O gordo da lotería de Nadal, 71198, non quedou por cerca, tocou en Vilalba, pero sí o fixo o segundo premio, o 51244, do que foron vendidos dous décimos no Grove con 125.000 euros por décimo.

Concretamente, vendéronse na administración de loterías situada na Aldea Comercial da Illa de A Toxa. Non se sabe a quen, pero probablemente foran adquiridos por algún dos turistas que visitan A Toxa cada ano.

Nolo contaba Socorro Álvarez, a rexente dende hai tres anos do quiosco onde tocou a sorte.

Ademáis deste segundo premio, outros dous décimos dun quinto premio, o 22253, quedaron en Peralto, tamén no Grove.

A nova piscina de Cambados e o seu complexo deportivo de O Pombal será unha realidade a finais do ano que ven,

A Deputación adxudicou a obra á UTE Prace Servicios e Obras e Copsesa por 846.744,99 euros o que supón unha pequena rebaixa do 0,5 por cento sobre o prezo de licitación

A próxima Xunta de Goberno da Deputación porá fin ao trámite administrativo do proceso.

Así o anunciaba esta mañá a presidenta provincial, Carmela Silva.

O novo proxecto contempla as obras necesarias para corrixir as deficiencias e incluirán a substitución da cuberta do complexo dada a deficiencia en transmitancia térmica que presenta e así como a actualización das instalacións de climatización do complexo deportivo.

O novo edificio integrarase no espazo urbano colindante reducindo o impacto ambiental, mellorarase o confort térmico, unificaranse o vaso e a praia da piscina cos espazos lindeiros para así mellorar a resposta funcional deste espazo e modificarase o peche para que limite a demanda enerxética que se precisa para acadar o benestar térmico.

Con esta reforma tamén se mellorará a eficiencia das novas instalación para así cumprir coa normativa aplicable grazas á instalación de sistemas de eficiencia enerxética que reducirán o consumo enerxético mediante o control e a regulación da temperatura, a mellora do sistema de iluminación coa integración de equipos altamente eficaces e con sistemas de control e integración de luz natural e a mellora do sistema de xeración da auga quente sanitaria e o de quecemento da auga da piscina.

Vilanova abre este sábado a súa programación de Nadal Cultural chea de actividades para os máis pequenos, con inchbles, pintacaras, persoaxes de Disney e animación.

A programación complétase, ademáis, con cine, bailes de fin de ano e a Cabalgata de Reis.

Nolo conta o tenente de alcalde, Javier Tourís.

A Banda Municipal de Vilagarcía recupera o seu tradicional Concerto Extraordinario de Fin de Ano, tras o impáss do ano pasado por motivos de reestructuración do equipo.

Será o día 28 de decembro ás 20 horas no auditorio coa presencia de 70 músicos sobre o escenario que durante algo máis dunha hora interpretarán pezas sinfónicas e os tradicionais de Strauss.

As entradas terán un prezo de tres euros e pódense adquirir no auditorio os días 26 e 27 de 15 a 20 horas.

Os detalles nolos contaban esta mañá na presentación do concerto o Presidente do Padroado da Banda, Lucas Meda, e o director da mesma Jesús Nogueira.

Nova iniciativa solidaria a favor de Esperanza Salnés.

Desta volta parte do Restaurante Yayo Daporta de Cambados, que destina ao colectivo o 50% dos beneficios que obtén pola venta dunha botella de auga filtrada, nunha campaña que se puso en marcha no verán e que terá carácter indefinido.

De momento levan xa recadados 1.100 euros, que o chef cambadés entregou esta mañá ao xerente de Esperanza Salnés Augusto Chaves, quen tamén explicaba a situación “caótica” que segue atravesando o colectivo de axuda a discapacitados.

O Concello de Ribadumia e o CEIP Julia Becera Malvar asinaron esta mañá un convenio para a posta en marcha dun proxecto de prevención contra o acoso escolar.

A iniciativa concretarase en charlas e obradoiros estruturados en tres bloques como intelixencia emocional, habilidades sociais, mediación e resolución de conflitos.

Os destinatarios serán os alumnos de educación prirnaria e secundaria, asi como os do Programa de mellora do aprendizaxe e rendemento.

O obxectivo é previr conductas inadecuadas e casos de acosa escolar entre o alumnado

O Concello farase cargo do 50 do custe das actividades ata un máximo de 600 euros máis ive por trimestre. O restante correrá a cargo do CPI Julia Becerra Malvar, sendo o orzamento aproximado para o segundo trimestre de 1080€.

Así o explicaban o director do centro, José Antonio Barroso, e o alcalde, David Castro, durante a sinatura do convenio.

O Trío vilagarcián Trimentes estrea este Nadal en Vilagarcía o seu novo espectáculo “The Game” dirixido para toda a familia.

Será no Centro Comercial Arousa os días 22 e 23 de decembro ás 19 horas no antigo local de Os Telares, con entrada de balde ata completar o aforo de 120 persoas.

Trátase dunha representación dun video-xogo, con iluminación e efectos especiais, pensado para a diversión dos máis pequenos que formará parte da programación do Centro Comercial durante as vacacións de Nadal, que, ademáis, inclue teatro, maxia, zumba, contacontos, pintacaras, manualidades e obradoiros de cociña.

Os detalles nolos contaban Al Guanella, un dos integrantes de Trimentes, e o xerente do Centro Comercial Arousa, Luis de Ballina.

Novas sentencias, e xa van 15, volven dar a razón aos emigrantes retornados.

O Tribunal Superior de Xustiza de Galicia ordena unha vez máis a Facenda devolver o diñeiro cobrado no seu día a retornados que pertencen á Plataforma de O Salnés.

Novas sentencias que para o colectivo supoñen outra gran victoria, tras catro anos de loita reivindicativa.

Así o explicaba Xosé Lois Leirós, portavoz da Plataforma nunha nova concentración celebrada esta mañá ás portas da sede da Axencia Tributaria de Vilagarcía.

A comisión de seguimento das obras do Auditorio do Esteiro de Vilanova celebrou esta mañá unha nova reunión coa presencia de representantes da deputacion e do concello.

Segundo explica o alcalde, Gonzalo Durán, as obras avanzan pese a un pequeno retraso no suministro do sistema de calefacción que quedará resolto en quince días por parte da Deputación.

A cervexa artesá Extrema de Arousa, ubicada en Vilanova, doará o 7% das súas vendas entre o 15 de decembro e o 15 de xaneiro á Protectora de Animais de Vilagarcía.

Unha campaña solidaria que estará amadrinada por Miss Pontevedra, Tamara Balsa.

A iniciativa foi rubricada esta mañá en Vilanova entre o representante de Extrema, Juan Ramón Fernández, e Angeles Cifuentes por parte da Protectora de Vialgarcía.