#hoxeenArousaPontevedraDíaaDía

#de12a1430

Os veciños de Bamio e pais de alumnos do centro escolar, acompañados do portavoz municipal do BNG, reuníronse esta mañá co alcalde de Vilagarcía para coñecer directamente as previsións do goberno municipal nos orzamentos deste ano en relación coas demandas de mellora da seguridade vial na parroquia.

Unha das súas reclamacións está en vías de solución xa que o Concello instalará nuns días un semáforo no cruce conflictivo da vella estrada de Bamio, que estará en funcionamento dentro dun mes.

Sen embargo, as reclamacións que son competencia da Consellería de Infraestructuras, como as beirarrúas, estanse dilatando.

O colectivo veciñal anuncia xa mobilizacións se no prazo dunha semana non obteñen resposta da Xunta.

Nolo decía o portavoz municipal do BNG, Xabier Ríos, ao remate do encontro.

#hoxeenArousaPontevedraDíaaDía

#de12a1430

Xubilados e pensionistas de CCOO manifestáronse esta mañá en Vilagarcía en demanda de retribucións máis dignas, en contra da subida dun 0,25% establecida polo goberno de España, e reclamando que se reactive o Pacto de Toledo.

Así o explicaba o portavoz sindical no decurso da manifestación.

#hoxeenArousaPontevedraDíaaDía

#de12a1430

A Unidade de Desenvolvemento Infantil e Apoio Familiar (Udiaf) de O Salnés atendeu ao longo de 2017 a 132 nenos e nenas con dificultades no seu desenvolvemento, na súa sede ubicada no Centro Sociocomunitario de Vilagarcía, en O Ramal.

O equipo multidisciplinar da Asociación Galega de Atemción Temperá (AGAT) axuda dende alí aos pequenos de 0 a 6 años que teñen problemas evolutivos , afectivos, de conducta, de comunicación ou motrices.

Sen embargo, a situación actual da Unidade está chegando ao seu límite, tal como explicaba esta mañá o vicepresidente da asociación, Jaime Ponte, ao facer balance da xestión do pasado exercicio.

#hoxeenArousaPontevedraDíaaDía

#de12a1430

Os deputados do PP no Salnés acusan á Deputación de castigar á comarca no reparto dos fondos provinciais.

Salomé Peña e Luis Aragunde compareceron para facer balance da xestión provincial ao longo de 2017 e criticaron, unha vez máis, que “a nova Deputación” mantén paralizados no Salnés proxectos por valor de 3,7 millóns de euros.

Entre eles, resaltaron o ensanche da estrada entre Baión e András, en Vilanova.

#hoxeenArousaPontevedraDíaaDía

#de12a1430

Satisfacción na Confraría de Cambados e tamén na Consellería do Mar por cómo está resultando a decisiòn do pósito de asumir a evisceración da vieira capturada.

A Conselleira do Mar, Rosa Quintana, visitou esta mañá a nave de Tragove onde se realizan os traballos de depuración e salientou que a confraría cambadesa constitúe un exemplo de eficiencia na comercialización da vieira, xerando maior valor engadido e incrementando os beneficios directos para a propia confraría.

Tamén o patrón maior, Ruperto Pérez, destacaba a boa marcha desta iniciativa pioneira.

A nave de descarga e eviscerado de moluscos da Confraría de Cambados foi posta en marcha cun investimento de preto de 1,3 millóns de euros por parte da Consellería do Mar e dunha axuda de 172.000 euros a través do Grupo de Acción Local do Sector Pesqueiro da Ría de Arousa.

As obras executadas consistiron na construción dunha nave de 1.460 metros cadrados que contan cunha zona de poxa, cunha sala de comisos e mostraxes, cámaras frigoríficas, almacéns, vestiarios despachos e un depósito de lixo. Nela atópase a planta de eviscerado de vieira que conta cunha zona para recepción e depuración do produto, outra para o procesado e eviscerado e outra para cámaras, envasado e expedición.

