#hoxeenArousaPontevedraDíaaDía

#de12a1430

O Concello de Vilagarcía súmase ao Programa Apego dirixido ás familias con nenos entre 0 e 6 anos co fin de fomentar e mellorar a transmisión do galego como lingua inicial, e ao que están adheridos unha trintena de concellos de toda Galicia.

A través desta iniciativa, na que o Concello inviste 6.500 euros, poranse en marcha diversas actividades conxuntas coas familias inscritas no programa.

Como agasallo de benvida, as familias recibirán unha caixa con diferentes artigos como un libro, album de fotos, medidor infantil ou un cd con cancións, ademáis da mascota do programa o Polbo Po.

Para fomentar a participación, a Concellería de Cultura colocará información con carteis e dípticos en centros relacionados coas idades de referencia.

As familias interesadas en inscribirse únicamente deben concertar cita telefónica co departamento de Normalización Linguística.

Así o explicaba esta mañá a Concelleira de Cultura, Sonia Outón, na rolda de prensa de presentación do programa Apego.

#hoxeenArousaPontevedraDíaaDía

#de12a1430

Cambados pon punto final ao seu ano como Cidade Europea do Viño e clausura o seu programa de actividades este sábado 24 de febreiro.

Será mediante unha Gala que terá lugar no Auditorio de Cambados ás 19 horas, na que se quere dar un especial agradecemento a 19 persoas e colectivos implicados no desenvolvemento da iniciativa.

Asimesmo, o evento servirá para ceder o relevo como Cidade Europea do Viño ás cidades portuguesas de Torres Vedras e Alenquer.

A Gala contará coa actuación de Manso e Amigos e proxectaranse dous videos: o primeiro resumindo as actividades realizadas durante o ano e o segundo sobre momentos especiais.

Os portavoces dos catro grupos municipais de goberno, Fátima Abal, José Ramón Abal, Victor Caamaño e Tino Cordal, fixeron esta mañá un balance moi positivo do que foi todo un ano cheo de máis de 80 actividades incluidas nun programa, que supuso un investimento de máis de 500.000 euros.

Segundo o cuatripartito, foi “un gran esforzo económico e de persoal” pero conseguiuse bater records na vila do albariño, con máis de 46.000 visitantes rexistrados na Oficina de Turismo, na meirande parte españois, franceses e portugueses, desestacionalizando a oferta turística.

Pese á satisfacción polo realizado, o cuatripartito non se esqueceu de lembrar a falta de apoio por parte da Xunta e do goberno do Estado, ante unha o que consideran “unha oportunidade perdida” dende as outras administracións para a promoción do Albariño a nivel internacional.

Sen embargo, o Concello de Cambados continúa apostando por conseguir a declaración da Festa do Albariño de Interés Turístico Internacional co fin de que o distintivo chegue a tempo para a edición deste ano.

#hoxeenArousaPontevedraDíaaDía

#de12a1430

O Entroido rematou e en Vilanova pensan xa na seguinte edición do Momo, coa intención de solicitar á Xunta á declaración de Interés Turístico de Galicia.

Ademáis, o Concello estuda a celebración dun Carnaval de Verán, dado o éxito multitudinario que rexistrou esta fin de semana o Momo, coa presencia de preto de 25.000 persoas en Vilanova.

"Nunca houbo tanta xente en Vilanova, valoraba con satisfacción o alcalde, Gonzalo Durán, acompañado do tenente de alcalde Javier Tourís e de representantes dalgunhas das comparsas participantes.

#hoxeenArousaPontevedraDíaaDía

#de12a1430

O Concello de Vilagarcía pon en marcha un novo ciclo formativo gratuito de "Inclusión e capacitación dixital", destinado aos veciños da vila que queiran mellorar os seus coñecementos dixitais á hora de buscar emprego.

Trátase dunha segunda edición que a Concellería de Formación e Emprego decidiu organizar dado o éxito do ciclo realizado o ano pasado, con máis de 400 participantes nas diferentes accións.

O período de formación deste ano impartirase entre marzo e novembro no Centro de Matosinhos e nel poderanse aprender materias como inclusión dixital, ofimática, administración electrónica, capacitación avanzada en ferramentas TIC, ou o uso das redes sociais e apps na busca de emprego.

Así o explicaba esta mañá o Concelleiro de Formación e Emprego, Juan Antonio Pérez Callon, na presentación do ciclo, acompañado das representantes do centro formativo Kaeme.

#hoxeenArousaPontevedraDíaaDía

#de12a1430

As obras de mellora das beirarrúas na comarcal 549 en San Miguel de Deiro poderíanse iniciar no mes de setembro, tras desbloquearse a licitación dos traballos, paralizada pola quebra da empresa redactora do proxecto.

