Case a metade dos participantes este ano no programa Vives Emprega de Vilagarcía conseguiron un traballo por conta allea.

A terceira edición foi clausurada esta mañá tras catro meses de formación e coa satisfacción de constatar o alto nivel de empregabilidade.

Así o poñian de manifesto a coordinadora do proxecto, Silvia Gálvez, e a concelleira de Igualdade de Vilagarcía, Tania García durante o acto de clausura.

O Itinerario Vives Emprega consiste na creación de equipos de traballo formados por persoas desempregadas en situación ou risco de exclusión, as cales melloran as súas habilidades sociais e as súas competencias para o emprego a través de sesións grupais, sesións personalizadas, creación de redes e posicionamento no contexto directo.

Iniciáronse esta mañá os traballos de exploración con xeorradar no xacemento de Cálago, que se pospuseran a consecuencia do temporal.

A actuación, financiada pola Xunta cun investimento de 10.500 euros, permitirá buscar elementos no subsolo do xacemento co fin de programar una segunda fase de excavacións de cara ao ano que ven.

Os traballos de campo, executados polo grupo de investigación Aquasol da Universidade da Coruña, durarán arredor de cinco días.

Así o explicaban esta mañá o representante da empresa encargada dos traballos e o alcalde Gonzalo Durán no inicio da actuación.

Mantense a alerta laranxa por fortes ventos e precipitacións en toda a provincia de Pontevedra como consecuencia do primeiro temporal de outono.

As previsións apuntan a que as precipitaciones vaian remitindo conforme avanza o día.

Mentres, os servizos de emerxencia fan balance das principais incidencias.

Unha delas foi en Sanxenxo, onde o paseo peonil de madeira de A Lanzada volveu sufrir os efectos do vento, ao igual que o pasado febreiro.

As fortes rachas que chegaron a preto de 130 kms hora levantaron un tramo de 30 metros da estructura que acabou noutro lado da PO 308.

A Xunta estuda agora a mellor forma de reforzar este novo treito afectado, tendo en conta as limitacións medioambientais da Rede Natura.

Por eso quizás non será posible repoñelo cunha estructura de formigón como solicita o Concello de Sanxenxo para que a situación non se volva a repetir.

Así o explicaban esta mañá o director da Axencia Galega de Infraestruturas, Francisco Menéndez, e o alcalde de Sanxenxo, Telmo Martín, durante a supervisión dos danos causados.

Polo demáis, os concellos vanse recuperando das numerosas incidencias que o paso do temporal deixou nas nosas comarcas: árbores e contedores caidos, decoración navideña volcada e numerosas bolsas de auga en rúas e estradas.

En Vilanova, operarios municipais recolocaron á árbore de Nadal que caeu pola forza do vento e volverá a estar en funcionamento entre esta tarde e mañá.

Ademáis, os ríos normalizan os seus cauces nunha recuperación inmediata dos caudais perdidos durante os meses de seca, adquirindo en poucas horas as imaxes de inverno, como no caso das fervenzas de Barosa en Barro.

I e que as precipitacións recollidas durante a xornada deste domingo chegaron a ser de máis de 180 litros por metro cadrado nalgunhas zonas.

Nas estradas de titularidade autonómica a situación está totalmente normalizada, segundo decía o director da Axencia Galega de Infraestructuras.

O Salón Peña de Cambados convértese este decembro nun “Nadal de Conto”, un campamento infantil que se desenvolverá entre os días 22 e 31 de decembro recreando unha fábrica de xoguetes na que os nenos participarán coas súas ideas.

A iniciativa incluirá numerosas actividades como zumba, música en directo e obradoiros

Ademáis, a programación de Nadal contará coa visita de Papá Noel e do Apalpador e os nenos tamén poderán recibir o Ano Novo anticipado cos tradicionais lacasitos da sorte e viño espumoso para os maiores.

Tampouco faltarán actividades nas parroquias, a cabalgata de Reis e un concurso de postais nos colexios

Paralelamente, realizarase tamén unha recollida de xoguetes para os nenos máis desfavorecidos.

O Campamento infantil está organizado polo Concello de Cambados, en colaboración coa Asociación de Comerciantes Zona Centro.

Unha ampla programación de Nadal que presentaban esta mañá os Concelleiros de Cultura, Promoción Económica e Servizos Sociais, Victor Caamaño, Xurxo Charlín e Tino Cordal, respectivamente, acompañados do Presidente de Zona Centro, Juan Rey.

A Escola de Danza Begoña Fontan celebra este domingo día 10 unha Gala Benéfica na que se recadarán fondos para a protectora de animais de Vilagarcía.

A Gala tendrá lugar a partir das 19 horas no Auditorio de Vilagarcía e 60 alumnas de entre 3 e 16 anos realizarán unha representación de ballet clásico de nadal.

