Caldas terá un novo edificio Multiusos que centralizará a escola taller, a escola de música, o invernadoiro e as cocheiras.

Estará ubicado no entorno de Santa María, onde, ademáis se reordenará o espazo público nun total de 1.348 metros cadrados de superficie.

O investimento da actuación ascende a máis de 1 millón de euros, financiados case nun 80% pola Deputación de Pontevedra dentro do Plan de Reequilibrio provincial.

A tramitación do proxecto xa está iniciada pero será lenta xa que o futuro Multiusos ubicarase nun entorno por onde pasa o Camiño de Santiago e preto da Igrexa de Santa María, polo que hai que contar coas aprobacións correspondentes de patrimonio.

En todo caso, o alcalde de Caldas, Juan Manuel Rey, agarda que as obras estean rematadas en xuño de 2019.

Así o explicaba esta mañá o rexedor durante a sinatura do convenio coa presidenta da Deputación, Carmela Silva.

Vilanova agarda a chegada dos Reis Magos de Oriente este venres pola tarde.

Como é habitual, as Súas Maxestades chegarán en barco e repartirán 500 kilos de caramelos na cabalgata que sairá as 5 da tarde dende o Concello.

No caso de que a chuvia non pare, o Concello ten xa un plan alternativo cunha festa no Multiusos, onde se distribuirán xoguetes a todos os nenos que asistan.

Nolo contaba o alcalde Gonzalo Durán.

O Concello de Vilagarcía adquiriu dous novos vehículos para a sua flota de servicios de obras e vías públicas.

Os dous furgons son híbridos gasolina - gas para danar menos o medio ambiente, marca Dacia de primeira man e custaron 22.000 euros en total.

Repsol comprometeuse a servir gas nalgunhas das estacions de servizo da zona pero polo de agora solo funcionarán con gasolina.

Así o explicaba o concelleiro de Obras e Servizos Lino Mouriño na presentación dos vehículos.

Cambados volve a organizar un ano máis a San Silvestre Solidaria nunha IV edición que se celebrará o domingo 31 de decembro a partir das 16:30 con saida dende a praza do concello.

A proba xa ten máis de 400 inscritos nas categorías de chupete, mini, promesas e absoluta.

Haberá premios para os gañadores e tamén para os mellores disfraces, así como sorteos e un flashmob.

I e que a San Silvestre é unha carreira lúdica e solidaria para disfrutar en familia na que tamén se valora que a xente acuda disfrazada para despedir o ano da forma máis divertida posible.

Así o explicaban esta mañá o concelleiro de Deportes, Victor Caamaño, e o presidente do Club Atletismo de Cambados, organizador da proba, Fernando Patricio.

O Concello de Cambados renova a súa flota de vehículos do departamento de Obras e Servizos cun investimento de case 33.000 euros financiados co Plan Concellos da Deputación.

Son unha fregadora un camión e unha furgoneta, con máis capacidade de carga, todos eles de segunda mán, que permitirán mellorar os traballos de limpeza e mantemento, conservación de viais.

Os detalles explicábannos esta mañá o funcionario municipal Alex González e o concelleiro de Obras, José Ramón Abal.

Novas Xeracións do PP de Vilagarcía organiza un partido solidario de fútbol sala en beneficio de Cáritas.

A iniciativa terá lugar este sábado día 30 ás 17 horas no Pabillón de Fontecarmoa e no encontro xogarán os mozos da formación contra os veteranos do PP vilagarcián.

Tanto os xogadores como os asistentes aportarán alimentos non perecedeiros que se destinarán a Cáritas Interparroquial de Arousa.

Os detalles explicábanos esta mañá o presidente de Novas Xeracións do PP de Vilagarcía, Raul Santamaría, e o presidente de Cáritas, Francisco Fernández.

Os tránsitos náuticos incrementáronse un 9% este ano nos portos deportivos das Rías Baixas e un 7% nos de Galicia.

Son cifras que desvelaba esta mañá o presidente de Portos de Galicia, José Juan Durán, nunha visita ao porto de Pedras Negras en O Grove para facer balance da actividade náutica anual.