A inversión é de 1,9 millóns de euros, financiados pola Consellería de Infraestructuras, que, ademáis, tamén financiará o plan de seguridade viaria de concentracións de accidentes no tramo de Deiro, no límite con Corvillón.

Ambos asuntos foron comunicados pola Conselleira de Infraestructuras, Ethel Vázquez, ao alcalde de Vilanova, Gonzalo Durán, nun encontro celebrado para revisar o estado das actuacións deste departamento no municipio, tal como explicaba esta mañá o rexedor vilanovés.

#hoxeenArousaPontevedraDíaaDía

#de12a1430

O Concello de Cambados organiza unhas “Xornadas de Igualdade sen Fronteiras” que terán lugar o venres 23 de febreiro no Edificio de Exposalnés as 19:00 h.

O obxectivo é visibilizar a situación de desigualdade que sufren as mulleres en diferentes países, como Nixeria, Filipinas ou Reino Unido, mediante as experiencias contadas en vídeo e en primeira persoa sobre casos de violencia, acoso psicolóxico ou maltrato.

Trátase dunha iniciativa promovida dende a Concellería de Igualdade, que dende a súa creación co goberno cuatripartito en 2015 investiu case 17.000 euros en actividades nesta área, ademáis de parte dos 50.000 euros que ven aportando en colaboración co CIM do Salnés.

Así o explicaba esta mañá a alcaldesa de Cambados, Fátima Abal na presentación das Xornadas, acompañada da técnica do CIM, Mónica Novas.

#hoxeenArousaPontevedraDíaaDía

#de12a1430

O auditorio municipal de Ribadumia acollerá o domingo 4 de marzo ás 18 horas un espectáculo de música, danza e humor.

Baixo o título de “Morriña”, a artista Tania Veiras subirá ao escenario para recuperar os temas populares galegos, como “A saia da Carolina”, nunha homenaxe á emigración.

A inciativa está promovida pola Comisión de Festas de Ribadumia, co fin de recadar fondos, e as entradas terán un custe de 5 euros e estarán a venda na ca

Os detalles nolos contaba Tania Veiras na presentación do espectáculo, acompañada polo alcalde, David Castro, e a presidenta da comisión de festas.

#hoxeenArousaPontevedraDíaaDía

#de12a1430

O PP de Vilagarcía califica de “desalentador” o encontro celebrado co goberno local para negociar os orzamentos para este ano.

I é que, segundo a portavoz popular, Elena Suárez, o executivo municipal recoñeceu que tiñan poucas esperanzas de acordo con eles. “Detectamos deixadez por parte do gberno e unha intención de marxinar ao PP. É unha falta de respeto cara ao principal grupo da oposición e cara á xente que representamos”-

En todo caso, o PP de Vilagarcía non marca líneas bermellas e presentou no encontro 68 propostas para incluir nos orzamentos, “moitas delas cun coste moi asequible, que o que requiren é vontade política. O gasto máos elevado sería o da ampliación da Depuradora”, destacou Elena Suárez.

Entre as propostas, figuran a aprobación da ordenanza de publicidade, un plan estratéxico de turismo, axudas para a mellora estética das terrazas, actualización e mellora da imaxe turística de Vilagarcía na web do Concello ou a dinamización da zona deportiva da praia A Concha-Compostela, así como a recuperación e acondicionamento de sendas peatonís e ciclistas.

#hoxeenArousaPontevedraDíaaDía

#de12a1430

O concurso de licitación convocado pola Xunta para designar a xestión do Centro de Día de Cambados quedou deserto.

Ningunha empresa presentou ofertas, debido, segundo entende o goberno local, ao importe elevado da licitación, 1,6 millóns de euros e aos requisitos do concurso que exixían a xestión de catro centros de día a través dun centro especial de emprego.

Así as cousas, os trámites para a apertura do Centro de Día de Cambados alónganse novamente, ao tempo que o inmoble vaise deteriorando e xa presenta filtracións de humidades.

Así o explicaban esta mañá os concelleiros de Servizos Sociais e Economía e Facenda, Tino Cordal e Xurxo Charlín, asegurando que seguirán presionando á Xunta para que acelere os plazos.

Cambados abre o 18 de febreiro unha nova edición do Ciclo de Teatro Infantil e Familiar, con representacións de catro obras no Auditorio municipal.

As tardes dos domingos ás 18 horas poranse en escea “O segredo do Tendal” de Raquel Queizás, “Os Rockenstein” de Malasombra Produccións, “Sherlock Holmes” de Cayetano Lledó e “Os fabulosos cleanners” de Malasombra Produccións.

A entrada é de 3,50 euros para o público xeral e de 2,50 euros a reducida para parados e menores de 18.

A intención do goberno local é que toda a familia poida disfrutar dunha tarde de teatro, segundo explicaba o concelleiro de Cultura, Victor Caamaño, na presentación do Ciclo.