O Concello de Vilanova investiu preto de 15.000 euros na última mellora realizada á gardería municipal coa ampliación do espazo de xogos.

Trátase dunha actuación nunha infraestructura que, segundo o alcalde Gonzalo Durán, fai máis viable o aumento de poboación.

#hoxeenArousaPontevedraDíaaDía

#de12a1430

O avogado do autor confeso da morte de Diana Quer renuncia a súa defensa.

Así llo trasladou o letrado esta mañá a José Enrique Abuín durante a reunión que mantivo con el no cárcere de A Lama, no que permanece O Chicle tralo seu traslado o mércores dende a prisión de Teixeiro por seguridade.

O avogado indica que deixou a defensa por falta de confianza no seu representado: "para poder exercer nun asunto penal é necesario creer total e honestamente no que se está facendo" e "exercer con pasión e amor a profesión e neste instante difícilmente eu o podo facer", asegura.

"Unha vez que deixamos a defensa, haberá un montón de compañeiros que se ofrecerán a exercer a defensa", segundo vaticionou Sierra.

Sobre o seu último encontro co Chicle únicamente detallou que o viu "tranquilo", e desmentiu que tivera falado telefónicamente con ningún membro da súa familia.

O Porto de Vilagarcía logrou o ano pasado un novo record no tráfico portuario, ao rexistrar 1,2 millóns de movementos de mercadorías, 100.000 toneladas máis de que en 2016.

As cifras aportounas esta mañá a presidenta da autoridade portuaria, Sagrario Franco, ao facer balance do exercicio de 2017.

Segundo Sagrario Franco, a evolución do porto de Vilagarcía é notable dende os últimos seis anos nos que soubo "reiventarse" no período de crise, abríndose a novos mercados e realizando importantes inversións, 17 millóns de euros, na mellora das infraestructuras.

O Concello de Cambados mellora a seguridade viaria no entorno do Colexio de Corvillón atendendo a unha petición da comunidade educativa do centro.

Concretamente, o goberno local modifica a ordenación do tráfico restrinxindo o paso dos camións de alto tonelaxe, procedentes das conserveiras da zona, e desviandoos polo vial de Tragove

Asimesmo, instalaranse dous reductores de velocidade nos accesos ao colexio.

Para dar a coñecer estas modificacións, a policía local comezou xa unha campaña informativa destinada ás empresas conserveiras.

Nolo contaba o concelleiro de Obras e Servizos, José Ramón Abal.

Vilagarcía recibirá 2,5 millóns de euros do Plan Concellos da Deputación correspondente a 2018-19, unha cifra que supón 1 millón máis que o destinado no anterior plan provincial.

Así o anunciaba esta mañá o deputado de Cooperación Municipal, David Regades, nunha visita realizada ao Concello na que mantivo unha xuntanza co alcalde Alberto Varela.

O temporal con fortes ventos e precipitacións provocou danos destacados no Concello de Sanxenxo, onde sobre as 10 horas da mañá se chegou a xerar un tornado que se levou por diante, por terceira vez, un tramo do paseo de madeira de A Lanzada, que acabou no entorno do colexio de Noalla.

Dado que a situación se repite, o alcalde Telmo Martín xa reiterou á Xunta a necesidade de que o paseo se reconstrua cun material máis resistente para evitar perigos como o de hoxe.

Asimesmo, as fortes ráfagas de vento romperon as chapas do pabillón deportivo do centro educativo, que foi evacuado por seguridade.

As clases quedaron suspendidas para a xornada de mañá e se estuda a posibilidade de retomalas o venres.

O tornado ocasionou tamén numerosos destrozos noutros puntos do municipio, como en Vilalonga, onde o vento levantou os tellados de vinte vivendas e de dúas naves industriais.

Ademáis, o temporal tamén é o causante do apagón eléctrico rexistrado ás 9.40 horas que afectou a máis de 2.500 abonados, debido a un incendio no transformador de Noalla.

Tamén se tiveron que realizar intervencións por balsas de auga debido ás intensas chuvias.

Afortunadamente, non houbo que lamentar danos persoais, agás a atención sanitaria a unha persoa de idade que presentaba un estado de nerviosismo ao ver levantado o tellado da súa vivenda.

Tras avaliar todos os desperfectos, os equipos municipais de obras e emerxencias están xa traballando na reparación dos danos, tal como explicaba o alcalde Telmo Martín.

