O alcalde, Gonzalo Durán, explicou esta mañá diversas actuacións realizadas nos últimos meses, cun investimento duns 90.000 euros, financiados en parte mediante o Plan Concellos da Deputación.

Entre as obras executadas se encontran a pavimentación e mellora da rede de saneamento da rúa Concepción Arenal e a reparación da vidriera do centro de saúde.

Neste último caso, ademáis, o rexedor fixo un chamamento aos traballadores para que notificasen ao Concello as deficiencias do centro antes de manifestarse na rúa.

#hoxeenArousaPontevedraDíaaDía

#de12a1430

Ribadumia volve a ensalzar a Camelia a nivel internacional coas II Xornadas que se celebrarán o 23 e 24 de febreiro no Pazo Quinteiro da Cruz con numerosas actividades e experiencias.

Propostas gastronómicas con camelia, catas e cerimonias de te, con terapias chinesas, e congresos en mesas redondas sobre a diversidade e historia da flor emblemática das Rías baixas.

Os detalles nolos explicaba Beatriz Piñeiro, organizadora destas xornadas nas que tamén participa o cociñeiro Iñaki Bretal e colabora o Concello de Ribadumia cun concurso de fotografía e un taller infantil de pintura china.

A Mancomunidade do Salnés comeza a implantación da súa nova ferramenta tecnolóxica mediante a Realidade Aumentada, destinada ao turismo.

“Salnés 4.0” é una aposta innovadora que integra un aplicación para smartphones e tablets na que un mapa físico da comarca se converte en realidade aumentada de todos os recursos turísticos dos concellos.

A aplicación Salnés AR xa se pode descargar e os mapas estarán en breve nas Oficinas de Turismo, Concellos e Hoteis.

A iniciativa xa foi presentada en Fitur e esta mañá deuse a coñecer no Salnés nunha rolda de prensa coa presencia do Presidente da Mancomunidade, Gonzalo Durán, o delegado de Turismo, Gonzalo Pita, e o xerente da entidade, Ramón Guinarte.

#hoxeenArousaPontevedraDíaaDía

#de12a1430

O Obradoiro de Emprego “Salnés Tecnolóxico Ambiental”, promovido pola Mancomunidade do Salnés e pioneiro en Galicia na parte tecnolóxica, está avanzando con bos resultados nos tres primeiros meses de implantación.

Así o puideron comprobar esta mañá os alcaldes dos Concellos participantes, Vilanova, Ribadumia, Meis e Meaño, nunha visita ao centro en Ribadumia onde ata o mes de xullo se forman os 20 alumnos que integran o obradoiro, percibindo o salario mínimo interprofesional de 707 euros.

A través desta iniciativa preténdese desplegar a rede de internet para dotar de conexión gratuita a espazos públicos dos concellos implicados, como primeiro paso para ir extendéndoa ao resto da comarca.

O obxectivo é que todo o Salnés chegue a ter wifi na rúa no ano 2020, como propón unha directiva europea,

Así o lembraba o presidente comarcal, Gonzalo Durán, acompañado polo xerente da Mancomunidade, Ramón Guinarte, que nos detallaba os contidos do Obradoiro.

#hoxeenArousaPontevedraDíaaDía

#de12a1430

O BNG do Salnés pon en marcha unha serie de iniciativas co fin de paralizar a reactivación da Mina de Touro, ubicada en plena conca do río Ulla.

O proxecto xa fixo saltar as alarmas na ría de Arousa, polo temor as graves consecuencias que pode ocasionar no tecido socioprodutivo da ría, xa que os cursos de auga da mina drenan cara o río, e polo tanto a contaminación que xere irá ao mesmo.

A formación nacionalista xa comezou a recollida de sinaturas en contra dunha actividade que consideran contaminante para a Ría de Arousa.

Ademáis, este xoves ás 20.30 horas terá lugar unha charla coloquio no auditorio de Vilagarcía para informar á cidadanía sobre os perxuizos que, ao seu entender, conlevará para o marisqueo.