#hoxeenArousaPontevedraDíaaDía

#de12a1430

A Variante Espiritual e a ruta do Padre Sarmiento foron visitadas en 2017 por preto de 5000 peregrinos de 50 países dos 5 continentes, ainda que non todos pernoctan nos albergues.

Son os datos presentados esta mañá pola Mancomunidade do Salnés sobre a evolución nacional e internacional dos productos turísticos da comarca.

Para o 2021, ano Xacobeo, agárdase que o número de peregrinos ascenda ata os 15.000.

Cifras que valoraban moi positivas o presidente da Mancomunidade, Gonzalo Durán, e o presidente da Asociación de Amigos do Camiño Portugués, Tino Lores.

Asimesmo, para ese ano a entidade comarcal traballa xa coa Xunta coa intención de que os peregrinos que rematan o Camiño en Santiago elixan as variantes do Salnés en lugar da ruta de Fisterra.

#hoxeenArousaPontevedraDíaaDía

#de12a1430

A Sala Rivas Briones de Vilagarcía inaugura mañá ás 20.30 horas unha exposición colectiva da Fundación Artiaga dentro do seu programa de Axuda ao Animal Necesitado.

A mostra recolle pezas de pintura, fotografía ou escultura de artistas recoñecidos como Antonio López ou Seoane.

A exposición itinerante estará en Vilagarcía ata o mes de marzo, cando partirá cara Ourense.

Os detalles nolos explicaba o presidente da Fundación, Xosé Artiaga na presentación da exposición, na que estivo acompañado da concelleira de Cultura, Sonia Outón.

As 25 mulleres participantes na última edición do Programa Clara de inserción socio laboral clausuraron esta mañá a súa formación coa recollida dos seus diplomas.

Este último ciclo da iniciativa, desenvolta polo Instituto da Muller a través da Concellería de Igualdade de Vilagarcía, tivo un período formativo de 9 meses que lles da agora máis opcións á hora de encontrar un traballo.

Nolo contaba a dinamizadora do Programa Clara, Rosa Villaronga, no acto de entrega dos diplomas.

Os alumnos de Educación Infantil do colexio Julio Camba de Vilanova puideron aprender esta mañá moitas cousas sobre o Camiño de Santiago e a Variante Espiritual.

Foi nunha charla co Presidente da Asociación do Camiño Portugués, Tino Lores, que nos explicaba as súas impresións, xunto coa concelleira Nuria Morgade.

Portos de Galicia, está a traballar no impulso á chegada a Galicia de novas modalidades de navegantes procedentes do norte de Europa e concretamente de Alemaña, Noruega, Suecia, Estonia, Letonia, Lituania e Polonia.

Para iso, o presidente do ente público, José Juan Durán, mantivo diferentes reunións de traballo con entidades europeas no marco do salón náutico Boot Dusseldorf, celebrado na cidade xermana.

Durán Hermida mantivo encontros con asociacións de navegantes do Rhin e do Mar Báltico que reúnen a decenas de navegantes, fundamentalmente de embarcacións a vela, especializados en modalidades como os rallies náuticos, as regatas ou os intercambios entre diferentes costas. O obxectivo de Portos de Galicia é captar para os peiraos da nosa comunidade estas expedicións. 

O presidente de Portos presentou a todos estes interesados a oferta náutica galega, facendo fincapé na calidade dos servizos e a situación estratéxica de Galicia nas rutas de navegación de norte a sur de Europa.

Ademais presentou a proposta de Cruceiros Costeiros, unha iniciativa de cabotaxe interno polas rías galegas enmarcada no programa europeo Ecodestin. Así mesmo fixo entrega de diverso material promocional que recolle os servizos e prestacións dos peiraos deportivos de titularidade autonómica e estatal da comunidade, como a Guía Básica de Servizos Náuticos, editada en galego, español, inglés e francés.