O fenómeno foi detectado por Meteogalicia, ainda que se descoñece a intensidade concreta, xa que non hai unha estación no punto.

En todo caso, os ventos rexistrados no entorno de Sanxenxo, onde o tornado entrou pola zona de Portonovo, foron de 107 kms por hora en Cabo Udra, 90 kilómetros por hora en Ons e 73 kilómetros por hora en A Lanzada.

O Plan Rector de Usos e Xestión da Illa de Cortegada, o PRUX, elaborado pola Xunta de Galicia, non modificará as actuais condicións de explotación que veñen desenvolvendo os sectores marisqueiro e turístico.

Non restrinxe as zonas de marisqueo e tampouco haberá cambios nos cupos de visita á illa.

O documento está en fase inicial de tramitación para ser sometido a exposición pública nas vindeiras semanas e xa operativo durante este verán.

Así o trasladou a directora xeral de Patrimonio Natural, Ana Díaz durante a presentación do Plan celebrada esta mañá no Concello de Vilagarcía, nun encontro no que estiveron presentes os sectores productivos do mar, empresas turísticas, asociacións veciñais e entidades de Carril, ademáis de representantes do goberno local.

Asimesmo, en marzo farase un simulacro de incendio para comprobar a coordinación dos servizos de emerxencias.

O alcalde Alberto Varela aproveitou o encontro para solicitar á Xunta que a illa de Cortegada conte con medios propios para a extinción de lumes así como a posta en marcha dun centro de interpretación.

Ao remate do encontro, o rexedor salientaba que a reunión deixou tranquilidade nos sectores productivos.

A Mancomunidade do Salnés conta dende agora cunha ferramenta máis para a loita contra a vespa velutina.

Trátase dun Camión Guindastre 4x4 que supuxo un investimento de arredor de 112.000 euros, dos cales case 74.000 corresponderon a una subvención aportada poe Vicepresidencia da Xunta a través do Fondo de Compensación Ambiental.

O vehículo conta cun longo guindastre de entre 30 e 40 metros, e cun cesto homologado con espazo para dúas persoas, que permitirá eliminar niños de vespa velutina situados a gran altura e difícil acceso.

Tamén permitirá instalar nas palmeiras o tratamento contra a enfermidade do picudo vermello, así coma a poda das ramas destes árbores ou doutros que poidan por en risco a seguridade dos cidadáns.

O vehículo entrará en funcionamento ao longo das vindeiras semanas tan pronto estea equipado coas pértigas e demáis elementos necesarios para a eliminación dos niños.

Os detalles explicábanolos o presidente da Mancomunidade, Gonzalo Durán, e o delegado da Xunta en Pontevedra, José Manuel Cores Tourís, no acto de presentación do vehículo, acompañados da Directora Xeral de Administración Local da Xunta, Marta Fernández.

#hoxeenArousaPontevedraDíaaDía

#de12a1430

Os nenos e nenas de Vilagarcía que participaron no Campamento Urbano de Nadal organizado polo Concello clausuraron esta mañá a actividade no pabillón do colexio de A Escardia.

Os pequenos estiveron acompañados polas concelleiras de Xuventude, Sonia Outón, e Benestar, Tania García, que os agasallaron con exemplares do conto "Os Bolechas no Castro de Alobre", xa que este foi un dos temas que traballaron no campamento.

Posteriormente recibiron ao Paxe Real.

Nolo contaba a concelleira de Xuventude Sonia Outón.

#hoxeenArousaPontevedraDíaaDía

#de12a1430

O goberno local de Vilagarcia ten xa unha solución para desbloquear a redacción do PXOM, que quedou paralizada coa renuncia de Eptisa, adxudicataria dos traballos.

A primeira opción, que para o Concello sería a idónea, de ceder o contrato aos extraballadores de Eptisa, non pode ser porque expirou en 2012.

O goberno local tampouco ve factible empezar dende cero, así que se opta por unha solución intermedia: sacar a licitación a parte que falta por rematar cun contrato menor e poder realizar a aprobación inicial do PXOM e o período de alegacións durante este ano.

Así o explicaba o alcalde Alberto Varela, trala reunión celebrada esta mañá cos portavoces dos grupos da corporación municipal para analizar os informes dos técnicos e as propostas presentadas.