Asimesmo, unha delegación do BNG do Salnés acudirá este sábado a Touro nunha visita denuncia convocada a nivel galego, na que estarán presentes os portavoces municipais de Vilagarcía, Cambados, Sanxenxo o Grove e Catoira.

A maiores, o BNG presenta mañá unha pregunta no Parlamento interpelando á Consellería do Mar se ten feito unha valoración da posible afectación da reactivación da mina na ría de Arousa.

O responsable comarcal, Manuel Domínguez, lamentaba esta mañá o que considera “opacidade” por parte da Xunta en canto á información do proxecto.

O Concello de Vilanova tramita con Costas do Estado o proxecto de creación dunha senda peonil que una o litoral do municipio con Cambados e a Illa.

Para tal fin, o alcalde, Gonzalo Durán, reuniuse esta mañá con técnicos de Costas na delegación de Pontevedra, de onde saiu con esperanzas de que o proxecto vaia para adiante.

Nolo contaba o rexedor ao remate da reunión.

#hoxeenArousaPontevedraDíaaDía

#de12a1430

O Presidente de Portos de Galicia, José Juan Durán, estivo esta mañá no porto de Tragove en Cambados para supervisar diversa obras de mantemento realizadas nas últimas semanas.

Unha delas é a canalización de tamizados da nave de evisceración da confraría de Cambados, realizada cun investimento de 4.300 euros.

Asimesmo, Portos de Galicia destinará uns 6.000 euros á renovación do pavimento de entrada do peirao de San Tomé.

Así o detallaba o presidente da autoridade portuaria durante a súa visita en Tragove.

O Concello ven de renovar o alumeado e o sistema eléctrico da zona de Oubiña-Cereixeira, co fin de solventar os continuos problemas de apagóns.

A actuación, que tivo un investimento de 2.600 euros, consistiu na sustitución de 9 puntos de alumeado e a instalación dun novo cadro eléctrico, incluindo o cambio do cableado.

O goberno local traballa agora en realizar unha medida semellante no tramo restante de Oubiña.

Así o explicaba o Concelleiro de Obras e Servizos, José Ramón Abal, durante a supervisión dos traballos.

#hoxeenArousaPontevedraDíaaDía

#de12a1430

O Concello de Vilagarcía conta dende hoxe con tres novos axentes da policía local, que tomaron posesión esta mañá nun acto celebrado no salón noble da Casa Consistorial.

Tras estas incorporacións, a plantilla da garda local ampliarase posteriormente con outros tres axentes que sairán do concurso oposición convocado pola Axencia Galega de Seguridade.

Unha ampliación do corpo de seguridade local que é unha aposta do goberno municipal, tal como resaltaba o alcalde, Alberto Varela, no acto de toma de posesión.

#hoxeenArousaPontevedraDíaaDía

#de12a1430

O sindicato CIG Salnés súmase á primeira Folga de Mulleres que tendrá lugar el próximo 8 de marzo, coincidiendo co Día Internacional da Muller, e farao con concentracións nas principais localidades da comarca e tamén en diferentes empresas.

A iniciativa celébrase no marco dunha xornada internacional de paros e mobilizacións para reivindicar a igualdade de oportunidades entre mulleres e homes nas condicións de traballo, na esfera social e o dereito a vivir sen violencia.

A folga, que afectará a todas as actividades e centros de traballo de Galiza, tanto das empresas privadas como do sector público, está convocada exclusivamente para as mulleres.

Os paros faranse efectivos nas franxas horarias comprendidas entre as 00h e ás 02 horas, das 12 a 14 horas e das 19:30 a 21:30 horas; é dicir en paros laborais de dúas horas por quenda de traballo.

O obxectivo é “mostrar a repulsa á desigualdade e invisibilidade históricas que soportan as mulleres, esixir a mellora das súas condicións sociolaborais e a fin da discriminación laboral que sofren, e que se veu agravada polas medidas aplicadas baixo a coartada da crise económica”.

Así o explicaba esta mañá a representante sindical Marta Ferreiro no acto de presentación da folga, na sede do sindicato en Vilagarcía.