O grupo municipal do BNG en Vilagarcía deixa de confiar na vontade do grupo de goberno e pensarase o seu respaldo nos orzamentos deste ano.

I e que a formación nacionalista recrimina ao executivo municipal que as partidas importantes para o BNG dos orzamentos de 2017 están moi pouco executadas e o goberno non está cumplindo cos seus compromisos.

Por tal motivo, o grupo nacionalista vaise reunir cos colectivos sociais para coñecer as súas necesidade e decidir cal será a súa postura no pleno de aprobación das contas deste ano.

En caso de facelo, teñen claro que será condicionado por un mecanismo de control.

As demandas do BNG seguen a mesma liña que o ano pasado: fomento do emprego, promoción dos sectores productivos, do rural e culturais, e axudas ao estudo e ao IBI.

En Marea puxo en coñecemento da Fiscalía, d Consello de Contas e da Inspección de Traballo a súa denuncia de que no Concello de Valga existe unha trama de corrupción na que estarían implicados o alcalde, José María Bello Maneiro e o secretario e interventor municipais.

Segundo En Marea, “o alcalde José María Bello Maneiro mantén as prazas de secretario e interventor, cun salario moi inferior á que lles corresponde por categoría, o que disuade a outros funcionarios a optar a elas, de xeito que as prazas rematan sempre por estar vacantes”.

Desta forma, “o alcalde pode botar man de xente que lle resulte cómoda para o exercicio da súa actividade e non poña reparos á actividade do rexedor”

A cambio, o secretario e o interventor “son compensados mediante o pago de dietas ilegais”.

Ademáis, a formación denuncia outra irregularidade relativa “á adxudicación indebida dun contrato de reforzo administrativo a unha socia do interventor e exercicio das funcións por un terceiro socio”.

Así o explica o portavoz de En Marea, Luis Villares.

#hoxeenArousaPontevedraDíaaDía

#de12a1430

A EOXI de Pontevedra e O Salnés ven de ampliar a cobertura asistencial da unidade de Hospitalización a Domicilio -HADO- do Hospital do Salnés, que leva dez anos en marcha.

A iniciativa supón o incremento dun novo vehículo específico e un novo facultativo, co que se amplía a dotación ata os tres coches, tres médicos e tres enfermeiros.

Deste xeito, o servizo de HADO aumenta a súa cobertura aos concellos de Cambados, Illa de Arousa e Ribadumia, que carecían de atención a domicilio.

A unidade permite a determinados pacientes abandoar o centro antes de ser dados de alta, para continuar co tratamento no seu fogar. Ao longo deste tempo, miles de pacientes da área sanitaria de Arousa recibiron a asistencia e servizo domiciliario dos profesionais que integran esta Unidade do hospital arousán.

Así o explicaba esta mañá a doctora Fernández Arruty, na presentación da nova cobertura, acompañada de profesionais da Unidade de Hospitalización á Domicilio.

Concretamente, o balance asistencial de 2017 revela que a unidade de HADO do Hospital do Salnés efectuou un total de 1.536 visitas domiciliarias de índole médica e de enfermaría. Así mesmo, esta unidade atendeu 1.166 consultas telefónicas a un total de 239 pacientes durante o pasado ano, cunha estadía media de ingreso domiciliario de 11,1 días.

Os controis e informes desta prestación asistencial revelan que máis do 95 por cento dos usuarios amosa a súa satisfacción con esta unidade do Hospital do Salnés. A maioría dos pacientes que reciben a súa alta volven chamar aos profesionais da unidade HADO para consultar dúbidas.

Ademais de pasar revisión e facer curas, os profesionais de HADO levan aos domicilios todo o que precisan os enfermos, tal e como recibirían a asistencia se estiveran fisicamente atendidos nas dependencias do Hospital do Salnés.

Así, aportan dende gasas, soros ou cueiros, ata complementos alimenticios e toda clase de medicamentos, cuxas doses márcanse nun informe xunto cos números de teléfono aos que se poden dirixir as familias en caso de dúbida ou urxencia.

Tamén se efectúa un historial do enfermo para que, no caso de que sexa precisa a atención do 061 ou calquera outro servizo de emerxencias, os profesionais coñezan a súa situación.

A Mancomunidade de O Salnés non falla en FITUR e volverá a protagonizar unha das presentacións que se realizan na caseta de Turgalicia. 

O seu turno será mañá xoves ás cinco e media da tarde para presentar o seu proxecto Turismo 4.0, que aposta polas novas tecnoloxías á hora de ofrecer información ao turista sobre a comarca de O Salnés.

Os mapas da comarca que distribúe a mancomunidade, e a nova sinalización que instalará próximamente ofrecerán ao visitante a posibilidade de coñecer os recursos turísticos en realidade aumentada mediante o seu teléfono móbil.

Pero o gran protagonista de este ano será o concello de A Illa de Arousa que dará a coñecer os seus atractivos, que van máis aló das súas praias e da súa gastronomía.

O Concello elaborou un novo vídeo titulado Culturalmente... unha illa: A Illa de Arousa, no que se amosa a oferta cultural que ofrece este municipio, como o festival Atlantic Fest, os certames Cultura nos Cons e O Mar e unha flor e as festas do Carmen.

Para presentar o novo material, o actor vilagarcián Carlos Blanco, exercerá de mestre de cerimonias en Fitur.

Na delegación comarcal que asisten estes días a Feria Internacional de Turismo de Madrid estarán presentes, os alcaldes de A Illa de Arousa, Carlos Iglesias, de Vilagarcía, Alberto Varela; a cambadesa, Fátima Abal; Gonzalo Durán, de Vilanova, e David Castro, de Ribadumia, así como os concelleiros de Turismo de Sanxenxo e do Grove.

