#hoxeenArousaPontevedraDíaaDía

#de12a1430

A plataforma pola sanidade pública do Salnés retomou hoxe os peches nos concellos da área Sanitaria en contra da reforma da Lei de Saúde de Galicia.

Vilanova de Arousa foi o punto de encuentro da protesta de hoxe, polo que os membros do colectivo permaneceron no consistorio dende as 9 da mañá ata as 3 da tarde.

As 12 do mediodía, realizaron a xa habitual concentración, que hoxe, debido á chuvia, foi no interior das dependencias municipais e non ás portas do Concello.

O alcalde de Vilanova, Gonzalo Durán, que defende os argumentos da Xunta a favor da reforma da Lei de Saúde, non puso, sen embargo, obstáculos á mobilización, que se repetirá mañá en Catoira.

As representantes da Plataforma, Rosa Casal e Celia Iglesias denunciaban como unha das consecuencias de pertencer á área integrada de Pontevedra o desempeño no Hospital Montecelo de prazas sacadas a concurso no comarcal do Salnés.

#hoxeenArousaPontevedraDíaaDía

#de12a1430

O Concello de Ribadumia crea unha rede cidadá contra a violencia de xénero a través do programa “Conta Comigo Ribadumia”, deseñado pola concellería de servizos sociais e financiado por fondos europeos e a Xunta de Galicia.

A través desta iniciativa formaranse 20 mulleres e homes que serán figura de referencia á que poidan acudir aquelas persoas que se atopen en situación de violencia machista.

Todos eles recibirán, de marzo a setembro, formación en materia de violencia de xénero e no protocolo para poder derivar ou acompañar ás víctimas.

Asimesmo, crearanse puntos de seguridade nos locais adscritos á Asociación de Comerciantes, que terán un distintivo identificativo.

Así o explicaba a psicóloga Mónica Novas, na presentación do programa, acompañada do alcalde de Ribadumia, David Castro, e o concelleiro de Servizos Sociais, Enrique Oubiña.

#hoxeenArousaPontevedraDíaaDía

#de12a1430

O Enobús volverá a rodar este verán polo Salnés, promocionando, durante os meses de xullo e agosto, as visitas turísticas ás adegas de todos os concellos, misturadas con experiencias de Guimatur, o Museo do Viño e a Fundación Manolo Paz.

Pero ademáis, este ano o Enobús lucirá unha imaxe renovada a través das caricaturas de Gogue nunha nova campaña da iniciativa que o Concello de Cambados pretende que sexa sostible a través da venda de entradas e cun autobús de maior tamaño.

Outra novidade deste ano é que as visitas ás adegas incluirán catas de Espumosos Rías Baixas para dar a coñecer este novo producto polo que tamén apostan as adegas do Salnés.

Os detalles explicábannos esta mañá o Concelleiro de Enoturismo de Cambados, José Ramón Abal, acompañado de Gogue e a director do Museo do Viño Rocío Acha.

#hoxeenArousaPontevedraDíaaDía

#de12a1430

Máis de 130 empresas do Salnés recibiron asesoramento en Novas Tecnoloxías na oficina que o servizo de Smartpeme ten en Cambados.

A presidenta da Diputación Carmela Silva, acompañada da alcaldesa, Fátima Abal, visitou esta mañá as instalacións, ubicadas en Exposalnés, resaltando o éxito alcanzado por esta iniciativa destinada aos emprendedores.

Dende a súa entrada en funcionamento o servizo Smartpeme de Cambados realizou máis de 400 asesoramentos, organizou máis de 90 talleres sobre novas tecnoloxías aos que asistiron máis de 700 persoas e se atendeu a máis de 130 empresas.

Precisamente, unha destas novas empresarias, María Elisa Franco Torres, de “mamácosesola.com” contaba tamén a súa experiencia positiva con este servizo formativo.

Cara este ano, a Deputación quere impulsar asesoramentos vinculados ao turismo, un dos sectores económicos máis importantes para a comarca do Salnés e para a toda a provincia.

#hoxeenArousaPontevedraDíaaDía

#de12a1430

Ainda cos ecos das multitudinarias concentracións do 8M, hoxe nova mobilización da plataforma pola sanidade pública do Salnés en contra da modificación da Lei de Saude de Galicia.

O colectivo realizou dende as 9 desta mañá e ata as 3 da tarde un peche no Concello de Ribadumia e ás 12 do mediodía celebraron unha concentración reivindicativa ante as portas do Concello.

Nolo contaba a portavoz da plataforma, Celia Iglesias.

