Cambados volve celebrar unha iniciativa solidaria co fin de recadar fondos para a Fundación GaliciAme, que preside a cambadesa Merchi Alvarez.

Nesta ocasión será unha Gala promovida pola Asociación Deportiva Gran Jeté de Cambados, que incluirá e ximnasia rítmica, ballet clásico e galego, zumba, bailes de salón e capoeira con exhibicións de 250 intérpretes.

Tamén haberá diferentes sorteos entre o público asistente.

A cita será o 23 de decembro no pabellón do Pombal a partir das 17 horas con entradas a 1,50 en venta anticipada e 2,50 en taquilla.

Os detalles nolos contaban Estefanía Dios, de Gran Jeté, e Merchi Alvarez, que tamén nos falaba do seu encontro con Richard Gere no Senado.

O acto de presentación da Gala contou tamén coa presencia do Concelleiro de Servizos Sociais de Cambados, Tino Cordal.

A Deputación de Pontevedra pon en marcha a terceira fase do Plan Revitaliza.

A institución provincial abre unha nova e última convocatoria para que os concellos que quedaron atrás poidan adherirse ao plan provincial de compostaxe.

De maneira paralela vanse adquirir novos centros de compostaxe comunitarios e composteros individuais, entre os que se inclúe a novidade dos composteros de terraza e balcón.

De todo elo falamos co vicepresidente da Deputación, César Mosquera.

O BNG presentará no Parlamento de Galicia unha enmeda de devolución á Lei de Saúde, aprobada hai uns días no Consello da Xunta, para frear o que califican como “un novo atentado á saúde pública”.

A portavoz nacional do BNG, Ana Pontón, e a deputada Montse Prado reuníronse esta mañá coa Xunta de Persoal do Hospital do Salnés para abordar a reforma que elimina as áreas sanitarias converténdoas en distritos.

Tanto o grupo parlamentario nacionalista como a Plataforma en Defensa da Sanidade do Salnés consideran que o goberno do PP “está primando os intereses privados ante o dereito das persoas a unha sanidade de calidade, o que xa se traduce en listas de espera e peores servizos sanitarios”

Por todo elo, o BNG anuncia ademáis que vai promover unha fronte política e social.

Así o explicaban a portavoz nacional Ana Pontón e a presidenta da Xunta de Persoal Rosa Casal, ao remate da reunión.

O Concelleiro de Cambados Pode, José Ramón Abal, non quere adiantar nada sobre o seu posicionamento sobre a petición do PP solicitando o cese do edil de Economía, Xurxo Charlín, que se debaterá no pleno extraordinario do 28 deste mes.

Segundo Abal, todavía descoñece o contido da iniciativa popular que, asegura, colleuno por sorpresa.

De principio, Jose Ramón Abal considera que se trata dun tema "grave" e esquiva responder cal será o seu voto.

O Concelleiro de Pode explica que terá que analizar co seu partido a moción e tomar una decisión "con responsabilidade e seriedade, pensando no interese xeral dos veciños e veciñas".

A decisión final, di Abal, "coñeceráse no pleno do día 28" pero polo de agora, seguirá "centrado nas actividades da Cidade Europea do Viño".

O Concello de Vilanova recupera a Gala do Deporte para homenaxear aos mellores deportistas do municipio de cada ano.

A iniciativa non se celebra dende hai 6 anos e agora o goberno local pona outra vez en marcha.

Máis de 20 deportistas de numerosas disciplinas recibirán o recoñecemento polos seus méritos este domingo día 17 de decembro ás 17 horas no multiusos.

Así o explicaban esta mañá o alcalde, Gonzalo Durán, e o técnico de deportes, Manuel Docal.

Os primeiros traballos con xeorradar no entorno de Cálago están xa dando os primeiros resultados que demostran a existencia de elementos arqueolóxicos no subsolo da croa.

Así nolo explicaba o alcalde Gonzalo Durán.

A Concellería de Enoturismo presentará no pleno deste vindeiro día 28 de decembro unha proposta de irmanamento coa cidade de Cigales, en Valladolid.

É un dos resultados das dúas viaxes de promoción do albariño que o edil José Ramón Abal realizou a pasada semana a esta localidade capital do rosado e tamén a Ardoaraba en Vitoria.

O Concelleiro dixo estar gratamente satisfeito co conseguido en ambas, xa que coa cidade vasca realizarase un intercambio de promocións de productos propios de cada zona vitivinícola.

O portavoz do PP, Luis Aragunde, defende a xestión do seu equipo de goberno ante os datos aportados hai uns dias polo concelleiro de Economía Xurxo Charlín.

Todo elo, a consecuencia da moción de cese deste último que o PP presentará no pleno do día 28.

Aragunde asegurou esta mañá que recurren a vía plenaria debido a que o equipo de goberno non lles entrega a documentación fiscal requerida.

Neste sentido, o portavoz popular responsabiliza á alcaldesa Fátima Abal da situación actual de “desgoberno” e explica que ainda que a facultade de cesar a Charlín é únicamente competencia da rexedora o pleno sí pode acordar a retirada da retribución salarial que o concelleiro de Economía percibe por media dedicación.

Portos de Galicia iniciou a tramitación para que a tan demandada dragaxe do peirao de Carril se realice no terceiro trimestre do ano que ven, como paso previo á reordenación dos pantaláns.

Avanzouno o presidente da entidade portuaria, José Juan Durán, que esta mañá mantivo en Carril unha reunión de traballo co patrón maior da confraría de pescadores, José Luis Villanueva, e con outros representantes do pósito.

A dragaxe atópase actualmente en fase de estudios previos de carácter ambiental e Portos de Galicia espera que esta actuación poida ser contratada ao longo deste ano. Unha vez dragado o fondo mariño, Portos procederá á ampliación das prazas de amarre e a ordenación da frota nos pantaláns.

Así mesmo, Durán Hermida confirmou na reunión que Portos de Galicia está a estudiar a petición da confraría de ampliar as súas dependencias no edificio da lonxa, concretamente na segunda planta.

Dende o ente público estase a definir a fórmula administrativa axeitada para poder destinar esta planta a aulas de formación e zona de servizos para a confraría, tal e como foi solicitado.

A adopción de medidas para evitar a discriminación laboral por razóns de sexo é un dos temas que se analizaron hoxe en Vilagarcía nunhas xornadas organizadas polo sindicato UXT.

A iniciativa contou coa presencia da presidenta da deputación Carmela Silva, que calificou de “intolerable2 que non se tomen medidas cando o 96% dos parados de novembro son mulleres.

Ademáis, o sindicato considera fundamental integrar medidas de igualdade de trato e de oportunidades entre homes e mulleres tamén na negociación colectiva, tal como explicou a secretaria de Igualdade de UXT, Mónica Rodríguez.

O Sindicato fai fincapé en que a igualdade no traballo é un dereito ao que non se pode renunciar.