrado onte “atende máis a un ataque xeralizado contra todo o que proveña deste partido e do goberno que polo convencemento real dos líderes dos demáis partidos”.

Así o explicaban esta mañá en rolda de prensa o presidente de Novas Xeracións de Vialgarcía, Raul Santamaría, e o presidente do PP local, Alfonso Gallego.

#hoxeenArousaPontevedraDíaaDía

#de12a1430

O que fora cronista oficial de Vilanova, o Historiador Xosé Lois Vila Fariña, falecido o pasado xaneiro, dará nome a unha praza na contorna do Campanario Vello, preto dos restos arqueolóxicos do Mosteiro de Cálogo.

Así o levará a pleno o grupo de goberno, tal como desvelaba esta mañá o alcalde, Gonzalo Durán, que agarda contar co apoio dos grupos da oposición.

#hoxeenArousaPontevedraDíaaDía

#de12a1430

O grupo de goberno de Vilagarcía xa ten o apoio do BNG para a aprobación dos orzamentos municipais deste ano, que se someterán a debate o venres 23 de febreiro en pleno extraordinario.

O alcalde, Alberto Varela, e o portavoz municipal nacionalista, Xabier Ríos, chegaron esta mañá a un acordo no que se compromete a inclusión das propostas do BNG, que ascenden a 1,3 millóns de euros e a crear unha comisión de seguimento do desenrolo das diferentes partidas.

Tras o proceso de negociacións individuais cos grupos da oposición iniciado en xaneiro, e que se pechou esta mañá co encontro co BNG, o goberno convocou para mañá unha xunta de voceiros para abordar de forma conxunta o documento A reunión comezará ás 10 da mañá.

Así nolo contaba o portavoz do BNG, Xabier Ríos.

A Comisión técnica de Patrimonio Histórico municipal de Cambados reuniuse esta mañá para abordar 18 expedientes urbanísticos de obras públicas e privadas que se van poñer en marcha nos vindeiros meses.

No encontro estiveron presentes o concelleiro de Urbanismo de Cambados, José Ramón Abal xunto con técnicos da Xunta, técnicos municipais e representantes do Colexio de arquitectos

Concretamente, abordáronse os proxectos do conxunto histórico de Cambados, que afectan á zona de Triana coa segunda fase da rúa Vimbio e a rúa Murguía, donde se van realizar traballos de adoquinado e mellora do servizo de alcantarillado.

Segundo nos explicaba José Ramón Abal, esta actuación precisa un proxecto arqueolóxico que será redactado próximamente para ser remitido a Patrimonio e estaría financiada polo Plan Concellos da Deputación de Pontevedra.

Ademáis, también se farán reformas no Salón Peña e no Pazo Torrado co pintado e acondicionamiento dos inferiores, e que xa teñen o informe favorable para a súa realización.

Nesta xuntanza, os técnicos tamén revisaron proxectos privados como o acondicionamento de varios locais comerciais para realizar os informes.

O edil de urbanismo también falou sobre o peche da Rúa Real, que nun principio non conta con apoio da maioría dos comerciantes e polo tanto tampoco da asociación Cambados Zona Centro.

Abal insistiu en que o goberno ten que velar polos veciños e dos numerosos turistas que chegan á vila durante o verán e que poidan disfrutar do conxunto histórico con total garantía de seguridade.

Neste sentido, o edil asegura que non se vai tomar ningunha decisión en contra de nadie e pide tranquilidade e paciencia. Ademáis anunciou que o concello está buscando unha nova zona de aparcamento no entorno da avenida do Salnés para favorecer o acceso á zona de Fefiñáns.

#hoxeenArousaPontevedraDíaaDía

#de12a1430

Os polígonos industriais de Covas e de Vilanoviña, no Concello de Meis e os de O Pousadoiro e Bamio en Vilagarcía contan xa con acceso a Internet de ata 350 Mbps.

Son catro das 81 superficies empresariais galegas que quedarán conectadas a redes ultrarrápidas grazas ao Plan de Banda Larga 2020 da Xunta, impulsado pola Amtega (Axencia para a Modernización Tecnolóxica de Galicia) en colaboración con R.

O Plan de Banda Larga da Xunta facilitará este ano o acceso a internet con velocidades de ata 350 Mbps a outros 8 polígonos pontevedreses, acadando así un total de 28 superficies empresariais conectadas a redes ultrarrápidas este ano.

Na comarca do Salnés xa está a funcionar este servizo nos polígonos de Bamio e O Pousadoiro en Vilagarcía de Arousa, no de Baión en Vilanova, nos de Cobas e Vilanoviña en Meis, no de Cambados, e no Porto de Meloxo no Grove. Para este ano está prevista a súa instalación no polígono de Tremoedo en Vilanova así como no da Pedreira en Meaño.

As actuacións do Plan comezaron en agosto 2016 e na actualidade hai xa 20 polígonos da provincia con servizo de banda larga ultrarrápida. Unha vez completado o Plan, o 95% das superficies empresariais ocupadas da provincia terán acceso a redes de máis de 100Mbps.

As empresas dos polígonos beneficiados desta actuación do Plan poden contratar servizos de Internet a través de fibra óptica cunhas velocidades de ata 350 Mbps de baixada e 35 de subida, e cunha garantía de caudal do 80% sen límite de descargas.

O Delegado Territorial da Xunta en Pontevedra, José Manuel Cores Tourís, xunto co responsable de medianas empresas de R, Jacobo González de los Santos, estiveron visitando esta mañá visitando os polígonos de Meis, nos empresas instaladas poden acceder xa ás redes de última xeración de R.

Na visita acompañáronnos o alcalde de Meis, José Luis Pérez Estévez, así como o secretario territorial da Delegación da Xunta en Pontevedra, Ramón Pereiro, e Javier Touris, responsable administrativo dunha das empresas beneficiadas por este plan, Sigaltec.

#hoxeenArousaPontevedraDíaaDía

#de12a1430

Cambados abre o programa de exposicións da Sala Torrado cunha exposición colectiva multidisciplinar de diferentes pintores e escultores que, baixo o nome de “Conversas Inesperadas, permanecerá ata o 1 de abril.

Entre as seis mostras que se irán realizando ao longo do ano, está a da pintora de Cambados Emérita Méndez que gañou hai dous anos o cartel do Albariño.

Os detalles nolos conta o Concelleiro de Cultura Victor Caamaño.

#hoxeenArousaPontevedraDíaaDía

#de12a1430

O concello de Vilanova acaba de acondicionar a sala de ximnasia do Pavillón Multiusos coa instalación de espellos nun lateral.

O goberno municipal cubre así as necesidades para a realización de actividades como de baile, expresión corporal, ximnasia de mantemento ou kempo.

Nolo conta o tenente de alcalde, Javier Tourís.