Así o explicaban o presidente da Mancomunidade de O Salnés, Gonzalo Durán, e o xerente da entidade comarcal, Ramón Guinarte.

Cambados enterrará o machismo no seu entroido.

A Concellería de Cultura que dirixe Victor Caamaño ten xa preparado o programa das festas máis divertidas do ano, o Entroido, que este ano celebrarase do venres día 9 ao mércores 14 de febreiro.

Nesta ocasión, deixanse de lado os persoaxes burlóns para adicar o mércores de cinza a visibilizar esta lacra coa queima do machismo.

Como se representará será unha sopresa pero os técnicos de cultura xunto cos alumnos do obradoiro de emprego serán os encargados de facelo.

O resto da programación será a habitual. O pistoletazo de saída será o venres as 22:30 horas na Praza de Alfredo Brañas, cunha adaptación cambadesa en clave de humor do coñecido programa de televisión "A túa cara soame"

Outra das actividades máis importantes do entroido é o desfile de carrozas que será o domingo 11 de febreiro a partir das 17:00 horas dende a Escalinata de San Tomé.

Xa o luns de entroido será o turno dos máis pequenos co baile infantil e o concurso de disfraces. Ademáis, tamén se celebrará o tradicional concurso de filloas. Todo elo desenvolveráse no Salón Peña dende as 17:00 horas.

O martes de entroido Cambados acolle na Praza de Alfredo Brañas o gran concurso de disfraces de adultos e o concurso de comparsas.

No caso de choiva, as actividades trasladaránse ao Salón Peña, agás o desfile de carrozas que mudaría de día.

Os detalles deste entroido cambadés os explicaba esta mañá o concelleiro de Cultura, Victor Caamaño.

#hoxeenArousaPontevedraDíaaDía

#de12a1430

Como era previsible, non houbo acordo entre as partes e a demanda presentada polo narcotraficante galego Laureano Oubiña contra a presidenta da Fundación Erguete, Carmen Avendaño, por unha suposta difamación irá a xuizo.

Será o 27 de febreiro ás 12.30 horas.

Así se determinou na vista previa celebrada esta mañá no xulgado de instrucción número 2 de Vilagarcía na que compareceu a presidenta de Erguete pero non o histórico narcotraficante por non ser necesaria a súa presencia.

Oubiña reclámalle a Avendaño unha indemnización de 1 euro, e non 150.000 como se publicara en diferentes medios, en concepto de dano ao seu honor por decir nunha entrevista radiofónica que traficaba con máis sustancias que o haxis.

Ambas partes ratificábanse nas súas posicións a saída do xulgado.

#hoxeenArousaPontevedraDíaaDía

#de12a1430

A Concellería de Economía de Cambados promove unha charla informativa de educación financeira na que se explicarán claves de aforro e métodos para superar a costa de xaneiro.

Terá lugar en Exposálnes este xoves 18 de xaneiro ás 20:30h e será impartida pola asesora financeira Patricia Doldán e polo edil de economia Xurxo Charlín.

Ambos avanzaban esta mañá a importancia de estar ben asesorados pensando no futuro.

#hoxeenArousaPontevedraDíaaDía

#de12a1430

A Plataforma en Defensa da Sanidade Pública do Salnés retoma as mobilizacións en contra da supresión da área sanitaria da comarca establecida na nova Lei de Saúde da Xunta.

O colectivo arousán convoca unha concentración o vindeiro mércores ás 12.30 horas ás portas do hospital comarcal e súmase á manifestación promovida por SOS Sanidade Pública que se celebrará o 4 de febreiro en Santiago.

Nolo contaba a presidenta da Plataforma, Rosa Casal, tras un encontro dos socialistas galegos coa Xunta de Persoal do Hospital do Salnés.

Na reunión estivo presente o secretario xeral do PSdeG-PSOE, Gonzalo Caballero, acompañado de alcaldes, alcaldesas e cargos públicos e orgánicos do partido na comarca e na provincia.

#hoxeenArousaPontevedraDíaaDía

#de12a1430

O novo parque infantil de Beleco en Cambados estará listo nun par de semanas.

A empresa adxudicataria xa comezou á colocación dos columpios e a creación dunha pequena pista deportiva por parte dos alumnos do Obradoiro de Emprego.

Queda pendente a instalación do solo de caucho e o peche perimetral.

Os detalles explicáronnos esta mañá durante unha visita ás obras o arquitecto municipal e o concelleiro de obras, José Ramón Abal, que tamén adiantou outros proxectos a realizar mediante o Plan Concellos, ao igual que se financiou este parque.

#hoxeenArousaPontevedraDíaaDía

#de12a1430

A Illa de Arousa amosa unha renovada imaxe do paseo de Ribeira do Chazo despóis dunha actuación de mellora da seguridade e pavimentación realizada entre o Concello e a Xunta de Galicia, a través dunha axuda da Orde de Infraestruturas de Vicepresidencia

As obras, realizadas nun tramo de 200 metros, supuseron un investimento de 116.000 euros, dos cales 40.000 euros foron aportados polo Goberno galego.

Deste xeito, mediante a colaboración entre Concello e Xunta púidose mellorar este espazo, a súa salubridade e seguridade, recuperando unha parte da localidade que se estaba a degradar.

Así o explicaban o vicepresidente da Xunta, Alfonso Rueda, e o alcalde de A Illa, Carlos Iglesias, durante unha visita á zona supervisando a actuación realizada, na que tamén abordaron futuros proxectos.

Este ano, o Concello aproveitará as axudas de Vicepresidencia para dotar de equipamento o edificio de usos nauticos recén creado.