#hoxeenArousaPontevedraDíaaDía

#de12a1430

En Vilanova comezaron os traballos de cableado da rede de fibra óptica que realizan os alumnos do Obradoiro Tecnolóxico do Salnés.

Ainda que nun principio a idea era instalar a rede en Tremoedo e András, finalmente a fibra óptica extenderase tamén ata Baión este mesmo ano.

Así o explicaba o alcalde, Gonzalo Durán, durante unha visita ao inicio dos traballos.

#hoxeenArousaPontevedraDíaaDía

#de12a1430

A Asociación Neen@s Sanxenxo para a integración de menores con necesidades educativas especiais conta dende hoxe cun novo centro onde desenvolver os fins para os que foi creada hai tres anos.

A través da colaboración da Obra Social La Caixa, o colectivo pode dispoñer dunha aula psicopedagóxica na que a entidade investiu 35.000 euros.

Ademáis, a asociación, que atende a máis de 160 familias, case todas de Sanxenxo, ten xa tamén o compromiso do Concello para recibir bonificacións municipais.

Así o explicaban esta mañá a representante de Neen@s Sanxenxo, Montse Fernández, e a xefa de zona de CaixaBank, na inauguración do novo centro, na que tamén estivo o alcalde, Telmo Martín.

#hoxeenArousaPontevedraDíaaDía

#de12a1430

A Illa de Arousa conmemorará o venres día 9 o Día Internacional da Muller coa actuación do duo Aldaolado no Auditorio Municipal , ás 21 horas, previa lectura do manifesto.

Ademáis, o grupo de goberno apoia a folga das mulleres que, a plantilla municipal de A Illa secundará mañá durante toda a xornada.

Asimesmo, a Asociación As Mulleres da Arousa convocan para mañá 8 de marzo unha “marcha pola igualdade real entre mulleres e homes”, que saldrá da lonxa de A Illa ás 18 horas cara ao Concello.

Trala marcha, leerase un manifesto e cantarase o Verdegaio Arousán, unha canción feminista galega.

As convocantes animan á participación e a levar un mandil para despois "zapatealo" ao finalizar a marcha. 

Os actos foron presentados esta mañá polo alcalde de A Illa, Carlos Iglesias, e a Concelleira da Muller, Salomé Franco, na antiga fábrica Goday, polo seu significado reivindicativo.

#hoxeenArousaPontevedraDíaaDía

#de12a1430

O alcalde de Vilagarcía, Alberto Varela, incide en que as obras de mellora dos colexios do municipio son competencia exclusiva da Consellería de Educación pero tamén manifesta que a colaboración do Concello sempre foi patente.

O alcalde, Alberto Varela, fai esta consideración un día despois de que o xefe territorial de Educación, César Pérez Ares, solicitase a colaboración do Concello para renovar os baños e as tuberías do colexio Rosalía de Castro de Carril.

O rexedor solicitou esta mañá unha entrevista co conselleiro de Educación, Román Rodríguez, co obxecto de abordar a situación dos colexios do municipio e, máis en concreto a do centro carrilexo.

O rexedor local confía en que o conselleiro o reciba canto antes co obxecto de buscar solucións á precaria situación na que se atopa o colexio de Carril tras a falta de investimentos en obras que, dí Varela, son competencia exclusiva da Consellería, como acontece noutros centros do municipio . 

Así nolo explicaba esta mañá Alberto Varela.

#hoxeenArousaPontevedraDíaaDía

#de12a1430

Máis de 200 deportistas con discapacidade intelectual participarán este sábado 10 de marzo en Fexdega nos Xogos de Deportes Minoritarios.

Unha nova edición, organizada por Special Olympics Galicia en colaboración con FADEMGA Plena inclusión Galicia, a Fundación de Deportes de Vilagarcía, e promovida pola Asociación Con Eles.

A xornada, aberta ao público e con entrada de balde, contará coa participación de 22 entidades que desprazarán a un total de 247 deportistas con discapacidade intelectual e 71 adestradores, ademáis da participación de 81 voluntarios.

Comezará ás 10.45 horas, momento no que terá lugar o desfile de tódolos deportistas das entidades participantes, e prolongarase ata as 19.00.

Os detalles explicábaos esta mañá o presidente de Special Olympics Galicia, Eladio Fernández na presentación dos Xogos, coa presencia da Deputada provincial de Deportes, Chelo Besada, e do alcalde de Vilagarcía, Alberto Varela, ademáis do vicepresidente de Con Eles, Xosé Luis Queiruga e un deportista deste colectivo.