O custe das entradas e de 3€, que se destinarán íntegramente á protectora de animais de Vilagarcía, e poderanse adquirir na escola de danza, na protectora de animais e no auditorio o mesmo día da actuación.

Dende a protectora de animais agradecen esta iniciativa e animan á adopción, xa que no centro viven actualmente 202 cans e 120 gatos, cifra que aumenta por momentos.

A maiores, as alumnas da escola elaboraron unha axenda e un calendario con fotografías realizadas por José Luiz Oubiña en lugares emblemáticos de Vilagarcía e que poñen a venda a un prezo de 5 euros.

Así o explicaban esta mañá Begoña Fontán, responsable da Escola de Danza, e Angeles Cifuentes da Protectora de Vilagarcía.

O auditorio de Ribadumia acolle este sábado 9 de decembro ás 19 horas o I Festival Benéfico de Cantos de Taberna, en beneficio de Esmar, entidade de apoio ás vítimas de violencia de xénero.

As entradas están á venda a un prezo de 5 euros.

Para saber os detalles falamos en AROUSA PONTEVEDRA DIA A DIA con Soledad Cores, vicepresidenta de Esmar e organizadora do Festival.

O presidente de Portos de Galicia, José Juan Durán Hermida, atópase no Salón Náutico de París para participar na acción de promoción exterior que levan conxuntamente este ente público e a Axencia de Turismo de Galicia coa intención de captar visitantes dos principais países de Europa cara ao sector náutico-recreativo de Galicia.

As perspectivas son de grande interés e esta promoción prodúcese a petición dos xestores náuticos de Galicia que ven con grande interese a presenza da nosa Comunidade neste tipo de eventos.

Esta acción transversal sirve tamén de preámbulo preparatorio para o vindeiro Ano Santo Xacobeo que terá no turismo náutico unha das súas particulares estratexias de captación de tráficos e mercados no exterior do noso país.

O pleno da corporación municipal serviu para que o concelleiro de Pode, José Ramón Abal, deixara patente o seu desacordo cos seus socios de goberno.

Ademáis de cambiar de sitio no escano, tal como anunciara, deixando o que viña ocupando ao carón de Xurxo Charlín, tamén rompeu a disciplina de voto apoiando unha moción do PP en respaldo dos Corpos de Seguridade do Estado polo “acoso” sufrido en Cataluña.

Ademáis, abstívose nunha moción de Somos contra a proposta de lei autonómica de Iniciativas Empresariais.

Unha situación que, sen embargo, para a alcaldesa, Fátima Abal, entra dentro da normalidade no funcionamento dun goberno cuatripartito con diferentes ideoloxías.

Asimesmo, a rexedora segue trasladando ao concelleiro de Pode un chamamento ao diálogo e avanza que continuarán as reunións da comisión de seguimento do pacto.

O Concello de Vilagarcía pretende a creación de ciclovías no centro urbano para dotar ás rúas de mellor mobilidade.

Para tal fin, o goberno local encargou un estudio a un equipo de expertos de Vigo, que presentaron o documento esta mañá.

A rede de ciclovías desenvolveráse en tres fases: a primeira de calmado de tráfico e peonalizacións, que xa está realizando o concello; a segunda sería a creación das ciclovías polo entorno do casco urbano e a terceira, que consistiría na unión con estas vías de Carril e Vilaxoán.

Polo momento, a administración local aprobou en Xunta de Goberno a execución do proxecto que se financiará con fondos FEDER e que se podería levar a cabo no 2018.

De principio, executaríase a metade da segunda fase, presupuestada en máis de 300.000 euros polas rúas Avenida de Cambados, Rodrigo de Mendoza e Alexandre Bóveda.

A ciclovía quedaría ubicada nunha das marxes e suporía a posible eliminación de aparcamentos ou a reducción do ancho dos carrís.

Segundo o estudio elaborado por Jam 2 Arquitectos, o total da segunda fase ascendería a uns 850.000 euros máis os 800.000 euros que custaría realizar a terceira fase.

Os detalles explicábannos esta mañá a concelleira de Urbanismo Paola María e o arquitecto Alexandre Mouriño.

O Concello de Cambados organiza este domingo unha xornada no Campo de Golf de Meis para achegar este deporte ás mulleres.

Unhas 50 mulleres poderán participar nesta actividade denominada "Golf en Feminino Plural" compartindo almorzo, experiencias e mesa redonda sobre "O Golf como Xestor de Emocións".

Ademáis tamén recibirán un "Bautizo de Golf".

A inscripción é gratuita e habilitarase un autobús de ida e regreso.

Así o explicaba esta mañá a alcaldesa Fátima Abal na presentación da iniciativa.