#hoxeenArousaPontevedraDíaaDía

#de12a1430

A educación dende as primeiras idades como forma de previr as conductas machistas e de violencia contra as mulleres sigue sendo prioritaria dende o Centro de Información a Muller do Salnés.

Por eso, o programa co que o CIM conmemora o 8 M este ano volve ás aulas dos centros de primaria de Meis, Ribadumia e Cambados con actividades durante marzo e abril para eliminar os estereotipos.

Asimesmo, almorzos de emprendemento feminino, a través de experiencias reais, os días 5, 6 e 7, unha charla de asesoramento o día 12, ademáis da lectura do manifesto o día 8 en cada un dos concellos integrados, completan os actos conmemorativos.

Así o explicaban esta mañá o xerente da Mancomunidade, Ramón Guinarte, e a axente de Igualdade Mónica Novas, na presentación do programa, acompañados dos representantes dos concellos participantes: a alcaldesa de Cambados, Fátima Abal, a Concelleira de Cultura de Meis, Ofelia Barral, e o Concelleiro de Educación de Ribadumia, Enrique Oubiña.

#hoxeenArousaPontevedraDíaaDía

#de12a1430

Cambados celebra esta fin de semana, o 3 e 4 de marzo, a II Mostra Internacional da Camelia, organizada pola Asociación Ibérica da Camelia, en colaboración co Concello de Cambados e a Asociación de Comerciantes Zona Centro.

Unha iniciativa na que tanto o goberno local como os comerciantes ven unha opción de desestacionalizar as actividades no municipio.

Unha trintena de expositores procedentes de Galicia, Asturias e Pais Vasco estarán presentes no Salón Peña optando este ano á “Camelia de Ouro Concello de Cambados” e a outros nove premios.

Ademáis, nesta II Edición a mostra estará vinculada ao mundo do mar e incluirá obradoiros nos que poden participar nenos e adultos.

Así o explicaba o presidente da Asociación Ibérica da Camelia no acto de presentación celebrado esta mañá no salón de plenos de Cambados, acompañado polo Concelleiro de Cultura, Victor Caamaño, e o Presidente de Zona Centro, Juan Rey.

#hoxeenArousaPontevedraDíaaDía

#de12a1430

Vilagarcía tamén adicará unha fin de semana á flor por excelencia no Salnés coa 54 edición do Concurso Internacional da Camelia.

A cita terá lugar o 10 e o 11 de marzo na Praza da Peixería e reunirá a unha ducia de expositores que amosarán as súas camelias aos numerosos visitantes que se espera en Vilagarcía e en Rubiáns.

Cómo novidade este ano o exterior da Praza de Peixería acollerá un desfile de moda do deseñador carrilexo Franco Quintáns, e un concerto de clausura da Banda de Música de Vilagarcía.

Entre as actividades organizadas polo concello, tamén está un Concurso-Exposición de Fotografía da Camelia ao que se presentaron 94 fotografías, e ademáis se celebrará un concurso de ornamentación de Escaparates, no que polo momento so están anotados 4 comercios e o prazo de inscripción remata o 8 de marzo.

Non faltarán tampouco as visitas guiadas gratuitas ao Pazo de Rubiáns, con inscripción previa en [email protected] e a X Exposición da Camelia no centro sociocultural de Rubiáns que organiza a A.C. O Souto.

Así o contaban está mañá en rolda de prensa, a Concelleira de cultura, Sonia Outón, o edil de comercio Lino Mouriño, o de turismo, José Antonio Pérez Callón, e o Presidente da A.Cultural O Souto de Rubiáns, Xurxo Abuín, que, por certo, facía mención á proliferación de mostras de Camelia na comarca nos últimos anos e a mala situación da flor debido ao clima das últimas semanas.

#hoxeenArousaPontevedraDíaaDía

#de12a1430

Os alumnos do Obradoiro Tecnolóxico da Mancomunidade do Salnés avanzan na súa aprendizaxe e hoxe visitaron o Centro de Procesado de Datos da wifi municipal de Vilanova, en A Pantrigueira.

Cos coñecementos adquiridos, serán eles os que instalen a fibra óptica nun tramo de dous quilómetros en András, un dos dous que quedan por ter cobertura da wifi municipal en Vilanova.

Así o explicaban o alcalde, Gonzalo Durán e un dos docentes do obradoiro.

#hoxeenArousaPontevedraDíaaDía

#de12a1430

A anpa do colexio Rosalía de Castro de Carril está disposta a retomar as mobilizacións e clausurar os aseos do centro educativo se a Consellería de Educación non se compromete ao longo desta semana a realizar unha reforma integral que arranxe os baños e a fontanería, actualmente nunha situación deplorable,

Unha representación dos proxenitores reuniuse esta mañá co alcalde de Vilagarcía, o concelleiro de Educación e a edil de Urbanismo para trasladar o malestar das familias pola falta de resposta da Xunta, que o ano pasado reparou os falsos teitos pero non os aseos.

