#hoxeenArousaPontevedraDíaaDía

#de12a1430

O Pazo de Vista Real de Vilanova acolle este venres 9 de marzo unha xornada informativa sobre o TDAH, o trastorno de Déficit de Atención e Hiperactividade.

A charla, aberta a todo o público en xeral, está organizada pola Asociación TDAH Salnés, para asesorar ás familias sobre cómo enfocar o tratamento deste trastorno.

Así nolo contaban esta mañá as representantes da asociación na presentación da iniciativa.

#hoxeenArousaPontevedraDíaaDía

#de12a1430

A Mancomunidade do Salnés encara agora a promoción turística da comarca cara o mercado chinés.

Unha das iniciativas integradas neste contexto foi unha Masterclass de cociña galega celebrada esta mañá nas instalacións do Obradoiro de Hostelería da Mancomunidade en Sanxenxo.

O chef euroasiático John Rocha e seus alumnos de procedencia chinesa, concretamente de Hong Kong, recibiron esta mañá as explicacións da chef grovense Rocío Lis e do profesor do Obradoiro, Fernando Caneda, sobre elaboracións de platos como a tortilla de patacas, empanada de mexillóns, arroz mariñeiro e filloas.

Así nolo contaban os chefs Rocío Lis e Fernando Caneda e o delegado de Turismo da Mancomunidade, Gonzalo Pita durante a Masterclass.

A Mancomunidade vai empregar cara ao mercado asiático o mesmo sistema de traballo utilizado co ruso, potenciando a comunicación e traducindo todo o material promocional a chinés.

O mercado chino, e actualmente un dos máis fortes en canto a turismo e poder adquisitivo. Segundo os datos da Mancuminidade, son os que máis gasto xeran no destino que visitan, sobre 2.700 euros ao día por persoa.

#hoxeenArousaPontevedraDíaaDía

#de12a1430

O Concello de Sanxenxo pon en marcha o IV Plan municipal de Igualdade de Oportunidades entre MuIleres e Homes para o período 2018-2021.

Está configurado arredor de oito areas de actuación con 61 medidas concretas e será difundido en 200 exemplares entre a plantilla do Concello, colectivos, centros educativos e centros de saúde.

Entre as medidas propostas figuran talleres de igualdade entre o persoal municipal, que xa comezaron hoxe, e a constitución dun Consello de Igualdade en 2019

Asimesmo, creouse un Premio á Traxectoria das mulleres do municipio, que se entregará o xoves ás 20 horas nun acto no Pazo Emilia Pardo Bazán.

Todo elo nolo contaba esta mañá a Concelleira Silvia Freire, na presentación deste Plan municipal de Igualdade.

#hoxeenArousaPontevedraDíaaDía

#de12a1430

A Plataforma pola Sanidade Pública do Salnés iniciou hoxe na Illa de Arousa, con gran asistencia de veciños, o seu programa de peches nos concellos en contra da modificación da Lei de Saúde de Galicia, que suporá a a conversión en distrito da área sanitaria.

O peche comezou ás 9 da mañá e prolongouse ata as tres da tarde. As 12 do mediodía os membros do colectivo celebraron unha concentración ante a casa consistorial.

Durante a protesta, os representantes do colectivo explicaron aos veciños as razóns polas que reivindican o mantemento da área sanitaria do Salnés, así como os problemas na atención primaria e nas listas de espera ou a pérdida de servizos e autonomía del Hospital Comarcal do Salnés dende que pasou a formar parte da EOXI (área sanitaria integrada) Pontevedra-Salnés.

A programación de peches comezou hoxe en A Illa de Arousa, continuará o venres 9 en Ribadumia, o mércores 14 en Vilanova, o xoves 15 en Catoira, o luns 19 en Cambados e o martes 20 en Vilagarcía.

Será este último día o sinalado para o debate no Parlamento da reforma da Lei de Saúde, polo que unha representación da Plataforma trasladarase a Santiago para manifestarse ante a sede da Cámara galega.

Os detalles do primeiro día de peche explicábanolos a portavoz da Plataforma, Rosa Casal, e o alcalde de A Illa, Carlos Iglesias.

#hoxeenArousaPontevedraDíaaDía

#de12a1430

O comercio de Cambados celebra o Día do Pai repartindo 600 euros en premios, que se distribuirán nun vale compra de 200 euros, dous de 100 euros e catro de 50 euros.

Ademáis, este ano a asociación Zona Centro inclue un sorteo novidoso dunha estancia familiar de dúas noites en Cantabria con entrada ao parque de Cabárceno.