O presidente de Portos lembrou que deste xeito, a comarca das Rías Baixas e a provincia de Pontevedra confirman a consolidación desta actividade portuaria que experimentara xa nos pasados anos un importante ascenso e que no que vai de verán está a manter os bos resultados.

Así mesmo realizou balance económico do volume de negocio xerado por esta actividade. Durán Hermida indicou que en toda Galicia, a cifra de volume de negocio no sector auxiliar da náutica e o sector servizos das vilas portuarias superou os 2,5 millóns de euros, e máis de 1,7 millóns no referido á provincia de Pontevedra.

Ante as cifras rexistradas, que van en consonancia coas dos últimos anos, Portos de Galicia mostra a súa satisfacción pola constatación da consolidación dunha actividade de importante impacto económico non só no sector portuario e náutico, senón no conxunto das vilas que acollen instalación náutico recreativas.

Para Portos de Galicia, a captación de novos tránsitos é unha liña de traballo estrutural, tal como se recolle no Plan Estratéxico da Náutica Recreativa 2012-2020, que o ente público está a poñer en práctica.

Para impulsar estas chegadas, estanse a desenvolver accións promocionais dos portos deportivos de Galicia a nivel nacional e internacional, como a súa presenza recente nos salóns náuticos de La Rochelle e París, en Francia, ou a súa próxima participación en Fitur 2018.

Cambados despedirá o seu ano como Cidade Europea do Viño cun evento especial.

Será un brinde colectivo con badaladas e espumosos Rías Baixas que terá lugar o 30 de decembro na Torre de San Sadurniño a partir das 11.30 horas e no que tamén se contará coa figura de Floreano, da tira cómica de Gogue.

A idea é, ademáis, que Cambados, as caricaturas de Floreano e os espumosos Rías Baixas formen parte da seguinte edición do spot de Gadis Vivamos Como Galegos.

Así o explicaban esta mañá o dibuxante Gogue, Yolanda Bóveda da empresa de mermeladas con albariño La Mariquita de Azúcar e o Concelleiro de Enoturismo, José Ramón Abal, convidando á toda a cidadanía á que participe do evento.

O Concelleiro de Pode Cambados, José Ramón Abal, considera que o PP pode quedar nunha situación moi delicada se no pleno deste próximo 28 se demostra que non existen as irregularidades contables denunciadas polo portavoz popular Luis Aragunde.

O edil de Pode Cambados reafirma así agora a súa confianza cara o concelleiro de Somos e edil de Economía e Facenda, Xurxo Charlín, tal como fixo xa na comisión informativa previa ao pleno, celebrada a pasada semana, e na que votou en contra da moción que o PP presentará na sesión extraordinaria.

Abal entende que pese que a crise de goberno non está totalmente pechada sí se puido encauzar o diálogo e a situación está máis normalizada.

A Consellería do Mar, a través de Portos de Galicia, ven de rematar a execución das obras de construción dos pantaláns para embarcacións pesqueiras no peirao do Xufre, na Illa de Arousa, realizadas cun orzamento de máis de 700.000 euros.

A actuación, demandada de xeito reiterado pola confraría de pescadores do Xufre, dará servizo a máis de 300 embarcacións pesqueiras que se ordenarán en 3 filas de pantaláns.

En concreto crearanse 291 prazas para esloras de seis metros; 13 para esloras de oito metros; unha para esloras de 10 metros; e tres para esloras de 12 metros. Esta capacidade dá resposta á demanda actual de prazas e reserva prazas dispoñibles para cubrir as necesidades futuras.

Agora queda pendente a construción de pantaláns para 4ª lista (embarcacións mexilloeiras) durante o ano 2018. Os traballos están xa en proceso de licitación e contarán cun investimento de 4,4 millóns de euros contemplados nos orzamentos de Portos de Galicia xa aprobados para o vindeiro ano.

Así o explicaba esta mañá a titular do departamento autonómico, Rosa Quintana, que visitou a zona acompañada do presidente de Portos de Galicia, José Juan Durán, e o patrón maior da Confraría.