Ademáis, a auga sae con cloro e sucia, polo que o Concello xa se pediu á Xunta que envíe auga mineral mentres Sanidade comproba a potabilidade.

Os pais enviaron un escrito á Consellería o pasado 1 de febreiro solicitando a reforma pero todavía non obtiveron resposta.

Pola súa banda, o Concello transmitiulle o apoio ás súas reivindicacións e reclamarán á Xunta a que se responsabilice das súas competencias e resolva a situación.

Así o explicaban Verónica Maneiro, presidenta da ANPA, e o Concelleiro de Educación, Miro Serén, trala reunión celebrada esta mañá.

#hoxeenArousaPontevedraDíaaDía

#de12a1430

A Mancomunidade do Salnés inicia un novo programa formativo de Emprega Salnés, que na edición do ano pasado cumpliu amplamente as expectativas coa inserción laboral do 90% dos seus participantes e a disposición de máis de 500 ofertas de emprego na súa plataforma.

Este ano, un total de 85 alumnos desempregados formaranse durante 9 meses en materias como redes sociais, carretilleros, uso de dróns, ingles, técnicas de venda ou impresión 3D.

A VI edición de Emprega Salnés inaugurouse esta mañá en Exposalnés coa presencia dos participantes recibidos polo presidente da Mancomunidade, Gonzalo Durán, e o xerente Ramón Guinarte, e tralos bos resultados do ano pasado que explicaba a coordinadora do proxecto, Begoña Verísimo.

#hoxeenArousaPontevedraDíaaDía

#de12a1430

O Viveiro Industrial do Salnés, ubicado no Polígono de Sete Pías de Cambados, ten xa o primeiro inquilino.

O Concello de Cambados asinou esta mañá o contrato de aluguer da primeira nave coa empresa Estructuras RCL, adicada á carpintería metálica.

A alcaldesa, Fátima Abal, e o administrador da firma rubricaron esta mañá o documento, nun acto no que o Concelleiro de Economía Xurxo Charlín, ratificaba a aposta do cuatripartito polo emprendemento e a creación de emprego.

A firma bota a andar con catro postos de traballo pero coa previsión de aumentar a contratación para que ao final do segundo ano de actividade sexa de 12 persoas, tal como afirmaba o administrador da empresa trala rúbrica do contrato.

#hoxeenArousaPontevedraDíaaDía

#de12a1430

O Concello de Ribadumia ten xa preparado o programa de actividades e actos que se desenvolverán con motivo da conmemoración do 8 de marzo, Día da Muller Traballadora.

As actividades comezarán o 6 de marzo, cun almorzo de emprendedoras organizado polo CIM do Salnés, e pecharase o 11 de marzo cunha Gala na que a veciña da parroquia de Ribadumia Emilia Mosteiro Rodiño, de 99 anos, recibirá a homenaxe en nome todas as mulleres do municipio.

Ademáis, tamén terán lugar dúas xornadas sobre emprendemento feminino, o 7 e o 9 de marzo, e a habitual lectura do manifesto na Praza do Concello o 8 de marzo, coa participación este ano de alumnos de 4º da ESO do CPI Julia Becerra Malvar.

Os detalles explicábaos esta mañá o Concelleiro de Servizos Sociais, Enrique Oubiña, na presentación do programa acompañado do alcalde, David Castro, e representantes dos colectivos participantes.

#hoxeenArousaPontevedraDíaaDía

#de12a1430

Vilanova prepara a IV Edición da Mostra da Camelia que se celebrará o 3 e 4 de marzo, no Pavillón Multiusos, coa presencia de 60 expositores e numerosas actividades

Os detalles nolos conta a Concelleira Ana Carballa.

#hoxeenArousaPontevedraDíaaDía

#de12a1430

A hostelería de Vilagarcía pon en marcha unha nova edición do "Destapa de Inverno" no que 15 establecementos hosteleiros participarán coas súas mellores tapas.

A proposta gastronómica, organizada por AHITUVI, desenvolveráse do 23 de  febrero ao 4 de marzo coa intención de desestacionalizar e dinamizar a hostelería e as actividades tamén durante os meses de inverno.

Os 15 participantes elaborarán tapas relacionadas coa gastronomía destas datas, polo que moitas das recetas contarán con grelos, chourizo, lacón e mesmo haberá, como novidade, un postre de filloas e ourellas.

Os prezos serán de 3 euros se é con cervexa, 3,50 euros con albariño e 2 euros sen bebida.

Tamén haberá un día do tapeador, que será o xoves, con descontos na tapa, e diferentes actividades paralelas como o xa habitual concurso de tiraxe de cañas, que será o venres a mediodía, dous showcookings e non faltarán os premios do sorteo pola elección da mellor tapa.

Así o explicaban o presidente de Ahituvi, Richard Santamaría, e o alcalde de Vilagarcía, Alberto Varela, na presentación da iniciativa.