Asimesmo, preparan xa a feira de oportunidades de inverno que terá lugar en Semana Santa.

Nolo contaban o presidente de Zona Centro, Juan Rey, e o Concelleiro de Promoción Económica, Xurxo Charlín, na presentación da campaña do Día do Pai.

#hoxeenArousaPontevedraDíaaDía

#de12a1430

O concello de Vilanova de Arousa e a Confederación Galega de Persoas con Discapacidade, COGAMI, asinaron esta mañá un convenio a favor da atención deste colectivo na Comarca do Salnés

O documento de colaboración, rubricado polo alcalde Gonzalo Durán e polo presidente de COGAMI, Anxo Queiruga, establece a cesión municipal dun espazo formativo en Vista Real , onde poderá desenvolver actividades vinculadas ao Servizo de Intermediación, Orientación e Prospección de Emprego (SIL) dirixidas ás persoas con discapacidade da comarca do Salnés.

Esta colaboración permitirá mellorar as oportunidades de inserción laboral das persoas con discapacidade que viven no Salnés.

Dous orientadores laborais do programa Máis Emprego que desenvolve COGAMI, realizarán con eles itinerarios integrados para a inserción sociolaboral.

Así o explicaba o presidente de COGAMI, Anxo Queiruga, trala rúbrica do convenio.

#hoxeenArousaPontevedraDíaaDía

#de12a1430

O Concello de Cambados presentou esta mañá as numerosas actividades que se desenvolverán no municipio en conmemoración do 8 M, Día Internacional da Muller, gran parte delas integradas no programa do CIM mancomunado do Salnés.

Os actos comezan xa este luns día 5 con proxeccións no Auditorio da Xuventude dos vídeos “Gracias á ela eu podo” sobre o papel relevante na historia de mulleres que obtiveron dereitos femininos.

Un almorzo de emprendedoras o mércores 7 no Plus de Sucre, unha masster class o xoves 8 e a Gala das Mulleres o domingo 12 forman parte tamén das actividades.

Ademáis, Cambados súmase á folga das mulleres o día 8, trala lectura do manifesto mancomunado na Praza do Concello, tal como explicaba a alcaldesa Fátima Abal, na presentación do programa, acompañada da axente de Igualdade, Mónica Novas.

#hoxeenArousaPontevedraDíaaDía

#de12a1430

O concello de Cambados ven de realizar unha reordenación do tráfico no entorno do Polígono de Sete Pías, co fin de mellorar a seguridade viaria no tramo de Bouza do Padrón.

O tráfico pesado de máis de 3,5 toneladas queda prohibido pola EP 9002, Fefiñáns-Oubiña e os vehículos desta tonelaxe deben circular pola PO 300.

Somente queda permitido o paso dos autobuses que prestan servizo cara a Igrexa e os vehículos autorizados para veciños do entorno.

Así o explicaba esta mañá o concelleiro de Seguridade Cidadá, José Ramón Abal.

#hoxeenArousaPontevedraDíaaDía

#de12a1430

A Plataforma en Defensa da Sanidade Pública do Salnés ten xa preparadas novas mobilizacións en contra da nova Lei de Saúde de Galicia que, posiblemente este mes comece a súa tramitación parlamentaria.

Os portavoces do colectivo presentaron esta mañá en rolda de prensa as accións que realizarán nas vindeiras semanas, acordadas na reunión celebrada o pasado día 26.

As mobilizacións conlevarán peches nos concellos que forman parte da área Sanitaria do Salnés, dende ás 10 ás 15 horas e concentracións ás 12 do mediodía.

A primeira acción de protesta será na Illa de Arousa, este vindeiro luns 5 de marzo, para continuar en Ribadumia, o venres 9, Vilanova o mércores 14, Catoira o 15 e Cambados o luns 19.

Nolo contaba o concelleiro de Sanidade de Cambados, Tino Cordal.

#hoxeenArousaPontevedraDíaaDía

#de12a1430

O sindicato CIG concentrouse esta mañá en Vilagarcía ante as dependencias da Seguridade Social nunha campaña de activación cara a primeira Folga de Mulleres do 8 de marzo, que se celebrará a nivel internacional.

Os paros, convocados tamén por UXT e CCOO, establécense en dúas horas laborais por quenda de traballo.

Faranse efectivos nas franxas horarias comprendidas entre as 00h e ás 02 horas, das 12 a 14 horas e das 19:30 a 21:30 horas.

Os detalles explicábaos esta mañá a delegada do sindicato nacionalista Marta Ferreiro na concentración celebrada esta mañá.